انا سلفتي كون عاندتها ورحت غير هاد العام ست ولا سبع مرات نروح ونبارك وندي وهوما والله مايج عندي ولا يعيطو تلفون مالي شديت رجلي حلال عليهم وحرام عليا الفايدة فيا تروح ترنك نعيش لداري برك
انا عندي اهداف بزاف ماقدرتش واش نححد هدف بصح راني درت حصالة من واحد جوان ربي ان شاء الله نصرفها في حاجة مليحة اما بنسبة المباركة حلفت مانزيد نروح عند حتى واحد مناه انا باركتلهم في كلش الي دزيد انروح والي طهر انروح ولي يمرض انروح والي النوم يدخل للحبس تلقايني نجري ليه بدراهمي وبمعريفتي في الاخير انا كي جاتني مناسبة تاع بنتي دات بيام والله واحد من هذو ماجاني انا ماقطعتش رحم مناه ماشي اول مرة يخزيوني اومايجيونبش غاضتني بنتي كبارت او تعرف صلاحها استناتهم واحد ما جاء ليها 😢😢😢😢
انا ثاني جبت الباك واحد قط ماجاني ولا حلبني ستنيت ستنيت حتى خلاص نهار ما فرحت وحدي ما فرحت معا الناس قعدت قا نستنا مشكل ماما ماتحبش تستعرف. كي نقلها شوفي وما قيموكش وو ماتدي فيها ما تجيب
السلام عليكم أختي صار لي واحد 15 يوم ملي عرفت قناتك عجبتني بزاف جزاك الله خيرا نشاهد 5 ولا 6 فيديوهات في النهار و أكثر حاجة عجبتني تلاوتك للقرآن راكي حمستيني نولي نحفظ القرآن كنت حافظة و كنت نقري النساء و فوجين من الأولاد الصغار في المسجد و مبعد كلش تبدل علي للأسف بعد ما تزوجت عشت عامين استعباد مع عجوزتي مكانش عندي وقت حتى نغسل وجهي و زيد كرهت حياتي مع ناس داري غير انتقادات سلبية يتدخلو في كل صغيرة و كبيرة و أنا ما كنتش موالفة مع هذه الحياة و عجوزتي نرجسية إلى أقصى درجة خلاتني نشك في روحي و نشك في كل العباد اللي نعرفهم كي زادت المشاكل بين راجلي و باباه خرجنا نعيشو في دار الكراء تبدلت علينا المعيشة الشهرية ما تكفيش راجلي تحاوز من العمل و عندي ولد سيلياك ماكلتو غالية و الصغير نخلص عليه لاكراش حسيت بلي ماكانش البركة ضاقت علينا بزاف رجاء أختي جاوبيني إذا هذا الشيء عقوبة وذنوب في ناس داري لأنه زوجي ما يهدرش مع والديه ما يزورهمش و أظن أن قطيعة الأرحام سبب في ضيق المعيشة و الله المستعان
واختي كفاه إرضاء الله غاية لاتدرك راه الله سبحانه وتعالى وضع لنا السبيل إليه لإرضائه هو التقوى والتقوى اجتناب مانهانا عنه ترك المعاصي ورضاه فعل الواجبات قولا وعملا واعتقاد نتسابق في نيل القرب الي الله وأسمحيلي ملاحظة قولي فبيها والنعم ماشي ونعمت تحياتي متابعة ليك نخدم شغلي ونسمعلك تبارك الله عليك
مساء نور حبيبتي ،كلامك كله حقيقة وصواب ،ناس راهي تتمشى بالمناڨرا ،وراهم يحرمو على الڨلاليل مساكين ، يشرو حتى الغلاء وينسو بلي بيهم الڨليل مايقدرش يشري لان التجار كي يشوفو فالغلاء وناس تشري يزيدو يحرڨو الناس بدون حدود ،وحسبنا الله ونعم الوكيل فالناس لي تخمم غير في روحها والڨليل يشوف بعينيه.ربي يحفظك ويسترك على كلامك لوكان غير جاو يسمعوك ويطبقو للأسف.😘