النمرود .. قصة اكبر طاغيه في الارض 

النمرود
ناس كتير بتخلط بين النمرود وفرعون موسي .
والحقيقه ان فيه شبه بينهم من ناحيه الطغيان والتجبر .
بس التفاصيل مختلفه شويه .
ف ايه هي حكايه النمرود؟
النمرود اتولد سنه 2053قبل الميلاد ، وبعض الكتب والمراجع رجحت ان نسب النمرود يرجع لسيدنا نوح من ابنه سام او حام ، ده غير ان اتذكر في اكتر من كتاب ان النمرود كان عنده 6 اخوات .
النمرود قصته متذكرتش في القران بس ، لا ده كمان اتذكرت في التوراه والتلمود وسفر التكوين والانجيل القديم .
وده معناه ان النمرود كان عبره لدرجة ان كل العصور ومختلف الديانات اتكلمت عنه برغم طبعا اختلافات تفاصيل الحكايه ولكن المضمون واحد عن تجبر النمرود .
النمرود اسم علي مسمي ، اتمرد علي ربنا وعمل عهد مع الشيطان وده يعتبر اول عهد اتذكر في الكتب بين ابليس وبني ادم .
النمرود كمان اتعلم ومارس السحر بجميع انواعه ، وكان هو اول ملك يلبس تاج ، وحكم الارض من شرقها لغربها ، وكون جيش عظيم وطبعا كان بيرتكب جرايم كتير وكتر الظلم في عهده ومكتفاش بتنصيب نفسه ملك بس لا ده كمان ادعي الالوهيه والي كان بيرفض عبادة النمرود كان بيقتله ب ابشع الطرق وكأنه بيتلذذ بتعذيب ضحيته قبل الموت .
بعض الكتب بتقول انه اتجوز سيمراميس ودي كانت مرات قائد الجيش بتاعه ولكن بعد ما شافها قتل جوزها واتجوزها .
سميراميس مكنتش تقل عنه خطوره في شرها لانها معترضتش علي قتل جوزها وكانت مرحبه جدا بجوازها من النمرود .
ده غير ان النمرود كان معجب ب قوة شخصيتها وجراءتها .
اتذكر كمان ان النمرود كان عنده ولدين هما (كوشا والنمرود الصغير) .
لحد ما ف يوم النمرود حلم حلم غريب وكان تفسيره ان فيه ولد هيتولد هيهدد عرش النمرود ويقضي علي ملكه .
ف امر النمرود جنوده انهم يقتلوا اي طفل هيتولد .
لكن ام سيدنا ابراهيم بفضل ربنا قدرت تخبي سيدنا ابراهيم لحد ما فاتت سنين وايام واتواجه سيدنا ابراهيم مع النمرود قصاد حشد كبير من الناس وصرح سيدنا ابراهيم ل النمرود انه مش بيعبده وانه بيعبد الاله الواحد الاحد الذي يحي ويميت .
وهنا غضب النمرود وقال لسيدنا ابراهيم " أنا احيي وأميت " وامر واحد من جنوده يقتل راجل من عامة الشعب قصاد كل الموجودين ويمشي راجل تاني عشان يثبت ان هو بيحي ويميت . وفي الوقت ده سيدنا ابراهيم ادرك ان مفيش فايده ف الجدال معاه ف قاله ربنا بيخلي الشمس تشرق من المشرق خليها انت تشرق من المغرب ودي كانت الحجه الي مقدرش النمرود يعملها قصاد الناس ولا حتي بينه وبين نفسه .
ومشي سيدنا ابراهيم وعشان الناس متشككش في اولوهية النمرود وتحس بعجزه النمرود ساب سيدنا ابراهيم يمشي من غير ما يؤمر جنوده بقتله لحد ما يفكر مع نفسه ويشوف هيعمل كدا ازاي .
ولما لجأ للشيطان او السحر عشان يشوف مين الاله الي ابراهيم بيتكلم عنه بثقه ده وازاي اصلا في اله اقوي منه برضو معرفش يعمل اي حاجه وادرك ضعفه .
بس بسبب تجبره وغروره رفض يستسلم لضعفه ف امر ببناء برج بابل علشان يطلع لاعلي نقطه في السما ظناً منه انه هيشوف ربنا وهيقتله كمان ، ولكن كل ده جه علي مفيش .
واتذكر كمان في الكتب ان الي بني برج بابل ب امر من النمرود كان الجن مش البشر .
لحد ما سيدنا ابراهيم عليه السلام حطم الاصنام وده بعد ما ابوه وقومه محدش فيهم رضي يسيب عباده الاصنام رغم توضيحه ليهم انها لا بتضر ولا بتنفع .
وده سبب ان ابوه وقومه غضبوا منه غضب شديد جداً .
لما سيدنا إبراهيم عليه السلام حطم الأصنام النمرود أمر بحرقه وطبعا كلنا عارفين ان النار كانت برد وسلام علي ابو الانبيا ابراهيم عليه السلام وخرج منها وكأنه لم يدخلها .
بعض الكتب ذكرت ان النمرود لما معرفش يشوف ربنا ولا يجيب الشمس من مغربها اتنمرد علي الشيطان نفسه وشاف نفسه اقوي منه كمان وانفصل عنه ومبقاش يطيعه لكن شره مقلش بالعكس زاد .
عشان كدا الشيطان لعنه ب انه خرج من اكتافه تعبانين والتعبانين دول لازم كل واحد فيهم ياكل راس بني ادم كل يوم والا هياكلوا راس النمرود نفسه ، وطبعا النمرود كان بيامر جنوده كل يوم يدبحوا شخصين .
وعاش النمرود في العذاب فتره لحد ما عامة الشعب والطبقه الفقيره تعبت من ظلم النمرود وطغيانه واغتصاب جنوده لبناتهم ف اتفقوا مع سيدنا ابراهيم عليه السلام وطلعوا بعدد قليل يحاربو النمرود وجيشه .
وخرج النمرود مع جيشه وهو عارف ان النصر ليه .. بس ربنا ارسل عليهم جيش كبير من البعوض لدرجة إنه حجب الشمس عنهم .
البعوض ده كان لما بينزل علي الجنود كان بياكل لحمهم ودمتئهم ومش بيخلي فيهم غير هيكل عظمي بس .
النمرود طبعاً خاف وهرب بعد ما بعوضه دخلت في مناخيره واستقرت في راسه ، والنمرود الملك صاحب الهيبه اتذل ومكنش بيرتاح غير لما ينضرب بالنعال او يقال بالمرازب علي دماغه عشان البعوضه تسكت ، واتذكر انه عاش في العذاب ده 400سنه لحد ما مات النمرود .
ويقال في بعض الكتب انه اتقتل علي ايد المزارع الي اغتصب بنته .
#النمرود
#فرعون
#ابراهيم
#الشيطان
#البعوض
#جيش_البعوض
#هلاك_النمرود
#السحر
#الملوك_الاربعه
#سميراميس
#أصل_الحكايه
#شورتس
#تريند
#محمد_نبيل_أصل_الحكايه
#اكسبلور
#youtube_vedios
#trend
#shorts
#explore
#youtube
تابعنا عبر مواقع التواصل الإجتماعي👇
حسابي الشخصي علي فيس بوك ( محمد نبيل ) 👇
www.facebook.c...
صفحتنا علي الفيس بوك ( أصل الحكايه ) 👇
www.facebook.c...
إنستجرام ( محمد نبيل ) 👇
...
تيك توك ( محمد نبيل ) 👇
www.tiktok.com/@mohamednabil_aslelhekaya
مونتاچ ( ريم إبراهيم ) 👇
www.facebook.c...