دائما متألق في اداءك أستاذ بلال وتعريف شخصية الفنان ومسيرته الفنية بطرح وأسلوب لا نجده مع كثير من الصحفيين والمذيعين خاصة في التطرق الى جزئيات في حياة الفنان مما يجعل برنامج الموهوبون في الأرض مميز لدى المشاهدين وأنا شخصيا توقفت عن مشاهدة البرامج الخاصة في مقابلات الفانين حاليا واتابع الان وأشاهد برنامجك الناجح ، دمتم بخير وعافيه أنت وجميع المشاهدين .
أحسنت يا أستاذ بلال ، ننتظر منك المزيد عن هؤلاء الموهوبون المبدعون ، و أنا لى طلب خاص هو أن تتحفنا بعدد من الحلقات عن المبدع النابغة المصرى القح الذى دفع حياته حزنا على تقاتل المصريين ، أقصد صاحب الكلمة المختصرة التى توجز المعنى دون إخلال العم جلال عامر .
تعليقي على الجزئية الخاصة بالكويت، فعلًا احمد راتب شخصية معلّمة جدًا مع الكويتيين، اذكر من وأنا طفل كان معاي ڤيديو فيلم المتسول، وكنا نتفاعل مع شخصيته كسكرتير جدًا وكذلك دوره في فيلم بخيت وعديلة، كان هذا قبل ان نكبر في السن ونتعرف اكثر عليه كفنان رائع جدًا وملهم
الله ينور عليك ، يا ريت ما تنساش المبدع عاطف الطيب لأنه من المخرجين القلائل اللى كان لهم رؤية و فكر ، و من القلائل اللى ما إتنازلوش عن آراءهم وترك بصمة كبيرة ، الله يرحمه .
تحياتى ليك أستاذ بلال وتحياتى للمجهود الرائع للبرنامج ، ومن أكتر الحجات إللى بتخلينى أشوف الواقع الردئ إللى بنعيشوا فى اﻷيام دى لما بشوف عدد المشاهدات على برنامجك وكل ما على شاكلته ، وعدد المشاهدات على كل ما هو تافه فى بلدنا ، وده تجسيد حى على الواقع الكئيب إللى وصلنا له ، وأسمحلى لو أعرض عليك مشكلتى الشخصية وأتمنى يكون عندك رد ليا أو نصيحة لمشكلتى ،أنا مصرى مقيم فى فرنسا من حوالى 8 سنين بحب التمثيل جدا ومكنش عندى امل أو أى شئ فى حياتى غير إنى أدخل معهد فنون مسرحية بعد ما أخلص الثانوية العامة وده كان من حوالى 17 سنة لكنى فشلت وماتقبلتش وكانت دى أكبر مشكلة حصلتلى فى حياتى ﻷنى محققتش حلمى ودخلت كلية اﻵداب قسم فلسفة وحاولت كتير إنى أخد فرصة لكنى فشلت لدرجة إنى اهملت دراستى ومأخدتش الليسانس لحد دلوقتى ، حسيت بالفشل والهزيمة سافرت فرنسا وعشت هناك ولﻷسف الشديد مش هاقول من حسن حظى ﻷنى فى أول مرة أدخل مدرسة مواهب اعجب بيا مخرج مسرحى إسمة أدريان فيليب وأشتغلت معاه 3 مسرحيات وبعدين أبتديت أخد فرصتى أكتر واشتركت فى خمس سهرات درامية على قناة مدينة جرينوبل لكن معظمها كانت أدوار شخص عربى ومقدرش أقول أدوار ثانوية ولا أدوار تانية لكن وبكل أمانة إن كل حاجة عملتها مكنش فى أى تعليق من مخرجين اﻷعمال غير ممتاز والحمدلله وبدون أى مبالغة كان فيهم بيقولى إنك ممثل عظيم وما عظيم غير الله ، أنا مشكلتى هى إنى مش حاسس نفسى فى الشغل الفرنسى وكان نفسى بكل أمانة أخد فرصتى فى شغل بلدى ، وهو ده إللى بفكر أعمله الفترة الجايا انى أرجع مصر وأقدم تانى فى معهد فنون مسرحية ولكن عندى مشكلة إلتزماتى وحياتى هنا فى فرنسا من ناحية شغلى وعائلتى ﻷنى كمان أتجوزت وبقى عندى أولاد والحجات دى هى إللى خليت موضوع الرجوع لمصر والدراسة ومحاولة البحث عن فرصة تانية تكون صعبة شوية ، أنا بحترمك جدا ومن أشد المعجبين بيك يا أستاذ بلال وواثق من وجهة نظرك اللى هاتفدنى بيها أكيد لو رديت على التعليق بتاعى وفعلا هاكون فى قمة الساعدة لو سمعت وجهة نظرك ... أشكرك .
شكرا جزيلا يا عزيزي، مش قصدي أقولك كلام تصبير إنشائي لكن الممثل بالذات مالوش سن طالما موهوب، الله أعلم امتى ظروفك تسمح لك ترجع مصر وانت مطمئن ماديا، لكن موهبة الممثل مالهاش سن، وعندك ممثلين زي حسن حسني وسيد رجب وحسن عابدين من الجيل الكبير وممثلين زي أحمد وفيق ورانيا يوسف وغيرهم والأمثلة كثيرة، طالما فضلت مركز في الموضوع هتيجي لك الفرصة بإذن الله، المهم تشتغل دايما على تطوير أدواتك التمثيلية والثقافية وخبراتك الحياتية، وبإذن الله ربنا ينولك كل ما تتمناه
وفاتني أيضًا إني وأنا طفل كنت أعتقد إنّ الشخصية الكرتونية المحقق غاجيت(المتحري وحيد) مستوحاه من شخصية أحمد راتب فعلًا بسبب الشبه بينهم، وظل هذا الاعتقاد عايش معاي فترة طويلة :))
مساء الخير استاذ بلال فتى الشاشه الاول وعملاقها لعدة عقود الفنان الكبير محمود ياسين من المفترض ان تكون لحياته الفنيه افلام ومسلسلات ومسرحيات وروائع افلام لاتتكرر وتحتاج حياته الفنيه لعدة اجزاء ٣ على الاقل لانه قيمه مصريه عربيه كبيره نرجو ان يكون ذلك قريبا لانك خير من يقدم الموهوبون في الارض ولايختلف اثان بان النجم العملاق محمود ياسين على رأسهم
هههه، ما عنديش معلومات كافية عنه، لكن هو كان ممثل كبير ومتميز، كفاية دوره في الزيني بركات مثلا، ومش معنى إنك تختلف معاه أو تبقى خصم سياسي ليه حتى إنك تنكر موهبته، ده حقه، لكن برضه وانت بتمدح موهبته تنتقد الحاجات الغلط اللي شايفها في مواقفه أو أفعاله
belal fadl هههه طبعا طبعا انت معندكش كعلومات كافية متفهم ده تمااما وكأنك يعني مينفعش تدور وطبعا انا متفهم تماما انك لازم تقول الكلمتين بتوع انه نجم ومش لازم ننكر بس انت عارف اننا هننكر يعني وانت كمان متفق في الامر ده انك مش هتعمل عنه حلقة وكل حاجة يعني تسلم يا بلال مخيبتش ظني ولله وخصوصا ان بعد حلقة العبقري أحمد راتب اتمنيت لو تكون الحلقة اللي بعدها تبقى محمد خان وقد كان تسلم يا فنان
تحياتي ليك يا أستاذ بلال ، شوف رغم اختلافي معاك سياسيا الي حد ما الا اني بتابع برنامجك ده بانتباه شديدوكتبت عنه عندي ونصحت أصدقائي المهتمين انهم يشاهدوه لانه مهم فعلا وزاوية تناولك للمبدعين فيه جديده ، بالاضافه طبعا الي انك كاتب مثقف ومطلع وسينماتجي شاطر يعني ، بس كان ديما تخوفي انك تربط مابين تناولك للشخصيات دي وبين مواقفهم او مواقفك انت السياسيه ( او حتي قناعاتك الفكريه ) بشكل أو بآخر ، علشان ما يضربش مصداقية كلامك عنهم من ناحيه ومن ناحيه تانيه ما يخليش المتلقي يحس انه بيتوجه لاتجاه معين من خلال ربط كلامك بمواقف الفنانين الحاليه او التاريخيه فينفر من المحتوي ، و ده للأسف اللي تحقق في الحلقه دي ، انت حر طبعا في اخراج برنامجك بالشكل اللي تحبه لكن كنت اتمني ان تتجنب النقطه دي تماما وتركز في أكتر علي المبدع وصنعته وتاريخه وتأثيره في الفن والأدب وفينا .. بس برضو بحييك علي مجهودك في البرنامج وخصوصا في حلقات عاطف الطيب ومن قبله أحمد زكي بالذات . تحياتي
شكرا يا عمر وطبعا الاختلاف هو سنة الحياة لكن احنا عشان الدنيا مأزومة عندنا فبنحمل المسائل أكثر مما تحتمل، مبسوط إن البرنامج عجبك، متفهم طبعا وجهة نظرك، لكن البرنامج من أول ما بدأته السنة اللي فاتت ومن ساعة ما بدأت الفكرة دي كمقالات في مجلة الكواكب سنة 98 معتمد على وجهة النظر الشخصية، ما بادعيش إن ده فصل الخطاب لكن باقدم النجم من منظوري بكل ما فيه من تداخلات، وباحاول أكون أمين قدر الإمكان، لكن طبعا كل فنان من اللي اتكلمت عنهم محتاج برامج مختلفة تقدمهم من زوايا رؤية مختلفة وده الأمل بإذن الله، تحياتي لك
يا أخي انا بحسدك 😃 على مواهبك و في نفس الوقت بختلف معاك في بعض توجهاتك السياسية 😕 و في نفس ذات الوقت ده 😉 بقدرش ما أنبهرش بيك و بسعة ثقافتك و سلاسة اسلوبك .. اتبخر يا بلال ، او خلّي حد يرئيك 😃 الله يهديك و يهدينا و يوفقك 💐
الموهوب في الأرض: الأستاذ بلال فضل...هل لديك مأخذ على ((موهبة , إن صح التعبير بالنسبة لك)) الفنان محمود عبد العزيز؟! لدي إحساس بذلك لأنك كتبت وقدمت عن أغلب موهوبي جيله واستثنيته..أتمنى إجابتك بصراحة لأنني وبكل تأكيد أثمنها جدا
تبرير سخيف لشرعنه الدم وتبريره انا فضلت مستمتع بالحلقة وانا اصلا بحب احمد راتب ...بس انا متابعتش تصريحات كل الاعلاميين والفنانين ايام الفض وايام السخافة اللي حصلت في مصر لكن لو برر دم وقتل فكسم قيمته وقدرة اساسا قيمته وقدرة ايه ؟؟ هو بلال فضل قرر يشتغل مبرراتي ولا ايه ؟؟