سلام حبيبتي الغالية والله غير كامل رانا كيف كيف تعب تاع رمضان ماحبش يخرج منا غير الرقاد ربي يخليلك صحتك ويبارك بعمرك ويحفظك ويسعدك ويدومها نعمة يارب العالمين احبكي في الله ❤❤❤❤❤❤❤❤❤😂
ختي من فضلك لي جوان لي فالارضية ديالك وشمن لون والا مساعداتك بسك الارضية ديالي كما ديالك وزوجي دارلها لي جوان فالابيض وصفارولي كامل ولات تعيف جاوبيني من فضلك
اللهم صل و سلم على نبينا محمد صلى الله عليه و سلم 💮 سبحان الله و بحمده سبحان الله العظيم أستغفر الله العظيم و أتوب إليه لاحول و لا قوة الا بالله العلي العظيم لا اله الا انت سبحانك اني كنت من الظالمين الله أكبر كبيرة و الحمد لله كثيرة و سبحان الله و بحمده بكرة و اصيلا ربنا آتنا في الدنيا حسنة و في الآخرة حسنة و قنا عذاب النار اللهم أنصر أخواننا في غزة و فلسطين و كن لهم عونا و نصيرا
Twahechtek ya hind ...justement cheftek f insta m3a hadak le sandwich ta3 chwa hhhh crois moi wellah même a anaya j'adore chewa mais malheureusement radjeli mayhebouch du coup ki yechrili chewa lazem nekhelilou la3cha f dar bach kinwoulou yet3echa ...bref wellah ghir kif kif ana darna qriba du coup nroh nouq3ed la journée w nweli et qui nouq3ed 2 a 3 jours bessah nelqa dar fi hala yourtha laha😂
متطيحوش صحتكم على جال دار .. اولا دار دار الرجل ماش داركم مكانش زوجة جزائرية دار باسمها .. دونك نتوما فقط مدبرات تع المنزل مسؤولات على نظافتو وترتيب لكن دنيا هدي واحد ما ضامنها قداش وحدة طيحت صحتها تقولك داري ومنا .. و تطفرت فيها مرضت وطيشها راجلها وجاب مرا جديدة .. اخدمو بذكاء و تفكرو بلي الحاجة الوحيدة لي تملكوها هي صحتكم
عندك حق الراجل والله مافيه لامان انا ولله كنت نحساب روحي عزيزة حتي مرضت فراش وبنتي صغيرة وليت نتعب قصرت شويا ولا يعاير فيا مباعد كي لاقاني خلاص داني لدارنا لاكلم لا يسقسي عليا لا صرف عليا وحتي في دارنا انا راقدا ونسمع في لكلام خواتاتي يحردو في امي عليا تعيط لراجلها يديها متعبيش روحك بنتي موليتش نجم ندوشلها والله يخلوها هكاك عندي اخت وحد كي تجي تهزها تبدللها توكلها وانا مريضة ومخنوقة ..انا لي كنت غير نظف ولاتية نجري ونقيم فيهم ودرك الحمد لله عرفت صلاحي وعفتهم
@@AminaBnbarahim الأخت الكريمة كلامك يوجع راني حاسة بيك.. معليش الحمدلله عرفتي قيمة الصحة وعرفتي بلي الأولوية في حياتك هي انت حتى بنتك لوكان معندكش الصحة متقدريش تقومي بيها.. ربي يشافيك ومتديريش على خواتاتك مهما كان دمك ادعي ربي يهديهم برك 🙏.. ربي يردلك صحتك واحسن ولمرة جاية حطي روحك قبل اي واحد اهتمي بصحتك بوش تاكلي بمنظرك لبستك اعدلي ديما كوني جميلة باه ثقتك في نفسك تزيد ورجلك يقيمك أكثر .. الرجل يقيمك كي يشوفك تقيمي روحك.. وربي يجمع شملكم حبيبتي كل الحب♥️🌹
ياختي راني حاسة بيك والله انا ثاني مريضة بلارني ديسكال وسرفيكال ورومتيز والله نهار طحت في الفراش لقيت غير زوجي ربي يحفظه لكن خوتاتي خدمت عليهم ودمرت حتي مجاوش طلو عليا ويما بعد بصح بابا ربي يرحمه حبيببي دارلي السكن قبل مايموت ضرك راني نحاذر على صحتي وداري باسمي والله صحتي هيا الصح مع اني معنديش اولاد .@@AminaBnbarahim
السلام عليكم اختي هند ،الكثير من الأمهات مع فترة الاختبارات يبحثون عن نماذج فأنا أستاذة تعليم إبتدائي أردت مساعدة الأمهات بتقديم نماذج اختبارات مقترحة بقوة من طرف الأستاذة لكل سنوات الابتدائي مرحبا بكل الأمهات والتلاميذ.
الام هي لي تخرج الرجال المعوقين.وتحرث على البنت.بالحب الزايد والدلال .وخوف ضحك الناس والمعايرة .الطفل اذا قرا ونجح رايح يطلع للجامعة .يتحمل مسؤولية غرفته .ينظفها يسيق ينفض .يطيب يغسل القش .يعمر الماء كل خدمة الاناث يديرهم.اذا ماقراش يخرج يخدم في الولايات المجاورة نفس نظام الجامعة.من الافضل يتعلم ويعاون يماه وعنده اجر.والطفلة تان ولات يماها تقول ماتخدمش في الكوزينة تلهى بقرايتها.وكي تتزوج تدبر راسها. هاذي مهارات تتعلمها الطفلة والطفل.
هههه . انا وحدة من الناس والله نوض مصقفة . لابيتي 0 مع الصباح . نشرب غير كأس ماء . وشوووووية حليب وحدو ماقدر نوكل حتى حاجة . مع العلم انو الفطور هو الصح . لكن مانقدرش ناكل في الصباح ولي نشوفو ياكل بزاف قلبي يوجعني نبغى نتقيا
راجلك وراجلي قروا في نفس المدرسة لا في شراء الخضار ولا كي نخليه في الدار . عندك حاجة برك كي نكون رايحة نخبي ماعن اينوكس ونخليلو ماعنو سبيسيال يحرق ويكسر واش حب. قريب نديرلو دارو وحدو