كلامك ما فيهش احسن من منه اختي العزيزة انت رائعة الله يحفظك من كل سوء و عائلتك و الله يعينا على هموم الدنيا و يفرج علينا جميعا ..... من يتقي الله يجعل له مخرجا و يرزقه من حيث لا يحتسب
السلام عليكم جميعا يا البنات الله يحفظكم و يحفظلكم ما عندكم تعيشوا ادعوا معايا لاختي ربي يشفيها راهي في حالة ما يعلم بيها غير ربي سبحانوا على بالي تقولولي هذا ماشي مكان تاع الأدعية بصح من قوة لي قلبي يتألم على حالتها طلبت منكم تعاونوني بالدعاء و هاذي اول مرة نكتب تعليق في قناة من هذا النوع تعيشوا انتوما و انا ندعوا مع بعض ياربي اشفيها و ارفع الضر عليها يارب .
شفت تعليق هذه الاخت والله غاضتني وبقيت مدة وانا نتأمل في تعليقها ربي يفرج عليها نشاله باسكو كاين بزاف نساء راهم يعانو وماكان حتى وحدة مهنية بصح كاين لي ماعندهاش وين تروح تقولك نصبر وفرات هذي هي لي يقولك وش حاتمك على المر تقولو لي أمر منو ربي يفرج على كل انسان يتألم ولم يجد مايفعل تصبحون على سعادة
ولله غير قسيتيها ياختى والله غير واعرة سورتو مر يكون شريك الحياة الزوجية هو ليتعامل معاك بهده طريقة كيفاش رايحة تكون معاملة .مع زوج يغير منك زوج حقود زوج ينتظر اول فرصة يطاكيط كرهت ياختى معرفتش نتعامل معاه نتمنى جاوبينى وشكرا جزيلا
Meriem Sarah اه نتي هي لي هدرت عليك دداح والله ياختي من قريت تعليقك وانا نخمم فيك ربي يشافيك اولا لانو الصحة هي الصح ورانا كامل صابرين بصح حالتك والله صعيبة تبالي خبري ماماك هي تعرف وش دبر عليك والله قلبي راهو معاك مزالك صغيرةحبيبتي والحياة امامك اتمنى لكي الافضل فالحياة لم ترحم احدا
ولله يا طاطا غير رنا مزعزعين من خونا لعياشي ربي يرحمو ويوسع عليه اه ياطاطا لقلب معمر كيشوف ولا يسمع هم ناس او ختنا ينسا همو ربي يفرج علا كل واحدة مغبونة ولله لعضيم مارڨري عمري صغير بصح نحس روحي فى عمري 50 سنة كي نسمع لمشاكل تع ناس منها نتعلم او ناخذ حذري ونت ربي يفرحك او يرزقك نشالله.... تغير تحسد. تسحر ربي يبعدهم علينا كما باعة بين مشرق ولمغرب وبعد السموات ولارض يارب اامييييين
مدام راكي ديري هكا مواضيع،ديرينا موضوع على العجوزة واللوسة لي يهدرو في العروسة و يتهموها بالخيانة و يكذبو باش يفرقو بينها و بين راجلها هذي هي و شكراااا
حسبنا الله ونعم الوكيل مرضوني بالرغم من صغر سني تزوجت كي الوردة رجعت مهبولة القلق الدائم الأعصاب صح كرهت كلشي وندمت على الزواج تظلمت بزاف من اهل زوجي كي تجي لعروسة شاطرة وبنت فاميلية ومثقفة يحبو يكيدولها بأي طريقة ويخربولها حياتها حسبنا الله ونعم الوكيل مرضى نفسيين
و الله يا طاطا دداح . انا دايمن في صلاتي نقول اللهم اجعل كيدهم في نحورهم. دايمن كاين الناجح و كاين الفاشل كاين المسالم و كاين الظالم .و الظلم ظلمات يوم القيامة. الله يحيينا مؤمنين و يتوفانا مؤمنين .الدعاء و الصلاة و التسليم المطلق بإرادة الله و اجابتوا و نصروا الضعفاء و المظلومين
سلام “ كل ما في هذه الدنيا لا يساوي شيئًا أمام الأستقرار الداخلي، طمأنينة القلب، سكينة الروح، النومة الهنيئة، أن تسأل الله شيئًا فاسأله هذه الرحمة أولًا.”
Karima Karima و نعم القول بوركتي و هذا ما ينقصني ولكن واسفاه لم ادرك هذه النعمة حتى فقدتها المهم الحمد لله على كل حال،كنت في السابق اجري على التفهات جري الوحوش دون الانتباه ان راحة البال هي الكنز النوم دون قلق يسوى الدنيا و ما فيها ،حبيباتي ادعو معي ربي يرجعني الى ما كنت عليه وتوبة نصوحة ان شاء الله
يا اختي الحل الوحيد هو الطلاق فالله سبحانه وتعالى جعله رحمة و. راحة كيف تسمحين لشخص مهما يكون ان يعذبك بهذه الطريقة في حالتك هذه لاينفع لا دعاء ولا صبر ميستاهلش التضحية يا اختي نفسك تحاسبك انقذي مابقي منك العمر قصير لي يشاطرني الرءي يدير جام
ربي يرحمك 😢😢😢😭😭خويا عياش ربي يثبتك عند سؤال وربي يرزقك الجنه والفرودوس الأعلى والله العظيم غير كي نشوف ظلمة ونحس بالبرد ولانجوع ولا نعطش نتفكر عياش 😣😣😢😢😢😭😭😭😭ياربي صبر والديه وماليه وشعب كامل
يعطيك الصحة داداح قال لصاحبه : ما سر هدوء قلبك واطمئنان بالك ؟ قال : منذ عرفت الله ما أتاني خير إلا توضأت وصليت شكراً وما أصابني ضر إلا توضأت وطلبت صبراً... وما حارني أمر إلا وتوضأت واستخرت خيراً وهكذا تتقلب حياتي بين شكر وصبر ودعاء . كن مؤدباً في حزنك حامداً في دمعتك أنيقاً في ألمك "فالحزن كما الفرح هدية من رب العباد سيمكث قليلاً ويعود إلى ربه حاملاً معه تفاصيل صبرك ..
كاين نسا في بالهم الراجل هو الدنيا حتى اذا كان ظالم وهو لقسم في الدنيا.طيشي عليك الهم وروحي لماليك او حاولي تكسبي صنعة تعيشي بها مهما تكون بسيطة...ديري الكوراج وارمي الغلب.لازم تقولي" نموت وما نحملش الذل"
ما شاء الله كلامك ذهب انا واحدة من النلس ضلموني ناس داري تاهموني في ديني (حسبي الله و نعم الوكيل فيهم)ربي ينتقم من هم من كل واحد اذاني، الضلم ضلمات يوم القيامة
يا طاطا طليتيلي على قلبي ولله نسمع لكلامك بزاف وكل مرة تزيدي تقويني وديريلي لعقل وتعلمت منك بزاف صوالح تعلمت منك لهدرة و تعلمت منك الصبر ولقوة ولله كما قولتي مكاش لعايش فالجنة الجنة عند ربي سبحانو.ربي يخليك لينا وربي يجازيك خيرا ان شاء الله
ههههههه انا يا نجاح فايتة أربعين و مطلقة و الله و الله يغيروا مني تخيلي كنت نضم و لكن تأكدت الكل غائر مني مع اني مطلقة و السر اني نحب الحياة نحب نلبس نحب نضف دارنا أي دار بابا نشرب في صوالح الدار ماعن و نطيب كل شيء الحلوة ........ كل شيء فارحة لصحتي فارحة للدين ديالي و حاكمة أنفي منيش تاه عيب و لكن أقسم بالله حسيت بالغيرة من الجميع
على خطرش يا اختي الناس يحبو يشوفو المطلقة دايما حزينة ومكسورة وتايهة ولكن كي صابوك فرحانة زعفو خليك منهم وعيشي حياتك واتبعي دينك وطيعي والديك و ربي يرزقك من كل خيراته ياااارب😊👍
Bonsoir madame Je suis nouvelle dans votre chaîne mais franchement chapeau. Dans tous les domaines vous êtes à la hauteur. Et concernant vos conseilles vous devez travailler dans la chaîne 3 ou bien El bahdja parceque vous êtes une vrais pédagogue. Je vous dis bravo.
والله قلبنا كول يوم يتقطع علي مشتركة وتعبت نفسيتنا ربي يفرج عليها وعلي كل مضلومة وعلي كل ولرة وربي ؤهد كل واحد يحقر مرتو واولدو وربي يرحم خونا الي توف بعد معانت ستيام مسكين تقطع قلوبنا عليه وربي يرحمو ويوسع عليه ويصبر امليه يارب
طاطا داداح هاد الفيديو حتا لدك باش سمعتو سمحيلي بصح نصائحك كانت فالقمة تع القمة ربي يجازيك خير حتى نصيحتك للأخت كانت فالصواب لأنو ربي سبحانو قال في القرآن:(فإن خفتم شقاق بينهما فابعثوا حكما من أهله و حكما من أهلها) كي سمعت هاد الفيديو زدتي كبرتؤ في عيني مع أنو راني صغيرة وقد بنتك لكن كلامك دخل في قلبي ربي يحفظك لينا مع المزيد من النجاح يا طاطا نجاح
مساء الانوار والأزهار لك سيدة دداح وكل مشتركات مستحيل يبقى ليل وظلمه فجرا قريب إن شاء الله يارب العالمين انصر هذه الأخت الفاضلة وعلي شأنها وكل ظالم له يوم خاف الله يا عباد الله سلام
يعطيك الصحة اختي نجاح على هذا الموضوع المفيد والجميل في أن واحد...على الموضوع شطحين الدروج يعني للفوق ما يقدر يشوفو وللتحت ما يقدر يشوفو يعني كي شغل راهو يشطح واحدو ....
كلامك ولا اروع يريح القلب وينسى الهموم و جزاك الله كل الخير على هذا الكلام الرائع وجميل يا اختي الكريمة في هذا الزمان وهذا الوقت ماكش واحد يسمعك ويرتاح قلبك ليه إلا من رحم ربي 👍👍👍👍👍👍👍👍
بارك الله فيك على هذه الكلمات من ذهب أنا الحمدلله عيشا حياة سعيدة معا زوجي و أولادي وأهل زوجي وأشكر الله على ذالك ولكن تأثرت كثيرا من قصة الأخت الكريمة التي قهرها زوجها قصتها تشبه قصة أختي التي كان زوجها يضربها ويأخذ منها المصروف لانها كانت عاملة وهو بطال وكانت تخبي علينا لكن في أحد الأيام حكا جرها لأبي ربي يرحمو أبعد عادت تحكي على ضلمه لكن بعد فوات الأوان أخذت قرار العودة إلى بيتنا وبعد أيام قليلة اكتشفت بأنها مصابة بالسرطان بدأت بالأدوية والمستشفيات ولكن بعد فوات الأوان هاهي تحت التراب الجنازة تاحها محضر لا الزوج ولا أهله رغم أنها كانت على ذمته ربي يرحمها برحمته الواسعة تاثرنا كثيرا من موتها اقول للأخت الكريمة تكلمي اخرجي من صمتك خذي قرار لأن الحياة والعمر مرة واحدة وربي يشافيك انشالله وأقول شكرا وكل الشكر لي سيدة دحداح والله أنت مدرسة
موضوع فالصميم وانا واحدة عانيت بزاف من هاد الناس يعطيك الصحة اختي دداح كي هدرتي عليه ووضحتي شخصية هاد الناس للاسف عندهم ناس يساندوهم للمصلحة ديالهم ربي وكيلهم
Bonsoir madame à travers votre voix on ressent la bonté la beauté intérieure d'une femme de classe je vous adore grâce à vous j'ai appris bcp de choses merci
ربي يكون معها على هم الزمان مهما عمل معاك متعبريهش عيشي حياتك ليك لولادك وديري امانك بالله كبيرهو سلاك لوحال وشكرك بزاف يا اختي دداح على كلام الطيب راكي ريحتين
يعطيك الصحة طاطا حبيبتي و الله موضوعك جاني في وقتو و استفدت منك كلامك بزاف و هزيت منو بزاف و ان شاء الله نطبقو لخاطر الناس التافهة كثرت بزاف في حياتي و لازم نديرلهم حل.بوسة كبيييييرة ليك
الي عندها هاذي المشكل مع زوجها تبعثلي في الخاص نعطيها حلول تفرحها باذن الله وكيما قالت دداح ربي حرم الظلم علي نفسه يعني مستحيل يسمح بظلم الناس ويخلصو حقها
اااه يا دداح انت امرأة ذكية ...وعرفت كيفاه تردي على التعليقات السلبية الي جاتك في الفيديو تاع الصباح...رانا معاك .وقناتك.راهي تكبر وأكيد رايحين يكونوا .فيها عقليات بزاااف.ربي يقدرك
ربي يحفظك و ايجازيك على هاد لكلام. إن شاء الله ربي أفرج على الأخت لي حكيتي عليها و أبعد علينا الحسادين و المغيارين. الاخت دداح نحسوك كيما الاخت الكبرى لي دايمن عندها تدبيرة لكلش. ربي يحفظك أو أطول في عمرك و افرحك بوليداتك.
ربي يكون معاك يا اختي والله الي يدير ربي في بالو ميخليه حاجة وحدة نقولهالك لازم تقاومي باه تقدري تعيش او ماتبينيش ضعفك قدام لازم ديما تكوني واثقة من نفسك او نطلب منك انك لازم تخبري داركم باه يحطوه عند حدوا
يسلم فمك يا اختي دداح نوافقك على كل شي قلتيه مي حاجة الي نخلفك فيها وكلامك هو لكبير في هاذ الوقت ماتقوليش وراه عمي وخالي هاد الوقت اللي تشتكيلو يحقرك ويقولك عندك باباك لا خالك لا عمك لا يديك لايجيبك
يعطيك الصحة طاطا نجاح مزيد من التألق و الأفكار ان شاء الله. انأ اختكم في الله عندي مشكلة في حياتي فأرجوكي جاوبيني الرجاء الرجاء . مند سن 24 سنة و أنا عاملة .كنت خدامة ملي كنت عاتق و تزوجت و الحمد لله درك عندي ثلاثة اولاد تبارك الله . مشكلتي اني كي كنت في دارنا ما كنتش نخدم بزاف شغل و ما كنتش نطيب بزاف اخاطر كان و عندي خياتي قاعدين في الدار و كي ندخل لعشية نصيب الدار تولوا بالنقاء. وماما نصيبها نصبت العشاء.صافي انا يا ربي نخمل الميدا و نغسل لماعن تاع لعشا و نجوز نشيشف على الكوزينة. و هاكدا حتى جا نصيبي تزوجت طاحت المسؤولية تاع كل شيت على راسي. الشغل في الدار و في برا. سورتو والفت في دارنا كلش نقي و تربيت على النقا الحمد الله. خلاص جوزتها طريحة و نوضة . و حاليا عندي عامين ملي حبست الخدمة .واش نقولك يا اختي يا اختي سوفريت ما جيت نوالف و ما زال لدرك ما والفتش. مشكلتي اني ما نقدرش و مااااااا نعرف نندم الشغل الصباح. و مع التربية واش نقلك .ديما نخدم شغلي في الليل . في الاول نورمان اما درك ولا رجالي يتقلب مني كي نندم الشغل في الليل و يعايرني يقولي جنية تحبي تاخدني شغل البيت في الليل كي يكونوا ناس كامل لتقديم. و انا الله غالب في النهار يا ربي ولا طيبة لقمة اولادي لي يقرأ. اخاطر وليدي الوسطاني بزاف قبيح و وليدي البيبي يرضع عندي غير من سدري صافي في كل وقت لازم نكون قدامو . صافي كي يرقدو ولادي لي نقدر نخدم شغل الدار. منداك يجوني ضياف و لا يدخلون عليا حالاتي و داري شوية مرونة ولادي يهربوا بزاف بسلامتهم .خفت بيقولو عليا فنيانة و انا ربي عالم و الله و الله و الله غير نرجع الدار تولوا تشعل شعيل كيما تقولي انتي هههههه و كي ينوضو صباح هوما و باباهم يرجعولي الدار كوري تاع باب جديد. عيييت من هاد المشكل .😢😢😢
ختي عادي كي يكون بيتك مخلط شوية دليل على ان ولادك يلعبو و مرتاحين في دارهم عادي كي تخدمي في ليل شغلك انا شخصيا نديرها و نخمل في ليل و عااادي و منظمه و اني خدامه ولكن كلللش بالنظام و البكرة الله يقدرك حبيبتي و يقدرنا اجمعين
يا لحبيب كامل رانا كيف كيف ونظمت الليل جربتها قبلك نقولك مربية نصيحتي البكرة بالليل خملي غير الكوزينة ورفدي نتي وولادك الالعاب وقعدي مع راجلك والصبح نوضي بكري 7 تكفي ،صلي صلاتك خدي قاهوتك مليح ووجدي الفطور معليش متطيبيهش بصح حطيه كي ينودو ولادك يبقالك غير المسيح هوي البيت مليح نقي الدنيا بطبع والله تلقاي وحد البركة ووحد الراحة ويبقالك كامل النهار مع ولادك حتى هوما كي تقعدي معاهم يستعقلو
صح الانسان الناجح هو لعندو اعداء من حيث العيلة نتاعو وحتى الجيران وفي الخدمة ربي يجيب ساعة الخير ماكانش كيكون العبد وحد يدير شغل ويتكبر على المشاكل الدنيوية ياخي كاين الموت اسعدك يافعل الخير
