بابور الجاز صوت البابور 2013 

ru-vid.com/show-UCdqZmkA-hjBuK4NaNHAS81Q عندي مشاهدات 6 مليون الدعم ياجماعه والاشتراك باقي 700 مشترك علي 10.000 الفزعه ياالمتابعين

مين بيسمعه الوقتي واحنا باواخر سنه 2023 ومازلنا بنحن لكل شيء من ماضينا الجميل واحلى ذكريات ❤❤

إللى بيسمعه كل يوم وينام عليه لايك

مين ييسمعه ف الجو التلج اللي ف مصر ده الجو فعلا محتاج لوجوده انا مش كبيره اوي يعني أنا من أواخر التسعينات بتذكر بابا الله يرحمه كنت صغيره جدااا بس فعلا كل ذكري محفوره بعقلي لحد الان كان ديما يجي من الشغل والجو تلج وأمطار كتير اووووي اول ما كان يجي كان ديما يجي الأمان يجيب الامان معاه كان يشغله ونجتمع حوله انا واختي وندخل ف نوم عميق بسبب وجود الدفئ حولنا فعلا يعتبر ذكري بسيط بالنسبه لاي حد بس بالنسبه ليا هي دي الذكريات اللي انا بملكها لما اتعب ومش قادره انام بشغله من صفحه حضرتك ديما فهو يصبني براحه البال والنوم العميق اتمني من الجميع الدعاء لبابا بالرحمه تقريبا اتحرمت منه بدري اوي ♥️♥️ ديما بدخل ع صفحه حضرتك تقريبا كل يوم ربنا يوفقك لانك فعلا صورت حاجه بكل المعاني جميله 💙

انا فعلا مدمنه صوته لدرجه انه عاملة ازمه مع جوزى انا بلاقى نفسى معاكو هنا بس مع الناس اللى شبهى ولما بقرا تعليقاتكم بعرف انى مش مريضه وان فيه ناس زى بتحب البساطه وتفرح بأقل الاشياء و عندها رضا وجمال جواها

أنا حماده اسكندراني عايش في هولندا وأحب اشكر الأخ عمرو علي هديته الحلوه دي أنا والله مش مصدق أني قدرت اسمع صوت بابور الجاز تاني والله وانا صغير في مصر ماكنتش بنام الا علي صوته ومن ساعه ما شفته كده بالصدفة في اليوتوب كل ليله بنام عَلِي صوته زي زمان الله يرحم ابويا وامي والله يرحم ايام البابور ولمتنا واحنا بندفي عليه والله ايام متتعوضش

اللي بيسمعه في ٢٠٢٢ .. يعمل لايك.. واللي بيسمعه وهو بستحمي يعمل برضو لايك😄❤️

الي هيسمعه في ٢٠٢٤ و٢٠٢٥ يسيب لايكك❤❤❤ ‏‪

ياااااه اجمل ذكريات العمر اقسم بالله الله يرحمك ياامي كنا نتلم انا واخواتي حولين الباجور في الشتا وامي الله يرحمها كانت تعملنا عليه بطاطس محمرة صوابع وفول وتعملنا عجينة الطعمية والشاي واللبن الصبح وبليل والدنيا كانت بتكون برد مووووت والعيلة كلها تسمع صوت الباجور بليل عندنا لازم يدخلوا عندنا ياكلوا ويشربوا الشاي ويدفوا ويسمعوا صوته لحد مايغلبهم النوم واحنا بقي كنا نجيب اليوستفندي والبرتقال ونفضل نلعب بي علي الباجور كان اهل الشارع كلهم والجيران كلهم في الشتا لازم يشغلوا الباحور ولما كان حد الجاز يخلص عنده بليل والمحلات قفله مثلا مش هيعرف يجيب جاز كان يخبط علي الجيران ماما بتقولك ياخالتي ام فلان عاوزين نعمر الباجور ده علشان الحاز خلص عندنا لحد عم عبدالقادر مايفتح الصبح كان في روح جميلة وسعادة وبركة واحساس بالامان والنشوة غريبة والله للاسف الايام جريت والناس الطيبين راحوا وراحت البركة والامان معاهم انا سعيد جدا بالجروب الجميل ده تحياتي لكل الناس الجميلة دي انا عندي كلام وذكريات مع الباحور لو فضلت احكيها عاوزه سنين والله

الباجور حبي الأول والأخير اخوكم محمد حسني عاشق البواجير من بلد خير أجناد الارض صوت الباجور يهدي الأعصاب ويشعر بالسكينه والطمأنينة ويحفز الواحد علي المزاكره عليه وقراءة القرآن عليه ليت أيامه تعود يوما شحن الموبايل بيخلص كله عليه أدعو لكل من يعطيني لايك بأن يبارك الله له في صحته وامواله واولاده وحشتني يابجور لولا امي بعدتني عنك ماتركتك ابدا ياحلي احساس وياك خالني ادوب

اه رحعتنا واحنا صغار لما ماما كانت تجيب صينيه فيها كل المشروبات الساخنه تعملها واحنا بنذاكر وتسوي عليه المحشي وتحمر اللحمه وانا كنت اخلص مذاكره بدري واقعد تحت اللحاف عشان انام علي صوته وتسيح عليه السمنه وفي سحور رمضان والصقيع والمطر نتسحر عليه وليله العيد وحمام العيد وبعدين الشاي وكعك العيد اد ايه كنا سعداء وفي راحه بال والحياه بسيطه مليئه بالحب لكل الي حوالينا يريت كنا ما كبرنا الله يرحمك يامي انتي وبابا مشيتوواخدتو كل ما له جمال وطعم

من 2020 وانا كل يوم بنام علي نفس الفيديو

مين موجود معايا دلوقتي ومستمتع بالصوت الجميل ده ال موجود يصلي على الحبيب سيدنا محمد رسول الله صلي الله عليه وسلم حبيبي يا رسول الله أستغفر الله العظيم رب العرش العظيم وأتوب إليه

الي بيسمعه كل ليلة في 2020 و ينام على صوتو يسيب لايك 🤗

اللى بيسمعه ف2019لايك ..متحسسونيش انى لوحدى

كنت اول مسمعه اناااام😅اللي نفسي يضغط لايك

فين الناس الي بتسمعوا وتنام علي صوتوا فأيام الحظر

اللى بيسمعه ف 2019 و هيسمعه ف 2020 يسيب لايك

انا تقريبا من ٨سنوات وانا بسمع الصوت الجميل الذي اخرجني من عالم الكآبة الى الراحة والطمأنينة والسكون

دكرتني بأيام زمان كان الوالدين يصلون الفجر ويشغلون بابور الجاز عندنا في المغرب نسميها البوطا كنت صغير مع إخوتي نستمتع بالصوت مع برد قارس يعطينا دفئ وطمأنينة قشعريرة في الجسم أيام جميلة جدا الحمد الله

احب اكون اول واحد في السنة الجديدة يكتب تعليق دى رابع سنة اكتب تعليق على نفس المقطع وأسترجع ذكرياتي معكم أيامنا مكناش بنشغل البابور عشان نسمعة وبس دا كان اسلوب حيات المصريين كلهم في وقت من الأوقات البقالين كانو يبيعوا الجاز في كل مكان كان البيت المصري فية 2او 3من بابور الجاز عشان يقدرو يطبخة ويغسلو ولو عندك عزومة كنت بتستلف بابور الجيران كانت ايام حلوة مش قادر اوصفلكم الشعور قبل أذان المغرب ونحن ننتظر الفطار البيتجهز علية ونفطر وكل واحد ياخد شمعة للفانوس بتاعة وننزل الشارع نلعب ونطلع نقعدد جنبة من تاني عشان الف ليله وليله ونام جنبة لغاية السحور ذكريات ألمتني اني افتكرتها

مين الان الان بيسمعه وصوت الهوا والريح تطرب أذنيه وسمعه..يجول بخاطره في ملفات الذاكرة حيث الماااااااضي حيث الحب والأمل والحناااااان، يضرب لااااااايك

من شهر تقريبا وعندي حنين للذكريات ورجعت أسمع صوته من تاني ال عنده نفس الإحساس يعمل لايك ويصلي على سيدنا النبي محمد صلى الله عليه وسلم اللهم صلي وسلم وبارك علي نبينا وشفيعنا سيدنا الحبيب المصطفى رسول الله صلى الله عليه وسلم حبيبي يا رسول الله

هيدا اجمل صوت للنوم.. لما كنت طفل، بس كنت اسمع صوت المرحومة امي شغلت البابور لتغسل الابيض الساعة ٤ الفجر، كنت آخد مخدتي رغم البرد ونام على صوته جنب الحمام اجمل نومة 💔.... الله على هالايام 😭💔

ذكريات جميله . يارب كل اللي عملوا كومنت ولايك تكونوا بخير ويحفظ كل حبايبكم. شكرا فديو جميل

اللي بيسمعه في ٢٠٢٠ يخبط لايك

لو كنت اقدر أعمل مليون لايك ليك كنت عملت ياااااه تسلم ايدك يا صاحب المقطع فكرتني بأجمل ايام عمري لما كنا نتلم جنب البابور في الشتاء و لما كانت تقطع الكهرباء كنا نولع لمبه جاز لحدما يجي النور و مع ضوء اللمبه الجاز الخافت و شعاع وصوت البابور والاستماع الي الشيخ محمد رفعت عن طريق الراديو اللي بيشتغل بالحجاره كان شعور جميييييييييييييل واحساس بالامان الف الف شكر صاحب المقطع

مين اللي بيسمعه حاليا والجو برد ف اواخر 2019 يقولي😍

والله يا اخواني كل ما بخش الحمام استحمى بشغل صوت الببور وبدخل دفاية الفوجيكا الي بتشتغل على الكاز عشان يكتمل الاحساس بالدفا والصوت مش عارف ليه بيريحني صوته وبيرجعني لأيام الطفولة لما كنت بالكويت وكانت المرحومة أمي تشغل الببور وتخليه بالحمام عشان تحط عليه الملابس الداخلية وتغليهم وكنت اقعد بالساعة في الحمام وجنب الببور انا كنت فاكر اني مهووس بالببور لوحدي وتفاجات من عدد الناس الي عندهم نفس الحكاية مع الببور رحت اشتري واحد بس خايف المدام تزعل لأنها بتخاف منه وبتقول عليه صوته بيعمل دوشة

داخلين على ٢٠٢٠ ي ... وكل إللى داخل يسمعو وينام عليه يدعى ربنا انه يرحم اهلينا الناس إللى ربونا وعلمونا ع هذا الصوت الجميل الدافئ اللى كله إحساس بالأمن ربنا يرحم اموتنا جميها

كنت صغير بين سنة ١٩٨٧ و١٩٩٠ كانت والدتي تحط البابور الكاز بالمطبخ وتكون حاطة الغسيل الابيض على الغلي كنت ادخل واسكر الباب المطبخ واطفي الضو واحط لوح الخشب تبع الحمام واجلس بقرب البابور واركز عينيا بنارو الزرقاء والحمراء واغفى واصحى وانا اقعد وكانت تدخل والدتي وتقولي انا خايفة تحرق نفسك بالبابور اذا غفيت وايامها كان الشتاء غير هل الايام كان برد ومطر كتير كلو راح الله يرحمك ياماما ويرحمك ياسوريا ويرحم ايام البابور ويرحم ايام الشتاء ماضل غير ذكرى 😭😭😭 شكرا لصاحب القناة على فيديو

من وانا طفل النهرده ٣٢ سنه بشغلو من اول الشتا لنهاية الشتا عندي اتنين ومقدرش استغنى عنو نهائي ولا بنام ولا يجيلي نوم غير علي صوتو ❤️

مساء الخير أو صباح الخير ،أنا د أحمد أمين من باريس ،بنام احلي نوم ،وبنتى كمان ،عندها ٢٧ سنه وبنتها أيضا حفيدتى عندها ٥،نصف عام الله يبارك فيهم ويحفظهم من كل سوء وشكرا جدا لكم جميعا وتحياتي للجميع

لاتكتفي بالسماع وتذكر الماضي الجميل .... اقرأ التعليقات وستشعر انك مع عائلة كبيرة تعطيك حنانا وحنينا

مافيش زي المصري ومزاجه مزاج فراعنة بجد ملوك المزاج اخوكم من السودان تحيا مصر تحيا مصر وربنا يقوينا علي اثيوبيا

بكيت افتكرت امي الله يرحمها في الشتاء تولعه للسمك تشويه وتعمل لي الفشار والشاى وندفه عليه لحد ماانام ليتما الزمن يعود يوما

انا كنت فاكره انى الوحيده الى بتحب صوت البابور لقيت في ناس كتير زى

انا من مواليد السبعينات وانا الان في امريكا، وكان نفسي أخد معايا بابور لكن مكنش ينفع فحاولت اصورة فيديو قبل السفر لكن الفيديو دا أجمد. والحقيقة انني لا اعرف سبب لهذا العشق غير الطبيعي للبابور ، ولكن ذكريات ايامة من الأمور التي لم أنساها الي الان فقد كان يوقظنا ابي الساعة الخامسة او السادسة فجرا وكان ذلك وقت تشغيل البابور وكنت استيقظ لاجلس في زاوية باردة في البيت انظر اليه واستمع لصوتة فكانت تسري في جسدي قشعريرة غريبة وكانت مزيج من الإحساس بالبرد والدفئ، كان صوتة وشكل شعلته خصوصا الأزرق منها خصوصا اذا كانت الإضاءة خافتةق يبعث لي الإحساس بالدفئ والأمان والعشق للمة الاسرة .. يااااااه شكرًا لصاحب الفيديو .

اللي بينام علي صوته يسيب اشاره 🥰

❤❤❤2024❤❤❤لازلت اسمع صوته وانسي الدنيا والهموم وافصل نفسي عن العالم الخارجى

رغم اني عايش في الهرم إلا أن حتي الأن عندنا الفرن الطين ووابور الجاز اجمل ايام حياتي لما كانت ستي وامي وخالتي يقعدوا قدام الفرن يخبزوا عيش وانا قاعد جنب البابور بتدفي وبعد ما نخلص العيش نعمل صنية بطاطس بالفراخ في الفرن ونشوي زرة وبطاطا وستي تعمل لنا احلي كوباية شاي بالنعناع علي البابور ويا سلام بقا علي يوم الغسيل والنوم علي صوت الغساله والبابور مع بعض واقعد اعمل بيت من المخدات واتدفي جواه وكانت المتعه وانا بأكل يوستفندي أعصر القشرة علي النار بتعمل الوان جميله ياااااااه علي الايام الجميله دي

أنا في منتهي السعادة لمعرفتي أن هناك الكثيرين غيري يعشقون بابور الجاز ...ذكريات جميلة ﻻ تنسي ....صدقوني أن هناك أيضا علي مستوي العالم ممن يعشقون بتبور الجاز

احلي أيام مع صوت البابور لما كنت بصحي من النوم والاقي امي مشغلاه علشان الانبوبه فضت كنت أمثل أن باطني وجعاني علشان ماروحش المدرسه وأفضل نايم علي صوته شكرا لصاحب الفيديو احنا كتير اوي بيحبوا البابور

عارف احلى حاجه ايه والله لما بسمع صوته وبقراء التعليقات دى بحس بحاجه حلوه كده محستهاش من زمااااااان بحس انى فى امان كده ومش شايل هم حاجه بجد انتم ناس جميله جدا

في تعليقات قدييييمة كتير من 8 سنين يارب كلكم تكونوا بخير وصحة وسلامة وانا عم اقرأ التعليقات حسيت حالي رح أبكي المشاعر الصداقة والطيبة كلها هون ❤️

اجمل حاجة فى الفيديو دة انك بتستمتع بالصوت من غير ما تقوم تدى نفس او او تزعل لما البابور يشحط والجاز يخلص .. تسلم ايد اللى عمل الفيديو

انت باشااااااااااا كبير وكل الناس اللي كتبت كومنتات.. احب اقلكم اني بحبكو اووووي علشان انتو شبهي ولو في جروب بيجمعنا واتكلمنا هنلاقي تصرفات وحكايات كتير بينا شبه بعض... بحبكو جدا اخواتي المصرين والعرب... ربنا يجمعنا ع الخير ديما...جيل التمانينات.. احلي مسا عليكم

من هنا بقولك معرفش انام غير علي صوته

كنا عائله فقيره نجتمع حوله كل ليله لم يكن عندنا كهرباء ولا تلفزيون نجلس على فراش ارضي بجانب بعض ونتناول عشاء بسيط وكان والدي يقص علينا القصص التى يتخللها سقوط قطرات المطر من سقف الغرفه على اواني المنيوم وننام بفرح وسعادة واما الان فلا يوجد بابور ووالدي انتقل الى جوار ربه ولا استطيع النوم بدون كومه من الادويه الله يا زمان

انا بئا كان عندى عاده غريبه كنت بسخن عليه المايه فى الحمامعشان استحمى واقفل باب وشباك الحمام واطفى نور الحمام سبئا الحمام منور على ضوء البابور بس واقعد على الكابنيه وامسك الكتاب واذاكر وكنت احل اقوى مسأله رياضيات فى الوضع دا ببكل سهوله انا دلوقت معايا دكتوراه فى الرياضيات التطبيقيه والبركه فى بابور الجاز

وعلشان كده انا منتظر اننا بجد نعمل جروب ونسميه رابطة محبة وعاشقى البابور وانا مع الفكرة دى وياريت باسرع وقت ممكن

من المانيا تحية للببور ويلي صنعو ويلي فكر فيه وليلي بحبو ويلي صور الفيديو وكل مين عم بشوف تعليقي

احلى ايام عشتها عندما اصحى على صوته الجميل وجدى وجدتى يتحدثان فى أمور اليوم بصوت هادىء وانظر حولى اجد العائله من حولى وراءحه الاكل عليه منتشرة في البيت شعور بالامان لا يوصف

جيل 70 و80 ولحد اول90 البابور ليه تاريخ معاهم احلا الزكريات عليه

اه رجعتني ٢٥سنه يوم كان عنا ببور كاز كنت اصحى من لنوم ازان لفجر وشغله وقعد بجنبوه واعمل عليه شاي وليوم صار عمري ٣٤سنه بس هاي لايام كلها عزاب الله يرحم لايام الي راحت كان عنا قبه من طين تراب افضل من قصر حاليا كانت لايام حلوه ناس بتحب بعض بعكس هاي لايام

تحية لكل محبي هذا الصوت الدافي ( صوت الدفا ) ❤❤

اللي بيسمع الفيديو دة وينام علية في ٢٠١٩ يخبط لايك هنا

انا لبنانيه من عشاق هاذا الصوت ذكرايات لا تنسى ولحد الان وانا حب انام على صوته مش بس المصرين مع احترامي للجميع حتلاقو عشاق هاذا الصوت بجميع العرب وتحيه كلك حدا بيحب هادا الصوت 😍😍

انا لبنانيه وعندي ذكريات جميله جدا امي الله يرحمها كانت نشغل البابور وكمت نتجمع ونتدفى كانت اجمل ايام عمري

والدي الله يرحمه كان بيقعد نفس القعده دي قدامه الترابيزه وعليها البابور وندفى عليه كلنا لذلك لما بشوف الفيديو بحس اني شايفه ابويا قدامي رحمة الله عليه واسكنه الله جنة الفردوس اللهم امين

يالا نصلي علي الحبيب صلي الله عليه وسلم

فكرت حالي بس أنا مجنون وبحب صوت البابور وصوت الغسالة القديمة طلع في غيري كمان.. هالأصوات إلها ذكريات كتيرر حلوة.. كل يوم جمعة كنت فيق الصبح بكير على صوت البابور لما تكون أمي عم تغسل عليه ويكون شغاله جنبه الغسالة القديمة.. كنت فيق بكير وأقعد جنب الغسالة والبابور غمض عيوني حس بقشعريرة بجسمي وحس حالي طرت وصرت بعالم تاني.. مشكور كتيررررر ❤👍

باشاااااااااا انا مطلعتش لوحدي ...منورين يا اخوانا ..الله يرحم ايااااااام زمان

جدى رحمة الله علية كان احسن سمكرى واتربينا على البواجير احلا ايام اعيش على ذكراها للان وانا عندى باجور ومشغلاة حالا شكرا اصحاب العقول الراقية

أكيد اللي عاملين ديسلايك دول مش مصريين لو عمر الأنسان بيتقاس بالأوقات السعيده زي ما بيقولوا فانا معشتش إلا في صحبة البابور عشق عمري

الله يرحم الايام كنت اشغل البابور واحطو ف الاوضه وانام ع السرير والقي جسمي يقشعر كله وانام ف الدفي 😍

كانت جدتى الله يرحمها تشوى السمك عليه وانا طفل وكنا نتجمع حولها أنا وأولاد خالاتى الصغار وأولاد خالى ونقعد نتفرج ونتدفى جنبها على الأرض فى عز الشتاء وأوقات كنت أنام على صوته انت خليتنى أدمع بسبب الفيديو ده ... فكرتنى بأجمل ذكريات

ذكريات الزمن الجميل واللمة والدفء كل يوم بنام نوم عميق جداا بدون توتر وقلق انا من عشاق صوتوا اشكرك لانك خلتينى سعيد جدااا واشكر كل شخص بيحب الصوت دة

ياه الأمان الراحه الخير البركه الاحساس انك تملك الدنيا ومش عاوز حد جنبك الا أبناءك وتاكلهم وتشربهم وتضمهم في مكان مافيه الا بابور وتقعد تسمع وتحكي مع اولادك بهدوء وكان دنيا مافيها صراعات ولا تكنولوجيا ولا خراب وتحس برعشه بدنك والاحساس باالامان والراحه وترك دنيا للي يحبها انا عن نفسي يكفيني بابور وبشتري تكيف عشان في صيف اشغله برضوا في غرفه تكيف واعيش

والله يا حماعه انا مصدقتش لما جوجل جابلي النتيجه دي ف البحث ............. انا حاسس اننا ف حلم .,.. اشكر الراجل الى رافع الفيديو شكر عميق ,,,, ولو ان في ناس هتشوفنا مجانين بس للناس فيما يعشقون مذاهب

اقسم بالله بمجرد ما شفت الباجور افتكرت ناس راحو كانو بيلمونا حوليهم ونأكل ونشرب وندفا ونام علي الباجور واكل الزلابيه في الشتا ساخنه علي الباجور وامي لمه كانت بتغلي عليه الهدوم البيضا في الحمام يوم الجمعه واسمع صوته الصبح مقدرش اقوم عشان صوته مليان دفا ولاقي اعصابي بتنمل انا بحن لماضي عدي ويلعن الايام السوده والعيشه المودرن اللي ضيعت الذكريات الجميلة

مين بينام عليه ف ساقعه 2020

احلي ايام حياتي لماكنا في شقتنا القديمه كان بابا يرجع من برا بردان اووووووي ويشغله نحمر عليه بطاطس ونقلي بيض وكنا نحطو جمبنا واحنا بنتعشي ونسخن الاكل ال برد وبعد العشا نسلق بطاطا ونفضل نيمين حمبو وبصين علي لحد ماننام بجد ونفضل نصحي بعض عشان ندخل سرايرنا ولما يبقي فيه مطر كنا نشغله اليوم كلو وحتي لمارحنا الشقه الجديده اخدناه معانا اجمل ايام مع بابا وماما ربنا يباركلي ف اعماركو وصحتكو يارب

-- شكرا صاحب الفيديو ... مطلعتش لوحدي !! احاسيس كتيرة و متداخلة بس جميلة جدا ، بحسها لما بسمع صوت الباجور زي ( التأمل ، الدفئ ، القشعريرة ، الابداع لو بتذاكر مثلا ، الانعزال ، التفاؤل ، و طبعا النوم ) و احب اضيف كمان (صوت الغسالة القديمة ، مولدات الكهرباء الكبيرة ، القطار ) تحية كبيرة لكل المدمنين اللي اكيد جواهم مبدعين .

متعة اخرى فوق صوتوالبابور اني بحب اقري تعليقات الناس ومدى حبهم للبابور . وبحس ان اي حد بيحب صوته فهو حد بيحب الخيال وحد حساس وناس اصيلة بطبعها

أنا من عشااااق البابور انا بناشد المسؤلين بقي فين الجاااااز راح فين دي وسيله التدفئة للفقرا الجاز مهم والجاز الابيض مش الأحمر اتمني عودته

خلتوني اعيط ربنا يرحم ناس عزاز كانوا الدفا والحنيه ويخلي ناس غاليين لمينا في حضنهم.ربنا ما يحرم حد من حبايبه

بنام علي صوته واشتغل علي صوته، الناش شايفاني مجنون بس كله علشان البابور يهون، تحية ليك

حاسه أحساس جميل رجعت طفله بتجري وتلعب وأخر الليل بتستني الوقت ال العائله هتشغله الله الله علي جماله والاسترخاء والهدوء عشقي مهما كبرت بالعمر

الله عليه صوت كنت افضل اذاكر عليه وانا صغيرة لحد ما اتخدر وانام على الكتاب وكنت اصحى عليه عند جدتى على الشاى باللبن والبسكوت.... والله كان عندى وباظ وللاسف ملقتش الناس اللى تعرف فيه... بس الحمد لله اخيرا صلحته حتى ابرة الوابورىاللى لازم تسلكه الحصول عليها صعب.... حتى كان عندى كلبة كانت تحبه جدا زيى وتزعل لما ابعده عنها وتنام قدامه... الله عليه❤️♥️💖

لغاية النهاردة في الشتاء بشغله على الموبايل وبدخل بيه الحمام ذكريات جميله

الله ينور عليك انا مجنون حاجه اسمها باجور ومن صغرى وانا بانام على صوته وصوت الغساله العاديه ومن ساعة مااكتشفت الفديو بتاعاك وانا كل يوم اشغله صبح وليل

كنت فاكر اني مجنون و اهبل لما احب انام علي صوت حاجة زي كدة 😂😂 منورين و الله يا جماعة

انا عندي وبموت في صوت الباجور بيفكرني بايام زمان وبشغلو في الشتاء والله بينسيني الدنيا وقرفها

يلهوى على جمال الصوت ده 🤗🤗 مش مصدقه انى لقيته على اليوتيوب الله صوته تحفه واحلى ذكريات جميله جدا 😍😍😍😍

احساس رائع وبدون معاصي ولا ذوب تسلم ايدك

أزعم أن من يحبون سماع صوت باجور الجاز من أبناء السبعينات تجمعهم مجموعة من الصفات الجميلة أهمها .. الرضا .. لان قعدة ولمة الباجور البسيطة هي حالة من الرضا ولو بابسط الاشياء

انا من سورية .نحنى لماكنا صغار كنا نجتمع الكل على صوت الببور وامي تغلي الاواعي البيضة .وبليل نشغلو على الحمام وااااااخ على صوت الزكريات

ذكريات الطفولة وايام الشتاء والبرد كنا كلياتنا صغار ونلتم عليه وبرا مطرر ورياح والحنية والأمان بالغرفة بخليك تنام بدفء

لقد قال الجميع ما كان يدور بخاطري .البابور نعمة من السماء حيث تختلط عند سماعه المشاعر بين ذكريات ودفئ وقشعريرة لدرجة انك لاتعرف مالذي يحدث. تجد ان البابور بقدرة سحرية يستخرج جميل الذكريات من ادراج الماضي . ويمحي في تلك اللحظة كل ما كان سيئ ،لله درك ايه البابور . واطمئن من ظن في يوما انه مجنون لحبه للبابور انك انت الصح وباقي العالم هم المخطئين انت انسان كلك مشاعر وصاحب قلب رقيق

أنا أعتقد إن ناس كتيرة بتفتقد هذا الصوت لأنه مرتبط بذكرياتنا وأيام جميلة عشناها مع أهلنا وتقريبا معظمنا عشنا نفس العيشة ونفس الامكانيات.أشكرك

العشق منذ الصغر كنا ننام ونأكل ونستحمي عليه كان مصدر سعاده رغم بساطته نفسي اعرف انا جسمي بيقشعر لحد دلوقت اما اسمع صوته زي زمان بالظبط الله ع اللمه بتاعه زمان ياريتها تعود بس اللي راح مبيرجعش

ذكريات جميلة مليانة بالدفء والحنية انا كنت بالكويت وكانت الوالدة ربنا يرحمها تشغل البابور بالشتاء وتخليه في الحمام علشان تغلي عليه الملابس وتعقمها كنت انا اخش الحمام واقعد قبال البابور بالساعة كاملة واستمتع بالدفا والصوت الجميل وخصوصا لما تكون الغسالة شغالة بالحمام

ياااااه ايااااام واحلي ايام الله يرحم جدتي كانت تشغلو وتعملنا عليه اجمل الحلويات وبنتفرج علي القناه الاولي ومعظم الوقت فيلم لاسماعيل يس وكلنا تحت الغطا والجو برد احس ان طايره من الفرحه وانا سامعه صوتو وبدفا اكتر ياريت ترجع الايام دي لو ليوم واحد 😢💔💔

صوت جميل أمي كانت تعمل عليه مربى التين وكنا نستمتع بصوت البابور ذكريات جميلة أيام زمان....

2021 شهر كل اسبوع نجلس واخوتي حول البابور واعمارنا حول 60 عام ويجلس ابناؤنا واحفادنا ونعمل الشاي ونسلق البيض وماتيسر منذ طفولتنا تعودنا ذلك وبالذات في الشتاء شو رايكم

تقريبا كلنا متفقين على حب هذا الصوت الملائكي ومتفقين على تفاصيل الحياه معاه، بس انا أكتر حاجه كانت بتزعلني هيا لحظه مانطفيه، ربنا يرجع الايام دي تاني....

اقسم بالله مافى حاجه بتريح نفسيتى وتهدينى اد صوت الباجور وما فى خاجه ممكن تنيمنى اسرع من صوته انا مشجله على الكمبيوتر من الفين وسبعه وميننش غير على صوته اول ما الشتا يدخل و اليل يجى لازم اشغله واعمل اى حاجه وانا بسمعه و انام على صوته شكرا على الفيديو بجد واحساس حلو انك تلاقى كتير بيحبو حاجه زى ديه مطلعتش لوحدى :)

حبيبى دائما.انا بشغله لحد الوقت واحنا داخلين على ٢٠١٧ بس المشكلة مش بلاقى جاز ابيض وكل ناس بطلوا يبيعوا الجاز عشان غالى ومحدش بيشتريه ذى الاول .والجاز الاحمر بيعمل دخنة .بس لو كل مصر بطلت تشغل البابور هابقى انا الوحيد اللى هاشغله عشان ده عمرى بجد .كل ما بشغله افتكر ابوية الله يرحمه وادمع .بس كنت فاكر ان انا وحدى طلع ادمان عند ناس كتير

انا اول ما سمعت صوتة اقسم بالله رحت حوالي 27سنة للماضي احلي الايام وراحة البال والمحبة والسلام والأمان والخير وكل حاجه حلوة ياليت ترجع الايام دي تاني ملعون ابو التكنولوجيا اللي فرقتنا عن بعض