انا شوفت الفيديو بتاعها امبارح وقولت نفس كلامك يا ستو هي ازاي ابنها في الاسعاف وهي بتصور ايه القلب الجامد ده الناس اتجننت وبقي عندها ادمان للتصوير والفلوس والمشاعر خلاص مبقتش موجوده
والله العظيم يا مدام سميرة ام جتى دي واحدة تاجرة بتاجر بكل شيء بكل حاجة ممكن تتخيليها وما تتخيليهاش اومال لو شفتي فديو فلوج الولادة كنتي حتقول ايه وهي متصورة باللحم كده حتى حلمة صدرها باينة بيان الشمس 😢😢😢😢😢 انا والله ما بتابعها بس سمعت من قنوات النقد المحترمة وهي قفلت القنوات دي وعملت لهم إنذارات ومخالفات ست قادرة وجبروتها مالوش حدود
انا مش عاوزه أتكلم عليها علشان مخدش ذنب بس موضوع ابنها ده ال تخطى الحدود ربنا الهادى، اللهم بحق نبيك محمد صلى الله عليه وسلم اشفى عماد ابن سميرة شفاء لا يغادر سقما ابدا اللهم امين يارب العالمين
اللهم اشف عبدك عماد ابن شريف شفاء لا يغادر سقما وجميع مرضى المسلمين اللهم امين يارب العالمين وصل اللهم وسلم وبارك على سيدنا محمد وعلى آله وصحبه أجمعين وسلم تسليما كثيرا إلى يوم الدين
ياست الكل المنصه أصبحت اخر مهزله عورات كل بيت أصبحت على الملا لم يعد هناك خصوصيه ولاهناك أسرار بيوت تتقفل عليها باب. وربنا يرحمنا ويثبتنا وأولادنا على صراطه المستقيم ودعائ لأولادكم بالشفاء العاجل غير أجل ولكل مريض يشتكي ألم أدام الله على الناس جميعا الصحه والعافيه
والله عندك حق انااستفزتنى جدا وماشية بالكانيولا فى أيدها عشان تستعطف الناس وتلم مشاهدات كل ده نظام جذب مشاهدات عشان يعلى الريتش ماتستنى لماتقوم بالسلامة وبعد كدة تصور براحتها ده هى مخلفة ده بالذات عشان القناة تكبر ده الواحدة مننا لما بتولد اللى يحكمها تقول لكل لكل اللى واقفين معاها فى الغرفة اطلعوا برة ومبتبقاش عايزة حد يشوف ضعفها
معقوله الى بيحصل دا 😟 انا بنزل اولادى المدرسه بفضل حاطه ايدى ع قلبى وادعى ربنا يرجعهم بالسلامه ومش برتاح غير لما اشوفهم قصاد عينى والله وجعتى قلبى بالموقف دا ي ستو
حبيبتي أنتي بس علشان أنتي متربيه سبع مرات بس مينفعش تقارني بينك وبينها ربنا يشفيلك أولادك ياااارب ومتشفيش فيهم حاجه وحشه ياااارب ويتمم شفاء عماد علي خير باذن الله تعالى ❤
انا عمله زيك بالظبط لمه ابنى بيتعب الدنيا كله بتسود فى وشى ومبرضاش اى حد يقعد بيه وفعلا مش قلت ايمان هو كل واحد حسب قدرت استحماله ربنا يحفظ ولادنا جميعا ويحميهم ويشفى عماد ويشفى كل مريض
خارجة ف البيت وعمالة تتكلم وتقول بكرة نعملكم روتينات وفديوهاتها ولا كأن فيه حاجة دي منزوعة القلب والاحساس اقسم بالله انا بكيت لما سمعت صوتالاسعاف وطالعة بكرشها وهي كلها بلاده وعدم احساس وعمالة تزعق وتتكلم بطريقة غريبة الأشكال اللي طالعة ع اليوتيوب قنواتهم مقرفة وكلاب فلوس عالم جعانة ومش بتشبع ربنا يرحمنا
والأغرب من كدة الزوج واقف قبل العملية ومراته لابسة لبس العمليات والرقبة والجسم باين وبيصور ومقرب الكاميرا من الوش وبعد ما خرجت من العمليات لازم يجيب للمشاهدين المشهد الاول بعد الخروج والممرضين بينقلوها من التروللى للسرير معرفش ايه الجنان ده
حاسه بيكي ياستو كان الله ف عونك الله يحفظهم ويحميهم ويباركلك فيهم يااارب بعد الشر عليهم ربنا يبعد عنهم اي مكروه وماتشوفي فيهم اي حاجة ربنا يحميهم يارب❤
لا يا ستو سبحان الله … كل واحد مختلف عن التاني … قدرتنا على تحمل كل حاجة مختلفة وكمان اختباراتنا في الحياة مختلفة في حد بيتعرض لحاجة يتأثر بيها اوي وحد تاني تبقى بالنسبة ليه صغيرة بس ربنا عارف وبيلطف وبيصبر … بس كله عنده رزق معين ٢٤ قيراط زي ما بيقولوا وكمان كل واحد عنده ابتلاءات وابتلاءاتنا مختلفة … وفي نفس الوقت لا يكلف الله نفسًا إلا وسعها … وحتى الابتلاءات دي بتبقى منح وفرص عظيمة من ربنا … والابتلاءات دي دي ربنا بيربينا بيها ربنا سبحانه وتعالى هو الولي اللي متولي عباده وبيربي عباده يا اما ابتلاء لرفع درجات او تكفير سيئات او لتزكية النفس …. سبحان الله "عَجَبًا لأَمْرِ المُؤْمِنِ، إنَّ أمْرَهُ كُلَّهُ خَيْرٌ، وليسَ ذاكَ لأَحَدٍ إلَّا لِلْمُؤْمِنِ، إنْ أصابَتْهُ سَرَّاءُ شَكَرَ، فَكانَ خَيْرًا له، وإنْ أصابَتْهُ ضَرَّاءُ، صَبَرَ فَكانَ خَيْرًا له. الراوي : صهيب بن سنان الرومي | المحدث : مسلم | المصدر : صحيح مسلم"