تع الصح أنت كل صبع بصنعا إسم على مسما الحاجا اللي ديريها ماشاء الله عليك ناجحا وين كنت مخبيا هذا شحال درت طريقت في تقسيم الشهرية والحمد لله نجحت 100/100 والبارح جربت الصابون السائل ماشاء الله عليك خرجلي مليح بزاف خصوصا كي ديريلوا كريستوا الملابس خرجوا يشعلوا جربت مرة وصفة الصابون مرتين للأسف مانجحتليش جاني مايه بزاف أو درت 2 رتلات برك بصح ماكان ماكان الوصفة ديالك خرجت هايلا خاتر ستة رتلات لوكان حبيت نزيد الماء أو مانخافش الله يجازيك ألف خير على وصفاتك وتدابيرك القيمة أشكرك على كل ماتبدلين من جهد الله يحفظك ويحفظلك اللي عزاز عليك
يا اختي هداك الشيبس راه خطير للاطفال لوكان مغذي ومليح للصحة معليش ولاكن راه خسارة الصحة قبل ما يكون خسارة الدراهم 20 د غليلهوم حبة بيض وجبة فرماج ولا لميهوم كامل وشريهوم كغ فاكية وقسميلهوم كي يدو حبة مندرين خير من الشيبس و الرويبة
انا عندي 2اطفال نستهلك 7لتر من الزيت و 25كغ من السميد نخبز بيهم الكسرة والمطلوع وخبز الدار و ندير منو بغرير و الشخشوخة و فرمسة لان زوجي ما يحبش ياكل الخبز تع برا
اختي راك تستهلك كثير من الزيت حاولي التقليل انا كذلك عند طفلين ولكن لا اقلي كثيرا وانا كذلك اشتري الدقيق 25 لكن لا اعجن كثيرا اعلم ان الرخساس ياكل كثيرا من الزيت والفطير لذلك حاول ان تعجن المطلوع وماهو معلوم ان الذين ياكلون العجائن كثيرا يصرفون اكثر لذلك الجأ الى الخضار
@@HasanHasan-rc4nd كلام صحيح الكسرة فطير والمسمن يوخدوك في الزيت كنت استهلك 7ل زيت في الشهر بسبب الكسرة والمقالي والمسمن بعدها تقلصت الكمية الى 5ل بعدها تقلصت الكمية الى 3ل في الشهر والحمد لله رب العالمين
@@user-qf9cs6fi2c انا نحكي على نفسي درت الاظرفة مانفعت درت التقسيم مانفع الشئ لدرتو مانفع والله والله ناكل عادي ونصدق كل شهر مبلغ معين لكنهم يطيرو يطيرو وزيد فيا الدين ربي يقدرنا برك
المرأة لازم عليها تكون فايقة و تحاول تمشي على حسب جيب زوجها و تشري فقط واش لازم و المفيد للبيت و الله أنا نتبع تقريبا نفس طريقتك و الحمد لله راني في الفايدة و الله قدرت نوفر و نشري بعض الأشياء لبيتي نقول فقط للأخوات لا للتبذير و نحاول نعمل أشياء في البيت و ما نشريهاش من برا هكذا نقتصد نعيشوا و نوفروا. ملاحظة أنا البورتموني تاعي السحري لونه بني نخبيه في الخزانة وراء حوايجي باش ما نشوفوش ههههههها. و ربي يكون في عون الجميع
ربي يزيدلك من نعيمه ان شاء الله تستاهلي ختيتو انت مرا ونص وحرة لحراير انا شاهدة على ذالك وربي يبارك لك في البورتموني السحري البني انا ثاني البورتموني السحري نتاعي بني هههههههه
نصيحة اختي اولاحبسي عليك الحانوت 2ملاين تقسميهم كالآتي3000 حق الثوابت كهرباء انترنيت ،ماء. 3000 تشري المواد الاساسية فقط اللي هيا 5ل زيت،5كلغ سكر،10كلغ سميد،2 علب قهوة،5كلغ فرينة،واللي يتبقى خبيه على جنب كشما تحتاجي حاجة اخرى ،و2000طوارئ،وتقسمي في اظرفة 5 اسابيع لانو كاين شهور فيهم 31 يوم كل اسبوع2500 والاسبوع الخامس ديري فيه 2000 وديري جدول للاكل اسبوعي وعليه تتقضاي الكمية المحدودة بالاضافة الى حليب شكارة والخبز احيانا ومالازمش تجبدي من ظرف تاع اسبوع واحد اخر واللي تبقى خبيه ،والصدقة واش قدرت .مع الاول تجيك الطريقةصعيبة بصح من بعد راح تفرحي وكشما عندك اسئلة راني هنا
انصحك تقعدي مع زوجك وتتفاهمو على طريقة المصروف تساعدكم في زوج مثلا هو الاكل وانتي الفواتير او تحطو نصف نصف كل مصاريف البيت والباقي اللي يبقالك خبيه كتوفير واذا كان راجلك مكفي مايحتاجش مساعدة منك اصرفي على راسك شوية وشوية خبيه للزمان ونصيحتي ماتبعيش بزاف الملابس والعطور الفاخرة تاكل بزاف المال
الحمد لله وكفا والصلاة علي المصطفي انا من سنة 2006 مطبقا نضرية جدتي رحمة الله عليها ستيرة ننخبي من كل خير شوية حتي من الدجاج و اللحم نوجد القديد للشتا وكل موسم عندي في داري نوجد فيهعولة العام طوماطيش المربيات بكل انواعه الفلفل الاحمر ترقاد الزتون والليمون نوجد عقدة التمر نحضرو بيه الحلويات ومخبوزات نعناع يابس كل. كل خير نوجده في بيتي والحمد للاه
رطل سكر في السمانة 3 ليترات زيت في الشهر تتمسخري كفاش هذا ما تدخلش لراسي انا عائلة متكونة من 8 افراد 2كلغ سكر في الاسبوع بدون إسراف زوج ما يديروش قاع السكر في الحليب ولا القهوة مراض يسمى 6 برك يديرو والزيت نوصل لحتي 15 لتر في الشهر وندير مرة برك معارك ومرة فطير ومرة سفنج ومرة كروكي ومرة بسبوسة ومرة حلوة الطابع في الشهر وباقي الايام غير تمر ولا معجون ولا زبدة والقليان خطرة في السمانة برك وما تشدليش كفااش هذا والله ما فهمت اذا انتوما يبيعز رخيس عندكم ولا انا ما عنديش البركة عييت نتقشف قىيل نقتلهم للشر ومابان والو
خصاتك البركة هي حل الوحيد حاولي تصدقي من اكل تاعك وصدقي من مصروف كل شهر شوية وسمي بسم الله متقوليش عليا مهبولة انا حاصلا وهي تقلي صدقي جربي متخسري والو
يا ودي هى عندها 3 افراد وحنا 8 افراد هذيك هي تريبل هي اذا دارت 10 مسمن انا ندير 30 40 حبة هي اذا دارت 2 خبزات فطير انا ندير 6 خبزات وهي اذا دارت 10 سفنج انا ندير 50 حبة واذا قلات رطل بطاطا انا نقلي 3كلغ وهكذا في كلش كل حاجة زيادة عليها عدد العائلة يلعب دور كبير في الميزانية من المستحيل عائلة متكونة من 3 افراد تصرف كما عائلة عندها 8 افراد هههه كفاش هذا ناكلو ولا نشمو ههههه والله غير ما نبذر كلش قياس وبالنسبة للزيت عندي خطرة في السمانة برك نقلي وخطرة فقط لي ندير سفنج ولا معارك ولا فطير في الشهر ناكلوه حتى يخلاص باقي ايام الاسبوع اما تمر يااما معجون يا اما بيمو . هذا هو حال دار العائلة ربي يحفظهم وشكرا على النصائح