يعيش أهل بلدي وبينهم ما فيش .. تعارف يخلّي التحالف يعيش تعيش كل طايفة .. من التانية خايفة .. وتنزل ستاير بداير وشيش لكن في الموالد .. يا شعبي يا خالد .. بنتلم صحبه .. ونهتف : يعيش يعيش المثقف على مقهى ريش .. محفلط مزفلط كتير كلام عديم الممارسة عدو الزحام .. بكام كلمة فاضية وكام اصطلاح .. يفبرك حلول المشاكل قوام يعيش التنابلة في حي الزمالك .. وحي الزمالك مسالك مسالك تحاول تفكر تهوب هناك .. تودر حياتك .. بلاش المهالك لذلك إذا عزت توصف حياتهم .. تقول الحياة عندنا مش كذلك وممكن تشوفهم في وسط المدينة .. إذا مر جنبك .. أتومبيل سفينة قفاهم عجينة .. كروشهم سمينة .. جلودهم بتضوي .. دماغهم تخينة سنانهم مبارد تفوت في الجليد .. مافيش سخن بارد .. بياكلوا الحديد ما دام نهر وارد .. وجاي م الصعيد .. تزيد الموارد .. كروشهم تزيد وتسمع وتسلم بأن التنابلة أو الأكالين .. حيسمح كبيرهم .. ويعمل مقابلة مع الفلاحين ويحصل تحالف .. ما بين الجميع .. ونملا المصارف .. بدم القطيع أطيع الخليفة .. أطيع التنابلة .. دا مفروض عليك .. وتزرع وتبعت لحي الزمالك وحي الزمالك .. مسالك مسالك .. تحاول تفكر تهوب هناك .. تودر حياتك بلاش المهالك .. لذلك ، إذا حد جاب لك سيرتهم .. تبسمل تكبر .. وتهتف كذلك يعيش الغلابة .. في طّي النجوع .. نهارهم سحابة .. وليلهم دموع سواعد هزيلة .. لكن فيها حيلة .. تبدّر تخضّر جفاف الربوع مكن شغل كايرو .. ما يتعبش دايره .. لا ياكل .. ولا حتى يقدر يجوع يا غلبان بلدنا .. يا فلاح يا صانع .. يا شحم السواقي .. يا فحم المصانع يا منتج .. يا مُبهج .. يا آخر حلاوة .. يا هادي .. يا راضي .. يا عاقل .. يا قانع ما تتعبش عقلك .. في شغل السياسة .. وشوف أنت شغلك .. بهمّة وحماسة وعوّد عيالك فضيلة الرضا .. لأن إحنا طبعا .. عبيد القضا ورزقك ورزقي ورزق الكلاب .. دا موضوع مؤجل ليوم الحساب كمان الصحافة .. حتكتب في حالتك .. وتنشر مناظر لخالك وخالتك وتطلع يا مسعد عليك الغناوي .. وتسمع بإسمك .. في قلب القهاوي تحبك مشيره وبنات الجزيرة .. وقصة غرامك .. تشيع في الرداوي يعيش عم مسعد ... يعيش يعيش يعيش .. يعيش أهل بلدي
لا اله الا الله محمد رسول الله مقهي ريش مقهي بوسط القاهره من ايام ثورة 1919 مثل متاتيا و كانت اماكن لتجمع القراء و المثقفون و الثوار اجمل تحيه للاخوه بالمغرب العربي القدس لنا انشاءالله
الله يرحمك ياعم امام ويرحم أيام حوش قدم ومقهى ريش فاكرتنا باايام زمان كنا نذهب اثناء عملى بجامعة القاهرة مرة كل شهر الى مقهى ريش كانت أسعاره مرتفعة عن باقى المقاهى ولكن كان له جو مميز خاص به وكان من الممكن ان ترى بالصدفة احد من مشاهير الادباء او الصحفيين مثل صلاح جاهين واحمد رجب الشيخ سيد مكاوى وغيرهم وكان بالمقهى على الحوائط مجموعة كبيرة من الصور التاريخية الفريدة ونظرا لبعدى عن مصر وعدم السفر اليها منذ 15 سنة لااعرف ان كان قد هدم او تغير أتمنى ان يكون مازال موجودا تحية من القلب الى أيام جميلة لن تعود
يعيش التنابلة فى حى الزمالك و حى الزمالك مسالك مسالك تحاول تفكر تهوب هنالك توصل حياتك للمهالك لذلك اذا عزت توصف حياتهم تقول الحياة عندهم مش كذلك تملى تشوفهم فى وسط المدينة...اذا مر جنبك اتومبيل سفينة افاهم عجيينة ...... كروشهم سمينة جلودهم بتضوى .... دماغهم تخينة سنانهم مبارد تفوت فى الجليد مفيش سخن بارد بيكلو الحديد مادام نهرى وارث و جى من الصعيد تزيد الموارث كروشهم تزيد و تسمع و تسلم بان التنابلة اوى اكلين حيسمح كبيرهم و يعمل مقابلة مع الفلاحين ويحصل تحالف ما بيين الجميع
يعيش اهل بلدى و بينهم مفيش تعارف يخلى تحالف يعيش تعيش كل طايفة من التانية خايفة و تنزل ستاير بداير و شيش لكن فى الموالد يا شعبى يا خالد بنتلم صحبة و نهتف يعيش يعيش اهل بلدى يعيش المثقف على مقهى(ريش) يعيش يعيش يعيش محفلط مزفلط كتير الكلام عديم الممارسة عدو الزحام بكام كلمة فاضية و كام اصطلاح يفبرك حلول المشاكل اواام يعييش يعييش يعييش
