السلام عليكم انا عمري ماطرزتش بالماكينة الصغيرة من الاول طرزت بالماكينة انديستريال وكانت السرعة كبيرة تعدبت في الاول وتعطلتلي الماكينة وصلحتها ورجعتلها السرعة صغيرة ولكن مع الارادة والعزيمة الحمد لله الان راني نطرز وتعلمت وحدي ويكتر خيرو اليوتوب وشكرا
اذا كانت المشينة تيعك لندستريال تعرضي الغرزة من العراض الموجود تحت الطاولة نعرضو بيع بواسطة الركبة أما اذا كانت المشينة صغيرة نعرضو من مفتاح تغيير عرض الغرز
👍👍ومزيد من النجاح ه😍 اتمنى من الله العلي القدير أن يمن عليكم بالصحة والعافية ويبعد عنكم كل الشرور ومزيدا من التألق والعطاء دوما إنشاء الله 👈🔔لامام دايما 👈🔔🔔اللهم صلي وسلم وبارك على سيدنا محمد وعلى آله وصحبه وسلم تسليما كثيرا😍اللهم إني أسألك باسمك الطاهر الطيب المبارك الأحب إليك، الذي إذا دعيت به أجبت، وإذا سُئلت به أعطيت، وإذا استرحمت به رحمت،وإذا استفرجت به فرجت، اللهم إني أدعوك الله، وأدعوك الرحمن، وأدعوك البر الرحيم،أن تغفر لي ولأصدقائي، وترحمنا يا رحمن يا رحيم، يا سميع يا عليم، يا غفور يا كريم
شكرا مفهمتكش كي تزيدي في العرض تع الغرزة ميخرجلكش الطرز فوق القماش او هناك مشكل ثاني شوفي أختي ارواحي في المسنجر تيعي الفيس بوك اسمو الجوهرة للطرز الانيق ارواحي وانا نفهمك حبيبتي ومرحبا بيك
نعم حبيبتي نعم فهمتك على حسب قولك هاذاك البولون يترخف ويتحبك لما تحطي الزيت في المشينة في هاذيم المنطقة وتزيري هاذاك البولون الزيت ميسيحش على القماش يبقى داخل المشينة ولما ترخفيه الزيت يخرج هاذي قالهالي عامل الصيانة والله أعلم انا مزال مجربتهاش شكرا ومرحبا بيك
شوفي حبيبتي هاذ اسمو بلوكاج شفتي الرودة لي جهة اليمين لي نطلعو ونهبطو منها الابرة طلعيها بقوة وهبطيها بقوة متخافيش ظرك يتنحى البلوكاج راني عاملة فيديو شوفيه
يعطيك الصحة اختي انا عندي نفس لماشينة بصح المشكل العراض ماهوش يخدملي العرض يعني يكون في غرزة الصفر و يزيد مامبا نصف سم و ميعرضليش للخر ممكن شرح من فضلك
احسنتي طرزكي صحيح حبيبتي انا أيضا ساعات تحكملي نطرز بالرجل مي كنت نخدم بالمشينة الصغيرة كنت نستعمل الرجل صحيتي يا الفخلة المحترفات هوما ليطرزو بهاذ الطريقة
حبيبتي ساهل تنقصي في السرعة لكان عندك موتور دجتال نقصي منو من الارقام دريها في سرعة متوسطة او تنقصي من السرعة من هاذا الحظايد في زوج لخارجين من البيدال ولاصقين في هاذوك الثقبات تحت الطابلة تع المشينة جربي باثقبة حتى تتحصلي على السرعة المطلوبة لكام مفهمتيش ارواح نفهمك في المسنجر تيعي
السلام عليكم حبيبتي جوهرة ماشاء الله دائما متألقة بعملك وشرحك المبسط شكرا على هادا الشرح لكن أنا العراض مايعرضليش الطرزة ياسر كيماتاعك مانيش فاهمة بلاك مبلوكي وهاداك الفيس لي ترخفيه من الفوق عاد مايعملش عاد يدور وحدة يعني ما يتزيرش المهم فهميني فقط في العراض تركيبة باه يكبرلي الطرزة ونعمل بيه الفيس مايهمنيش كي يخدملي العراض وشكرا حبيبتي مرة ثانية
سلام لحبيبة شكرا هذا الفيديو جاني في وقتو ديما يبعثك ربي ليا منين نتسائل على اي حاجة نلقاك نزلتي فيديو .هذا وين بديت على المشينة الجديدة لي حكيتلك عليها طرزت بالخيط تاع لخياطة نورمال بصح كينطرز بلحرير يلسق في بلاصة وحدة مافهمتش علاه قليلي برك الكنات باه تعبيها بالخيط نرمال ولا كاين تاع الطرز سبيسيال ؟ وسمحيلي كثرت عليك.
