العريس عندنا في مصر بيجب موسم تقريبا كل شهر خد عندك , مولد النبي، عيدالحب، رمضان، عيد الفطر، عيد الأضحي، عيد الحب، عيد الأم، عيد ميلاد العروسة حرام ولله الشباب هتلحق تجهز نفسها أمته
عشان كده بنقول نبطل العادات ديه لانه لما بيجيب بيبقا طبيعي مستني الرد من أهل العروسة وبكده بنحمل الطرف التاني برضو فوق طاقته يبقا نوقف موضوع المواسم ده ومحدش ينتظر من التاني حاجه
يا فندم الحل الوحيد أنه يتقوا ربنا ويتعاملوا مع الاعياد ده على أنها بدعه كده يبقى حيرضي ربنا ويوفر شويه الفلوس إلى حيدفعهم. .....والحل التاني بلاها جواز احسن ما خش السجن علشان الفلنتاين
وكمان لازم يفهموا أن قوامه الرجل بتبدأ من اول تجهيزه لبيت الزوجيه والعروسه تدخل بشنطه هدومها ابوها م يتكلفش جنيه أقل جهاز عروسه النهارده بنص مليون يجهز شقته ع قد إمكانياته
المفروض الدلع اللى فى السنين الصعبة ينتهى ونبقى عمليين . الاهل نفسهم اى حد يتقدم للبنت ولما يحصل . يافاجئ انه حكم عليه بالغرامات فى الاعياد والمناسبات . من اول الدبدوب مرورا بعيظ الام وعيد ميلاد حماته لغاية حلاوة المولد والاعياد . ساعاتها نفهم ليه الشباب مضربين عن الزواج . صدقونى ياريت نكون عمليين وننسي عادات ومناسبات مكلفة ومرهقة للناس والدين منها براء .
الشاب لو خطب سنه او حتي سنه وشويه تيجي ايه المصاريف اللي بيصرفها قصاد اللي بياخده من اهل البنت طول سنين جوازهم من اول الصباحيه وصنية الاتفاق مرورا بالاعياد والمواسم والعزومات يعني بيتردلوا أكتر من اللي صرفه بكتير جدا ده غير الدهب اللي بياخده يمكن من اول أسبوع جواز فالمفروض يكون فيه رحمه من الطرفين