بندر العتيبي © القناة الرسمية
الحسابات الرسمية :
سناب : bit.ly/2CMLU2o
تويتر : bit.ly/32k9XOV
تيك توك : vm.tiktok.com/...
القناة الثانية : bit.ly/2Ey5akC
الجوال : 00966552428209
كان ماجبت الثقيلات الجزيله
احذفوه اسمي من الموروث كله
وكان ماجبته بكساب الجميله
تب شعرن مايجي في وقت حله
طاب راس اللي مواقيفه مهيله
ماحسب درب الخطر دقه وجله
اعتزا والربع جاوب في صهيله
وستواله كاسب العليا وتله
ماحسب عمره وهو توه بجيله
يبتسم للموت وحجاجه يفله
لين اخذهم والخطر يلطم عويله
كل شبرآ قدم عينه يستحله
وتكل ب الله وفر الجيب ويله
وقوة ايمانه وباسه دافعله
افخرن به ي طويلات الجديله
وغير صفاته حشا لاتتعبله
اشهد انه وافيآ مافيه حيله
هذا لاقالو فعوله يشهدله
ارحم الله بطنها ذيك الكحيله
انجبت حرآملك للعز كله
انجبت جابرويسوا له قبيله
ابو امشيره والفخر يبقا بسجله
الشحاعه والمواقيف الجليله
وفزعة اللي كايده وقته وذله
ي عسا الفردوس يشرب سلسبيله
وفي جنان الخلد ماواه ومحله
22 сен 2024
