مروان خليل لعب لعبة ذكية .. جاب امير سعود مش بس لانو شوتر قوي بس كمان حتى يضبط ايقاع اللاعبين ويجبرهم على تطبيق خطط المدرب .. اللاعبين السوريين مش منضبطين وبيلعبوا ارتجاليا كتير .. بتشوف كيف كلهم بيسكتوا وبيسمعوا تعمليات مروان خليل بينما عند غسان سركيس فوضى والمعتر مش قادر يضبطهم حتى بتسمعو بيعيد الخطط مرتين و3 حتى يتأكد انن فهموا ... كمان الحركة الذكية كانت باخر دقائق المباراة .. طلب غسان سركيس تايم اوت طلب من فيكتور يمشي الطابة حتى يوصلها ل للاعب الطويل يا بيسجّل يا بياخد فاول وساعتها بيربح الاهلي .. دغري قبل ما يلعبوا بيرجع مروان خليل بيطلب تايم اوت وبيكشف خطة غسان سركيس وبيقول للاعبينو يضغطوا على فيكتور حتى ما يوصل الطابة ل اللاعب الطويل :)
ألف ألف مبروك للوحدة وهاردلك للأهلي غسان سركيس فشل في إدارة المباراة كان لازم بداية الشوط الثاني يغير طريقة اللعب لأن مروان قرأها والاهلي لديه لاعبين محليين ممتازين قادرين على تطبيق اي خطة
الظاقم التحكيمي الاردني فلتت المباراة من ايدو ابتداءا من الشوط الرابع .. 3 فاولات UNSPORTSMAN على امير باقل من 5 دقائق . لما 3 لاعبين ضبوا عليه ورموه خارج الملعب .. والاخطر فاول نديم عيسى الاخير اللي رمى امير 4 امتار .. المفروض يجيبوا حكام اجانب .. الاردنيين ما بيحبوا منتخب لبنان ولاعبي منتخب لبنان لان منافسهم دايما والمنتخبين رح يلعبوا بطولة العالم وممكن كتير يتواجهوا - تركوا مجال كتير يتمادوا بفاولاتهم على امير سعود ...
أي والله يا ألف حيف ع هيك لاعبين جبناء خايفين يخسروا في الشوط التالت و الرابع خاصة وللك ولك انتوا ربحتوا الشوطين اول و تاني كيف بتتراجعوا في التالت و الرابع المفروض كنتوا تقاتلوا حتى ما تفوتوا سلة أو رمية حرة للأسف اهديتوا الوحدة الفوز التاني الله يكتر خيركم مشان شوا تروحوا للشام و تلعبوا خلص انتهى كل شيء المدرب ما محضر اللاعبين ذهنيا فشل فشلا ذريعا في اللعبتين كان سيء بكل معنى الكلمة 💔💔💔🥺🥺🥺🥺
للصراحة مروان خليل قالها قبل انطلاق الفاينال قال انو اشتغلوا على العامل النفسي للاعبين خاصة انن رح يلعبوا بدون جمهور وقال انن حطوا اللاعبين بجو انن ما يتأثروا بالجمهور .. اما لاعبي الاهلي واضح انن كانوا مترددين وخايفين ( بالعلامة تضيع كتير سلات سهلة من تحت السلة ) .. المشكلة باللاعبين السوريين انهم مش منضبطين وارتجاليين وما بينفذوا تعلميات المدرب - عم نشوف غسان سركيس بيعاني حتى يشرح الخطة تبعو .. وبيرجع بيعيدها مرتين و3 حتى يتأكد انن فهموها .. بس الكل بيحكي وما بيسمح ... مروان خليل لعبها ذكية جاب امير سعود لانو شويّط بس كمان لانو رح يضبط اللاعبين على ارض الملعب وبالتايم اوت .. اللاعبين عم يقلدوا امير لما بيشوفوه ساكت وعم يسمع تعليمات المدرب احتراما لتوجياته ... ملاحظة الوحدة سجل على ما اعتقد 15 نقطة من المرتديات السريعة وكلها قادها امير سعود .. باخر دقائق المباراة التعادل 66 - 66 ... كان فيه لقطة جميلة جدا . - غسان سركيس بيطلب تايم اوت , والخطة انو يستلم فيكتور باخر الثواني ويمرر الطابة ل هابو تحت السلة .. هابو يا بيسجل او بياخد خطا - لما فاتوا على الملعب بيرجع مروان خليل بسرعة بيطلب تايم اوت وبيكشف خطة غسان سركيس وبيطلب من لاعبينو يضغطوا على فيكتور ويعملوا بوكس اوت على هابو انا اعيب على غسان سركيس انو لا يحترم اللاعب الاجنبي فيكتور .. بعرف انو كان بدوّ يغيرو واكيد انو فكتور واصلو هالكلام .. هالشي ممكن يكون اثر كتير على اداء فيكتور ( مع العلم انو ما كان عليه دفاع قاسي ) فيكتور سجل صفر من 6 رميات حرة ...لو سجل وحدة منهم كانت انتهت المباراة بشوطها الرابع .. غسان سركيس يعاني من ارتجال اللاعبين وعيبه انو صريح وشفاف ومش دبلوماسي وهذا يظهر بطريقة معاملته ل فيكتور .. مع انو غسان سركيس معروف انو بيخلي لاعبيه يعطوا 50% مستوى افضل من مستواهم .. لانو بيدعمهم دايما خاصة لما بيضيعوا وما بيسجلوا ..
