قابلت ام سارونا يا بنات اخيرا قابلت الشخص اللي ادمنت متابعته قابلت الشخص اللي اموت عليه شخصية فيها من العلم الطيبة الفهم التواضع وحقيقة بعد ما قابلتها حبيتها اكثر من حبي الاول لها ❤ والله انك مثال يا ام سارة للمرأة السعودية المتميزة والقدوة الصالحة التي يقتدي بيها ما اقول هذا مدح والله لكن انتم شهداء الله في خلقه سعدت وتشرفت بلقاك لفت انتباهي يا بنات اللي ما شفتوا ام سارونا والله تفاجأت بجمالها ماشاء الله تبارك الرحمن ولا قوة إلا بالله جميييييييييلة والعيون ملونه ماشاء الله تبارك الرحمن وفي الحقييييقة بياااااض بيضاء ويا جمااال سارونا لو شفتوها في الحقيقة تبارك الرحمن تنوكل اكل لاقوة إلا بالله تمنيت اشوف صبوحة 😢 بس الوقت وخفت اخذ من زمنها الله يحفظكم من كل شر ومن كل حاقد وحاسد
انا والله اللي سعيدة اللي قابلت متابعاتي حببباتي اي والله سعيدة اني ضميتكم وخميتكم وسولفت معاكم الله يجعلني خير مما تظنون ويغقر لي مالا تعلمون. وبخصوص البياض والجمال والله مااقيس الناس من هالمنظور يملك قلبي الانسان الخلوق مثلك وشرواك. كل شي زايل عدا حسن الاخلاق. حبيبات قلبي انتم
الله يحييك يا اختي ام ساره نصيحه لك وللجميع لا تستخدمون مناشف الفنادق ابدا والله ما هي كويسه وما تدرون هي مغسوله بعد الي كانو قبلكم العمال والله ما اثق فيهم ويمكن احد فيه اي مرض معدي وينتقل لكم انتبهي حبيبتي
شفتو ام ساره حتى في المطعم حريص ان يكون كل شي في مكانه اعاده الكوب العصير الى مكانه منظمه هذه الانسانه تبارك الرحمن .ورحله سعيده وممتعه ومفيده نتمناها لك يام ساره ولابوساره وللقمرين ساره وصباح ❤
اللهم صل على نبينا محمد وعلى آل محمد كما صليت على ابراهيم وعلى آل إبراهيم في العالمين انك حميد مجيد وبارك على نبينا محمد وعلى آل محمد كما باركت على ابراهيم وعلى آل إبراهيم في العالمين انك حميد مجيد عدد خلقه ورضا نفسه وزنة عرشه ومداد كلماته ❤
اي والله بلادي السعودية 🇸🇦 اجمل البلاد.....يكفيك إنها تشرفت بوجود بيت الله الحرام وبيت الرسول عليه الصلاة والسلام ❤ ......وعندنا جميع الفصول الأربعة ❤تبغين الشتاء ولا الصيف بتلقينها عندنا
الله يمتعكم بالعافية بس ملاحظة للفائدة الكار سيت لعمر الأطفال بالأشهر مايكون أمامي المفروض اتجاهه للخلف يعني الطفل يكون معطيكم ظهره وفيه مرايه تتثبت بحيث ينشاف الطفل لو كانت الام تسوق لأن هالوضعية خطيرة للطفل.
ماشاءالله الله يهنيك يارب ويحفظك أنت وعائلتك صراحة اشتقت لك ولصوتك والله متابعتك تسعد قلبي فيها راحة وطاقة ايجابية الله يسعدك زي ما تسعديني انت القلب الطيب وام الذوق والاخلاق جعل اللي ربوك مايعرضون على النار ويجزيهم الجنة وإياك والمسلمين اجمعين 🤍
رحلة سعيدة غاليتي أم سارونا الله يوفقك ويسعدك ويرزقك من حيث لا تحتسبين أنت وزوجك وبنوتاتك وأهلك كلهم وإيانا وعامة المسلمين يارب العالمين آمين وعودا حميدا لبيتك ومدينتك سكاكا ❤❤❤❤❤
أجواء جميلة ورائعة مبدعه دايمآ في سفرات وفي مشتريات وفي كل شيء ربي يعزك ياحبيبي انا فرحانه ان ربي رزقني امراء مثاللك أتعلم منها الحمد لله ربي يحبني الحمد لله ربي العالمين
سفرة سعيدة أم سارونة والله يحميكم ويحفظكم 🤍🤍 وبخصوص وجهتكم الثانية مدري ليه أحسها الباحة 🥹 وإذا كانت. الباحة فبإذن الله راح تقضين وقت ممتع هناك طبيعة وأجواء خياليه وفعاليات 😘🤍🤍🤍🤍🤍
ماشاءالله تبارك الله عليك ياأم ساره وعلى بناتك الله يسعدك يارب شركة المفتاح ابني يشتغل فيها الشركه الي في الدمام الله يحفظه ويحفظ الناس جميع اختك من اليمن
بس ابغى أنبهك على نقطه لما قلتي يارب صبوحه ما تصحى دايم قولي بعدها من غير شر ادري نيتك إنها تطول في نومتها عشان تستمتعين بوقتك لكن الأفضل تقولين بعدها من غير شر
