لا حول ولا قوة إلا بالله يا جماعة فيه مبدأ شرعي لازم نعترف بيه ونطبقه. إذا استحالت العشرة بين الزوجين يتطلقوا!! لو الطلاق مش ضرورة حياة مكانش ربنا شرعه، احنا مش هنعرف نفسنا أكتر من اللي خلقنا!! مفيش حاجة اسمها استحمل علشان العيال، استحمل علشان البيت ميخربش، استحمل علشان معرفش إيه، الكلام ده كان ينفع زمان!! زمان كان القتل خيار صعب على أي حد، كانت يوم ما بتحصل جريمة قتل الجمهورية كلها بتسمع عنها، كانت بتقلب الدنيا أكتر من التريندات بتاعت دلوقتي، كل بتوع الجرايد كانوا ينادوا اقرا الحادثة اقرا الحادثة، قتل فلان وللا قتل علان!! لأنه القتل كان حاجة نادرة جدا وغريبة ومحدش ممكن يتصور ان حد يزهق روح حد ببساطة كده!! دا الحرامية لما كانوا يكسبوا عليهم أهل البيت، يا بيهربوا، يا بيتمسكوا ويترنوا علقة ويتسلموا البوليس، يعني كانوا يفضلوا يتحبسوا على إنهم يقتلوا!! حاليا لو دخل عليك حرامي اعمل ميت، لأنه لو حس بس انك شفته هيقتلك ويكمل سرقته عادي!! حاليا القتل بقى حدث يومي، يوميا فيه جريمة واتنين وتلاته وأربعة ، بقت الناس عموووما بتقتل بعض لأسباب تافهة جدا، وأحيانا بدون أسباب أصلا!! الأزواج والأصحاب والجيران والأهل بيقتلوا بعض كل يوم، بقت الأم والأب يقتلوا ولادهم، والولاد يقتلوا والديهم، والاخوات يقتلوا بعض!! بقى الأخ بيقتل اخوه علشان لبس حاجة من هدومه من غير إذنه، بقت الأم تقتل رضيعها علشان بيعيط وعاملها إزعاج، بقى الزوج يقتل زوجته علشان جابتله كباية شاي ناقصة سكر، بقت الزوجة تقتل زوجها علشان طلب منها تعمله حلة محشي!! ببساطة القتل بقى الخيار الأول في أي خلاف مهما كان تافه!! تحس الناس بقت طول الوقت بتدور على فرصة علشان تقتل بعض، بتتلكك لبعض!! في ظل حالة الجنون العام دي مبقاش ينفع نقول نعيش ونستحمل ونربي العيال، هترسي على أنهم يقتلوا بعض وبرضه هيتشردوا العيال!! أنت زوجتك عاوزة تشتغل وانت رافض، خلاص طلقها، بسيطة!! دي بقالها سنة عمالة بتتلكك، تسكنها في القاهرة تقولك وديني الزقازيق، تسكنها في الزقازيق تقولك رجعني القاهرة، لما بقت توصيلة السكران رايح جاي!! ببساطة هي عاوزة تزهقك علشان تيجي منك فتطلقها، كانت منتظرة انك في أي مرة من دول تعترض وترفض فهي تستغل الفرصة وتقولك خلاص طلقني، انت بقى مرفضتش وكملت، علشان العيال!! أبوها نفسه قالك يا أخي وانت بتسمع كلامها ليه!! عاوز يقولك ما تطلقها وتخلصنا بقى!! خلاص تلكيكها على مكان السكن منفعش أهي اتلككتلك على حلة محشي!! وغضبت وخالها قالكم طلقوها!! تقوم تروح لاخوها تقوله انا عاوز مراتي وعيالي!! يا أخي مراتك مش عاوزاك، وعيالك وهي بنفسها سابتهملك!! أخوها لقاك مش عاوز تطلقها فقتلك!! أنا مبقولش انه مش مجرم، هو مجرم ومعترف وهياخد عقابه، فده مفروغ منه!! لكن المرحوم غلط في إنه تمسك بواحدة مش باقية عليه!! اللي ميبقاش عليك سيبه يروح لحال سبيله حتى لو كان اخوك أو ابنك، مش مراتك أو جوزك!! يا جماعة القتل بقى أسهل عند الناس من الخناق والشتيمة والضرب وكل الطرق القديمة دي!! مفيش حاجة بقى اسمها استحمل وعيش علشان خاطر العيال!! ربنا زي ما شرع الزواج، شرع الطلاق!! الحياة الزوجية مش عقوبة ولا عملية تعذيب. الله يرحم القتيل ويصبر أهله وينتقم من اللي ظلموه وجنوا عليه.
فعلا عندك حق الناس اتهبلت من قلة الدين وبقينا آخر الزمان وكثرة الهرج والقتل كما أخبرنا الحبيب صلى الله عليه وسلم والله المستعااان على مايصفووون وسلام على المرسلين والحمد لله رب العالمين والصلاة والسلام على أشرف الأنبياء والمرسلين 🙄😏😶😑😐
للأسف البنات الآن لاتربي علي انها فيوم من الايام تكون زوجة صالحة وام لكن للأسف لا اخلاق ولا دين ولا حياء ولا خوف من الله ولا تعرف غير حقوقها واين واجباتها حسبنا الله ونعم الوكيل في هذه الزوجة وأهلها ولا حول ولا قوة الا بالله العلي العظيم
ربنا يرحمه ويغفر له ويسكنه الفردوس الاعلى يارب العالمين يارب يجعل قبره روضه من رياض الجنه ونعمها يا رب العالمين يرحمك يا إسلام وحسبي الله ونعم الوكيل ربنا ينتقم منهم اشد الانتقام
حسبي الله ونعم الوكيل فى كل زوجه متحفظشي علي زوجها مش مهم اكل مهم المحبه واحترام والله حنا ٥ أفراد لينه سنه مكلنهشي محشي وعدي رضين بي أي حاجه نكلوها ارحمو فى ارض يرحمكم فى السماء ته احن احسن من ناس كتيره فى ناس بموت من غير اكل اشفو اخواتنا فى فلسطين حسو الناس
حسبنا الله ونعم الوكيل، بسم الله الرحمن الرحيم، اللهم إنك عفو تحب العفو فاعف عنا، الحمد لله على نعمة الإسلام لا اله إلا الله وحده لا شريك له له الملك وله الحمد وهو على كل شيء.
إسلام مات علشان كان رجل في زمن نضب فيه معين الرجال. ولكن غلطته ان لم يختار بنت الأصول. (تخيروا لنطفكم) دي وصية الرسول. رحمه الله وطيب ثراه هو وكل امواتنا واموات المسلمين اجمعين. آمين يارب العالمين والصلاة والسلام على رسول الله صلى الله عليه وسلم.🤲
يخرب بيت الحب يعني هو عشان بحبها تسغتلو حسبي الله ونعم الوكيل فيها يآرب دي على جهنم عدل والله العظيم في نسوان الرصاص فيهم خساره ربنا ينتقم منها ومن إللي ربوها لانهم معرفوش يربوها
والله في نساء جوزها موريها المرارة هجرها وأخذ هدومه علشان بيحب واحدة وأخذ مكتب أمامها وتركني زوجته ونام في المكتب ال أمامها علشان ياكدها أن علشان خاطرك هجرت زوجتي وانا امامك اهو ٢٤ ساعة وقال للناس ال في الشارع ال حبيبته فيه زوجتي جسمها فيه وفيه وكلمات معناها أنه لا يعطيها حقها الشرعي ال يومالدخلةوقال للناس كلها هذا الكلام وزوجته كانت لا تعلم بهذا الكلام ثم طلب من زوجته ٥٥ الف جنية لانه مديون وهي أعطته لها ولا تعلم أنه كان هيتزوج من حبيبته ولكن حبيبته ضحكت عليه ولم ترضي تزوجه وفي مرة زوجته كانت بتكلم أحد يصلح موبيلات في الشارع وحكي لها القصة سبحان الله كاملة ولا يعلم أنها زوجته وترك زوجته ولم يصرف عليها حنية واحد ثم أخذ أقاربه الي مصيف بفلوسها وقفل الخط عليها في أيام ما كانت أعطه الفلوس ليتضح أنه في مصيف غالي الثمن بأموالنا وما زالت في بيتها لوحدها ولم تنجب مع انها صرفت مصاريف كثيرة للحقن المجهري ولكنه لم يأتي ليلقح البويضات وضاع العمر وراء الأطباء ليخلص بويضاتها وعدم الانجاب وتعيش لغاية الوقت وحيدة متحسرة علي عدم الانجاب معان الله رزقها جمال وتعليم واحترام الله عليم وصادقة بكل نفس بأقواله وصابرة وتصلي ووحيدة منبوذة تصرف علي نفسها بتعليمها كمهندسة مدني ولكنها ماتت امها وأبوها وعاشت وحيدة سنوات طويلة جدا وتزوجت وايضا عاشت وحيدة وما زالت وحيدة لا يعلم بها ال الله والله العظيم تخاف الله في ان تغضبه في كلمة لكنها حزينه عملت ما يعمل في عز البرد والحر والفجر لتذهب الي أطباء لكي تنجب وصرفت الكثير والكثير ومشت في بلاد الله لخلق الله سنوات وسنوات علي امل الانجاب ولكن الله لم يريد ومازالت حزينة وصابرة