مبروكككككككككككككككك هسه تگولين على شنو ؟ مبروك على دخول مدرسة الموهوبين بس على منو درستي ودخلتي دورات و يا كتب قريتي وشنو منهجكم بحثت على گوگل وما لگيت شنو تقرون .
@@0----o_o----0 💋💋💋😭 والله تستاهلين تصيرين بأعلى المراكز إذا بس قريتي هيج وبدون دورات بس المشكله هسه انو إني بزمن كارونا جان عدنا حذف هواي هواي يمكن بس كم موضوع أو فصل قرينا بالثالث و الرابع هم جان بيه حذف ( علوم ) والخامس على ما أتذكر جان عدنا حذف قليل بس الحمدالله بالخامس جنت شاطره كلش وبالرابع هم يعني إذا أقرا ما أواجه صعوبه والسادس كل درجاتي بالعلوم ١٠٠ والرياضيات دائماً آخذ ١٠٠ بس هذا الشهر ولا الشهر الأول أخذت ٩٤ لان جان عندي خطأ بمسأله بس شلون كفه الوقت انو تقرين كل هذا بوقت قصير ؟ ما شاء الله وان شاء الله أصير مثلج وصدگ الي امثالج يرجعون الشغف ومن أشوف شخص بمرتبه عاليه يرجع ليي الشغف ويصير شغفي اقوا انو ادخل موهوبات وادعيلي 🌷🫶🏼💋🥹✨
شرح بسيط وراقي، كما عهدناك مبدع، حسيت كأني بأحد محاضراتك الذكية... شكراً لكَ أخي أستاذ علي تركت بصمة واضحة بعلميتك وكرم أخلاقك النبيلة في التعامل مع الجميع.
لا تخافين اني هم كلش خفت كلش بس بعدين قريت وحدي على هل قناه و الحمدلله الاسئله كلش سخيفهه و ندمت لان خفت لهل درجه بس يحتاج تأخذين ملزمه فيليب مارتر و عبارتين شروحات علي (صاحب القناه) وبس ولله تنجحين ++اني جبت 98 بالاختبار و الحمدلله و الشكر على كل حال🧟♀️🕸.
اي بس تحصيلي، المتميزين لازم ياخذون اختبار ذكاء همين والي يرسب بالذكاء حتى لو جايب درجة كاملة بالتحصيلي ما يدخل للمدرسة لازم اجباري تنجحين باختبار الذكاء
سهل تكولينها بس التطبيق صعب ! صارلي سنتين بين يوم والثاني ابجي بس لأن ما دخلت ولا وحدة منهن رغم ادرس فرنسي من الاول بمدرستي، وحرفياً تعبت واني ادرس علمود أنسئ البجي شوي والتفكير أخذ درجة عالية ابجي أطلع الأولى ابجي بس لأن ما دخلت ولا وحدة أحس عقلي يعذبني بالتفكير !
@@Malak-dx4pj ليش ياعمري تفكرين هيچ معقوله الطموح محدوده بهل مدارس ؟ العلم واسع ومتطور ومستحيل ينحصر بهل مسميات مال متميزين وموهوبين عندچ طموح تعبي ثابري صبري حتى تناليها بدل هل بچي والنحيب على مدارس تهلك الطالب بمنهجها وهواي طلاب ماگدرت تحقق حلمها بسبب تعبهم من المتوسطه للاعدادية هم لازم ب لڤل عالي ومعدل تسعين ودرخ بدون فهم بس اهم شي انت متميز واذا ينزل معدلك عن الي نريده بمنهجنه هاهيه انت فاشل انتِ بطلة نفسچ متستحق هيچ تسوين بيها🤍
معنى الفعل إنشاء أي إيجاد أي فمن هذا لو كتبنا (إنشاء الله) يعني أننا نقل والعياذ بالله إننا أوجدنا الله تعالى غير صحيح كما عرفنا أما الصحيح هو أن نكتب (إن شاء الله)
سابقا كنت ارى هذا المقطع في السادس ابتدائي ..حاليا طالبة متميزات اول متوسط وتم قبولي بتسلسل ١٣ كلش فخوره بنفسي🫶🤍. تعديل:طلعت اعفاء عام وصرت ثاني🥹💗.(ما شاء الله)
نفس الشي چنت اشوف هذا الفيديو من چنت سادس وومليانه أمل انو راح اسجل متميزات لكن مع الأسف انظلمت بالرياضيات ونزل معدلي من ٩٦ إلى ٩١.٥ ويأست وما قدمت مع انو صديقتي جان معدلها ٩٠ وانقبلت وهسه هي طالبه متميزات وراحت علي الفرصه وبعد ماكدر اصير طالبه متميزات، الله يوفقج😞
@@user-fv3pq4xk1i كل طالبه ومستواها اكو الي كدر واكو الي ما كدر.بالنسبه الي المواد سهله يعني تخيلي اكو كم فصل بالاحياء طوله بس صفحتين ونص؟انصحچ تدخلين🤍+اي سؤال ثاني اني حاضره
لاحظت اغلب التعليقات طلاب جانوا ما يعرفون بهذا الخبر و معدلاتهم عالية بالسادس الابتدائي ف اتمنى يخلون المتوسطة يقدمون للمتميزين او نحن ننشر هاشتاك حتى يقبلون؟؟
سؤال إذا معدل فوك ال 95 بثالث متوسط اتقبل للمتفوقين او متميزين او اذا مانقبلت يصير اسوي استضافه للمدرسه واذا اسوي استضافه امتحان بيها لو بمدرستي الاصليه وهل الغه الفرنسيه يحسبولي درجه اضافه مال الغه الفرنسيه اتمنى الرد بأسرع وقت ممكن
اني رحت للرابع علمي و طلعت معدل 97.85 و طلعت الأولى على المدرسة اكدر اروح لمدرسة دراسة انكليزية لان اني كلش زينة بالانكليزي و اصلا والدتي مُدرسة انكليزي
والله يا اخوني لا تدخلون لا مدرسه موهوبين و متميزين و لا متفوقين نحن بالمتفوقين خلصنا نصف الكتب بشهر الاول انا اخوكم انصحكم لا تدخلون بهيج مدارس و تنخدعون مثلي
للمعلومة اضافو اللغة الفرنسية كمادة اساسية في ثانوية المتفوقات لمرحلتي الثاني متوسط والأول متوسط حاليا وراح يستمر وياهم الى ان تكون مادة اساسية لكل المراحل وهذا القرار مؤكد وباشرو بي قبل سنتين اما بقية المراحل الي هي من الثالث فما فوق اختياري لكن بعدهم ما بادين بهذا القرار مثلا اني حاليا ثالث متوسط وقدمت على اللغة الفرنسية لكن بعدنا ما مباشرين بدراستهة اعتقد السنة الي بعدها نبدي بدراستهة لكن الثاني والأول متوسط يدرسوهة كمادة اساسية
اني بالمتفوقات بعيداً عن الضغط الدراسي ، الايجابيات مالتهة هي الكادر التدريسي الي يجاهدون للطالبات وحسن التعامل والسلبيات هي ان وضعها نفس وضع المدارس الحكومية هماتين الطالبات ينضفن وهماتين من ورا مدرسة الأبتدائي الي يداومون لمن احنة نخلص داومنا ويوصخون المدرسة واحنا لازم ننضفهة
الموهوبين😭😭😭وصلت الاختبار الاخير وما قدرت انقبلوا ١٢ من ٦٠٠ شخص واني ال١٨ فشلت بالمقابلة والله شوف العام من كنت بالثالث هسة اني سادس يلا ادعولي اطلع الاول بالمتميزين
الفرق هو أن كل واحد افشل من الاخر ماكو شي اسمه متميزين ترة اذا ضليتوا بهالتخلف مراح يطور العراق ابد اريد اعرف شغلة وهي بشنو هذولة متميزين بلة بلة عدهم مهارات . واعين . راح يخترعون علاج للسرطان. اذا ضليتوا هيج راح يضل الغرب افضل من العرب والمسلمين
على اساس المتميزين عدهم نسبة ذكاء وتحليل منطقي اعلى من الطالب العادي وهذا الشي يحدده اختبار الذكاء والقبول الي تجي بي اسئلة تعتمد على ذكاء الطالب وليس المواد العلمية … واعتقد الكل يكدر يدخل متميزين لو يشد حيله وينمي مهاراته وذكاءه… الطالب المتميز فرقه عن العادي انه يدرس اكثر كوقت + يدرس بلغة غير لغته وخضع لاختبار قبول لتحديد مستواه وهل هو مؤهل ام لا… اضافةً الى انه مدارس المتميزين تجمع الطلاب ذوي المستوى العالي والتفوق ومعدلات عالية لكن المدارس العادية تجمع الكل ، الطالب المتفوق والمتوسط والطالب المتخاذل، هذا الفرق وحده + مو سهلة ابدًا انك تدرس بلغة تختلف عن لغتك العربية
اريد اكول شغله الطلاب الي معدلاتهم عاليه و طب و هندسه و صيدله شنو سوو للعراق عن الي تعينو احجي ما شفت ناس اطباء او صيادله اخترعو مصل او مهندسين صنعو سيارات او مضخات او اي شي ،،،المفروض الي دخل كليه ما يروح يدور تعيين المفروض يبدع بمجاله هسه انا اشوف اغلب الناس تتخرج و تتعين او ما تتعين بس الي يتعين ما يسوي شي يطور من نفسه او من بلده ما عدا القليل ،،،،، نريد ناس امثال زهاء حديد او منجد المدرس او و او و او ،،،،،،،يا جماعه الخير لازم نبدع بمجالاتنه حته ننهض ب هذا البلد و سلامتكم
انا معدلي بالسادس ابتدائي ٨٦.٧٥ ولكن مجموع درجاتي ٦٩٤وانا حالياً صف ثالث متوسط تركت هذي السنة علمود اطلع معدل وادخل متميزين بالاعدادية انقبل لو ما انقبل؟
@@m.h.s.d.q5072حبيبتي فدوه القلبج ، بالنسبة للمعدل مالتج ف هو مسموح للمتميزين ولكن المتميزين يكولون من صف السادس وهذا كُلش كسر واهس الطلاب انشاء الله ياربي هذي السنه يصير القبول من المتوسطة المتميزين مدرسة تسوي اساس للطالب وتدريسها يفوز ؏ كل المدارس ،
استاذ مره خصتك اكوا اختبار وهو الاختبار التحصيلي واني واحد من طلاب ثانويه المتفوقين وثانيا ماكوا اي تفضيل بالمعدل اني معدلي 100.2 وصاحبي 96.7ومامفرقين ويانا بس من ناحيه المستوى الدراسي
و الله ذكريات . بيها تخرجت من الابتدائية بمعدل مية و دخلت بالمتفوقين بتسلسل 50 اخر واحد جانت كل الطلاب ما تحترمني و هسه اني ثالث متوسط متفوقين و من العشرة الاوائل على المدرسة و حاصل على احترام الكل 😂
@@rosee6284 الاختبار التحصيلي هوة يختبروچ يشووفوچ فاهمة مواضيع السادس الي هية العربي والرياضيات والانجليزي والعلوم يشوفوون مدرستچ منجحيچ هيچ لو لا فيسوولچ اختبار يختبرونچ بي اذا چنتي فاهمة مواضيع الصف السادس وقارية زين انقبلتي واذا ما فاهمتهن وما قارية ميقبلوچ لا ويجيچ 12 سؤال بورقة على كل مادة 3 اسئلة
هو اهم شي اختبار الذكاء، بالمتميزين لو نجحتي بالتحصيلي ورسبتي بالذكاء ما تنقبلين عسه لو جبتي دوجة كاملة هناك، لازم اجباري تنجحين باختبار ذكاء وتحيبين درجة زينة بيه
والله اني اتمنى ادرس بواحدة من تلك المدارس وكان معدلي بالسادس ابتدائي 98 لكن اني كنت ما اعرف ، واهلي ما استغلو معدلي وقدمولي لكن الحمد لله اني الان رابع علمي وطالب متميز عالعموم طموحي طبية ادعولي بالتحقيق .
راحت عليه هاي المدارس والله حرام ما امدح نفسي بس اني طالب متفوق بدراستي ودرجاتي عاليه ودائما الأول على دفعتي بس ما جنت اعرف بهاي المدارس الحمدلله على كل حال ان شاءلله السنه الجايه.سادس ان شاء لله أيضا الأول لو من الأوائل 💖
اني هم كل مرة اطلع الأولى على دفعتي ومن نجحت من السادس طلعت الأولى بس اهلي ماقبلوا اسجل بهاي المدارس لأن الدراسة صعبة ويصير ضغط اني هسة ثالث متوسط وكلش جان حلمي هيج مدارس وهسة بديت اسأل إذا يصير ادخل بوحدة من هاي المدارس اذا نجحت من الثالث بس مااتوقع يصير و كلشي بي صالح الي الله يكتبه 🤍
السلام عليكم ملاحظه بسيطه مدارس المتميزين اختبارين مو اختبار واحد اختبار الذكاء واختبار التحصيل لسنه 2022 بس السنه القبلها مادري يمكن يختلاف اني مدرسة متميزين
🥹خرب لو يرجع زمن فد ست سنوات اقدم ع وحده منهم جان معدلي 96.3 محد نصحني ولا جنت اعرف انو اكو مدارس متميزين موهوبين طيحنا حظ... مهم دعولي اطلع من سادس بمعدل زين😢
السلام عليكم ابني بل سادس جاب 92 وصار عدنه حاله وفاه بغير محافضه وما كدرت اقدمله ف هو دخل ب اكتاب والاول والثاني ما يقره زين واني حاير اكدر اقدمله وره ميكمل ثالث كتله راح اشوف بلكت اكدر اسويها لان اصدقائه انقبلو من السادس اتمنه تساعدوني