هونك يا اللي صوب المـﮕبره ماشي اِبْأبونه هونك ما شبعنه من حلو نظرة اعيونه العيد ما يسوه بلا شوفة علي الكون وﮔفت نبضته علي مالت رﮔبته قالع الباب اِبـْيمينه مات اِوْ بردت يمنته اِلـْقارعه اِوْ خير العمل للـﮕبر وسفه انحمل اِوْ عافها الليله يتيمه اِتـْهل دمعها اِبْنيّته رايح اِلـْكلـّه دفو اِوْياه اخذ حضن الأبو اِلـْتارس الدنيه اِبـْحنانه الطبره ترست هامته منظره وسط النعش بيه رعب ليل احدعش ارتفاعه خِطـِّيْ شايل راس اِوْ تـﮕطر شيبته حيدر الليله اوّل مرّه ما يبـﭼـي اعله زينب حيدر ساكت اِوْ عالمغتسل جسمهْ اِيْتـﮕلـّب مال عرش الله بعد عين الولي علي من جفنه انطبـﮓ الموت من موته اختنـﮓ ايشوف بالنظره الأخيره يـَمّه زينب تنتحب منـﮕطع منّه النـَّفـَس اِلـْيملي بيته لو جلس و الحسن يبـﭼـي اعله جرحه اِوْ يصرخ اِفراﮔـك صعب من بعد نبع الحنان الأمان اِبْلا امان من وﮔف ﮔلب أبو الحمله الكون ظل اِبْلا ﮔلب شمعة البيت انطفت من ألوانه اتغيّرت الليله كل (اللهُ أكبر) سبي اِوْ ترويع اِوْ ضرب الليله بعد حيدر زينب اتباري خدرها الليله علي ماكو يـﮕـعد اِيـْجبّر كسرها هالليله منحر بالأسنّه يعتلي العليله كلها اتجمّعت اِوْ بنته عِدْ نعشه نعت مو حلو يا أبو اليتامه العيد وسط المـﮕبره صوتها ظل معتلي ضيّعتنه يا علي الليله ﭼـنها الغاضريّه اِوْ بيها صرت اِمْحيّره و الحسن يَمّه بـﭼـه و اعله لجروح اِتـّﭼـّه و الحُسين اِبـْدمعه حاضن دمع سبع الـﮕـنطره اِبْفرﮔتك صرخوا سوه ليت يحصل لك دوه يا علي اِوْ نار المُصيبه بالـﮕـلوب اِمْوَجّره افراﮔـك يا علي اول طشت بيه ينحمل راس افراﮔـك عَمَد يفضخ يا علي هامة العباس ظل يون محرابك اِلـْمِنّك خلي مو سهل ليل الهَجر و الصّبر عاف الصّبر اِجنازتك من شيّعوها اِرْتجت اعليك السّبع من مشوا للمـﮕبره حسين وَنْ يا حيدره و الـﮕمر ذب لعمامه اِوْ ظل يدﮒ اعله الصّدر اِتـْنوح اِلك لمدلله البيت من بعدك خِلـَه يا بو زينب ظهر زينب صار بعدك منكسر ليش يا حيدر رحت عذبتني و ارتحت هم تجيني اِبـْكربله لو صار خدي ينسطر زينب من وراه تمشي اِوْ بامان الله تِـﮕِلـّه زينب ارتاح بويه اِوْ عوفني اِلـْزجر اِوْ خِوَلـّه خلـّيني بجروحي يبويه ابتلي عشرتك مَرّت حِلـِمْ يا علي مُرْ اليـِتِم اِوْ مُرّه زينب من يـﮕولوا طلـّعوها يا اللي ماشي للـﮕـبر طلعتك تحرﮒ خدر اِوْ بنتك اِيـْحرﮔـوا ﮔلبها اِبـْراس اخوها الفرﮔـه ناﮔـه اِمْهزّله اِوْ سوط اِوْ خيل اِوْ كربله اِوْ عايله اِبـْمجلس يزيد اِيـْدخـّلـوها نعشك اللي مرتفع راس بالبر منـﮕـطع اِوْ جثـّه تحت الأعوجيّه اِيْرضّضوها اِبـْموتك يا علي للشام اتودّه هديّه اِبـْموتك الشمر كل ساعه يظل يضرب رقيّه فرﮔـاك شام اِوْ بيّه يشمت عاذلي
علي بن أبي طالب أبا الحسنين أبا الريحانتين أبا تراب أمير المؤمنين يعسوب الدين النبأ العظيم مبيد الشرك والمشركين قاتل الناكثين والقاسطين والمارقين مولى المؤمنين شبيه هارون المرتضىٰ نفس الرسول زوج البتول سيف الله المسلول أبو السبطين أمير البررة قاتل الفجرة قسيم الجنة والنار صاحب اللواء سيد العرب خاصف النعل كشاف الكرب الصدّيق الأكبر ذو القرنين الهادي الفاروق الأعظم الداعي الشاهد باب المدينة غرة المهاجرين صفوة الهاشميين الكرار غير الفرار صنو جعفر الطيار رجل الكتيبة والكتاب ورادّ المعضلات أبو الأرامل والأيتام هازم الأحزاب قاصم الأصلاب قتّال الألوف مذل الأعداء معز الأولياء أخطب الخطباء قدوة أهل الكساء إمام الأئمة الأتقياء الشهيد أبو الشهداء أشهر أهل البطحاء مثكل أمهات الكفرة مفلق هامات الفجرة الحيدرة مميت البدعة محيي السنة موضع العجب وارث علم الرسالة والنبوة ليث الغابة الحصن الحصين الخليفة الأمين العروة الوثقى إبن عم المصطفى غيث الورى مصباح الدجى الضرغام الوصي الولي الهاشمي المكي المدني الأبطحي الطالبي الرضي المرضي المرتضى وهذا قليل من كثير ♥️🌻♥️🌻♥️🌻
