السلام عليكم ورحمة الله وبركاته اخوي عندي عدة كرسيدات من حبي لها والله يوفقك ويعينك على قطعها الاصليه الي صارو يرفعون في اسعارها بدون سبب والا الكرسيدا تستاهل المهم بالنسبه للطبلون حاول ترتب الاسلاك وتجمعها سوا قد ماتقدر وتلفها بالتيب عشان تسلم من القربعه حتى من الاسلاك ونضف الافياش حقت الطبلون بفرشاة رسم ومنديل لان عليها ترسبات ماحد ينتبه لها وهي سبب عدم اضائه لمبة الزيت اذا لم يكن حساس الزيت مفصول من عند المكينه وانتبه لقطع الديكور اذا قدك تركب لاتظغط عليها مره لأنها تتكسر من اتفه سبب بحكم عمر البلاستيك بالنسبه لعداد السرعه واهتزازه حطيت قطعة منديل صغيره في الفتحه الي يخش فيها واير السرعه وظبطت معي وراح الاهتزاز الى الان سنتين وزي الحلاوه لان الكهربائيين بيشغلونك كل شوي بحاجه وافتائات مالها داعي وسلامتك والكرسيدا تستاهل 🤗
سبب اهتزاز امبير السرعه يكون غالبا من الواير تحديدا الجزء الواصل للطبلون يكون الحديد متاكل يصير يفر بوش عشان كذا يكون في اهتزاز دبل الجز الواصل للطبلون بتيب او قصدير او اي شي مناسب وتظبط انشاء الله
لمبة الزيت غالبآ موجوده وشغاله ، بس تحصل سلك الساعه وهو تحت الإقزوز راكب في السلندر غالبآ يكون مفصول ، اتمنى الرد هل غيرت الواير فقط ولا غيرت معاه الترس إللي يركب في القير ، ؟🌹
السلام عليكم يمكن سبقوني المتابعين اولاً طبلون الـ XL يكون العداد سرعته 200 لـ ٤ سلندر. و 220 لـ ٦ سلندر اللي بس تيجي في الشنطة باليسار كلمه 2.8 ويجميعها بدون عداد الـ RPM ثانيا طبلون الـ GL سرعته 200 مع عداد RPM ثالثا طبلون الـ2.8 GLX و الـ grandi 2.8. والاعلى فئة الـ grandi g يكون طبلونها 220 مع عداد RPM اعتقد الفيش الرابع خاص. بإضاءة مؤشر لـ الجير الاتوتوماتيكي موجود بالمنتصف بين عداد السرعة وعداد RPM والسموحه
هي الظفيره في كل الكرسيدات تجي اربع افياش لانك لو بغيت تحولها تماتيك يكون فيش التعاشيق اللي هوP R N D 2 Lيكون جاهز بس تركب انوار التعاشيق يكون الفيش جاهز بدل ما تسوي توليف وتتعب وهاذا الفيش تلقاه قبل الأخير من اليمين من عند الجرس حق السرعه له مكان يركب فيه 《وتحياتي لك واستمر ولا توقف》
الاهتزاز فضاوه من نفس مكان السيم حق العداد او ان السلك تجاري ويسمونها خفه فلازم تثقله بقطعة قماش ولا منديل الفيش يركب في النص الي فاضي وهو حق القير التماتيك يعطي قرائه P RND وكذا
عبدالله عادي وانا اخوك تحصل افياش بالسياره زايده لان تكون لمواصفات الفل او مواصفات غير سعوديه انا اشتغلت علي سيارات كثير وشلحت سيارات كثير واشتغلت بالضفاير كثير ما احصل افياش بالضفيره زايده والمصنع يحط عليها شطرطون واذا احتجتها تستعملها مثلا انت شريت سياره ستاندر وما يجي فيه كشاف ضباب والفل يجي كشافات ضباب تشتري الكشافات وتركبها علي الستاندر وتحصل ضفيرة الكشافات محطوطه علي جنب اللهم بس تشبكها وهذا سبب الإفياش الزايده بالسياره
طيب سوال ثاني انت ضبطت السيارة.. تجلس معاك والا اذا جاك رزق الله يبارك للمشتري تعرف انا مثلك احب اضبط السيارات لكن ما احتفظ فيها جاني رزق ابيع والله يبارك للمشتري بس عندي اهتمام بنظافة السيارة وترتيبها وبعدها ابيعهااا
انا عن نفسي غيرت سلك الكيلو وما زبط عالعداد، وغيرت العداد بعداد ثاني من التشليح وزبط. فاعتقد المشكلة هي واحدة من الاثنين سلك واير العداد او العداد نفسه
المشكله بالواير اذا كان تجاري يسير يهتز ما يكون ثابت اما اذا كان اصلي يضبط معك وفيه ملاحضه لازم تنتبه لها اذا بتغيره خذ اصلي وقبل تشتري شوف للواير من جهتين (المدخل والمخرج )اذا كان فيه عوج لليمين او اليسار وما كان فالنص لا تاخذه لانه بيهتز معك
طيب عزيزي انا عندي عداد الضغط باالكرسيدا م ٨٤ مرة يشبك ويشتغل مع دعسة البنزين ومرات كثيرة يفصل وديته عند كذا مكيكانيكي لكن ماعرفوا من فين يوصلوا للسلك والفيش ما ادري كيف حل المشكله هل يلزم فك وجهية العدادات او ايش الحل ؟