هذا مايقصده مولانا الشيخ محمد فى جوابه عندما قال
(لكين ده بعد ما لقيت في اجماع من الناس علي كده
والاشارات كانت واضحة أنه سيدي ابراهيم ما كان عاوز كدة)
فى الإجتماع ده الخاص باللجنة العامة مع مولانا الشيخ محمد فى مصر عام 2004
طلبوا من حضرته إن الطريقة تتسلم للعاشورية
أول المتحدثين هو المرحوم محمد عبد المنعم ابريقة فبيقول لمولانا إن العاشورية والمجلس الصوفى قابلوه فى السويس وعرضوا عليه الحل السلمى وإنهم يضمونا تبعهم لأنهم طول عمرهم بيحاربوا المشايخ وطبعاً الأخ عبد المنعم بيقعدهم فى فندق تبعه فى السويس
شوفوا رد فعل مولانا كدة؟
حتلاقوا الشيخ إستغرب فقال له ( كيف الكلام ده يامولانا يعنى إزاى اللى انت بتقوله ) دول مش بتوع سلم ولا صفاء دول اهل كراهية ومحاربة للطريقة طول عمرهم فالشيخ بيقوله إزاى يعنى يطلبوا حاجة زى كدة وإزاى انت كمان تطلب منى أنى اضم اعداد البرهانية فى مصر لهم؟
مولانا قال إحنا مامشيناش للمجلس الصوفى مباشرة إحنا مفيش مشاكل بينا وبين المجلس يعنى بيقلهم بلاش موضوع العاشورية ده وخلونا نتعامل مع المجلس
لكن برضو مصرين على العاشورية
فحتلاحظوا تغير وجه الشيخ
وبعدين الشيخ عبد العظيم لإصطبارى الله يرحمه بيقول له إن العاشورية بيفرقوا ملصقات ومنشورات ضد البرهانية فى المساجد فإزاى يروحوا السويس يطلبوا الصلح معانا وهما بيحاربوا الطريقة وشيخها؟
لأن الشيخ الإصطبارى الله يرحمه كان واحد من الرافضين للعاشورية
مولانا وشه إتغير لما واحد تانى فتح نفس الموضوع بصوا كدة لوش الشيخ هل دى علامات رضا وفرح وسرور بعرضهم العاشورية على الشيخ؟
بيطلبوا من الشيخ علناً انه يجيبوا شيخ تانى معاه وكمان أكتر واحد حارب مولانا الشيخ ابراهيم وسيدى فخر الدين فجايبين عدوا المشايخ للشيخ نفسه فحط نفسك كدة مكان الشيخ وهو قاعد فى وسط ناس بيحاولوا يقنعوه إنه يوافق على تسليم الطريقة للعاشورية ؟ ناس قاعدين يبيعوا فى الطريقة والشيخ وفى حضرته اثناء جلوسهم معاه يعنى عقيدة صفر
بعدين مولانا رد عليهم ووجه الشريف متغير خالص فقالهم الأولى من كلامكم ده إننا نصلح ذات بيننا ويكون هدفنا واحد ساعتها لو قلنا بسم الله لأى باب ينفتح
فالشيخ الإصطبارى قال لمولانا انا معاك وهدفنا واحد
فمولانا قال ( لاء هدفنا ماواحد ) يعنى انتم شم عايزين الشيخ الواحد أنتم عايزين شيخين للطريقة قبلتين يعنى ضلال مابعده ضلال
فمولانا قالهم أنا مش جايبكم الطريقة عشان تبقوا محامين لمشكلاتها وتحلوها أنتم من راسكم يعنى كان المفروض يرجعوا لشيخ الطريقة قبل مايتكلموا مع العاشورية
لكنهم كانوا مخلصين كل حاجة وشايفين الشيخ حديث عهد بالسن
واحد تانى بيقول للشيخ نبيل بتاع القناطر العاشورية عملوا له كارنيه خلافة عن وجه بحرى
مولانا قال ربنا يزيد ويبارك
وبالفعل ربنا جاب دعاء مولانا فبدل ماكان نبيل معاه كارنيه اصبح جميع المسؤلين حملة كارنيهات العاشورية بينما مولانا الشيخ محمد رفض تماماً مطلب العاشورية أن كل مريد يكون له كارنيه قالهم المسؤلين بس يعنى خدوهم فى ستين داهية اشبعوا بيهم لكن مالكوش دعوة بالمريدين
الشيخ قالهم ولبعد حين يفتح الفتاح ولسة المعاد مجاش يعنى ماتشغلوش راسكم فى مصير الطريقة لأن سيدى ابراهيم محدد كل حاجة بزمانها وظرفها واهلها
أخر كلمة قالها مولانا فى الفيديو بعد اصراراهم على العاشورية فقال
( والله ياعم الشيخ السفينة بتتحرك والشاطر يركب فيها)
وبالفعل الشيخ قالها فى خطاب 2022 ( إركب معى)
بعد كدة باعوا الطريقة بمن فيها وسلموها للعاشورية
بعد كدة العاشورية استباحوا الطريقة من شعائر وعلوم المشايخ وشراب الوصل والزى وسيطرتهم على الحضرة عن طريق اللجنة والباجورى وتعمدهم فصل الناس عن الشيخ وعدم توجيه دعوة لمولانا أنه يجى مصر
بعد كدة شتموا الطريقة والشيخ وشتمونا احنا فى المقالات الصحفية كفرونا قالوا علينا اننا كنا على منهج كفرى وأنهم عملوا دورات إستتابة لنا وأن مفيش حاجة اسمها برهانية وبعد كدة الراحل محمد على عاشور قاال انا اللى قضيت على البرهانية بصوته حاجة منتهى قلة الأدب
فطبعاً مفيش بنى أدم حر وراجل مع شيخه وممتن لله ورسوله على نعمة مولانا الشيخ محمد يقبل فى الطريقة والشيخ كلمة واحدة على العكس ده انا اجيب عاليها واطيها على اى أحد يتطاول على الشيخ او يقبل كدة فى حق الطريقة زى ماهو حاصل دلوئت
يا إخوانا إحنا برهانية وشبعنا قلة أدب من العاشورية ومحاربة للشيخ
والطريقة فى مصر عمرها ماحتمشى ولاتتقدم مع البرهامية لازم وجود الشيخ فى مصر بإسمها وسجادتها وده حقها الأصيــــــــــــل
اللى مش عاجبه يخليه عند العاشورية اهو ريح الشيخ والطريقة وريحنا
بصوا لوِ الشيخ كويس ؟ هل دى تعبيرات تقول ان الشيخ عايز العاشورية ؟
اللى كان قاعد سيدى ابراهيم وبيطلبوا برضوا العاشورية منه
هو الشيخ مكانش مالى عينكم؟
اللى مايملاش عينه الشيخ وربنا خسارة فيه لقمة اكلها فى الطريقة ولايستحق يشيل سبحتها
ومفيش حاجة إسمها برهامية تانى نهائى وغصب عنكم مش بمزاجكم
6 сен 2024