ذكرتني بسالفه رجال كان يحب وحده قريبته وهي تموت فيه حب على وضح النقا المهم هو اموره متعقده من ناحيه الفلوس وابو البنت معطي ارجال كلمه انها له ويخطبها واحد معه فلوس وزوجه وخلى وجه ارجال بااارد حسبي الله ونعم الوكيل
انا اللي راجيٍ ربٍ يبدل كل شين ب زين وانا اللي ما رجيت الا عزيزٍ مرتفع شانه . وانا اللي همّل دروب المحبه من قبل عامين وانا اللي حدته دنياه الين اختل ميزانه . وانا اللي فالهوى قلبه يجيك اصفى من الصافين والى منّه عشق له شخص ما برّق ف نقصانه . وانا اللي حبّ له غروٍ تبلّاني ب حبه لين عطيت الناس من قلبي حظر كله علشانه . وانا اللي في هوى خله ما يسمع كلمة الواشين ولا يسمع من ربوعه ولا يسمع من اخوانه . سلب عقلي ب جمالٍ نادر ماشفت منه اثنين هو اول واحدٍ زينه يخلّي العين شفقانه . ابو مبسم صغير وجامع انواع الحلا والزين من اسبابه جميع قلوب ذا العربان تعبانه . وهو لا منّ تبسّم ثم ضحك ثم قال ابي بيتين يجيه البيت يسبق بيت يومه ساس قيفانه . والى عدّيت شعري فيه دنّق واستحى وتبين علامات الجمال اللي عطاه الله سبحانه . والا يا قطع كبدي يوم قال اهلي ترا مقفين وانا بقفي معاهم غير قلبي عندك امانه . وقبل ما ينهي الكلمه نزل دمعي على الخدّين وهو من زود حزنه عبرته غطت على لسانه . وقبل ماحن نتوادع ضمني ضمة وداع ايلين برد جسمي ، وثقل احكاي ، وعيني جات ف اعيانه . حلفت ب جلّ شان اللي خلقنا كلنا من طين ما اسج من الامانه لو يطول الوقت وازمانه . وغديت امن المفارق نفس طيرٍ ما يسرّ العين عقب ما هو شجاعٍ كسّرت الايام جنحانه . حفظ حبك حبيبك بين ضلع وبين قلب وعين ولا خاشر غلاك ب جوفه الا حب شيبانه . واليّا اقبل ليلي المظلم وعقبه ريتكم سارين سريت السّريه اللي تغرق الرجال ف احزانه . يا جعل الله يردك لي ب وقتٍ والعرب لاهين مثل ماهو يرد العافيه ل اجساد مرضانه
الحب العذري الذي تناقلته بعض الروايات لاوجود له فالحب يترجم بأفعال هي إشباع لما يشعر به المحب نحو من أحب والا لما قال قيس ابن الملوح احبها وتحبني . . ويحب ناقتها بعيري . . ربط قيس حبه لليلي بحب بعيره لناقتها وكأنه يقول لابد أن يترجم حبنا بما يترجمه الجمل للناقه. . ويقال ان رجلا خرج من قومه وبينهم ثلاثون قد اعياهم السل وما بهم داء إلا الحب فأين الدواء . . ؟