خوية درب عمري ماخذاني دونها النسيان وانا يااهل الملامه مارغبت العيش وحداني أبي لي مهرة ماعسفت صغيره وبنت حصان ابوها اللى يفك المشكله ويزبن الجاني وأخوها لاتعزوى باسمها فزوالها العربان يحق لها الفخر في قولة آل فلان جداني أبيها فى بحر عشرين لازود ولانقصان أبيها اقصر طويله والوصوف اشكال والواني أبي الجبهه كما الصبح وكما القوس اسود الحجان وأبيها ناعسات ونرجسيه سود الاعياني ابي رمش كما ريش يغطى الثلج فالاوجان وابي جفن يشيل الرمش طربان وكسلاني ابي خد كما ورد تتنمى فى طرف بستان وابي خشم صغير ومثل حد السيف شاماني ابي البسمه كما البرق وتناياها كما المرجان شفاها جمرتين وفمها خاتم سليماني ابي شعر مثل ذيل الفرس لاطبت الميدان او الشلال لامن بات ليله بين الامتاني ابي جيد سوات ابريق فضه ناتق مليان وصدر كنه مرايه عليها طلع رماني ابي ظهر كما الجدول وقد مثل غصن البان وخاصر مثل مجدول الاعلان وجسم روياني ابيها بنت عز من رغدها ينعم البستان ابي الرقه وابي الدقه لها باطرافها شاني ابي المشية كما اللي طالع من المعركه كسبان وابيها ترش مع خطواتها مسك وريحاني ابي صوت اللي مني سمعته كن فيه الحان يدغدغ مسمعي ويثير كل السحر فاشجاني ابيها حب واخلاص وهواجيس وفرح واحزان ابيها مثل مادكتوراهالى العشق وصاني ابيها لوحة ماصورتها ريشة الفنان ابيها جوهره ماجابها قاصى ولاداني ابيهاتنتصرلي من زمان حطني نيشان وتبشر بالغلا اللى مالفى به واحد ثاني مهرها قلب وشعر يهز القلب والوجدان وألبسها القصيد وتصبح اوزاني وقيفاني ابي اللي فات واللي فات صعب ومن لقى العنوان يرد العلم ولاافضل ابقى اعيش وحداني /////////////////////////////////////////////////////////////////// نبارك لأبناء العمومه _ يافع عمان _من اخوانكم_ يافع السعوديه ونقول للمعرس واهله وللعروس واهلها هذه العباره الصادقه . تتعالى الأصوات .. وتمتزج العبارات وتتحرك الأنامل لتخط كلمات .. لتبقى في القلب ذكريات ... لترسم لك التهاني والتبريكات .. فأقول ألف ألف مبروك بكل مايحمله اسم ( يافع ) من معاني .. أسعدك الاله ووفقك .. ورزقك الذرية الصالحة التقية النقية ..هبة من ربنا ورب البرية
