تبارك وتعالى الله ، بقدر مشاهدة لفن التوثيق وتصوير المناطق أو أي موضوع تودين توضيحه لمتابعي قناتك الرائعة ، ألا أني أرى في شخصك الكريم ذلك الإنسان القنوع الذي يرى نفسه دائماً راضياً لا يلهث وراء الأطماع الكثيرة التي تملأ الدنيا، وبنفس كريمه تعلمه أن يكون قوياً وراضٍ بما قسمه الله له من رزق ... 🌹 أسأل الله تعالى وتبارك الصحة والعافية ولأسرتك ومتابعيك 🌹🇰🇼🌹.
لاتبجيني بهالليل والله قلبي رهيف مايتحمل هالكلام التواضع قيمة رفيعه وعاليه أحاول جاهده اتمسك فيها وأمارسها والحمدلله تربيت على هالشي حامدته وشاكرته👍🏾🌺 جزاك الله خير الجزاء على هالكلام الطيب اللي مايطلع الا من طيب جزاك الله عني كل خير🌺🌺🌺
اسال الله العلي العظيم ان يرزقك ويرزقني بيت الملك وكل ماتتمني يارب اللي لفت انتباهي ماشاء الله لاقوة الابالله السيارات بالكويت مافيه سيارات قديمه متهالكه لوكل الخليج ياخذون هالفكره ننعم بجوصحي خالي من تلوث السيارات .تحياتي لك من🇸🇦ه
بسم الله .ماشاء الله .نسأل الله لكم بكل خطوة خير دنيا والاخرة 🌼⚘🌼.اسماء بعض مناطق جميلة وذات تاريخ عريق وهذا دليل على اعتزاز مسؤولين عن الكويت بعروبتهم ورموزهم ...هل تعلمين انا من العراق كنت قبل دخول امريكان ادرس في مدرسة اسمها خالد ابن وليد بعد دخول امريكان غيرو الاسم الى شخصية تخص طائفة موجودة الان بلعراق ..لهذا نفرح باسماء ذات تاريخ مجيد
وعليكم السلام ورحمة الله وبركاته … وصبحج الله بالنور والسرور حبيبتي … وفعلا منطقة الصديق من المناطق الهادية جدا وكل شي فيها مرتب ….. والله يهنيكم فيها يا ساكني هالمنطقة …. واضح المنطفة جديدة حتى التشجير مو وايد مو نفس مناطق محافظة العاصمة واتوقع تكون نموذجية مستقبلا …. وما شاء الله المساجد في كل مكان …. عسى الله يحفظ هالديرة …. وقواج الله حبيبتي 🌹
عليكم السلام ورحمة الله وبركاته تبي الصج البيت او القصر اللي أبيه في الجنه أنما الدنيا الفانيه يكفيني ان عندي باب وسقف يسترني آنا وبناتي والله يشهد على كلامي مشكور على الدعاء لي بالخير وماقصرت🌸🌸🌸🍃
السلام عليكم✋🏾🌺 مساء الورد حبيبتي لينا انا لو بتلاحظين ماشية بالدور تقريباً خلصت محتفظة العاصمة والحين بديت حولي بتغطية منطقة الصديق ياواش ياواش علي ياي الدور حبيبتي ومايصير خاطرج الا طيب🌺🌺🌺
@@user-xr4sk6xh7j انا كنت في المستشفى وقت طلوع روح والدتي رحمة الله عليها كان دوري اكون معاها الله يعفو عنها ويغفر لها وشفت كل مراحل طلوع الروح والحمدلله تخطيت هذا المشهد وفراق الام والابو حار انا معاك بس الحياة تستمر وماتتوقف الله يمسح على قلبكم ويصبركم ويآجركم🌺🤍
نسيت ما قلت ليك أنه برامجكم ممتعة بزاف ، في برنامج كويتي قديم اسمه الدهريز وتفرجت على حلقة تعرف بالاواني الكويتية التقليدية هو صراحة حلقات هذا البرنامج واو كلها مفيدة وحتى في برنامج اسمه دهن العود مع سعود ومقدم البرنامج سعود المزيعل يتكلم فيه عن ثرات الكويت وشفت حلقة يتكلم فيها عن اليلوة أو الجلوة الكويتية صراحة مزاج لاحظت انه الجلوة البحرينية و الكويتية تتشابهان كثيرا صراحة روعة وحتى البحرين عندهم الألبة بس تختلف عن الكويت❤️🇲🇦❤️🇰🇼❤🇧🇭❤
يردني الوقت في هالمنطقة جنوب السره او كنا قبل نسميها بر مشرف الى زمن الهدوء .. لانه كشتاتنا فيها في الثمانينات .. كانت لها هالمنطقه نكهة مختلفه لما نكشت عطله 15 .. كانت جنوب السره او بر مشرف تسع الجميع والكل يبني مخيم وغير ملاعب كره القدم وكرة طائره واذكر في وقت ظهور مايكل جاكسون طلعت علينا روف خشب يقولون له بيست .. يطلعون يرقصون عليها ويقلدون فيه مايكل ... هذا غير السمرات اللي تصير واللمه الحلوه .. كانو العاده في عطلة 15 الاهالي اللي عندهم فلوس يسافرون واللي حالهم عادي مثلنا يسنترون في البر .. كانت اللمه والجمعه الحلوه تجمعنا وكنا نحسها بيت يجمعنا واذكر اللي ما عنده بصل او طماط او عيش ياخذ من جيرانه في البر ... ويضيق خلقنا لا قربت نهاية طلعتنا وبنرد لبيوتنا والمدرسه .. وكأن فقدنا ناس تعرفنا عليهم او جمعة ورفجه طيبه بنفترق عنهم ... بالفعل رديتني لدروب محفوره بالذاكره والقلب يحن لها .. ادري اني شطيت وايد .. بس حبيت اضيف شي للمنطقه .. تسلمين 🌹
الله عليك وعلى سوالفك وذكرياتك تبارك الرحمن مداخلتك حلقة كامله الله أكبر عساني ماانظلك الله يحفظك 🌸🍃أشكرك من القلب على هالذكريات اللي تخلي الواحد يسرح معاك ويعيش هذيج الأيام👍🏾🌸🍃🤓