الله يبارك خيتي يعطك الف صحه ذالنا مرة شاتين واحده اغواطية تدير قناة وتعرف بعادات وتقاليد الاغواط وخااااصة ماكولاتها الطيبه نتمنالك المزيد من النجاح والتألق وربي يوفقك
المقترحات: الدنجال مدامنا ف الصيف الشخشوخة المردود البسيسة و بونارين و التشيشه كسرة بالدواء خليها كي يبرد الحال شوية و نوعي ديري الحلويات و لي بلا موديرن مش غير التقليدي و نوعي
الله يعطيك الصحة و بارك الله فيك على دقة الشرح ان شاء الله نطبق كل ما شرحتيه لاني نحب نتعلم طبخات مدينة لغواط ❤️ اللي هي اصلي لكن للاسف لم انشىء فيها ….. كل التوفيق ان شاء الله
اقتراح كسرة بدوا في شتا رفيس في ربيع سفة و مصور في مناسبات لكبار ديكورات لسلطة بسيسة و مضكر و لفطير كيفاش نمخضو شنين كيفية صنع دهان جلد صنع روب تشيشة فريك مقمومة بونارين و تشيشة فريك لي عجبو تعليقي يخبطها بجام🙋😌
يعطيك الف صحة بصح معلومة زايدة للافادة ، طعام لقواط تع الصح من بكري معروف ميديرولوش البطاطا خاطر تبيض المرقة و تغير بنة الطعام الحقيقي اللي يجي مفتول و ممحوص زين ، و ثاني ميديروش السكر هي فالصح غع يديرو المريسة 💕💕💕💕😍 بصح هذا ثاني يجي بنين مع اللحم
بابا يقولي حنا ناس لقواط بكري منديروش قع البطاطا و مانشتوهاش ومكانتش متوفرة كيمهاك .كانت في الشمال اكثر ... و مع الوقت عادو الناس يديروها للبز ولا يزكو بيها .... وانا شخصيا اذا كانت المرقة باللحم نديرها بالمريسة و اذا كانت بالدجاج نديرها بالسكر فقط ...
يعطيك الف صحة برك الطعام تاع الصح مايجيش فيه البطاطا كيما تقول ميمة دير القثاثة في المرقة و البصلة عن نفسي نديرها حبة مجمولة باش كي طيب نحها باسكو مايشتوهاش يعطيك الف صحة مزيد من التقدم ان شاء الله
بصح الملح حنا تقولنا ماما ماديرهوش كي يولي لسع طعام سخون خاتش يتحل كي يبرد شوي نديرو الملح و يعطيك الصحة على القناة ضرك يعرفو تقاليد لقواط بالتوفيق نجوى 👏👏
يعطيك الصحة وربي يوفقك. انا منيش اغواطية متزوجة هنا لكن المرقة تختلف من ولاية الى أخرى. انا شفت هنا المرقة يديرولها الهرماس والتمر .. بصح انتي مديرتيش. على مااظن حتى الولاية تختلف في اطباقها. يعطيك الصحة طعامك يشهي ومزيدا من النجاح في القناة.
الله يبارك بالصحة والعافية رووعة طعام الاغواط همة وشان بصح لوكان كملتي الطعام درتي طعام الاغواط احسن من عمر باش يكون منسوب كلو المرقة والمسفوف للاغواط ربي يبارك وربي يحققلك كل مرادك زيادة فينا
