نعم صحيح وازيدك معلومات ايضآ اذا تريد يشتغل على السحب اخذ انفيرتر لان تكدر تتحكم بتقليل الامبير بسهولة والانفيرتر تلقائي يجيك الغاز مالته ٤١٠ و T3 تصنيف A اخضر واحسن شركتين بالانفيرتر عندك LG و شركة GE جنرال الكترك .... اما اذا ميهمك موضوع تشغيلة على السحب اخذه غاز ٤١٠ و T3 وتصنيف A اخضر والشركات بعد بكيفك انته توسوت او گري او GE حسب رغبتك انته اخي العزيز وخلي تنصيب السبلت على ايد فنيين الشركة ولتنسى ورقة الضمان .. وحياك الله
سلام عليكم بدون زحمه ايهما افضل انفيرتر لو العادي اكو فيديو يبين مساؤى انفيرتر من حيث احتياجه إلى كهرباء مستمره حتى يحتفظ بالبروده والمكان يكون مغلق ممكن الجواب مع الشكر الجزيل
شكراً جزيلا لكم بصراحه قبل مشاهدتي هذا الفديو لم تكن عندي اي معلومه عن تلك المصطلحات كنت اسمع بها وخاصة عندما اشتريت سبلت ولكن لا اعرف معناها او ما المقصود منها اما الان فقد توضحت الصوره بشكل جلي والحمد لله وتنطبق جميعها على الجهاز الذي يعمل عندي الان (التصنيف او الفئة نوع بي B)
شكراً لجهودك المميزة قلت حق وشهادة للمشترى. ولكن إذا نصب السبلت غاز ٤١٠ في مكان مشمش وبدون غسل كل اسبوع فلا يرجى منه إلا الليكات لان ظغط الغاز يصل الظغط الحرج ٤٦٠ وربما اكثر في حين ظغط غاز ٢٢ لايزيد ٣٢٠ أو باقصى درجات الحرارة واتساخ الكونديسر مابين ٣٢٠ psi. الى٣٥٠ ولهذا غاز ٢٢ يناسب اجواء العراق الحاره المغبره معظم ايام الصيف
السلام عليكم اخي بارك الله فيك على هذا الشرح العفو منك اريد اشتري سبلت على المولد شنو نصيحتك بالنسبه للنوع واريده طن واحد مع تلمواصفات ولك مني جزيل الشكر والتقدير
عليكم السلام ورحمة الله وبركاته تدلل اخي العزيز تفضل شوف هذه الفديو ان شاءالله ايفيدك 👇 ru-vid.com/video/%D0%B2%D0%B8%D0%B4%D0%B5%D0%BE-jqwdpDpf3rY.html كل الشركات المذكوره جيده لكن افضلهم بأمتياز LG اما المواصفات ميحتاج لان هوه ممتاز فقط اخذ تصنيف A
بارك الله بيك حبيبي الغالي عندي سبلت متحرك بورتابل اكدر اغير ضاغط t1 . مالته....واخلي ضاغط t3 حتى ميفصل بالحراره؟؟؟ وهل يجب تغيير الغاز من r 22 الى 410 ? ياريت التفاصيل ورحم الله والديك
اشتريت سبلت 3 طن ومااعرف كل شي نوع كرافت كنتوري شركة العبيدي ولما تابعت الفديو لحظرتك عرفت انو درجة كفاء الطاقة c نوع الغاز 410 بس ممكتوب عليه انفيتر لكن تبريده بغرفة 6X 4
اخي رحم الله والديك وربي يوفقك. يحفظك. اخي هذه المعلومات اللي ذكرته اغلبه نشوفه لان صاحب الشركه يكلك الجهاز بالمخزن وانت تروح للبيت وابو النقل يوصله للبيت انطيتني العنوان ورقم الموبايل وسلم فلوسك وروح ويوصلك للبيت فأكثر المواصفات منشوفه
عاشت إيدك أستاذ صباح ربي يحفظك ويوفقك ويسهل أمرك لأن المعلومات إللي تنشرها وتشرحها وتوضحها للناس حول أجهزة التبريد والتكييف حتى أغلب أهل الاختصاص ما يعرفونها ربي يكثر من امثالك وفي ميزان أعمالك أن شاءالله بحق محمد وآل محمد الطيبين الطاهرين
اختي عندج هواي شركات زينه مثلاً شركة جنرال اليكتريك GE وشركة گري gree وشركة جبسون اهم شي اخذي جهاز تصنيف عالي A او B والتنصيب على ايد فنيين تبريد مختصين وياريت اذا الشركة نفسه تنصبه
هواي شركات عدهم هاي المواصفات سبالت LG سبالت جنرال التايلندي وسبالت جنرال اليكتريك GE سبالت گري وتوسوت واواكس وكرافت العبيدي انته اختار اي شركة سبلت المهم تأكد بنفسك من المواصفات موجودة بي من ناحية الغاز ونوع الضاغط والتصنيف A
ركبت مكيف ميديا 12 بي تي اي تروبيكال Midea Aurora ... 12BTU ... T3 لكن للاسف جودة التبريد غير مرضية للعلم لم اقم بتفريغ الهواء بالمضخة بل بواسطة الطرد العادي ما هو الحل لكي اتحصل على جودة تبريد مرضية تطبيقيا للعلم المكيف جديد عنده عام فقط ابعاد الغرفة : الطول = 4.3 م العرض = 4 م الارتفاع = 3 م ما هو سبب نقص البرودة ( درجة 17 مثلها مثل 22 مثل 25 برودة منعشة فقط ) أنا في انتظار الاجابة الشافية منك ... احترامي لك من 🇩🇿🌸✔️
حياك الله اخي العزيز هواي شركات عدنة بالعراق ممتازه وتبريدهن حلو اما الحجم المناسب واحد ونص طن او ٢ طن اذا امكانيتك تسمح اما انواع الشركات الجيده هواي بس انطيك كم وحده توسوت او گري او جبسون او جنرال تايلندي او كرافت او جنرال اليكتريك GE وبكيفك اختار بس تفضل شوف هذه الفديو ان شاءالله ايفيدك 👇ru-vid.com/video/%D0%B2%D0%B8%D0%B4%D0%B5%D0%BE-Pr_N-1OMIyg.html
انته الاحسن ياذهب....بخصوص الاسعار تعرف كل شركة وآله اسعاره للطن وطن ونص و2طن يعني يراد شرح مطول لكن احاول اسوي ان شاءالله تدلل لكن اذا عجبك تعرف سعر سبلت اسأل شركة السبلت عبر صفحة الفيس بوك راح ينطوك الاسعار بتفصيل ان شاءلله
اذا فولتيه ضعيفة ميشتغل صح واذا الكنديسر عاطل هم مينهض عندي فديو عن الاعطال شوفو وتأكدو من الاعراض راح تعرفون السبب هذه الفديو ru-vid.com/video/%D0%B2%D0%B8%D0%B4%D0%B5%D0%BE-oDoR1VqeWWQ.html
السلام عليكم اخويه بدون زحمه عليك عندي محل حلاقه مساحته 2.5 × 3.5 وجه شمس واغلب الاوقات يشتغل شسوار يفيدني الانفيرتر لو لا وكم طن يفيدني ؟؟؟؟ ممكن تنورني بمعلوماتك ❤
حياك الله اخي العزيز...اذا تشغيلك فقط على الكهرباء الوطني اخذ سبلت غاز عادي R22 حجم ١.٥ طن نوع جيد ... اما اذا تهتم لموضوع الكهرباء وممكن بالمستقبل تشغل السبلت على السحب ف أخذ سبلت انفيرتر كذالك ١.٥ طن نوع جيد اما LG او جنرال الكترك GE تحكم بالامبير شرط من الشركة علمود اصلي والضمان .
أولاً الدين النصيحه انت إنسان راقي بكلامك ونصيحتك للناس إن شاء الله يوفقك ويجعلها في ميزان حسناتك ويرزقك بالحلال وأمثالك قليلون في زمن الطمع والجشع ولكن أبناء الحلال امثالك لايتغيرون يبقى الأصيل أصيل مهما عصفت بهِ رياح الطمع والجشع. ندعوا من الله تعالى أن يمنَ عليك بالصحه والعافيه يارب.. امثالك قليلون تحياتي لشخصك المحترم الخلوق...
استادي العزيز الله يخليك سؤال جبت سبلت TCL طنين وT3 وفئه A لكن مو انفريتر عادي وهسه الوهواسس ذبحني اريد ابيعه خاف ما يمشيني بالصيف شتكول استاد طمني الله يريح بالك والله راح اتخبل
عليكم السلام ورحمة الله وبركاته سبلت توسوت راقي جداً خاصة اذا ايكو ECO او عادي غاز R22 القديم وعندك هم البلسان والهايسنس وكرافت العبيدي ...الافضل تاخذ غاز عادي R22 ومستوى كفاءة الطاقة عالي A
السلام عليكم واشكرك جزيل الشكر اني اشتربت اوكيا طن ونص اول ما شغلتا حار وما برد وبقيت اسبوع نفس الحاله اشويه كلبت بالريمونت مال الجهاز صعدت البروده بس هو باقي على ١٦ ومواصفاته علىc وهسه محتار اكول خاف موزين عليت البروده مالتا صار شهر عدي والك الاجر والثواب
السلام عليكم نصيحه عن تجربه اغلب سبالت الانفرتر الحديثه اثبت فشلاها بسبب الكهرباء المترديه في اغلب المناطق وذلك لتعقيد دائرتها الالكترونيه التي تحول الكهرباء من Ac الى Dc تشتغل ١٠ دقائق وتفصل ساعات هذ اذا توجد كهرباء مستمره والسبلت الانجح وثبت كفائته في العراق هو السبلت الراوتري ولي يشتغل بكفائه عاليه T3 سواء يشتغل بغاز 22 R او R410 واكيد غاز R410 احدث و ابرد وحضرتك تقول انو غاز R 22 تم ايقاف انتاجه ولايمكن استبدال الغاز R410 بدل R22 كلام غير دقيق لان كل انواع الغاز موجوده ومتوفره بالاسواق حتى اقدم الانواع ويمكن الاستبدال بينهن لان الكبريسر الراوتري هو نفسه يشتغل بغاز 22/ و410 بشرط تنظيف الكمريسر من الزيت القديم وتبديله بزيت مناسب لنوع الغاز الجديد هاي العمليه مسويها بكثير من الكمريسرات وناجحه وماكو اي اشكال لكن مع الكمبريسر الانفرتر ما مجربيها يعني السبلت العملي والملائم لاجواء العراق وتردي الكهرباء واقتصادي بمصاريف الصيانه هو الراوتري بأي نوع غاز تحياتي