مام احنا من وسط الجزائري نديرو الدوارة نقيويها ونقطعوها قد ما نشكلوها جيوب لل عصبان ونحطوها على جنب ونروح ل ( مصارن نغليوهم والغرنوق تع الرية تان نغليوهم ونقطعوهم صغار نحطوهم في جفنةولا قصعة نضيفو حبة بصل مرحية وطماطم مرحية نضيف قصبر ربطة مقطعة ونصف ربطة معدنوس و روز مفور قيس غرفية وكمشة حمص وتوابل تع عصبان يتباعو مشكلين وفلفل عكري حلو وملعقة طماطم مركزة وزيت 4 ملاعق ونخلط ونوجدوها نعمرو عصبان في قدرة كبيرة بصلة مرحية وشوية زيت لانو تكون حشوة عصبان فيها شحمة تجي ميدمة هي اصلا نستفو عصبانات فوق بصلة ونخليوها تتقلى قيس ما بصل يذبال ونمرقو بما ساخن تدي وقت باش تطيب مهم كي طيب نحطو عصبانة ومرقة خاثرة فيها حميصة نفتحو عصبانة على نصف مع مرقة تجي هديك هيا ونخليو كمية من دوارة للي يحب بكبوكة .و بوزلوف وحدو نهار آخر لانو ثقيل نطيبوه بالدرسة الثوم وحمصة ومرق احمر ونقطعوه طريفات متوسطين
صحة عيدك و كل عام و انت و العايلة تاعك بخير ملمومين و مجموعين الحاجة ااي تعجبني في أم زينب انها لامة ولادها و ما تتقلقش و طول بالها مع ولادها وولاد بنتها دارها ديما فيها الخير لأنها دار فيها البراكة ربي يحفظكم و يفرج على كل يتيم ولا واحد يتيم في وجود والديه
الله الله الله على هذه التكبيرات العظيمة الله، فكرتني في أعياد ماضية لما كان الوالد رحمة الله عليه يذهب الى مسجد الحي ويبدأ في التكبيرات مع الاصدقاء داخل المسجد 😢😢😢،عندي سنوات ماسمعتهاش ،الله أكبر 😂أكبر ألله أكبر لاإله إلا الله الله أكبر الله أكبر الله أكبر ولله الحمد ❤، ماشاء الله عليك يا ام زينب وجهك وجه الجنة، حفظك الله ورعاك يا رب
صحة عيدكم كل عام وانتي بخير واختي الكريمة ❤ اختي حلومة وربي يشفي الوالدة الكريمة ❤ ان على ❤ حنا تاني في مسيلة كنا لانو دوكة ساكنين في العاصمة ومانذبحوش بوزلوف نطيبوهم كيما انتي حنا عدلتنا اول يوم نقلو كل شي كبدة دوارة انا نحب الرية نقليها القلب و العشاء بوزلوف ❤ 🥰
سبحان الله أنا جزائرية و أول مرة نشوف هذه الطريقة تاع الراس بالمصارن حنا ماما موالفة كي تغليه مع مطيبات مبعد تبلو بالثوم و التوابل و تحطو يتحمر في الفرن بلادنا صح قارة
نهار العيد كنا نتلايمو عند الجد الأكبر. كلنا واحد يجيب الكبش انتاعه معاه هههه والله. في الغداء نطيبو قلاية كبدة وسلاطة خبز الدار في العشاء بيت الجد يطيب المسلان. الكتف للنساء والكتف الثاني للرجال. وبعدها كل واحد يروح يزورها الاهل والاحباب والجيران. وبعد ثالث يوم نعملو عراضة نديرو قرعة لكل واحد فينا. اللي طاحت فيه القرعة يطيب العشاء والا العداء نتلايمو كامل حت الجيران ❤ ملاقاة رحمة
قالت الكبدة مرات نلقاوها مش مليحة للأكل تحب تشري سكالوب للأولاد خير ليها ملي يقعدو بلا غداء وعندها الحق العام لي فات كبدة تاع نعجتنا لقيناها مريضة والله كلينا بطاطا مقلية وحدها القلب ووو معندهم مايديرو في عائلة وربي يهديك أختي
أجواء رائعة حقا ❤صحا عيدكم ام زينب وصحا عيد كل الشعب الجزائري والعربي ❤🥳حقا لما شفت هذوك رجلين الخروف مدورا عليهم المصران والله العظيم غير تفكرت ميمتي ربي يرحمها هكذاك كانت ديرهم هكذاك 💔🥺ربي يشفي ميمتك وكل المرضى 🤲🤲🤲🤲
وعلاه ياختي خالوطة يخي كل ولاية وعاداتها وكل بيت وأكلاته قالك دخلت سبع بيوت كل بيت ماهي كي بيت وانا نحترم تقاليدك ومفروض تحتارمي تقاليدي مش تقولي خالوطة
