والله اذا انت بالعراق ترا كل الموجود نفس الشي كله صيني نفس الجودة المهم انا الصراحة ما مجربهن بس مرة ولد صديق اشترا وحدة انهل جربتها كلش حلوة و لحامها ممتاز
بخصوص الطشار بدوة غاز ايضا يعتمد ع نوع المكينة اكو مكاين بيها نظام قلب الاقطاب يعني السالب ينحط بمكان الموجب واكو واير قصير من ضمن النكينة ينحط بالسالب ينطي لحيم بدون طشار
شوف اخي صحيح الذكرته بس المشكله اولا المكاين الموجودة عدنا بصراحة مكاين رديئة و ثانيا الاسلاك الموجودة بالسوك أسوء من المكاين اصلاً اكو مكاين خاصة بهذا اللحام ما تلحم غيرة و هم يصير بيها طشار و هذا الكلام عن تجربة
و عليكم السلام ان شاء الله اسوي فديو بخصوص هذا الموضوع بالنسبة إلى مكائن الي تشتغل بالغاز و بدون غاز لازم تقلب الاقطاب من تستخدم بكرة بدون غاز و هو الحام بدون غاز هو وصخ مو نضيف مثل الغاز تعرف هذا ناتج احتراق مادة الفلكس الموجودة داخل السلك
اكو سلك مع الغاز و اكو بدون غاز مختلف القياسات السلك وي الغاز يكون مطلي بطبقة من النحاس للعزل عن الهواء و السلك بدون غاز لونه ابيض بداخله فلكس بدل الغاز
بالنسبة إلى ضبط المكينة هذا يعتمد على سمك الحديد المراد لحامه لكن يجب التوفيق بين الفولت و سرعة السلك و هذا الشي موجود جدول اما داخل غطاء البكرة او خلف المكية او اعلا المكينة حسب نوعها هذا الجدول يحدد كل سلك و الضبط المناسب اله و ما يتناسب مع سمك المعدن
بالنسبة لأسعار المكائن تختلف من مكينة الى اخرى مثلا مكينتي ٣٠٠ دولار و الاسلاك السلك بدون غاز بكرة ١ كيلو ب ١٥ الف دينار عراقي و السلك بدون غاز الكيلو ب ٧٠٠٠ عراقي اكو بكرة ٥ كيلو و اكو ١٥ كيلو