كنت عند صاحبتى وباباها تعبان جدا وبتمنوا من ربنا انه يريحه من ألمه اللى هو يموت يعنى 😂 تانى يوم عرفت انه مات روحت اعزيها وانا داخله عليها قولتلها فرحت اوى لما عرفت ان باباكى مات 😂 الحمد لله ياحبيبتى ربنا ريحه زى ماكنتى بتتمنى😂 .
هو مش محرج اوي .... هو شجاع حبتين 😹 مرة كنت في التمرين و الكابتن كان جديد و مستقصدني مش عارفة ليه ف راح طلعني من الصف و اجي قدامه صححلي الحركة قالي طب بصي .. حطي ايدك على كتفي ( بغرض انه يصححلي الحركة في الضرب و كدة) قولتله نعم ! ده ازاي ده و الصبيان قالوله عيب كدة يا كابتن ميصحش بس هو مهتمش راح كان خلاص هيمسك ايدي عشان يحطها على كتفه روحت بدون وعي اديتلو بالبوكس وقع على الارض و خدتها ضرب و مكنتش في وعيي فعلاً روحت اخدت شنطتي و جريت ع التواليت روحت قعدت اعيط جاااامد بعدها ضحكت ضحك هيستيري بجنون لدرجة ان فيه واحدة خبطت و قالتلي انتي كويسة يا استاذة ولا اي 😂 بعد كدة خرجت روحت جريت في حضن اخويا و حكيتله كل اللي حصل و انا بعييييط جااامد و اخدتها ضحك تاني بدون سبب راح قالي خلاص انا جاي معاكي بكرة و هاخد ورقك و هنمشي بس ف عينه كمية شرانيه و غل محصلش المهم ... تاني يوم اخويا راح معايا جيه الكابتن رابط دراعو و بيمشي يعرج و فيه كدمة ف وشه مزرقة راح اخويا ميل عليا قالي انتي اللي عملتي فيه كدة ؟ قولتله و المصحف ما انا ( لأن انا مكنتش شايفة ولا واعية انا بعمل ايه) 😁 قالي طاب انا جاي ناوي على ضرب هضرب فيه ايه تاني 😅 قالي و كل اللي جاياني و عمالة تعيطي و انتي مش مخلية فيه حتة سليمة اومال لو سبتك كنتي جيتي كملتي ! 😂😂😂😂😂😂😂😂😂😂😂😂😂😂😂😂😂😂😂😂 مع ان انا غلبانة ولله و لا بهش ولا بنش 😢😁 بس اللي ميطيرش جنوني 😈😁
انا سورية عايشة فمصر فضلي عشر سنين وفضلي فالمدرسة وتمن سنين فجيه عندنا السنة دي مدرس لغة عربية فكرني مصرية وانا مكنتش اعرف كنت فكراه يعرف وفي الفصل عندنا واحد سوري بردوا بس هو شقي يعني فيه كل المواصفات الوحشة فالمستر خد فكرة عن السورين أنهم زيه فكان يمسكه يضربه ويشتمه ويشتم سوريا وكل السورين قدام الفصل كله والكل عارف اني سورية معداه وانا كنت فكرة أن هو عارف وبيشتمني معاه متعمد فمن يومين كدة عملنا الامتحان بتاع العربي وكان صعب اوي والدنيا عدت فكان علينا الحصة الي بعد الامتحان فلقيته لمنا الفصل كله فدورية وقلهم اني سورية وقالوا ما احنا عارفين وقعد يقلي وانت كنت بتسمعيني وانا بشتم بقلوا اه وهو يضحك علي نفسوا ويضرب الولد السوري وانا قاعدة حاطة رجل علي رجل وبضحك عليه وبعديها قاتلوا وانت عرفت منين قالتلي صحبتي هي الي قالتلوا لقيته يقولي يعني أنا كنت بشتم وانت بتقعدي ساكتة فقعد يمدح فينا كتير 😂😂
استغفر الله العظيم واتوب اليه ❤ لا حول ولا قوة إلا بالله العلي العظيم ❤ لا اله إلا انت سبحانك اني كنت من الظالمين ❤ اللهم اغفر لي ولوالدي وللمؤمنين والمؤمنات والمسلمين والمسلمات الاحياء منهم والاموات ❤ سبحآن الله والحمد لله ولا اله الا الله والله أكبر ❤ سبحان الله وبحمده سبحان الله العظيم ❤ اللهم صل وسلم وبارك على نبينا محمد وعلى آله وصحبه أجمعين ❤
وأنا فى ثانوية عامة مدرس الفيزيا كان بيشرح حاجة وقال أزهر يحفظ الرسمة أما عام لأ ففى بنت ورايا بتقول هما أزهر دول معرفش حاطين عليهم كدة ليه وانا روحت بصتلها ولفيت وشى ورجعت بصتلها تانى وبعدين بشوية روحت قولتلها هو انتى أزهر المشكلة إن البنت مسيحية وبعدين المستر قال البنت اللي بتزن فالبنت قالت المستر على اللى حصل والمسار مات من الضحك وكل المجموعة كانت قاعدة تبص عليا
كلهم زى العسل انا ححكيلك بقه على موقف زمان حصل معايا اول الموبيلات ما نزلت و مكنتش لسه جبت واحد فكنت سايقه و العربيه وقفت بيه فالعربيه اللى جنبى وقفتلى و الشباب ادولى موبايل عشان اتصل بزوجى يجيلى مسكته و دست عالسماعه الخضرا و بعدين اديتهوله قلتله مفيهوش حراره 🤣🤣🤣
كنت فى عزا جدة واحده صحبتى وكانت بتحكيلى توفت ازاى وانا من كتر تركيزى واندماجى معاها بتقول وماتت بقولها لا بعد الشر عنها ولقيتها هى التانيه بتقولى ايوا بعد الشر وبعدين بصينا لبعض وغصب عننا ضحكنا من العبط بتاعنا😂😂😂
مرة كنت بكلم واحدة صاحبتي مسيحية رنت عليا وانا بصلي العشا ماردتش رنت تاني كنت خلصت فرديت عليها قامت بتقولي ايه يا بنتي برن بقالي ساعة فقلت لها كنت بصلي والله فقالت لي حرماً رديت عليها قلتلها جمعاً ان شاء الله🙂
كنت حافظه اغنيه اجنبيه وكنت عند خالتي وكنا كل واحد بيقول اغنيه وجه دوري وغنتها وسجلتها علي التلفون بتاعي وطلع صوتي عامل زي المعزه 🐐😂😂المشكله اني كنت واثقه من نفسي 😂😂😂
كنت متجوزه جديد وفي يوم جه ابن عم جوزي من البلد في وقت متأخر وانا كنت نمت جوزي دخله اوضه الأطفال المغلقه فصحيت الصبح اجيب المكواه من غرفه الأطفال المقوله طول الوقت وإذ فجاءه القى واحد نايم على سرير الأطفال ولابس بجامه جوزي والشبه كبير اوي بنهم ولسه ايمه من سريري وجوزي سسيباه جوه ولك أن تتخيل كميه صويت الساعه ٦ الصبح لميت المنطقه والمناطق المجاوره
هو ده موقف له العجب بصراحة ده انتي المفروض تتخانقي مع جوزك يومها وكويس إنها جات على قد كده وما شوفتهوش ماشي في الشقة كنتي اترعبتي اكتر.المفروض جوزك كان يصحيكي ويقولك بس هو يستاهل.أختك في الله.
انا بشاهد الفيديو ده للمرة العشرين من كتر ما بضحك بجد هيحصل لي حاجه ربي يسعد قلبك ❤❤❤ انا توتا والحياة من اشد المعجبين بمحتواك ربي يوفقك دوما ياريت تعمل أجزاء تاني للحلقه دي بليز 🙏🏻👍🏻
ااااه موقف تاني يالهوي كنت بشرح لبنتي انها متتجوزش في بيت عيله مهما حصل بقولها عشان لو انا مت يعني بفهمها هي لسه ١١سنه بتكلم وبهزر يعني طلعنا عند حماتي وانا طبعا معاهم في نفس البيت بنتي بتقولها اول درس ماما قالتهولي مقعدش مع حمااتي ...... لولا الله يسترها عمتها حبيبة قلبي انقذت الموقف كان هيبقي .......
قبل كدة كان في واحدة لسة جديدة في العمارة فكانت حطة ورق كتير برة ففي ست تانية واقفة فقولتلها هو في فرح في الشقة قالتلي لأ واحدة هتتجوز فقولتلها كل سنه وهي طيبه وبخير وعقبال مليون سنة
انا بقا في مرة كنت بكلم صاحبتي في التلفون وانا من النوع الى بتعصب بسرعه وكانش فيه شبكه والصوت بيقطع وكان فيه عاركه تحت بيتنا والجرس بتاعما رن طلعت وانا متنرفزة من البلكونه وبقول بصوت عالى الووووو لقيت الناس اللي كانوا بيتعاركوا سابوا العركه وقعدو يضحكوا عليا 😂😂😂😂😂😂😂😂😂😂😂😂♥
اني اقع فى الشارع وفى مره كنت بظبط الطرحه قدام زجاج العربيه وكان الزجاج لونه اسود وانا شغاله بظبط الطرحه وفجاه الزجاج اتفتح ولقيت اربع شباب قاعدين فى العربيه
انت لازم تنزل بتاع ٥ ، ١٠ فيديوهات كل يوم بدل ما بقعد اتفرج على فديوهاتك القديمه تاني الغريبه اني ما بزهقش بالإضافه للطلب الجماهيري نزل سلسلة حااااااااسب يبقى كلها حاسب بقى 😂
وانا ف ٣ أعدادي كان عندنا مدرس الرياضيات ف كان بيشرح س و ص وس × ك ف انا كنت باكل شيبسي ودخلت الكيس ف الدرج ولمه سألني الخطوه الجايه ايه قولتوا ب كل ثقه س × كييس طبعا الفصل كله كان ف الأرض من الضحك😂😂
مرة كنت رايحة مستشفي جنبنا وفي جنبها قهوة فالرصيف نازل بعد القهوة علشان مدخل المستشفي للكراسي المتحركة فخدنها زحلقة نزلت قاعدة مربعة وكل القهوة بصت عليا نازل شخص عامل حدثة ومجبس ايده بيديني ايده التانية بيقومني قلت له وانا قاعدة لا بدل متطلع معي بايدك التانية حسيت القهوة كلها ماتت ضحك بس استوعبت الموقف انه بدل ميضحكوا على وقعتي ضحكوا على كلامي
بجد اول مره اشوف الفيديو ده كنت نازله منزلتش واتفرجت على الفيديوهات كلها ونسيت اعمل الغداه الولادى وزوجى وحصل مشكله كبيره قولت مش مشكله المهم انى ضحكت 😂😂😂😂😂😂😂😂😂😂😂😂😂
نااااا كنت ماااشيهه اناااا وصحبتي وكناااا راجعين م الدرس وكنا محتااجين حاجاااات م الصيدلية وكان لاااازم نروح ف الوقت دهه المهم الصيدلية دي الباب بتااعهااا قزاز وفيه ولد صغير كان مع مامته وخااارج والولد مفكر ان الباب مفتوح وخارج عاادي وهووووووب الولد لبس ف الباب فضلت اضحك ومن كتر الضحككك قعدت واتربعت ف الصيدلية ومت ع نفسي م الضحك 😂 وناااا بعيد عنككك م النوع اللي لو شوفت حاجه بتضحك بفضل اضحك عليهاااا اليوم كلوو 😂😂😂😂😂 .... في مره تااانيهه برضووو كنت ماشيه انا وصحبتي هي هي نفس البنت وكنا رايحين نفس الصيدلية ف قبل منوصل هناك قالتلي حاجه فصلتني ضحك شويه وسكت واول موصلنااا عند الصيدلية بصيت ف وش الولد اللي كان واقف فيهااااا وافتكرت اللي كان بيضحكني واشتغلت ضحك تاني 😂😂😂 الولد اول منااااا ضحكت بيقول لصحبتي هي مالهاااا دي بتضحك لي قالتله معلش هي كدهه وانا ماااسكهه الفلوس ومااده ايدي للولد وهموت من الضحككك الولد آخر م زهق فضل يضحك هو كمان 😂😂😂😂😂
ضحكتنى كما لم اضحك من قبل! حقيقى فيديو فظيع😂😂😂 يا ريت بقى يكون فيه جزء تانى و تالت و رابع و …و….و. …لان اكيد المواقف المحرجة ما بتخلصش و لا هتخلص 😂😂😂😂😂
ف مره كنت ف درس انجليزي ف ثانوي ف المستر بيترجم الكلمات وكانت فيه كلمه ترجمتها رائحه حاجه غكانت ف ريحه ڨانيليا رحت قولت بصوت عالي وبكل ثقه اه ي مسار في ريحه ڨانيليا ريحتها جميله ومن ساعتها اصحابي مسميني ڨانليا انا طول الحصه كنت بدحك علي نفسي😂😂😂😂😂😂