اليونان اجمل دولة عربية، اكلنا الاكل اليوناني الرهيب 

مرحبا يا حلوين واهلا وسهلا فيكم بفديو اكل جديد
اليوم نحن باليونان بالعاصمة اثينا
حبينا نلف ونشوف شو منقدر ناكول ونجرب محلات اكل خلال يوم واحد
الاكل باليونان هو الاطيب باوروبا بدون منازع حسب رأينا وكتير رخيص والجودة عالية
بلش يومنا بالكعكة الي متعودين ناكلها بسوريا الصبح مع زعتر ومتواجدة بكل محل بتركيا كانت كتير طيبة وفريش وبتقرش وسعرها نص يورو بس والي بميزها عن السورية او التركية انها حلوة زيادة
بعدين رحنا على محل اسمو fillo محل ببيع فطاير يونانية تقليدية في خيارات كتييير عندو واخدنا فطيرة السبانخ وجبنة الماعز وفعلا مانت مميزة والسعر اقل من ٣ يورو
بعد هيك اتجهنا على ساحة السمك لنختار السمكة الي بدنا نتغداها نصيحة روحو بكير على سوق للسمك بكون في خيارات اكتر بكتير وجنب سوق السمك في سوق اللحوم وفي لحوم حلال فينكم تختارو اللحم كمان متل السمك وتخلو المطاعم الي متواجدة بكثرة بسوق السمك واللحوم يطبخوهم الكم بالطريقة الي بتحبوها وفعلا كانت تجربة جميلة جدا والاكل اكتر من رائع
بعدين اكلا سنديشة جيرو يونانية الي هية متل الشاورما وكانت مميزة بالبهارات والنكهات والبصل الاحمر الي عاطيها طعمة خيالية والسعر كان اقل من ٣ يورو للسندويشة
واخر شي رحنا اكلنا حلويات تعتبو اقدم واول حلويات عرفتها البشرية وتم تسجيلها تاريخيا اسمها لقمادس متل العوامات لقمة القاضي او اللقيمات خيارات كانت كتيرة والاساسية بتجي بس بالعسل والقرفة نحن حبينا نجرب المحشية كريما مع صوص الفستق للحلبي وكانت عنجد خيالية وبتستاهل السفر لليونان بس لنجربها وكان سعر الصحن لشخصين ٥ ونص يورو
اثينا فوضوية كلها حياة واهلها بحبو السهر والبسط وخيارات المطاعم ما بتنتهي ابدا حاولنا بهاد الفديو نصور جزء واكيد النا جية تانية لنصور اكتر واكتر
لا تنسو تشتركو بقناتنا وتفعلو زر الجرس ليوصلكم تنبيه بالفديوهات القادمة كتير في فديوهات حلوة جاية وكتبولنا بالتعليقات اي اكلة حسيتوها اطيب؟
ملاحظة لم بتم اهدار ولا لقمة اكل خلال هاد الفديو.
رابط قناتنا عليوتيوب:
/ adamlotta
رابط فديو البيتزا الايطالية:
• اكلنا بيتزا بعاصمة جرا...