١٠٠ دولار مشتريات فى الإسبوع فى أمريكا ممكن تخليك تشترى لحمة وفراخ وسمك وخضار وفاكهة لفردين أو ثلاثة. لكن أكيد فى ناس بتصرف أكتر من كده بكتييييير. لكنها كفايه لمحدودى الدخل علشان يعيشوا حياة كريمة من غير مذلة لأى حد. أتمنى مصر ترجع للوضع ده و نوبة الغلاء دية تنتهى للأبد يارب
قيمته ممتاز خاصة انك بتحسب علي الحد الادني من الاجور 12 دولار بالساعة يعني شغل 12 ساعة ب 144 في اليوم بنسبة لشخص اعزب او حتي متزوج فممتاز ومننساش انه الحد الادني يعني لو معاك حرفة او هتدرس وهتشتغل الموضوع هيختلف كتير تحياتي ليك وكل عام وانت بخير
مظبوط. لو حد بيشتغل نص يوم غير يوم كامل، فبدل ما هيجيب مشتريات الاسبوع من يوم عمل، هيجيب المشتريات من دخل يومين او ٣ على حسب بيشتغل كام ساعة فى اليوم. كل واحد حسب ظروفه سواء بيذاكر جنب الشغل او مش بيذاكر بس صاحب العمل بيشغلوه ساعات قليلة. لكن فى الاخر، طالما عندك شغل هتقدر تجيب طلباتك الاساسية من اكل وشرب ويفيض معاك جزء لباقى مصاريفك ، حتى لو كنت من محدودى الدخل وبالذات لو مش متزوج. ولو متزوج يفضل ان زوجتك تشتغل برضه علشان الحياة تبقى احسن. شكرا لرأيك واهتمامك بالرد ❤️
معدل راتب الموظف في الأردن ٨٠٠ دولار. علما أمريكا ارخص من الاردن بكثير. فواتيرك واجار البيت بالأردن بمعدل ٦٠٠ دولار يعني ببقالك ٢٠٠ دولار لا تكفي اسبوع او عشر ايام
بصراحه ماكنتش اعرف ان الدخل فى الاردن عالى كده مقارنة بدول تانيه فى اسيا وافريقيا وخاصة مصر. فى مصر متوسط الدخل اقل من كده بكتير. احنا كده نيجى نصور عندكم الحلقه اللى جاية 😂. تحياتى ليك ولكل اخواتنا فى الاردن❤️
عشان اعيش علي نفس المستوي ده في مصر يلزمني شهريا عشرين الف ج بدون اي فواتير كهربه ميه غاز نت وغير اللبس يعني تلاتين الف ج عشان كده دايما بنقول متحسبلهاش عشان متتعبش هي عيشه من عند ربنا وخلاص اللهم ارفع عنا هذا الغلاء ويسر لنا معيشتنا وتولنا بتدابيرك فاننا لا نحسن التدابير فيديو جميل وواضح وفقك الله اخي الكريم
ما ١٠٠ دولار ديه مش داخل فيها الكهرباء والميه والايجار وباقى المصاريف. ديه بس مصاريف الاكل اللى تكفى اسبوع. لكن لو هنضيف باقى المصاريف حتحتاج فى المتوسط ٣٠٠٠ دولار فى الشهر. والمفروض لو فردين بيشتغلوا فى نفس الاسرة يعملوا اكتر من ٣٠٠٠ دولار علشان يعرفوا يعيشوا فى معظم الولايات. اشكرك جدا على تعليقك واهتمامك بالرد 👍
اكيد طبعا فى ماركات أشكال وألوان موجوده فى وولمارت او محلات تانية لكن ديه بتختلف من شخص لشخص. فى ناس ممكن تحبها وناس تانية تشوف ان جودتها ضعيفة فمش بتجيبها. لكن المهم والغرض من الفيديو ان ال ١٠٠ دولار ممكن توفر طلبات البيت لمدة اسبوع او اكتر حسب عدد الافراد. اشكرك على تعليقك واهتمامك 👍
حبيبى، تحياتي لك. انا كنت متخيل أن اللهجة المصرية مفهومة للمتابعين من ليبيا والدول العربية الأخرى. لكن فى خاصية فى اليوتيوب لو فعلتها هنشوف كل الكلام اللى بقوله مكتوب فممكن ده يبقى أوضح ومفهوم أثناء المشاهده. شكرا لمتابعتك واهتمامك بمحتوانا ❤️
اخبارك اي يارب تكون بخير ممكن تعمل فيديو بالتفصيل عن الجامعات والدراسة والشغل واي اكتر مجالات مطلوبه فعلي اساسها ندخل جامعه وهل الشغل جمب الجامعة هيكفي تكاليف المعيشه ومصاريف الجامعه وكل دا ولا لاء وشكرا جدا 🙏❤
انا بخير الحمد الله، أشكرك على سؤالك. الموضوع ده ممكن نعمله على اكتر من حلقه علشان نغطى جزء التعليم والجامعات وجزء للشغل .. اوعدك انى هحضر للموضوع ده وان شاء الله يتعرض فى اقرب وقت 🙏
الولاية الغالية فرص الشغل فيها اكتر و الدخل أعلى يعنى ممكن تحوش فيها اكتر. والشخص العازب ممكن ياخد سكن مع مجموعه فيوفر فى مصاريف الايجار. فممكن ده يبقى اختيار كويس ليه. لكن لو جالى عرض شغل كويس فى ولاية رخيصة اكيد هروح. دايما فكر فى الشغل الاول لان ده هو اللى هيخليك عايش. ماتمسكش فى ولاية معينة، عيش فى المكان اللى هيوفرلك شغل وسكن كويس بغض النظر الولاية رخيصة ولا غالية.