هى جميلة وعائلية وفيها كل ماتحتاجه خصوصا المول على باب القرية بس بالنسبة للبحر فعلا الموج عالى والسحب شديد وخطر جدا بالذات الأطفال والنساء والشاليه اللى نزلنا فيه كان محتاج صيانة وتجديد من الداخل ونظافة سواء للفرش اوللمطبخ
مساء الخير يا جماعه، انا مش من ملاك قريه بدر ، ولكن انا ليا رأي في القري القديمه اللي مبنيه من زمان الا هو ان البنيه الاساسيه مش بطاله في المعظم ولكن كل واحد عنده فيلا اوشاليه اوحتي شقه ده يعتبر اصل كويس جدا وعلشان تحافظ علي هذا الأساس لازم كل الملاك يتفقوا علي عمل تطوير محترم للبنيه الأساسية والمباني من الخارج وتطوير الحدائق والانوار يعنيland scape & light scape وتحاولوا رفع قيمه القريه وبالتالي تقدروا تتباهوا بيها امام بقية القري الجديده وكمان حيكون عندكم ميزه كويسه جدا الا وهي قرب القريه مش بعيده زي القري الجديده، المهم تروحوا لمهندسين كويسين يعملوا تطوير زي القري الاخري حتفرق معاكم جدا حتي اقتصاديا لوحبيتوا تأجروا الشاليهات المهم انكم تتحدوا مع بعض ولا تتخانقوا علي الفلوس ،دي راي امين جدا من واحد بيحب البلد ولكن في الحقيقة اللي انا شايفه ده لا يمكن اجي القريه
فعلا قرية بدر جميلة لها طابع عائلى و تمتاز بوسعها و جمال موقعها و شواطي جميلة و ممتدة و ملاصقة لمول زهران الشهير وبالمناسبة قرية بدر هى المالكة لمول زهران و القرية الان تشهد نهضة غير مسبوقة لتطويرها .
معلش انا لسه سؤال بس هو عادي ننزل ب البحر يعني البحر من البحر ذات نفسه في البسين يعني ممكن مثلا اجيب اي حاجه قل بس انزل بيها البحر ولا لازم حاجه معينه او يوم معين او ملابس معينه يعني مخصوصه انزل بها البحر زي البسين ولا لا عادي براحتك انت اللي انت عايزاه عشان بصراحه احنا هنروح فانا عايزه اعرف دي ضروري جدا وفي اقرب وقت اتمنى ان تردي على بجد
😢😢 هذه القرية التي غرق فيها بن الممثل المصري حسن يوسف والممثلة شمس البارودي امس بحرها مش امان خالص غرق الابن الأصغر لحسن يوسف امس بهذه القريه الله يرحمه ويرحم جميع اموات المسلمين اللهم لاتفجعنا في حبيب لديناياارحم الراحمين
انا كنت محتاجة تفرجينا على الشاليهات من جوا ...مستوى الاثاث والفرش ..شكل الحمام ..كدا يعني ....دا مهم جدا ولا يقل اهمية عن البحر والرمال البيضاء الجميلة دي يعني مثلا تفرجينا عينات من انواع الشاليهات ومستوياتها واسعارها ...دا بكذا ودا بكذا ارجو الرد زي ما قلتي
الشاليه اللى كنا فيه كان كويس جداً بس ده يختلف من شاليه للتانى على حسب صاحب الشاليه فارشه ازاى. بالنسبة للأسعار ف دى متغيرة على حسب وقت الحجز و حجم و فرش الشاليه. لما حضرتك بتحجزى صاحب الشاليه أو السمسار بيبعت صور الشاليه الأول قبل حضرتك ما تقررى هتحجزى ولا لأ.
