شاعر الماقف
فالقسى ياقف
لا دعى داعي من قاصي البده
في حفل وافي
قرم ،، وسنافي
السنافي ، سراج ومحزم الشده
انتقى ،، منسب
شاجع ، ومكسب
ناسب آل زمانان وعند أبو عده
جيت في شانه
حسبة إخوانه
يوم جدي نهار الضيق هو جده
شايبه ،، مقدم
شيخنا ،، الأقدم
شيخ عرفن ، يشور ،، ولا حد يرده
لا عطى رايه
ياصل الغايه
يقضي اللازم ،، اللي ما حدن سـده
ذا شداد اللي
صيته ،، معلي
فوق الارض وتحتها ،، فعله نعده
محزمه ،، لابه
تنطح الجابه
صلب مقفل هل الوقفات والرده
القشانين الدواهي هل ،، الفزعه
يوم عاد الناس في صيحه ونزعه
وقعهم يعرف لما ثار دخاني
ذودنا ،، تارد ،، على العد محميه
مطرق وكلوب ،، لا ثارات الهيئه
يكعم العدوان ،، ويزبن ، الجاني
ذودنا تارد
والعدو شارد
دونها ،، كم عقيدن ،، تربو خده
مجدنا ،، يكفي
فعلنا ،، يشفي
صيتنا ،، محزمن ،، مليان ،، بالعده
عودنا ،، عارف
يسهج الطارف
وغمرنا ،، مثل صقرن ،، يعشق الهده
ألف مبروك وزواجك على القوه
ياسليل العود ،، يا مقدر ،، الخوه
شانكم ،، ذا الليل في ذمتي شاني
ختمها صلو على صفوة الامه
النبي محمد ،، اللي رقا القمه
جعل قبره صادق الغيث هتاني
فهد القشانين
23 сен 2024