حبيبى السلام عليكم ورحمة الله وبركاته اخويا وحبيبى حنكوش ياصلات النبى صلى الله عليه وسلم حبيبى فى الله يا حنكوش اخوك فى الله محمود عفيفى القاهره المقطم
@@حنكش خلاص هات لى اتنين مجانين و رابالتين و ح اديك تمنهم لما اجيلك انا قربت .....انت جربت الريشة متهيألى دى فرصة لتجربتها مش ح نخسر حاجة انت قلت مفيش غير القاروصة و حاجة تانية يعنى لو جربت و رميت الريشة مرتين تلاتة مش ح تخسر حاجة .....اصل الموضوع ده يهمنى لو الطعوم الصناعية شغالة الواحد يشترى دماغه من الطعوم التانية اهى نضيفة و ممكن تحطها فى جيبك انا شخصيا ح اجربها بس انت مختلف تقييمك لها و حساسيتك فى الصيد ممكن يقيمها احسن و الواحد بعد كده يبطل لعب فى الطين و الزفارة يعنى لما بيحبوا يجيبوا جزمة كورة جديدة بيخلوا رونالدينهو إلى يجريها و يحكم عليها مش يجيبوا لعيب سكة.......ح اقول لك معلومة غريبة تخيل ان الجيش الصيني بيعتبرها من مهمات العساكر زى فرشاة الأسنان و بيقول انها بتنفع فى جميع انواع المية الموجودة فى العالم حلوة مالحة بحر بحيرات برك أى مكان و بيقول انها بينفع مع جميع انواع السمك تخيل .....هى فيها الوان بس الأبيض ابو رأس حمرة أحسنهم و بيحطوا ساعات عينين و لو نقطتين سود كده على الجنبين فى الرأس حاول اعمل لك سبحة كده فيها أربعة و التقل تحت و لو انك مش بتحب الحكاية دى بس ح تخلص على شعر العروسة و تخليها قرعة كله علشان الصيد بس لو الرمية ح تجيب تلاتة أربعة او اتنين قاروص ح نخش على عرايس الجيران
و بعدين بقي أنتم تشبطوا الناس و ترجعوا تحذروهم ده المفروض تخش على الريس بتاع المينا و تقول له يعمل رصيف صيد انشالله يكون له بوابة برسوم و ح يجيب تمنه و صيانته كمان ...ح تعمل زى الراجل إلى كان بيقول انه عمال يطلع فى لوت و زهق و زعلان لانه عايز قاروص مع ان ساعتها مفيش ولا مصيد كان شغال و لما حنكش بيقول له انت بتصطاد فين يرد لا اصله مكان ممنوع ...ممنوع منين و هو بيصطاد و عايز ينقى قاروص و بربون و سلطات و يغير طلبية اللوت ما يكونش بيصطاد من مذرعة لوت فى الخباثة
أبناء الدخيلة ازاى يعنى هم كام ابن يعنى و طبعا السلسلة لأبناء السلسلة و مارينا لأبناء مارينا لا يا حبيبى دى ارض الحكومة ده كده بيقول لك انت شخصيا ما تجيش حدودك ٢١
