ضاقت روحي يا عاشقين حتى خابر ما جانا أنضل اندنق للرسول طول غابت لخبار يا بن سيدي نترافقو لسودة ضي القرار يا بن سيدي نترافقو لحبيب اللي عادانا اسقى ملخيزورة على مجارى عين الدردار ما جاتو لا رحنالها على طلاعين الجانا برادين الما في ضلولهم يعلو كي لسوار هي راهي للشرق فالعرب ماهي فالقيطانا يوما ترفد عربانها تحط الجار عللجار و انا راني للغرب في صحاري قبلت جاكانا كي نتفقد من قاعدة ورايا تهزم لعمار خبالت غزلي على الغزول ما ولالي يتقانا فياضت بحري على البحور جفت منو لبيار مولات الثيث اللي تقول رمضي من بين الجانا تحت القصة بان الوشام في قشوتها يخضار و الحاجب حرف النون في كواقط حرف المرجانا و العين الا جعبة مرهجة ترمي كمش النار خد رقيق الوشمة يحيرو وزنة من القمانا و العوسج و المنسوج و البقيق و بطح النوار أسنان العاج يقسموه وسط اصحان الوزانة متكلفت ديما في كواقطو جابوه التجار و الرقبة راية قوم خرجوها يوم الزنزانة فزو بها لرباع و الرزيقات مع لحرار النهد اللي تحت البزيم لبيض حر الحنانا يسكن وسط اثقايل الحجر وين الكاف اوعار و الساق العارم كي لهليل فيه خلاخل شرنانا وهرانيات متعاندة على المشية و التنقار شاعر من غير أشيوخ ايفسد كلامو على اللحانا كللي ساري في ليل و الصباح اصبح في لوعار عالم من غير اكتوب ما يفكش بين الفتانا قايد من غير اجيوش ما يكونش طلبو نقار غالط من غير اصواب ليه يصماط و الصمت أضمانة و الصمت دوا للجاهلين كي تتقابل لصقار يا بن سيدي نترافقو لسودة ضي القرار
