ما شاء الله لو فى مجموعة شباب تأسس شركه كل واحد 10فدان ونخش مع بعض ويا ريت لو فى حد من القاهرة ونجمع بعضنا على الشغل بالتناوب علشان اشغالنا فى القاهرة أنا موافق اخش فى أسرع وقت
هذا اعجاز والموضوع يمشى اذاى وهذا الكلام لأشخاص عندهم فلوس اى انهم رأس ماليين مستغلين ولو فيه عدل وإنصاف لا تكون الف فدان بل يجب أن تكون تقسيمات صغيرة ه فدان و١٠ فدان وكذالك يكون حد اقصى للافدنة ولا يزيد عن ٢٠٠ فدان اعتقد هذا هو جزء من العدل ياطابور خامس الله لا يبارك فى الخونة وتحيا مصر المحروسه وجيشها وجيشها الى يوم القيامة ٠٠٠
والله مش فاهم سوال حضرتك كويس تقصد عاوز شركه في توشكي نفسها (اسوان )؟ ولا عاوز تشتري من شركه في المفيض؟ ولا بتشكرني انا هههههههه؟ اختار حاجه من التلاته علشان اجاوب حضرتك تحت امرك
هذا المشروع غير مضمون الانه لاتوجد له حصة مياة محددة هذة الارض ستزرع على مفيض يعنى على حسب الظروف حيث لو كان هناك فيضانات فى السودان وأثيوبيا سوف يزداد منسوب المياة و قد تؤدى الى أغرق هذة الاراضى وتدمير المحاصيل وعندما يكون هناك جفاف فى السودان وأثيوبيا فسوف يقل منسوب المياة فى المفيض فى هذة الحالة سوف تتوقف الزراعة فى هذة الاراضى وكذلك لايوجد خدمات فى المنطقة وأقرب منطقة خدمات على بعد 200 كليو متر
يا افندم المحافظه شغاله في الطريق وصلة (باريس_المفيض) لسه منتهتش من الطرق لكن شغاله بالفعل هييجي اليوم وهتلاقي جميع الخدمات دخلت وطبعا هتكون الاراضي اتحجزت برضو
الى الامام استاذ محمود اهلا بكتائب التعمير مزارعى الصحراء ومعمروها بكرة مراد مرعى يشوف المفيض مليان من كل حدب وصوب اهلا بكتاءب الاكتفاء الذاتى من القمح كملوا ازرعوا فان الله يرعاكم وعلى قدر حلمك تتسع الارض اخوك يحيى الصعيدى بيزنس لايف كوتش بكرة نشوف الارز مزروع فى الوادى الجديد وبالتنقيط كمان
عليكم السلام ورحمة الله وبركاته الأمور هتسير هتسير أن شاء الله لكن تقدر تتصل بالاستاذ جمال 01122373849 هو بينسق المجموعه ويرتبها يا استاذنا الفاضل واللي فيه الخير يقدمه ربنا ان شاء الله بالتوفيق باذن الله
شكرا جزيلا لحضرتك. سؤال لو سمحت. في حالة تخصييص أرض تبعد عن المياه 3 كيلومتر مثلا هل في أماكن محددة لشق الترع لان الترعة هتكون حسب فهمي خارج حدود الأرض المخصصة؟ ما الذي يضمن عدم وجود مشكلات تتعلق بتضارب مسارات الترع أو وقوع مسار الترعة ضمن أرض قد تخصص لاخرين فيما بعد. سؤالي باختصار عن وجود خطوط سير معينة للترع .أسف للإطالة. نشكر لكم جهودكم.
والله الفيديوهات ارسلهالي صديق كان مصورها بهذه الطريقه طبعا يشكر على ذلك وان شاء الله الفيديو القادم ستكون الصوره مليء الشاشه تحياتي لحضرتك ومتاسف على هذا الأمر
اولا بشكرك ع الاهتمام طبعا يا اخي الفاضل وجزاك الله كل خير لكن يا افندم أصدقائي في المجموعه متواجدين هناك وبيصطادوا سمك يوميا ومفيش الكلام دا مش موجود والله ممكن تلاقي التماسيح خلف السد عند بحيرة ناصر لكن في المفيض مفيش دا اكيد وبرضو بشكرك جدا علي توعيتك للناس وحب الخير لهم تحياتي لشخصك الكريم
السلام عليكم ا/ جمال ابوالدهب الفيديو جميل لى مفيش فى توشكى مراكب للموصلات من اسوان الى مفيض باريس دخل المياة عشان نروح ونعاين على الطبيعى والخدمات عاوز اروح لكن خيف اغرق
مياه مفيض باريس دائمه وهي موجوده من اكتر من عشرين سنه هي قابله للزياده والنقصان ودا امر المحافظه حاليا بترتب له عن طريق بناء سد لكن المياه دائمه واي حد بيقول غير كدا هو لا يعلم شيء تحياتي لحضرتك وشرفني مرورك الطيب
يا افندم انا ارسلت لحضرتك رقم الواتس بتاع الاستاذ جمال اللي مسؤل عن المجموعه الرقم تبعنا يا افندم وتابع التعليقات هتلاقي نفس الرقم هو هو اللي عند الساده الافاضل اللي بتتواصل معايا لو عاوز رقم الواتس الشخصي بتاعي بوضو تحت امرك 00966545164519
الشركات مفشلتش يا استاذي الفاضل الشركات اخدت الأرض وركنتها ولا زرعت ولا عملت اي حاجه لكن في ٤ شركات شغالين ومفيش اي مشاكل خالص بالنسبه ان حضرتك شايف الترعه هتكلف ملايين في الحفر طب ما تجيبلك حفار مثلا ب 300 الف على المجموعه والموضوع انتهى ليه بس ملايين لو حضرتك شايف ان الموضوع معقد عمري ما هعرف اوصل لحضرتك وجهة نظري لكن لو عاوز. تشتغل وتزرع هتلاقي اتحاد الشباب والمجموعة مع بعض هو في حد ذاته أفضل من الشركات نفسها لأنهم عاوزين يزرعوا مش يتاجروا بالأرض بالتوفيق للجميع أن شاء الله
@@مفيضتوشكىللاستثمار يا اخى فين الدوله. الى كانت زمان تملك الناس الى تعمر الصحره دى امامن اولا بعيده ومحتاجه مجهود وطاقه شمسيه وصعوبه تنقل ومفيش اى خدمات وفى الاخر يقلم ايحار ستوى الف ولا الفين ولو تمليك توصل ٢٨ وانت تكون مكلف الفدان خمسين غير التعب وبعدك عن ولادك . الله يرحم حسنى والى قبله كن يحهز الاراض وبعدين يعرضها للتشجيع والتوسعه مش تقلى باريس وحتى منتوجى صعب اسوقه
@@stoof39 اتفق مع حضرتك يا استاذ مصطفى في بعض النقاط لكن يا افندم خلي بالك الوضع اختلف وارتفاع الأسعار بقى شئ حتمي وحتى الف جنيه إيجار سنوي برضو مش كتير يا افندم وحتى التملك هو أقل من ٢٨ وقسط على ٧ سنوات برضو سعر معقول والأرض جيده وهي دي السياسه المتبعه حاليا لو هتفضل متمسك بوجهة نظرك دي وتقول يا سلام ايام زمان كان كذا وكذا يبقى اسمحلي اقول لحضرتك مش هتتقدم خطوه لأن في غيرك هيقول دي فرصه ويتمسك بيها حتى التسويق ليه أكثر من طريقه ناجحه لا تقال في تعليقات اولا لازم تكون إيجابي اكتر من كدا يا افندم الحياه ولعت وأقل مشرروع هتعمله دلوقتي شوف هيصرف كام؟ ودا استثمار زراعي يعني عمره السلعه دي ما توقف أو نستغني عنها ربنا يوفقك ويساهلك الأحوال شرفتني اخي الفاضل
@@مفيضتوشكىللاستثمار انا كلامى مش ضد الشركات ولا المستثمرين انا اقصد ان الدوله. معنيه بسد الفجوه وزياده الانتاج والمحال ولله الحمد مفتوح مياة وارض لكن عجله التنميه بطيء لبعد المسافه وصعوبه التسويق والتكلفه فا لازم تسهيلات للافراد اكتر من كدى ويا اخى الشركات ليها نظام خاص وانت عارف الشركات نظام ربحى حتى الارض ولو بعد عشرين سنه ممكن الشركه تتركها فاضيه لو ما ربحت منها لكن عشان تعمل تويع عمرانى وتوسع زراعى الناس العاديه الاهم والاكثر فاعليه. افتح مجال للناس واعمل طرق ودعم زراعى وسرعه اجراء تملك خلى الناس تتشجع يكفى انه هيعمر الصحراء تحلبه كمان
@@اناراضيباسلامي مش هتحتاج للبير لكن وش المياه في البير الاسترشادي كان ٦٠ متر المساحات الصغيره هتتعبك كلم الاستاذ جمال هو هيوضحهالك كويس وبعدين قرر موفق ان شاء الله
@@مفيضتوشكىللاستثمار صدقت ولكن لابد من توحيد الجهود علشان يتم النجاح وربنا يوفق الجميع لما يحبه ويرضاه اللهم امين وفعلا الوضع هناك جميل جدا ان كان ليا فيها خير ربنا ييسرني ليها
لو سمحت حضرتك انت بتتكلم عن أن الناس هتبني وتعمل بيوت ويشتركوا مع بعضهم في البناء طيب إنتوا كده هترجعوا العشوائيات من تاني وندخل في مشاكل جديده زي اللي حصلت في الدلتا وجميع مدن وقري مصر طب الحل ايه دلوقتي علشان منرجعش للخراب بتاع العشوائيات ده؟ الحل انكم تطلبوا من المحافظه تحدد ليكوا مكان معين للبناء يتم تخطيطه على أعلى مستوى بنسب معينه وتكون شوارعها واسعه مش شوارع ضيقه مبعرفش يدخل فيها سيارة مطافي ولا إسعاف لا قدر الله علشان كده مش عاوزين نرجع للعشوائيات الهباب دي تاني وتخربوا الطبيعه البكر للمكان اتقوا الله لأن الموضوع مش زراعه وخلاص وقطعة ارض تبنوها بعشوائيه وترجعوا البلد لمشاكل لسه قاعدين نحل فيها لحد الأن وكلفت الدوله مليارات. ارجوا منكم تاخدوا ده بعين الاعتبار علشان نتشجع ونبجي ناخد معاكم إنما نيجى نقعد في عشوائيات وقرف ده مش هيحصل وهنبلغ أمن الدول لو عملتوا البناء العشوائي ده وهنطالب بمحاكمة المحافظ وتتحاكموا معاه إنتوا كمان لو بنيتوا بطريقه عشوائيه. أنتظر رد حضرتك على كل ماذكرته لك في الكومنت ده ولك جزيل الشكر والاحترام والتقدير
يا اخي والله انا ذكرت في تعليق للاسناذ اللي علق قبلك اني تعبان ومش قادر اتكلم لكن تعليقك دا بصراحه مستفز بطريقه غريبه عشوائيات ايه اللي بتتكلم عنها دي!!! يا اخي الناس اللي اخدت معانا بالفعل ناس محترمه كل وتحد واخد اقل شيء ٥٠ فدان بيبني فيهم استراحته سواء هيقعد او هيجيب عماله وصلت لدرجة انك عاوز تحاكم المحافظ وتحاكمنا معاه كمان ههههههههه ياباشا المحافظ مستني الاسر تروح هناك علشان يفتح مدارس ووحدات صحيه دا مجتمع عمراني يا استاذي الفاضل وليس عشوائي واي حد بياخد قطعة ارض زراعيه له قانونا مساحه بنائيه هو حر فيها سواء ٢.٥٪او ٢٪ دا السيد المحافظ كان عامل مبادره مع ٣ محافظات علشان الجذب السكاني والتخفيف عن الدلتا وبيعمل مجمعات عمرانيه ومستني الناس تروح علشان يعمل الخدمات مع احترامي لحضرتك اوعي تفتكر ان الناس اللي اخدت هناك او اللي هتاخد ناس بيئه او متشرده علشان تقولي هتبنوا وتعملوا عشوائيات وسخن قوي في الكلام وعاوزني ارد عليك انت متعرفنيش ومتعرفش الناس اللي واخده كلها ناس محترمه وطبقات اجتماعيه محترمه وعاليه عامتا حضرتك نظرت للموضوع من نظره اخري احب اطمن حضرتك للعلم فقط عمر المفيض ما هيكون عشوائي نظرا لبعد المسافه ما بحبش ازعل حد في كلامي واجمل شيء ضبط النفس بالتوفيق ان شاء الله
هو ايه اللي نصب من الاول للاخر!؟؟؟؟ تقصد الدوله بتنصب ع الناس يعني؟ ياباشا مالك بس ومال الوليد بن طلال دا موضوعه سياسي كبير طيب ما الامارات واخده مساحه عملاقه حاليا وشغاله بتصدر الانتاج وناجحه جدا جدا جدا عمر الزراعه ما تكون مشروع فاشل ابدا هتشوف بعينك ان شاء الله المفيض هيكون ايه في يوم من الايام خليك ايجابي يابرنس متغمقهاش كدا بالتوفيق ان شاء الله
مشروع فاشل فاشل و دي مخاطرة كبيرة قوي.. سياسة الدولة فيما يلي تمرير المياه عبر مفيض توشكى غير ثابتة و تعتمد على مستوى المياه في بحيرة ناصر المرشحة للتناقص بسبب سد النهضة و الاولوية للري في أيام الجفاف المتوقعة في السنوات القادمة ستمنح للأراضي الزراعية القديمة على طول مجرى النيل و الدلتا بسبب ارتفاع نسب الفاقد من المياه في بحيرات توشكى بسبب ارتفاع درجة الحرارة و البخر.. لو مشروع توشكى منو فايدة ما كانش الامير الوليد بن طلال تنازل عن أرضه هناك و فر بجلده
تمام مشروع ايه اللي فاشل هههههههه الوليد بن طلال كان واخد في توشكي وسوال هو الوليد فشل علشان معرفش المياه جفت من الترع ؟ هو مش معاه فلوس يحفر ابيار ؟ مشكله. الوليد مشكله سياسيه موضوعها مختلف ما عندك ملاييين. التمازج الناجحه في الاراضي الصحراويه روح شوف مزارع الجيش عند شرق العوينات ياريس وهتعرف فاشل ولا لا انا فاهم ان المنسوب المياه بيقل وبيزيد ووضحت دا لكن المياه موجوده وليست منعدمه كل ما يقل عادي ترجع بالترعه بتاعتك ايه المشكله يا سيدي افشل سيناريو من وجهة نظرك خليني معاك بعد سنيين والمياه انعدمت ومش موجوده هنعمل ايه ؟ الواحات البحريه والفرافرة والخارجه والداخله وكل دا بيروي ازاي ؟ ياسيدي اعملك بير هناك بالعكس الخزان الجوفي هيكون ممتاز ومليان بالمياه علي فكره دا افشل سيناريو كمان يعني المياه موجوده وعلي فكره بتقول سنوات جفاف متوقعه واولويه تمرير المياه للاراضي القديمه ياباشا حسبتها ازاي هل ساعتها كدوله هتمنع المياه عن مئات الاف الافدنة دي واللي هتكون مزروعه قمح مثلا هي محتاجاه وتهد نفسها الموضوع مش زي ما حضرتك متخيل بالعكس لو هتعمل كدا ساعتها الدوله هتسمحلك بحفر بير قسط ومدعم بدون فوايد زي ما عملت في نظام الري الحديث الان لكن مش هتضحي بالاراضي دي كلها صعب صعب مستحيل كلام حضرتك يحصل
والله يا استاذي الفاضل مفيش داعي للبير نهائي المياه كتير وهي دائمه موجوده من اكتر من 25 سنه دون انقطاع لكن هي تنقص وتزيد وهذه المشكله يتم التغلب عليها بان كل ما تنقص يتم الرجوع بالترعه ودي مشكله بسيطه موضوع وش المياه علي كام متر هو المحافظه عملت ابيار استرشاديه ومختلفه من موقع لاخر ولكن المتوسط 40 متر لكن طبعا الخزان الجوفي في هذه المنطقه هيكون افضل خزان جوفي كمان وارجع واقول لحضرتك لا داعي اطلاقا الي حفر البير