شباب نصيحة اتركوا التلفون اني جنت طالب شاطر وبسبب ادماني عل التلفون رسبت 4 اسنوات بالسادس جماعتي كلها تخرجت هسة اني تارك الموبايل بس استخدم موبايل اخوية مو كل يومية بس حسب الحاجة مرات اضل شهرين بدون انترنت عادي صدمني ماراح تموت اذا تركت الانترنيت بالعكس راح اتشوف العالم الواقع احلى من الانترنيت راح تشوف جثير فاتتك فرص خارج الانترنيت الانترنيت وسيلة مفيدة للتعليم بس مااعرف ايش احنة نستخدمها غلط روحو شوفو الأجانب شلون يستخدمونها بالتعليم مااعرف اتوقع ثقافة الاستخدام هي السبب المهم اتركوا الانترنيت نزلو كل المحاضرات وطفو الشبكة
كلام في قمة الصحيح " عندما تكون الم البقاء اكبر من الم المحاولة ,يتحرك الانسان " لهذا السبب تجد اغلبية الناجحين والاغنياء ولدوا في بيئة سيئة وحتى اغلبية الي جابوا معدلات تلكاهم ناس فقرة
كل كلامك صحيح وهذا اول فيد اشوفه وعرفتي شنو علتي عرف انو اني ليش بطلت قرايه صارلي فوك شهرين واني سادس مو اي مرحله عرفت ليش اجلت المواد كلهه بختصار عرفت (اني مدلله) نت مفعل يخلص الصبح ويتفعل الصبح علمودي وتليفون جابو لي ولملازم بس خانه كامل الهن وشريد يجيني وما اشيل الخاشوكه بس اكل وانام واكنك ولهسه نفس المعامله بعد ما اجلت كل المواد اهم ماشتغل بس نايمه نص ليوم ونص ثاني اكنك چنت خاف من شي واحد وهو ردت فعل ابوي لمن ااجل لمن اجلت العربي ماصرخ عليه كالي ليش سهلهه جا جبتي بيهه درجه جنت متوقعه يصيح هو مايضربنه اكثر شي يسويه يصيح(بس لو تسمع صوته تكول لضاربنه احسن 💔) علينه جانت ردت فعله عاديه بس عصب وعيونه صارن حمر واني اجنت اضحك وامي تريد تبجي من الحركه حرفيآ بس السلاميه منحنت الي قريتهه قبل يوم المتحان العصر واجلتهه وبس السوره والحكام اجت من الي قريته وجلتهه وباقي المتحانات مادومت جنت اقره شويه واكف وبعدهه صفط كتبي وبطلت قرايه ولهسه. وعبالي بي شي وجنت اعوف الدراسه وادور بليوت على حلول ليش ما اركز ليش ماعندي شغف وشلون اقره ولحك وضيعت وقتي بهاي لسوللف لمن مليت من الدراسه وامي مصدومه مني لهسه شلون اجلت چانت درجاتي ماتنزل عن 80 وعفاء وتالي لطشت وهسه تكلي امي ليش ماتقرين واني مااجوبهه الان حتى اني ماعرف السبب بس هسه عرفته منك بس ان شاء الله اتغير للحسن وغير نضامي الي دمرني واذا اسمتر عليه راح ادمر مستقبلي + شكر كلش چبير لصاحب القناه الله يوفقك بحق الحسين الشهيد
اني بالنسبة الي تعودت علة منطقة الراحو صرت مدمن دوبامين رخيص و بسببه تنازلت عن اهدافي و طموحاتي و حتى تركيزي انتهى حرفيا يعني تدمرت و نوب بس بهاي الفترة و ماجل خمسة و حتة احساس مارصار عندي بسبب هذا الشي افتح يوتيوب و استمتع و خصوصا الشورت و طز بالدراسة بس هسه لا راح انزل كل المحاضرات الي احتاجهن و اطفي النت و هم بديت ارجع للرياضة اؤيد ارجع ذكاء قبل و قوة قبل و كذلك ابطل من الشورت بشكل خاص و الدوبامين الرخيص بشكل عام و لازم اسوي هدف حتى لو وهمي امشي علي خصوصا بالسادس لان ما صار عندي هدف
صراحة اني طول السادس مريت بهيج فترة ولحد الان اخذت اسبوع ريست للدور الثاني و بعدها أدركت نمط حياتي الزفت الي عايشته والي يجيبلي الاكتئاب والتسخيت و كل المشاعر السلبية حرفيا يعني اني خلصت حياتي بالسادس بس ادرس واروح اشوف تليفون وشورتس و بعدها اسخت وارجع ادرس تركت الرياضة الي جانت عادتي و تركت القراءة الي جنت اكثر عادة احبها علمود انو اوفر وقت وطلعت اغبى شغلة اسويها هي هاي هستوني أدركت هالموضوع و كلامك بالفعل كله صحيح لكن الان اني راح ادخل عادات مفيدة يعني ٥ دقايق رياضة قراءة صفحة وحده و تدريجيا ازودهن وانتظم بصلاتي ع وقتها وادرس للدور الثاني و ابتعد عن المشتتات الي يجرني للتسخيت اكثر منها الألعاب اليوتيوب والشورتس و الكثير الكثير وان شاء الله الله يثبتنا و ارجع مثل ما جنت واحسن ❤
@@alialkenane اني مأجلة ٤ ويا الفرنسي صارن خمسة بس مثل منكول كدامنا فرصة ثانية نبدع بيها و نستغلها مو علمود السادس بس علمودنا احنا علمود نكدر نطلع من الرتم الي عايشيين بي لان حرفيا دمار نفسي و جسدي و دمار لكُلشي بيك .
@@user-wn2it7hb1v اني درست بس في فترة معينة و بسبب انو الوقت ضائع في المدرسه بدون فائدة لو مسوي انتساب كان افضل الي بس ضليت اتخوف اخطي هاي الخطوة ولمن امتحنت امتحانات شهرية اكتشفت انو اني وين عن هاي المادة اجيت لدفاتري وية مدرسين الحضوري فارغة و اشياء بسيطة الي درسوهة النة و اعترف احو تقصير من ناحيتي هم بس اني لمن امتحنت رياضيات و اني طالب عد حيدر ولد يعني متوقع ب٩٠ لان مدرس مضبوط فهمنة قبل ما يدرخنة المادة مو مثل باقي المدرسين يعني باختصار اكو اخطاء اتمنة اعيد و اصححهن بس اذا حصلت معدل٧٠ ما ابقة شعندي باقي سنة شيعيدهة اروح تخدير اهلي و اخلص لان صعبة الاعادة ولو اني احچي و يمكن ما انجح بدور الثاني لان عندي الانكليزي اول مرة راح اقرا من بداية السنة لسة اني اقرة شوية شوية منة و اترك چنت انطي اهمية لمواد و اهمل مواد يعني والله لو اعيد و ما اكرر اخطائي اجيب معدل بس شسوي الحمدلله
اني مريت بهاي الفترة نتيجة الضغط الدراسي ... والحل ..انو تحجي وي نفسك اني شنو وين اريد اوصل ويعدين ... حاول تحرك جسمك قدر الامكان لان وضعية الجلوس المتكرر تسوي كسل بالنفسية اكثر من الجسد ... مو بس هيج سورة البقرة تطهير للتفكير ..وسورة يوسف امل لكل انسان فاقد الرؤية ..فالحل انو تكمل ...الحل انو تذكر كل ذكرياتك السيئة وتحاول تحطها هدف انو تكسرها وانو هيه محتسوي شي وانو اني اقوه ... واخذ عبرة من سيرة النبي واهل بيته ...ذكر ان نفعت الذكرى .... اللهي كون بعونك الموضوع مو سهل بس انت اقوه وهذا اختبار من الله ❤
عرفت هذا الشي من جنت بالمتوسطة وهسه اني سادس واعرف شنو حل مشكلتي بس ماحليتها لان اني ادور راحة ومتعة بالحياة وماحب اتعب بس صرت سادس كلت اني ماكدر اضل هيج ،هو الحل بسيط مجرد انك تقلل اسباب المتعة مثل الموسيقى والالعاب اي شي يرفع الدوبامين بسرعة وبسهولة ،،لازم نقلله وخاصة المقاطع القصيرة الي بالتيك توك وشورتز اليوتيوب قللو منها او تعدمونها افضل ،الحلويات هم،والجكاير،واكيد تعدل نومك ولا تكول ماكدر اعدله بس خفف استخدام الموبايل او لا تستخدمه قبل النوم بساعة و هيج تكدر تعدله،على فكرة لحد يكول اني اسهر ادرس وبالنهار انام ابتعدو عن هاي الفكرة،بعدين تلقائياً راح تحب الدراسة ونصيحة لاتدرس وانت بفراش النوم ولا تدرس وانت كاعد بالكاع سوي مكتب ويكون مخصص للدراسة مو تروح للمكتب تلعب بالموبايل لو تشوف فلم خلي عقلك يتعود انو هذا المكتب مخصص بس للدراسة حتى الدماغ يعرف هاي منطقة جهد عقلي مو منطقة راحة،من تجي تدرس سهل الدراسة عليك انت وذكائك بعد شلون تسهلها كثر مراجعات لان اذا صعب وانلاصت عليك راح تتطلب جهد اكثر وانت تعرف شلون العقل يتهرب من بذل جهد لذلك سهلها على نفسك وراجع وتابع يومي لا تراكم،بالتوفيق
انة سنة ثانية ولحد هسة ما ممتحنة اي امتحان وحرفياً وضعيتي طايح حظها عندي ادمان احلام يقظة وقلق مفرط واكتئاب وما اعرف الدنيا طشت رشت فاشلة لأبعد الحدود دمرت نفسي بأيدي والمصيبة ما جاي التزم ما جاي التزم ما جاي التزم💔💔💔💔
العام طلعت معدل 89 وجنت مأجل عربي واهلي والعالم كلهم كالولي لا تعيد سنة بس اني جان عندي ثقة اطلع معدل اكثر و اعيد ال مهم عدت سنة واهلي وفرولي كلشي واني دارس المادة زين من العام يعني حرفياً الدراسة صارت ايزي ماكو اي شي صعب عندي وضليت بداية السنة اسخت وكل مرة اكول بعد ما اسخت وراح اجتهد وماضيع تعب اهلي وضليت استهزء بالمادة الى ما وصلت للمتحانات و اجلت 4 مواد بسبب الاستهزاء والتسخيت والعادات التافهة جنت كلشي اكدر اسوي استغل الوقت واطلع اعلى معدل بس ما استاهل مادام هيج استهزئت ان شاء الله بالدور الثاني اتعلم من خطئي واجيب بالمواد الي مأجلهن 100 ادعولي بالتوفيق❤
@@user-dn9jm2mm7b الف مبروك الحمد لله والشكر اني عربي 96 وانكليزي 95 ورياضيات 98 وبعد شهر للامتحانات وعليه اربع مواد ماقاريتهن حتى بالدور الاول وكلش خايفه من الأحياء هاي سنتين هاملتها وهسه انحصرت وخائفة ينزل معدلي
حقيقة وللأسف يعني كلامه جداً صحيح والمشكلة من نفسنه احنه هم لو نعاندها بدل ما نمشي وراها حيتغير كُلشي بحياتنا وحنتغير هم بس بالنهاية كافي وصدگ خلص الوقت واحنه نگول باچر نبدي باچر بعد شوي لحد ما خلص الوقت اقتربت الامتحانات وصارت الكارثة فبما انو ادركنا اخطائنا خلي نصححههه من البداية ولا نضل نمشي وره هذا وذاك ونمشي بنمط محدد واسمعوا كلامه هم وبالاخص عاقبوا نفسكم هم وكافئوها بنفس الوقت حتى تتخلصون من السادس نهائي
يمكن هذا الفيديو اشارة من رب العالمين الا لان اني صرت سادس وبرغم هاي العطله مهمه ولزم اقرة بيها بس دا اسخت هواي اهلي حاطين كل املهم بيه ويحاولون يوفرولي الشي الاريدة رغم ضروفنه واني ضميري ميت لااحس ولا شي اضحك على روحي وكل يوميه اكول باجر بس الى متى حضل اضحك على نفسي لزم اصحى على نفسي واتوقع كافي راحت شهرين ونص واني اسخت كافي عاد وعد باجر اكعد من وكت ولزم ابدى اتغير علمود نفسي
وياج وحدة دفعة 24 جنت نفسج وهسه دابجي دم بس حتى ارجع للوقت الي انتِ بيه هسه خذلت اهلي و خذلت نفسي و خسرت سنة من حياتي ديربالج تبقين هيج عوفي التلفون و عوفي كُلشي و درسي ترا والله الندم يموت
عندي نت وملابس والاكل يوصل لعندي وامي تطبخ احسن اكل ومصرفي ٣ الاف كل يوم والملازم كلها عندي وامي وابوي يشتغلون حتى يخلوني اسجل كل المواد ف يارب عسى وأنكسر ولا هم ينكسرون وأطلعلهم معدل يكولون بتنا دكتورة وم ضاع عليها فلس 🤍.
اجلت المواد كلها وفعلًا بسبب منطقة الراحة والتأجيل والتسخيت ،لكن حدرس بعد بحاسبة اخويه وانقل الاشياء اللي اريدها كلها عليه واكله يطلعني من الانترنت وساعة او ساعتين باليوم فقط اخذه، واحاول العب رياضة ولو عشر دقايق وما اكل هواي ،نقطة الاكل كلش صح كلما اكل هواي انعس وماريد ادرس بعد واريد انام ،ان شاء الله يارب التزم وغصبا عليه ححاول التزم ،لازم نجبرها.
بصوره ثانيه المشكله منطقه الراحه والحل المشاكل والصعوبات منطقه الراحه لي هي نمط الحياة لي اغلبنه بيهه كعراقيين وكطلاب سادس هي نكعد متاخرين واول شي نسوي نلزم التلفون ناكل اكل مو صحي وهاي اذا اكلنه يعني بسبب نمط الحياة الزفت اكو ناس حتى شهيتهم تنسد وهاهيه يخلص اليوم على عادات سيئه كلش اكو يسمعون اغاني كله طاقه سلبيه واكو يغركون نفسهم بالتفكير بأشياء مو بيدهم واكو للاسف يعني يشوفون اباحيه وغيييرههه من الاشياء وهيج ان تخيلوا بس نكعد من النوم نلزم التلفون نحشي اليوم باشياء زفت ونرجع ننام... هذا متاكده نمط حياة الاغلبيه اذا مو الكل زائدا اكو ناس يردون يتغيرون يردون يتحسننون بس نفس الشي بسبب نمط الحياة مايكدرون او ما يعرفون ما الهم طاقه ف كلشي مايسوون يكتفون ان بس يشوفون فيديوهات تطوير ذات ويخلون خطط خياليه وكلشي ما يسوون بالواقع... تمام كلنه الحل لي هو المشاكل والصعوبات شوف فكروا اي شي يجيبلكم راحه اقطعوا واستبدلوا بشي صعب وكرروا ان ماراح تسوون الشي السهل اله من تكملون جلسه التركيز لي هي من خمس الى عشر ساعات يعني من تكعدون من النوم وتلزمون التلفون هذا مريح بس ان دكومون وتغسلون بمي بارد وتشربون قهوه مره هذا صعب بعدين شنو اكل شي ثقيل ويخليني ابقه كاعده ساعه لان من التخمه قل التركيز وعقلي كله يركز بمعدتي لو ما اكل شي وهم خليني جوعان وعقلي كله بمعدتي هذا مو عدل ولا واقعي اكل شي خفيف تفاحه بيضه اي شي خفيف حق ان تركز بالدراسه او الشغل هسه بعدين اروح ادرس او اشتغل لو العب واضيعلي ساعه ساعتين وهذي الساعه ساعتين راح تجر ساعات اليوم كله هذا سهل الصعب هو أن تغلق النت على نفسك وتخلي كدامك بس الأشياء لي ترتبط بالشغل لي تريد تركز عليه وتباشر وتكعد على هذي الحاله بدون اي شيء مريح بدون نت بدون سبلت بدون اي وسيله ترفيهيه بدون اكل ثقيل ان كل ساعتين تركيز اكل شي خفيف الى ان تخلص جلسه التركيز بعدين اول ما تخلص هاهيه افتح النت اكل سمج اكل مندي اي شي ابقه كاعد شكد ما تريد اهم شي خلص الشغله الصعبه اولا بعدين اي شي اسوي سوي وهيج اصلا حتى احتمال تسابق الوقت ويزيد تركيزك والادرنالين بس حته تكمل وتنجز اسرع حتى تلعب وقت اكثر ولا تمشون ويه نفسكم بالسهل اني استغرب كلش من الناس لي ينطون حلول بالتدريج وما اعرف ليش ياني نفسنا اماره بالسوء ما ينفع وياهه تدريج ابدااا والنصيحة السليمه هي لي نذكرت بالفيديو ان صوموا عن هذي الأشياء كلهه أثناء فتره الشغل او الدراسه يعني هسه مثلا اني اليوم وكل يوم اكعد بالتسعه وابدي جلستي بالعشره وره ساعتين امل وافتح التلفون وياخذني الواهس اربع ساعات ومرات اضرب اليوم كله وهذا اكبر غلط لازم تكعدون ويه نفسكم تشوفون من تشتغلون شنو يخليكم تبطلون تلفون اوكي اطفي عن نفسي همه ست ساعات بين ما اكمل بعدين اخذه الشغل او الدراسه بالتلفون نزلوا الأشياء لي تحتاجونه وخلو التلفون وضع طيران ولا تفتحونه اكتبوا كدامكم مخاوفكم وتاملوهه بكل مره تردون تسختون ولا تتجنبون مخاوفكم خلوه كدامكم وتاملوهه هيج راح تستفادون منهه وماراح تضركم بينما اذا تجاهلتوهه هيج لا والله راح تضركم وابنوا عادات صحيه مثلا هذا الشهر السابع اتأمل كل يوم خمس دقائق مثلا الشهر الثامن أضيف للتأمل رياضه وهكذاااا.... وضغطوا على نفسكم مو بالدراسه والشغل لا اضغطوا عليه ان تقطعون عنه مصادر الراحه تمامااا وهذي هسه اني راح اسويه راح اكوم اقطع عني مصادر الراحه لي هي الغرفه البارده والنت ونفسيتي الكسلانه اكوم اطلع لمكان دراستي لي هو بالمخزن ومان مال بشر مو حيوانات يعني يندرس بي واشرب قهوه مره حتى تروح النعس اطفي النت وعندي اليوم بجدولي المفروض ادرس سبع محاضرات وضيعت النهار ف السالفه راح تصير ليليه وان شاء الله ياربي ارجع بالليل مسيطره ومحققه الهدف او الشغله هذي.
جديات كلامج واعي وأغلبها تمثلني فحستيدل الاغاني بالقصائد والقرآن أو بودكاست وبفترة الراحة واستبدلتهننن الحمد لله ومن اليوم هم اباشر بأكل صحيي بعيداً عن الدهون والاكل المو صحي وبعدها ابدي النوم بديت بيه وعالجتهه بس المشكلة التسخيت يعني يومي فارغ بس مجرد صفنات وتأكدت الموبايل السبب النت والتلي والقنوات والاشياء التافههه بس في سبيل اضيع وقت. وأنا حالياً ضيعت 5ايام بس صفنات فراح امشي بصيام الدوبامين ونفس الفكرة وأن شاء الله انجز واخلص من السادس
امتحنت دور اول و اجلت كم ماده للدور الثاني كاعد اسخت تسخيت مو طبيعي ضميري يانبني بشكل ولكن ما كاعد ادرس على الرغم اني مو هيج ابد ولا اخلي شيء عليه متراكم صايره ابقه انام متاخر عفت الرياضه زاد وزني ما اهتم في نفسسي بس كاعده على التلفون
اللهم اعوذ بك من الكسل وسوء الكبر اسأل الله ان يهدينا و ان يحبب الينا العمل و ان يبعدنا من الخمول و التسخيت يارب كل شخص يعاني من هيج مشكلة يتخلص منها يارب و ينجح و يوصل لاهدافه قولوا امين
تعبت واني احاول اخلي تحفيز ،كلام ،اي شي يأثر بيه لان ماعندي لا شعور ولا احساس اتجاه الدراسه وبالاخص الاستمرار والي يحرك گلبي انو ابوي رغم حالته الماديه ضعيفه لكن وفرلي كل شي حرفيا ، ساعدوني اعرف محد يكدر يساعدني غير نفسي بس نفسي احسهه مو بيدي ماعرف اتحكم بيهه ولا اضبطهه كل مره اگول اليوم ابدي وارجع ثاني يوم اسخت اكثر 💔
@@انسان_عطلان بينج وبين نفسج جربي شعور الندم او تخيلي شنو ممكن يصير بسبب هذا الي دتسويه، ورح تقللين تسخيت.. واذا ما درستي لخاطرج ادرسي الخاطر اهلج الي حطوا املهم بيج و و فرولج كلشي رغم حالتهم المادية الضعيفة
اعتقد انا الصغير الوحيد هنا لكن فهمت كلامك عدل فكرة الشعور بالنقصان حيل قوية لدرجة لو تروح لعلمائنا و تسألهم عن الامام المهدي اعتقد و الله اعلم ان همه يفهمون ان شعور نقصان الامام و عدم تواجده بينهم مؤلم و يولد موجه من الافعال الي هدفها هو ان يقوم القائم. كلام من ذهب شكرا على المقطع
صحيح هذه الشي انا من بعد نصف السنه قررت بالعطلة مالت نصف السنه كلشي مااقره وطلعات ونسه واكبر خطأ سويته نزلت تيك توك وتعرفون تأثير التيك توك بحيث اخذت اسبوع بعد عطلة نصف السنه غياب ومن هنا بلشت رحلتي ويه التسخيت اجه رمضان ومسلسلات وكعده ومن ادرس اكوم ساعه بالتسعه بالعشره ابلش ادرس اذا عندي امتحان او تحضير المهم خلصت امتحانات شهر اول من بعد نصف السنه والمدرسه خلت الشهر الثاني اختياري طبعاً انا ماامتحنتهم وكعدت بالبيت بحجة يابه اريد اخلص تراكمات واخلص المنهج قبل المدرسة واجه العيد واهم اخذت العيد ونسه رايح جاي بحجة راح تجي فترة مراجعه وانضغط وهنا غرقت اكثر واكثر صرت مدمنه على التلفون بشكل مو طبيبعي ابداً وانا هاي ماجانت عندي العاده يعني بالعطل قبل الزم التلفون فقط بالليل وفترة المراجعه يوم بعد يوم خلصت وانا يالله مكمل مادة وحده اللي هوه العربي طبعاً الادب مافاتحته والرياضيات ٣ افصل فيزياء ٣ افصل اجت الامتحانات امتحنت عربي وحاولت اخلص الرياضيات وامتحنتهم والبقيه اجلتهم طبعاً وحالياً كلت ابلش بعد الامتحانات مباشرتاً ولكن كالولي اهلي اخذيلج يومين بعدين رجعي وبهاي اليومين رجعت على الموبايل ورجعت عدت الكره (وللعلم تره شعور التسخيت ابداً ماتحس نفسك مرتاح لان انت ماتريد هذه الشي لكن بنفس الوقت ماتكدر تمنع نفسك عنه) لكن من اليوم انا قررت اضبط نفسي لان هذه اخر فرصة اسفه هواي كتبت تكدرون تعتبروها فضفضه
نسيت شغله مهمه ورئيسه اللي هيه احلام اليقظه انا هذه الشي موجود وياي من الابتدائي لكن زاد بالسادس هسه ابقه اتخيل واتخيل لساعات وانا مفصولة عن الواقع والمشكلة اشوف نفسي راح اوصل لمكان كلش عظيم وانا ماجاي اخطوة ولا خطوة وارجع للواقع ابقه ابجي وليش ضيعت وقتي وانهار واتعب ونرجع للبداية وهي السبب اللي خلاني مدمنة على الشورتس والفيديوهات لان مرات من كد التفكير والاوهام والاحلام اللي عايشه بيها مايهده عقلي اللي بالتلفون طبعاً ولا احد بحياتي يعرف بهذه الشي لذلك انا هسه مابقه شي ماحجيته بحيث فرغت اللي بداخلي كله
التيك توك و الفيديوهات القصيره تأثيرها كلش خايس على الدماغ و اني همين وكعت بنفس الخطأ و من امس قررت امسح التيك و الانستا و ما ادخل على الشورت مالت اليوتيوت و حتى لو ردت ارفه عن نفسي مسموحلي اشوف يا اما حلقه مسلسل مدتها ساعه او فلم لمده ساعه حتى اعود عقلي و هسه جاي اواجه صعوبه بالدراسه رغم مستواي زين اذا ادرس طبعا بس التيك و الشورت فيديوز دمروني حرفيا
@@Bebe-hn8pw صحيح وهذه الشي اللي واجهته احد القرارات اللي اتخذتها حته من اخلص سادس ما انزل التيك توك لان فضيع اما بالنسبه لليوتيوب فراح اعتبر الشورتس كأنما ماموجود ابداً وان شاءالله نكدر نستمر
@@زهَراء-ح2غ8ه اني آسف 😂 سوي هذا الشي ، تخيل نفسج ناجحة بالنتيجة الي انت تريدها كل يوم سوي هذا التخيل بالنتيجة وراح اتشوفين تغير بحياتج. اني مجرب هذا الشي وصار بالضبط الي الشي الي جنت اتخيله كل يوم.
هذا الفيديو رساله الي اليوم 2024/7/11 وما انجزت اي تقدم بالمواد بالسادس خلصتها اضرب روحي راجديات وعد راح انجب واقرا عدل حتى لو ما اريد اطلع معدل و ما اريد طب ما زلت اريد اطلع من الاوائل و اخلي اهلي يفتخرون بيه و افتخر بنفسي بس هذا الحلم ماكو شي ثاني يحفزني كافي تسخيت بعد راح اقرا عدل حتى ما اندم بعدين !! ان شاء الله تنتهي هاي الفتره والضغوط واكدر انام النومه الي بعد امتحان الفيزياء بسلام 🍀🫡
مشكلتي مو بوسائل الراحة صراحة ميهمني اكل لو ما اكل اكل من خلاص احس طاقتي انتهت و ما اكدر اتحرك وانام 7 ساعات واكعد بدون منبة متعودة هيج وفوني منطيته لاهلي صار سنتين عدي لابتوب بس ومبي بس يوتيوب وتلي ماعندي احد احجي ويا عندي 6 اخوان واخوت بس ما احجي لو كلمة باليوم لو ما اكدر احجي حرفياً كلشي ما عندي اسوي غير انو اخلي الكتاب كدامي بس المشكلة ماريد ادرس ولا اريد اكمل حياتي بهل الملل ولا اريد اكملها بنشاط ما ادري اذا دا اتبطر ع نعمة الله لان الحمد لله جمال وكلشي لاريدة يجي ومتوفرلي كلشي بس ماريدة شي من صار عمري 15 الى لان 20 ميجذبني شي لا ملابس ولا تلفونات ولا طلعات ولا سوشل ميديا واي شي افكر انو يمكن يعجبني بس اشتري انطي لاخواتي وهاهية يخلص اليوم واني صافنة كلشي لكلته بكفة وانو تشوف امك كاعدة تتعذب من وراك بوقت لامهات الثانيات مفتخرات بأنجازات اطفاهن كفة ثانية .
ابحثي عن مرض الاكتئاب بعيدًا عن الفكرة العامة إنما الأعراض الطبية.. لأن حالتج مو طبيعية، أنتِ مو بس ما تردين تتعبين إنما ما تردين حتى تستمتعين يعني فاقدة لشعور الاستمتاع معناها مستويات الدوبامين منخفضة جدًا وهذا مو طبيعي.
والله انه اسخت بس هم اقره بس هم اسخت وانه ماريد اسخت وانه مو مرتاحة صراحًة بس ماببالي شي اريد ادخله انه بس اريد اداوم جامعه عمود بلكي اشوف الناس اعرف اتواصل ويه ناس اعرف احچي اطلع من سوالف اهلي الحاسبيني حبسه واتمنى من صدگ من ادخل جامعه ماانحبس ويصير عندي شجاعه احچي ويه ناس بدون مااخاف ويصير عندي ناس اگدر احاچيهم يمكن هذا الشي الي يحفزني اقره بس لهسه مادري بنفسي شريد ادخل وانه من اشوف اكو طالبات او طلاب يقرون يگولون عمود اهلي لو عمود ارفع راسهم وانه مامهتمه بهالسالفه واحس همه اخلي شما وفرولي هذا واجبهم چا المن يخلفون وجاي اقره والله كريم مأجله تلاثه وانه بديت اقره وره عيد الفطر لان عبالي ماادخل وزاري وهم مااريد اعيد سنه المواد الي مأجلتهم جاي اقراهم من الصفر
طبعا من تتركون التلفون لمدة اسبوع مو ترجعونله بشغف واشتياق لا خلو الكم ساعات محدةة للمحاضرات مثلا فقط بالليل او فقط العصر وبالليل وباقي اليوم قرايه واشوفهن ذني المحاضرات بدون نت يعني نزلوهن قبل بيوم وشوفون لاتخلون اي مصدر للتكنلوجيا والاخبار والمشاهير واليوتيوبرية لان هذا كله يستنزف من طاقتكم هدف التكنلوجيا هى امتصاص طاقتك عكس ما انت تظن انو هي تنطيك طاقة وتحفيز من تشوف فلوك وغيرها وشورتز تنتعش بس انت بالحقيقة تقتل التحفيز الحقيقي الداخلي اللي موجود بيك ومديشتغل معقولة؟ اي معقولة والدليل انت اذا تترك التلفون لفترة طويلة حتكوم انت تحفز نفسك بالكلام يشتغل عندك الدافع الداخلي بقوة هنا انت لو راح تكول الله اشتغل الدحيح اللي بداخلي لو الشيطان راح يكلك هااااااااا توك صحيت على روحك؟ هنا انت لا تاخذ بكلامه مادامك دتشجع نفسك على شي زين ف كلش تمام ويولي الشيطان , من تتركون التكنلوجيا خلو عدكم برنامج عبادي انو تحافظون ع الفرو فد ركعتين قي جوف الليل والاستغفارررررررررررررررررر جدا مهم ومن تستغفرون حاولوا تتذكرون ذنوبكم وتستغفرون وحتى اخفاقاتكم اتذكروها بنية عدم اعادة الاخفاق والذنب والذكر اليونسي هم خلوا ضمن برنامجكم اليومي وكذلك ورد قراني كله هذا البرنامج عبالكم هواي ؟ لا كلش قليل ميتجاوز الربع ساعة او النصف ساعة من يومكم بدال متصرفوها ع التلفون تشوفون بيها صخيمة ولطيمة سووهن وها نسيت زيارة عاشوراء هم زينة اقروها كل يوم واذا داجه عدكم سمعوها زين شلون نسمعها واحنه قالقين التلفونات عبيبي لتصير لوتي نزلها بدون نت مو بس تريد تشتغل الوايفاي وتروح للشورتز ادري بسوالفك كتلك اي شي مهم نزله بالتنزيلات وهمينه المحاضرات مال الصخام نزلهن وهذا هو فك التعلق مال التلفون والنت واتعلق بربك وبنفسك وبمستقبلك
أنا من مواليد 2003 راسب سنتين بل الابتدائية وسنه بل اول متوسط بسبب الي گلته ما جان عندي سبب او خوف علمود ادرس وعايش مرتاح والعقل يتكاسل ومن صرت ثالث متوسط اهوي طلاب شفت يكولون صعب وناس ترسب بي ضروري وصار عندي نوع من الوهواس القهري اخاف ارسب اخاف اضل سنتين بل ثالث ووزري وصعب وهاي الأمور من الأفكار تجي ببالي بل اخير مدرسه اهليه كامله بيها تقريبا 20 او اكثر راسبين كلهم وناجحين 2بس من دور الأول وهوا أنا وولد بسبب الوهواس هاذا وخوفي خلاني ادرس بشغف واصرار وعزيمه مع الرغم جنت استضافه بل اهليه بسبب عمري وأنا ثالث متوسط وهسه الي اغلبهم الي جانو وياي بل اهليه رسبو سنه ثانيه بسبب أهملهم وعدم درستهم وتوفير اهلهم الهم الراحه وأنا ضل عندي هاذا الوهواس لحد ما صرت خامس مهني اجهزة طبيه حولت عليها وهل سنه ان شاء اللله سادس مهني وضال عندي هاذا الوهواس فادني اهىوي والله يعيني هل ألسنه😅 لان هاذا مرض مو اشلون مجان يأثر عله النفسيه ان شاء الله خير وتعدي بمعدل عالي إذا ضل عندي هل الوهواس اروح أتعالج شكرا 🙏 الي قراء تعليقي ❤
مشكلتي اسخت واحلام اليقضه والراحه وباجر اقره وباجر وباجر ومليت وتعبت من هالشي وتعبت والله من التسخيت والخمول والكسل وماجله 4 مواد وامتحنت 3 وهسه لسه ماقاريه دور ثاني ياربي والله اصعب شي هذا الشعور تحسون بالم بداخلكم ما اله علاج ابد اله بنفسك تتغلب عليه وصعبه ماكدر 💔💔💔💔💔💔
بلنسبة الي لا اقرا ولا اشتغل ولا اي شي اسهر ع اليوتيوب وانام واكعد هكذا اما الهدف وكذا فتنازلت عنه من اول امتحان استسلمت بعد تعب واجتهاد لمدة 13 شهر راح هباء فحالتي الان هي امشي ع مبدا امشي وي الموج وين ما يروح اروح وياه والحمدلله
@@ARAy309 والله تعبت لدرجة ما تحملت لذلك تخليت عن حلمي مو بسبب الظروف الي اعيشها وانما بسبب الاسلامية والانكليزي كسرن معدلي وكسرن حلمي شجيب 50 لو60 بيهن ومااريد اعيد سنة نفس الشريط💔
7:48 حبيبي اني من جنت اول متوسط و لهسة سادس اعدادي قرايتي بالاربعة لو بتلاثة و حاليا بتلاثة و شفت الفيديو ،غلط هل معلومة لانه مستحيل تركز بدون ما تاكل هاي اول شغلة ثانيا العقل يحتاج تغذيه من نوم و ماي و اكل فا لا تكول انو اقرة يلة نوب تاكل لانه القراية راح تصير بلا معنة و كل تفكيرك بجوعك و تحياتي
ما تفق وياك لان سبب يختلف من شخص لا اخر وصح اكو ناس بسبب راحة بس اني بسبب صدمات الي عشتهة هل سنة الحمدالله مجانت سهلة هاي سنة بيهة اكشن هواي ومرت بيهة بأمور صعبة ولحظات من اليأس بس من تقربت من الله تغير كلشي
اني مأجلة ست مواد وجنت كل ما أاجل مادة ارجع للبيت اصفن اكعد اغلط على نفسي وابجي واني لو جنت بس وحدي اتحمل اكول عادي بس اني وامسح الدفتر افكر شلون حگول لامي والابوية لان ينقهرون هم حتى لو ميحجون واكره هذا الشي حرفياً بالامتحانات تمنيت لو اكون وحدي حتى بس اني اتحمل النتيجة وما افكر بأهلي وشنو حيگولون وراها خلص الدور الاول وكلت بس ارجع ٣ ايام عطلة وراها اكسر الدنيا قراية واضل اقرا واحلام احلام …. وكلها جذب هاي صارلي اسبوع سويت جدول بس شنو ما التزم يعني الفصل ما اكدر اكمله واني قاريته قبل بس هيج ما ادري شسوي انام هواي اباوع يوتيوب هواي وبالاخير اگول وين طار الوقت ، قبل يومين بدأت انام ب 10 واكعد ب 3 اسوي رياضة وراها ريوك خفيف وراها اسوي گهوة واكول يلا ابدا ادرس وياخذني الواهس ونفس الشي ولا كأنو وهسه اني هم كعدت ب 2 وهسه بال 5 تقريبا الفجر ومقارية بس صفحتين حرفياً اني اعرف المشكلة وشلون احلها بس ما اگدر اكره نفسي كلش لمن هيج اسوي همين مسحت التلكرام ولا برنامج عندي بس يوتيوب كلت خلص اركز على دراستي وماكو انعزلت ما اطلع يم اهلي اخاف يسئلوني وين وصلتي كم فصل خلصتي واني بعدني ولا فصل حرفيا اذا اريد اكل انتظرهم يختفون واروح اكل او بالليل لمن الكل نايم لان استحي شسوي انسان فاشل، ارادته ضعيفة ، ولا كأنو عنده حلم اكرهني بكل معنى الكلمة.
للّي يريد يستفاد من هذا الفيديو ف لازم تطلع منه و أنتَ عندك دافع يخليك تصحى و تدرس بدون تسخيت ، و تتخلص من الأشياء الي تلهيك و تاخذ وقتك بلا فايدة و الأهم يكون عندك دافع سواء كان هدف أو خوفك من الفشل...
اتمنى تساعدوني مشكلتي أنا دائما اخاف من المستقبل ومن الامتحانات ومن النجاح هسه تستغربون شلون الواحد يخاف ينجح حرفيا هاي انا حتى احلامي كلهه كوابيس حتى اكعد من النوم وانا خايفة حرفيا تعبت كلششش من كثر الخوف حتى الاكل ما اكل فدوة ساعدوني لحل هاي المشكلة وهماتي صاحب القناة هماتي كون تنزل فيد عن الخوف من الامتحانات والنجاح 😢😔💔
عزيزتي المستقبل وكل الأشياء بيد الرحمن الرحيم الله رب العالمين الخوف لا يقدم بل يُأخر الله سبحان وتعالى يريدنا نسعى ونبذل جهد كافي،والي علينا نسوي والباقي بيد ربنا الكريم،أنصحج أقرأي قرآن وأدعية ،راح يخلوج جدًا مطمئنة.❤
اني مخاوفي انو ادخل جامعة أهلية واطلع معدل ناصي وبهيج رح ازيد الحمل المادي على عائلتي بدال ما اساعدهم ورح اضل افكر وشايلة هم وهذا الشي ما اريد اعيشة واكون بنية عادية بالمجتمع أهلها يصرفون عليها وبعدين تنتظر رحمة زوجها اني هذا الشي ابد ما اتقبلة مع احترامي لبقية الأشخاص الي داخلين اهليات مو قصدي التقليل من الاهليات اني اقصد نفسي وبس وهذا هوة السبب الي حخلي يبطل الكسل عندي واضغط على نفسي واعوف التسخيت لأن حيوديني للقاع وبس هذا هوة طريق التسخيت شكراً الك صحيت هذا الجانب الطافي مني اشكرك جزيل الشكر 💙.
احلى فيديو شفته بكل ﺣَياެتي + استمر وحتى المكان الي انت بي يحسسني باجواء حلوه تخليني اندمج وياك بس شغله بسيطه الي هي احس تحتاج كاميرا مخصصه للتصوير وكولشي يصير بيرفكت شكرا للفيديو🤍🤍
@@AliSaad-4002"استاذ حسين محمد اذا اعتمد على محاضراته وملزمته فقط بدون اي مصدر اخر اضمن الدرجه الكامله بالفيزياء؟ اريد كل مدرسين الرياضيات والانكلش الي تعرفوهم بلا زحمه"
اني دور ثاني ومأجلة 4 مواد وحرفيا جاي تتكرر نفس المشكلات واكول يومية اغيرهم وابدي من جديد بس هذة كلة مُجرد انو اقنع عقلي حتى لا يدرس بالوقت اللي ادركت بي اني سختت وارجع واكول عادي باجر ابدي بينما عندي نص اليوم اكدر انجز بي دائما اتهرب من الواجبات اللي علية على الرغم عندي القُدرة حتى انجز
حرامات ماشفته من زمان حاليا باقي على امتحاناتي بس 25 يوم ماجله 3 مواد مادرستهم اصلا اهلي يردون معدل عالي واني همات بس سختت كلش هوايه وكل ماحاول ابدي اجل وابقى اجل وماعرف الحك اكمل ادعي وابجي يارب انجح واطلع من سادس لان احس كرهت الكتب وكلشي يخص الدراسه بسببه رغم اني بالمراحل السابقه اعشق الدراسه هسه ماعندي هدف انصدمت بواقع العراق وفقدت الهدف 💔
استوعبتْ جدًا متأخر طموحي، واكتشفت إنو طموحي يتطلب أكثر من الجهد إلي أنا بذلته، واحتمال كبير يضيع، لكن قررت أبذل كل جهدي حتى يصير بإذن الله وهو ولي التوفيق.. حتى أگول إنّي بيوم تعبت علمود شيء ردته وما فضلت الرّاحة إلي لا راحةَ فيها. بديت مسبقًا، وقتي مو كله تسخيت لكنّه مو كافي لطموحي، هو قليل لأنه مو كل طاقتي، أريد أجرب شعور أبذل كل طاقتي، أوصل حدّ الإنهاك.. أحس أكو متعة بإنك تتخطى الشيء الي عقلك مبرمج عليه وهو تفضيل السلامة والراحة ونبذ الوجع.
حبيبتي من قريت كلامج حسيت بالفخر يطلع من خشمي! ما شاء الله.. أنتِ حرفيّا عظيمة.. قليل إلي يقررون يخطون هيج خطوة شجاعة وقوية هاي الخطوة تعني إنك فضلتِ العلم والمستقبل على شعور الإحراج بإنج تدرسين متأخر.. وراح توصلين ما دام تفكرين هيج فعلا الإنسان ما يدرك النعم إلي هو بيها ويغلبه الكسل وتشوفين معظم إلي بالتعليقات أهلهم موفريلهم كل شيء (وأنا منهم) بالنهاية كل إنسان راح يلاقي الشيء إلي سعى اله ووقتها ما يفيد الندم.. شخصيا أحس بسعادة على كل ثانية تمر وأنا أدرس لأنّي فرحانة إنو الله رزقني هاي الثانية حتى أدرس وأحسن من معلوماتي، حتى أحصل مستقبل أحسن.. حتى أثبت لنفسي إني أحسن.. يارب توفيقك لنا جميعًا
@@lovuz صدكيني الحياة اختيار واراده واستمرار وكل طريق نسلكه راح نحصد ثماره، انا إنسانه ايجابية واسعى لمكان يلق بتفكيري وعقليتي وكل انسان ناتج أفكاره والإيمان بالله اول فكره لخلق انسان إيجابي 💜😊
اني دور ثاني مأجلة كل المواد ملامك كله صح اني اغلب هل امور مسويتهن وخصوصاً التلفون والراحةةة يعني من عدا الامور المو زينة اكيد الحمد لله😊 كلش عاشت ايدك
المشكلة جنت شاطر و اول بكل مراحلي الدراسية من وصلت لسادس و دخلت بمعدل ٩٤ و صارت مشكلة بسيطة وي اهلي خلتني اعيد و كنت ما مضبط كل مادة و سنة تجر سنة حتى صارت هاي الرابعة بس المشكلة لحد الان ما اعرف شنو السبب الي هلاني لحد هسة ما ارجع مثل قبل يعني احس واحد ينصدم بالواقع بالسادس و على رأي صاحب المقطع كنت مرتاح بس كنت احب احقق حلمي فشديت حيلي كل هاي سنوات و من شفت الراحة اتوقع صرت كسول و مسخجي😊 اتوقع هذا سبب من غير اسباب هواي
والله حلمي اريد اطلع من السادس واخلص من هذا العذاب واتزوج ،لأن بصراحه ايست من حياتي الفاشلة ،لما اقرة شوية يجيني احساس انجاز رغم اني قريت بس ساعة وحدة وبعد هاهية ابطل كل شي ،واكول باجر وباجر ،اني بحلقة لا نهائية من الفشل مع الندم وكل مرة اكول لنفسي راح اشاهد هذا الفيديو يحفزني او اسمع هاي الأغنية تساعدني على الراحة بس بالحقيقة اني فقط جاي اضيع وقت وحاليا ضيعت عشرين يوم بدون اي قراية وعذاب نفسي مستمر وبكاء مفاجء وضحك مفاجء، والله متندم على كل لحظة فشل ،ما اعرف شنو اسوي ،احد ينقذني قبل ما تدمر حياتي بالكامل