نصيحة من عند اختك افرحي بمزيودك و ديري القرآن في الدار راكي كي حالتي. نصيحة أحمدي ربي انا نحبي و نخدم على ولادي و مولا بيتي خييير ملي تكوني مع لعجوز ما تعاونك حتى فالغسيل تاع الببي ديالك تزيدلك غييير زعاف و قنطات. راكي في دارك وحدك أحمدي ربي و اطياب نظمي روحك طيبي على جيه مرة وحدا فاليوم زيدي غييير حاجة خفيفة. ربي يقدرك و يسهلها عليك بإذنه تعالى
@@استغفرالله-ش3ض ههههههه ههههههه يعطيك الربح ان شاء الله حبيبتي ربي يعطيك ماتتمناي ان شاء الله يا رب يرزقني ههههههه كي نولي شعبابونا اني نقلك بصح يعني ماشي عرام 3والبراكة ههههههه ربي يخليك ختي فرحتيني بدعوتك
ربي يرزقك بالذرية الصالحة انا عانت 17 سنة والحمد الله رزقني توام عالجت في كل مكان روحت الاردن وتونس عاصمة مصر تتصوري بعت الدار باش ندواي في اخر حاجة علاجت بارخص ثمن روحت بالنية شهرين رفت الحامل وذرك عندي توام ذكور وزاد رزقني ربي بطفلة لي حبت رقم موبيل نعطيها اجر عليا
عليك و على الاستغفار بنية الذرية الصالحة 《 قال تعالى(وقل استغفروا ربكم انه كان غفارا يرسل السماء عليكم مدرارا ويمددكم باموال وبنين ويجعل لكم جنات ويجعل لكم انهارا 》 صدق الله العظيم استغفري في كل وقت ربي هو الرزاق
سلام ان شاء الله بربي في هاد الصبيحه المباركه يجيك ولد معا بناتك انا تاني راني حامل في شهري السادس ادعولي ربي يكملي بلخير عندي زوج بنات وراني حامل بولد ان شاء الله تعالي
ربي يرزقك الذرية الصالحة المهم تكون الخلقة التامة في وقتنا هذا مكانش الفرق بين طفل والطفلة المهم يكون متربي مليح انا جبت طفل وراه 3 بنات وراني قريب نزيد عندي طفلة صدقيني فرحت بالبنات اكثر من الطفل البنت حنينة مش كيما طفل
ننصحكم على تشققات الحلمات ديري film alimentaire بعد كل رضعة امسحي بزيت زيتون و ديري الفيلم اليموناتغ ولا ساشي والله عن تجربة تريحي و ادعولي يا النافسات ربي يشفي بناتي
...من قدري ان أحمل بعد 3 سنوات ونصف من العلاج كنت أسعد امرأة ولاداعي ان اصف شعوري فأنت اختي حسنة ام وجربتي ...وفي الفاتح من جانفي زادت بنتي وفرحتي وعرفت طعم الحياة ولكن....شاء القدر ان اكون اما فقط لأربعة اشهر و7 أيام 😢من منحتني لقب الأم فارقت الحياة ومن يومها فارقتني الحياة... شعرت بالنقص قبل ان أرزق بها لكن النقص من بعدها لا يحتمل... تحملت قبلها اني لست اما... لكن تحمل اني لم أعد اما افقدني طعم الحياة 😢 لفضت أنفاسها الأخيرة بين أحضاني😭 ثاني يوم من رمضان..رحلت من ازدان بها بيتنا ومن ملئ رائحتها الاجواء....فعاد البيت كما كان يخيمه السكوت والضلام😭لأول مرة اطلب طلب ادعيلي يا اختي ومشتركاتك ربي يعوضني ويرزق كل محروم يارب ....وربي يسلكك على خير انت والمولودة وربي يجعلها ذرية صالحة
@@meriemkadi3124 آه ساميحيني ظننت أنك حامل إن شاء الله نكون فأل خير عليك و ليس على الله بعسير أحسني الظن بالله حبيبتي و ربي حنين كريم و ربي يرزقنا و إياكم ذرية صالحة
السلام عليكم انا في النفاس نمر بحالة اكتئاب شديد و يولي الاحساس رهيف و الدموع على العين اما الأمراض الجسدية تهون الأصعب هي الحالة النفسية والله شيئ رهيب
اختي نصيحة ليك هذه حالة طبيعية تحسي بيها بعد الولادة في فترة النفاس نصيحة ليك استعيني بالله سبحانو او قولي اذكري يوميا على اللسان *استغفر الله اتوب إليه * او صلي على النبي كل دقيقه على لسانك *عليه نبينا محمد أفضل الصلاة والسلام * سبحان الله راح تتحسن حالتك او تكوني هااااايلى 👌👌🤲🤲🤲Couraaaaage 💪
حتا انا جتني هاذ الحالة نولي مقلقة من أي حاجة وافته حاجة تبكيني وسرتو كي نولي نرضع يحكمني واحد الاحساس رهيب نولي نكره الناس الكل سبحان الله وكل شي ء يفوت
كامل فوتنا هاد الشيء.لخاطر يتلم عليك التعب والمرض والسهر وبكاء الطفل وزيد بلاك وحدك ومكانش الي يقومك.اكيد حيجينا لبكا ولقلقا.ربي يعين كل أم.ويرزق كل محروم
انا بنتي تاني زيدت ولادة قيصرية جابت بنت سمتها ليليان رانا فرحانين عندها 2 دراري و زادت بنيتة لله لا يحرم مؤمن من الذرية ربي يعمر حجر كل محروم و يفرح كل واحد فكم يا رب
الولادة صعيبة سواء طبيعية ولا قيصيرية انا جربتهم في زوج والقيصرية اصعب لان بعد الولادة تعطلي باش تقبطي روحك المهم السلاك وخلاص ربي يجيبلك وقفة ساهلة انشالله😘
ربي يسلكك على خير و يعطبك ساعة زينة انا ولدت طبيعي و سيزاريان و الله في زوج سوفرونس. و الحمد لله كلش فات كانت امنيتي نرضع طبيعي الله غالب كان مشكل القلب في ولدي قطعتولو على شهر ربي يحفظك و يحفظلك وليداتك
نصيحة لي قريب يولدو عن تجربة كي بقاتلي سمانة ندخل التاسع درت حبة البركة مع زيت الزيتون ندفيها وندهن بيها ظهري وكرشي كامل ندير ماساج وكي ندخل التاسع كل ليلة ندير دوش سخون واذا عندك لابينوار عمريه وارقدي فيه ربع ساعة راح يرخيلك العضلات وتجيك الزيادة ساهلة باذن الله ومبعد ادهني الزيت واقدي جربتها وسبحان الله كانت الزيادة ولا اسهل ان شاء الله تجربوها وتدعيولي ونسيت نقلكم اقراو سورة الانشقاق
اختى صحيحي قولك الجنة تحت اقدام الأمهات هذا قول ليس له وجود لا في سنة الرسول ولا في كتاب الله ولا في الأحديث القدسية لهذا أختى لا تقولي قال الله تعالى ربي يسترك او يعطيك وقفة ساهلة إن شاء الله
شكرا الف شكرا.راني في الشهر السادس .ووليدي الصغير عمرو 7سنوات أمور كثيرة نسيتها فالتربية وانتي راكي تفكريني .جزاك الله عنا خيرا.واصلي فهاد الفيديوهات راهي مفيدة جدا
هديك التزانة الجاهزة إضافة لواش قلتي ممكن تاني الرضيع تكون عنده حساسية من احد المكونات ،ادعولي معكم راني سبع سنين بلا اطفال ، وانتي حسنة ربي يرزقك وقفة سهلة و يحفظك انتي و المزيود او المزيودة و كل وحدة قريب تولد و العاقبة لي مازالو
@@mikusan5208 شوفي اختي اشري زيت السمسم لامارك كابتن هو الدوريجين من عند العشاب قرعتو تجي صغيره ادهني بيه كرشك في الشهر الاولى قبل ماتكبركل ليله حتى تكملي القرعة تبقى كرشك كلي ماولدتيش ودعيلي تعيشي
اختي عن تجربة انا عندي تكيس مانحملش حتى بالدواء لكن اكتشفت الحجامة رووووعة كل مانحب نحمل نروح لطبيبة ندير حجامة هاداك الشهر يرزقني ربي سبحان الله . ننصحك تديريها ربي يرزقك و يفرحك
ديري بوماد ميبو احسن بوماد طبيعي فيه مكونات طبيعية نصيحة والله لكل الجروح حتى البيبي لو يرضعها عادي ما تضروش . ايضا مليحة للتكون مخيطة ولا خياطة تاع سيزاريان رايحة تبراي بلخف.
انا يا اختي حسنة تمنيت نشوف الفيديو ناعم قبل اليوم هذا،انا نافس اليوم عندي 28يوم ،وولدت سيزريان وللمرة الخامسة ،وراني تعبت ياسر هذه المرة،خاصة من ناحية وليدي عندي الحليب مي ولدي ماحبش يرضع وعييت معاه وحكم البيبرو على صدري من بعد نشف الحليب،زيد على ذلك الجرح تاعي مابراش من الداخل وقاستني لاتيني ،راني نعاني اختي حسنة وكل من يقرأ تعليقي يدبر عليا واش ندير.وربي يعطيك ويعطي كل واحدة حامل وقفة ساهلة يارب.
عجوزتي قاتلي جملة في نفاسي لحد الساعة مازالت في قلبي قاتلي ماكيش حنينة على بنتك علاه ماطاحلكش لحليب...و انا كنت اصلا بالزعاف من مشاكلي...بصح حسبي الله ونعم الوكيب
صدقيني ياحبيبتي حسناء انا ما قدرتش نرضع ولادي كان حلمي كرهت من البيبرو ماخليت حتى حاجة قالولي عليها من ماكلة ولا مكملات لكن في الاخير نرجع قد البقرة بلا فائدة عندي 4 اولادوالمشكل كان معاهم كامل
❤ اللهم سهل عليها ما تبقى من حملها ، و هون عليها ولادتها ، و أرزقها لذة إحتضان جنينها و هى بصحة و عافية يارب العالمين 😍 نحبك حسنة ختي انا متتبعة وفية ليك ملي بديتي و اليوم حبيت نكتبلك هاد الدعاء نتي دايمن تدعيلنا نحبك حسنة و نفرح كي نشوف الفيديوهات تاوعك و تاع ماماك ربي يخليهالك
الله يعطينا كامل وقفة ساهلة ان شاء الله و الله و الله راني خايفة ما نوليش لوليدي صغير غير ثلاث سنين مسكين كل يوم يجوز نخاف كتر يا رب رانا تحت رحمتك سلكنا على خير يعطيك الصحة على النصائح ختي حسنة
حسنة نقولكم تجربة تاعي مع التهرية تع البيبي كي تهراتلي بنتي درتلها كلش باصيت مفاد فيها لصابون حجرة لا نقا لا دواوات مام بيبونتين 4 بايط مفادوش خطرة كنت ندور باليوتيوب قاتلي وحدة ديري مايزينة مع الفازلين بيبي ديري قد الفازلين قد المايزينة خلطتهم حتى ولاو بوماد شديت بنتي نقيتها بصابون والما نقيتها ودرتلها البوماد فالبلايص المضرورين سورتو رقبتها والله 2 استعمالات بنتي برات مامنتش النتيجة وليت معتامدتها ان شاء الله نسلك على خير مام انا راني اونسات ☺🙂
واش العقليه هادي تاع لاماغد زعما غير هيا ف الدنيا هادي لي اونسانث انا معنديش وجامي حسدت واحد ولا مغينتو هادي حاجة تاع ربي وزيد الناس اكل اي تولد الكلبة حاشى الناس واي تولد
@@parkjihyo3601 الناس متنصحش هكدا حبيبتي واشبيها منصحتهاش على ماعنها على دارها على خدمتها على حياتها شغل جات غير على الدراري واشبيها قالت الناس محرومة هنا اسما احنا لي نحسدوها لي معدناش هادي حاجة تاع ربي وزيد بلاك الي عندهم الدؤاري هما لي يحسدو وحدة معندهاش الدكورة ووحدا معندهاش لبنات
أنا عندي سمانة ملي درت تاست ولقيت روحي حاملة و في لحق مبغيتش قعدت نبكي مكنتش دايرة حسابي .جات غلطة. ولادي عااد صغار يترباو لولد عنده عامين ونصف و لبنت عام و تلات أشهر و زيدت سيزاغيان و فيا لانيمي كل مانولد يزيدوني دم .فولادتي الاولى وصلت حتى للموت بسبب لانيمي.خممت باه نزله عاودت استغفرت ورضيت بلي كتبهلي ربي .
انا نفس حالتك و حكايتك و زيدت 3 سزغيان طفلة بعثتها درنا عندها شهر مجتش و طفل معيا مع بيبي و نضت الله غالب وقفت على روحي بسيف مي كلش يفوت يا ختي فرحي بولادك ربي عمرو ما يغبنك ولا يرضالك ضر عكس ربي حبك و كرمك انا دوك رغم كلش فرحت بولدي و ندمت على افكار اولة لكانت في راسي و على لبكاء حمد لله ربي فضلني بين شحال من مرا و مرا أعطاني رزق من رزقه . زيد لنمي كوني شاطرة و عوضي بالمكلا كولي كل وقت بطراف شربي عصائر فرولة و كركدية كولي مليح و ربي يعطلك وقفا سهلة . اذا موقفتيش على روحك مكاش ليوقف عليك و ولادك يحتاجوك مزالو صغار يحتاجو امهم قوي نفسك بنفسك و متخلهومش لزم تولدي و توللهوم بخير و على خير. و تنضمي وقتك فترة و كلش يجوز باذن الله
انا عانيت من تشققات حلمة الثدي حتى اصبح الدم يسيل اكثر من الحليب،وعطاتلي الطبيبة نوعين من المراهم والحمد لله بعد الم كبير ومعاناة طويلة لان الالتهاب قد يصل الى قنوات الحليب
يعطيك الصحة ختي على النصائح بارك الله فيك الله يعطيك وقفة ساهلة ويسهلي فحملي وولادتي ونفرح بوليدي إن شاء الله اللول ماتلي فرحتي ماكملتش الحمد لله راني نستنا ب 10 عينين وقتاش نزيد ههههه
أختي أنا صراتلي كيما أنت مام أنا فقدت ولدي الأول بعد ثمانية أشهر حمل.و درك راني حامل في الشهر الثالث خايفةو في نفس الوقت متشوقة لشوفة ولدي أو بنتي.ربي يثبت حملنا و يرزق كل محرومة.آمين
تخبيو الحمل انتعكم خوفا منا الحسد وبعدين ديرو سلسلة فيديوهات غير على الولادة والرضاعة ياختي ربي يكمل بالخير بصح راعيو النساء الي ماحالفهمش الحظ باش تحمل
هذه هي الحياة 💖ما بين مبتسم وما بين حزين وما بين حر وما بين طليق أو سجين جدران أو سجين مرض أو سجين الغربة ولكن الجميع تحت رحمة الله وعقابه فمن يدرك الحياة بين حلوها ومرها لا يغفل عن رحمة الله💕
يعطيك الصحة والله افدتيني بزاف تعيشي انا عندي 7اشهر وهذا التجربة الأولى تاعي مع الولادة اذا تقدري وريلنا واش لازم ندو معانا في حقيبة الولادة وشكرا بزاف ليك
احسن طريقة لتنظيف الثدي هي الماء والبكربونات. و شرب الماء والتيزانة للمولود يمكن أن يسبب له أضرار في الأمعاء والكلى. واحسن وصفة طبيعية لادرار الحليب هي مشوشة (بيض)بالبصل عن تجربة ودعواتكم بالخير
والله حبيبتي نفاسي مانريح فيه فمم طيحو عليا الضياف رغم اني ندير العقيقه ويجو والله نتعب ونزيد نزعف لاخاطر عندي مسؤليه مع اولاد ودراستهم ونزيد نسهر يارب كي نتفكر نتنشع
يا الحبيبة عندها الحق عجوزتك ، بنت لوستي ماتت لهذا السبب ، كانت تدهن لها بزيت الزيتون ، و ضربها الريح ، و دارت لها une boule بين الرئتين ديالها ، لانها كانت بيبي ، سمانة في السبيطار و بعدها توفاة ، و حتى وليد خويا مرض بالربو و دخل للسبيطار مدة طويلة ، كان بيبي ، ضربو الريح لصدرو بسبب زيت الزيتون ، و يا اختي انا نقولك نصيحة ، سواء زيت الزيتون او زيت عادي ، كامل يضرب عليهم الريح ، انا ربيت اولادي بلا زين الزيتون ، و بلا ڨماطة ، و الحمد لله راهم كبار ، يقراو لباس عليهم ان شاء الله ، يا اختي ربي خلق لنا اولادنا احرارا في بطوننا ، يتحركو كما يشاؤون ، علاش كي يزيدو نلعبوها نڨمطوهم و نربطوهم
و اللي راهي محروقة وش راهي تدير هنا في فيديو تحضير التروسو تع البيبي؟ و إذا كانت تحسد الناس على نعمة ربي رايحة تشوف النساء الحوامل و لولاد الصغار في كل بلاصة، في الزنقة، في التليفزيون، في الشجر، في الحجر. المرا راهي تنصح من قلبها و تفيد النساء لي ماعندهم حتى خبرة، انت لي ربي يهديك 😒🙄
@@Dzdoc.ingermany انا الحمد مانيش نحسد الله يكمللها و يرزق كامل الناس لي عندو و لي معندوش و اذا كانت هدي القناة محصورة غير على العباد لي كيما نت و حنا ما عندنا منديرو هنا يا ختي بصحتك سامحينا دخلنا بالغلط خطاش لي محروقة تروح تعلق روحها باش ما تشوف لا فالشجر و لا الحجر .... 👍👍👍
انا طفرت فيا دارولي ليفارجتير وخلصو وذرك راني ب2 اولاد الله يبارك زعمة كون نرفد مرة اخرى البوماد هذيك اللي هدرتي عليها ياحسنة تنحيهملي ولا لا تعيشي جاوبيني
انا تاني راني حامل للمره التالثة الغلطات الي درتهم في ولادي في زوج منزيدش نعاودهم نهتم بروحي نركز على روحي وعلى الي في كرشي عهد على روحي منزيدش نعمر راسي بحتى واحد مهما يكون
