تبارك الله عليك الأخت فيقتينا بزاف الأمور خصوصا في ما يخوص انواع المواد مليكونت في دار اشيخ والفت نشري غير الماركت دوك ماقدرتش ولقيت الحل معاك ؤختي ربي يقدرك ويوفقك مزيد من انجاح
ما شاء الله عليك عجبتني قناتك تمدي أفكار رائعة و جد مفيدة ربي يعين كل واحد على غلاء المعيشة 10 دج على 10 دج في آخر العام راهي ترجع دراهم تقدري تشتري بيهم يالوكان قدرة ولا كوكوطة و ..... شكرا حبيبتي ربي يحفظك و ينجحك في هذا المجال بإذن الله
صباح الخير والبركة مشاء الله عليك، ياريت النسا كيفك ربي يبارك فيك ويعطيك الخير أمي تقول الخير قالولو وين تحب تكون قال عند إلي عندو امراة تتهلى فيا .ربي يحفضك
فكرتيني في العام الأول فالجامعة و الإقتصاد الجزئي، حتى مازالني نوجد في أطروحة الدكتوراه، بالصح بعدت شوية على هذي المواضيع راني مع السياحة والنمو، أدعيلي ربي يوفقني راني شوية كسولة فالآونة الأخيرة مع الخدمة والذراري.
سلام حبيبتي يعطيك الصحا والعافية ماشاء 👏 الله عليك تعجبيني بزاف واضحة وصريحة ربي يوفقك ويفرحك ويهنيك انشاء الله والله غالب ضروف ووضع حالي هو لفرض علينا هاد سياسة تقشف ربي يصلح بلاد وعباد ويفرحها علينا ام الاء من وهران متتبعة وفية ليلتك سعيدة حبيبتي
كرهت من الاقتصاد الرزق علي ربي من لرمضان حي وميت كيكونوا عندي نقلش روحي وكي يكونوا معنديش نتقشف ايه تعلمي حاجة حامي تجي علي اعصابك باه تكفي الدار عن تجربة وقت القضبان اقضي باه ولادك يترباوا علي الشبعة ومتحاوليش تقولي نبني الدار ونقص من كرشي اني معاك بصح والله من بعد تمرضي 12عام زواج خلاصة تجاربي تعيشي اليوم
نصيحة برك متذكريش كلمة قريت قارية قارية انا متتبعة جديدة عاودت شفت فيديوهاتك محتواك روعة لكن تحرير بزاف هاد الكلمة انا تخرجت تخصص علم النفس وخدمت ووليت قعدت علجال ولادي وكاين اللي من عائلة زوجي ميعرفوش بلي انا قارية تالمون منذكرش هاد الكلمة جاااامي وعندي 11سنة زواج إن شاء الله تتقبلي النصيحة هذا رايي الشخصي خاطر والله نكره اللي يذكر هاد الكلمة
جل جافال ماعدش نشريه نشري الجافال المركز باللتر ثناش الف يخدملك خمسة لتر ونعمر بخاخة ونزيد على الجافال سائل الاواني يتحول الى جال جافال حتى سائل الاواني يتباع باللتر ثمنالاف اللتر خاثر وينظف وريحتو روعة هاذي بدائل حتى الصانبون عوض الواحد يشري امير سبعطاش الف لي النوعية ديالو تبدلت وماعادتش كيما الاول وليت نشري تع العبر لتر بستين دينار يعني فرق حداش الف في السعر والنوعية افضل بكثير
السلام عليكم ورحمة الله تعالى وبركاته يعطيك الصحة انا مقاطعة الدجاج هزيت من ضرف اللحوم 200الف ورحت شريت شوي فرماج ومناشف للمطبخ وغاسول لليدين وحبل لماعن ورق الطهي وخليتهم في بيت لخزين يعني استغيلتهم منعرف لراني صحيحة والا غالطة
مجرد رائ خاص كنت تعوضيهوم سردين احسن ....سعر في نواحي السواحل راه معقول اختنمي فرصه كي يكون سعر رخيس و اشري كميه و خبيه في مجمد قسمي الكميات في اكياس و اجبدي كل اسبوع و جبه ....نتمني نكون افدتك
بارك الله فيك أختي، راني متتبعة جديدة وليت تقريبا كل يوم نحوس على فيديوهاتك الجديدة ألف شكر ليك نصائحك وكلامك تحسيه نابع من القلب، ربي يوفقك وربي يجازيك واصلي أختي....نتمنى ليك المزيد من التألق
@@oum-sadjed هاذي هي نقتصد بلا ما نقولو ما نستحقش يفتخر بيا ومن بعد ينقصلي المصروف ماشي قصدي من التعليق اني مانقتصدش العكس راني خبرة خمسطاس سنة اقتصاد بافكار لا تخطر على البال 😉 لكن مع نفسي لان الزوج مبذر انا نربط الحزام وهو يرخف
@@MinaMina-dl6vt حطيت تعليق آخر مثلا شراء مواد التنظيف باللتر جافال سائل اواني سائل ملابس عند محلات مختصة نوعية رائعة واسعار خيال مثال آخر القهوة انا ندير بلارة اضافية كل يوم نحي كمية صغيرة تع القوة لي نستعملها حتى نعمر باكي بلا مانحس ولما نروح نشري نلقى روحي ربحت باكي غير من البيت اما نخبي دراهمو ونجبد البلرة لي وفرتها اما نشري باكي ونخبيه كرطونة رمضان نفس الشي بالنسبة للسكر كل مرة اجبدي كمية عمريها في علبة وكانك تسلفي لجارتك حتى تلقاي لميتي كيلو او أكثر حطيه في قضيان الشهر مجاني نفس الشي خبي دراهمو ولا اشري مكانو كيلو وخبيه لرمضان وهي رايحة كاين فكرة الصرف في الجوارب جورب الالفراكات كي يعودو عشرالاف بياسيهم عشرالاف بياسة وخبي الجورب الثاني تع العشرالافات كي يتلمو عشرة بياسات حوليهم لورقة تع مية وخبيهم في جورب الميات حتى تلمي خمسة ولا مليون ويروحو للكموسة مثلا كاين افكار اخرى كل يوم يخلي الزوج مبلغ خمسن دينار للكرواصون للاطفال كي يروح نخبيهم ونخزلهم كسرة نظيفة افضل من تع بر ويتعودو على اكل البيت وانا نخلص روحي خمسة الاف نخبيها وهاذي التصرفات الله غالب لما يكون الزوج مبذر ط لازم تخبي دراهم من وراه للطواريء وللادوات المنزلية اذا كان الراجل ماعندوش الراي لازم المراة تحاول بكل الطرق
@@MinaMina-dl6vt كاين صديقتي شرات آلة الغسيل من دراهم القازوز كل يوم يخلي الزوج مية وخميس دينار تع قرعة قازوز كبيرة تخبيهم الزوجة وعودت ولادها يشربو الما عادي القازوز مرض ملونات وغازات ومواد حافظة ومسرطنة في الشهر اكثر من ربعمياتالف عشر شهور ربعة ملاين هذا بلا ماتحكي على القاطو تع الزنقة لي منعاتو وخدمتلهم قاطو في الدار وفرت دراهمو
صدقتي عندما قلتي الدول المتقدمة تشوف سعرات حرارية وحنا نرفدو وخلاص انا تعلمتها منعند لي طرونجي هنا وليت نشوف مقبل منرفد اي حاج خاصة المواد تجميلية وحتي مواد الغذائية
مشاء الله عليك بنتى شلفية في هاد غلاء نصحتى من مقتصدا تاع 31 سنة تاع زواج لما يزيد ثمن نقص كمية هدى فلخضرة ونشرى بجملة فلقضيان ونقص مشتريات معدا الاساسية *يقلك تاع بكرى طاطى لريح كى جى وتروح .شلفية (من تنس).حاليا نسكن في وهران.
يا ختي تبانلك بلي مزال الحال بصح والله كون تبداي من ضرك بشوية شوية متحسيش كي يجي رمضان على خاطر مصروفو بزاف و كان تشريه على ضربة راح طيحي على لرض مانسايش بلي مور رمضان راح يجي العيد الصغير . العيد الكبير و الدخلة تاع ذراري
انا عاملة و الحمد لله و مرانيش مبذر ة و نحس بقيمة الدراهم و نحب نقتصد مي زوجي يقولي انتي مزيرة و تحسبي بزاف مع رانا مع اشغال البناء و مصروف الاطفال ...مثلا الىحم يجيب فخذ و يقولي دريه كامل للعشا نحب مورسو كبير و انا نحب نقطعوا و نطيب ....المهم تدبيرة لبنات اشروا صانيبوا تاع الامير و خلطوه مع صانيبوا تاع برا ليبعون الف للتر
يعطيك الصحة يا ام ساجد بصح بغيت نقولك انا كنت دايما نتبع الحاجة رخيصة يصح كاين الفرق في الذوق مثلا طعام سباك رخيص وصح مش مليح هي تبالي خير الامور اوسطها. المهم انا اول مرة ندير جام الفيديو عجبتني فيك الثقة في النفس
ياختي الحاجة الاولى لتوفيها اكياس الزبالة 19الف استعملي اي اكياس من لنشرو فيهم الخضر والكارانتيكا راهي6الاف انتي شريتيها9الاف والتونا 15الف انتي شريتيها 24 ربما الاسعار تختلف في كل ولاية
