كاين راجل طلب من زوجي يدبرله امراة وهو يخلص لافيش لاباس بيه وزوجته ميتة وساكن وحده ومراهش كبير يعني من النوع لي يلبس كوستيم هو في ولاية سعيدة اذا قريبة ليك الولاية مكانش مشكل نلاقوا بيناتكم انا والزوج وربي فيه الخير وربي يفرحك وعنده اولاد وقاع متزوجين وبديارهم وانسان فحشوش وقال لزوجي كي نتزوج نروح للعمرة انا وياها طلعوا تعليقي غاضتني الطفلة
صاحبة الحكاية انت ميش قابلة مكاش حتى واحد يجبرك على الزواج ارفضي ارفضي بكل حرية راكي كبيرة وانا لو منك اخرجي اكري لوجمون واسكني وحدك واحد مايسالك حتى يجيبلك ربي مكتوبك
من رأي ،بما انك في عمرك 45 أنت مسؤولة على نفسك بخدمتك وقلتي حالتك المادية جيدة اكري وعيشي وحدك خاوتك وزوجاتهم وخوتاتك انانين بعدي عليهم أحسن وتوكلي على ربي ما يخيبكش.❤
والله وكون انا غي نهدر معاك حمزة هذا ونشرط عليه يكتبلي الدار ويسنييلي على الشهرية وذاك الوقت تتزوج بيه وتدي في أجر وبلاك ربي يرزقها بوليدات. وعسى ان تكرهو شيء وهو خير لكم.
متقبليش خليهم يخبطو روسهم للحيط كيفاه تروحي قارد ملاد ماشي تزوجي 😢ابلاكي اي عيني تندمي اشد الندم روحي عند عمك عند خالك عند خوتك لخرين ولا روحي لامام تاع جامع يهدر مع خوك
علاه الحڨرة هاذي متقبليش بيه مهما كان راكي بحرفة الله ابارك متتنازليش على حقك يا تدي راجل كامل ولا مكالاه شوفي لكبار تاعكم يهدرو معاه الزواج ماشي بسيف ربي فرج عليك يا ختي .ربي معاك
صاحبة القصة راكي كبيرة و مسؤولة اذا حبيتي ديري الخير و ترفدي الرجل عندك اجر عند الله و تتهناي من ميزيرية الي راكي فيها و الا اخرجي اكري وحدك و عيشي ماكاش الي يحوس عليك في هذا الزمان و ما تخافيش ربي يخلص في كل واحد
كوني عندك شخصية يا اختي ما تقبليش ‘روحي اخرجي اكري واسكني وحدك ما تخافيش ربي معاك وكا ضحيش اكثر وديري قيمة روحك ما عندهم ما يقضولك ولا روحي الامام الحي واحكيلو كلش
ختي بعض النظر عن العمر ولكن انا في ظروف لي راكي فيها مع مرت خوك تبانلي تتزوجي بهذا تربحي فيه الاجر وبلاك فيه الخير صلي صلاة الاستخارة وكثري مدعاء وان شاء الله ربي يفتح عليه بلي حبيتي ❤
هذا زواج ماشي عمل خيري الناس تتزوج باش تستقر ودير ردار وولاد وتتمتع ماشي وحدة جامي لا تزوجت تروح تتزوج بواحد تقوم بيه لي يحب يزوج لي تقوم بيه يروح يشوفلو وحدة شبعت زواج
شوفي أختي مسحي دموعك و رجعي لخدمتك لعجبو الحال عجبو و لماعجبوش الحال الحيطان وقولي لخوك هني روحك ولا نروح نشتكي بيك. وروحي شتكي ما تقولي لا خويا لا والو خوك ما خممش بلي أنت أخته عليا وعلى أعداء ما تشوفيش وراك ورب كاين ما تخافيش ما يقدرو يديرولك والو
انا نفول للاخت بالكي تهربي من الدار ولا في لحظة غضب الديري حاجة تندمي عليها .ديري صلاة الاستخارة وربي حنين كريم . وكريمة راهي 45سنة تقدر تزوج روحها وراه كاين القانون فالبلاد .
سلام نقول لصاحبة القصة رانا على أبواب 2024 حتى واحد ماراح يجبرك على الزواج خاصة زوجتك اخوك الافعى وأخوك الحاقد عليك، راكي في دار باباك ولا حاوزوك روحي اخرجي من الدار وروحي اكري واخدمي على روحك.هاذي مرت خوك طامعة تقسم الشهرية تاع خوها معاك.
سلام صفية يعطيك الصحة و نقول لصاحبة القصة ربي يعوضك خير ان شاء الله ما لقيتي الخير لا في خياتك لا في خاوتك انانيين ضيعولك حياتك و ذيك مرت خوك ربي ينتقم منها و ما تحصليش روحك مع خوها ما تقبليش بيه و ان شاء الله ربي يرزقك الزوج الصالح