بنتي دخلت سنة اولى ما تعرف ولا حرف خليتها من السنة الثالثة بدات تتحسن ومن سنة لسنة تتحسن ويومنا هذا مجتهدة عمرها ما عاودت السنة وقريبا تتخرج ماستر اتنين هندسة اتصالات ادعولها تكمل وتتخرج شهر 6 2023 ادعولها
عن تجربة ابنتي أيضا مرت بنفس التجربة في الروضة لكن كل قدراتها انفجرت عندما بدأت تدرس في السنة الأولى و الحمد لله هي الٱن على مشارف التخرج من كلية الطب لا تقلقي حبيبتي فوضع ابنك طبيعي
من نيتك الولد احب اهلو كتر من الطفلة الي ما عندو البنات ما عرفو وين مات هدي تربية بباهم ازرع الحقد على يماهم مابيهم سحر ما بيهم عين هدو عاصيين الوالدين
لصاحبة الفصة نقلك انتي روحي ارقي لخوتك كامل ولا درولهم جماعة مع كبير الدار اي واحد وتهدر على الحقرة لي تتعرضلها ولا تكثر من الرقية لخوتك هذا هو الحل .🤫
قصة اولى تع بنها ميشفاش خطرة كنت عند طبيب دخل عندو واحد قالو مرتي راهي تقول طفل تاعنا ميشفاش صقصاه طبيب قالو شوفو اذا راه يزيد فميزان ونتي قلتي بني مايكللش ممكن هدي هي سبة
❤❤❤❤❤❤مريومة بلييز رجاءااا حطيلي قصتي كل يوم راني نقارع ولله غي كرهت.... سلام مريومة ختي من فضلك عندي انشغال و مدابيك تطرحيه على قناتك انا فتاة متزوجة و حمد لله عايشة هانية مع زوجي مشكلتي يمكن تبانلك غريبة بصح متأكدة انو اغلب النساء راهم يعانو مثلي..انا عندي مشكلة الهدرة بزاااف في الناس خصوصا في الهاتف 0:00 مع اقربائي بدون وعي نصيب روحي نحكي في فلانة و في نفس الوقت نصيب روحي ذيك فلانة نهدر معاها و كأنه مهدرتش فيها راني نحس روحي منافقة و ندي و نجيب في الهدرة نحس بلي انا لراني ندير مشاكل و مناواشات بين الاقارب بدون قصد رغم انهم كلهم يحبوني مثلا تجي وحدة تشكيلي من فلانة انا نهدر مع ديك فلانة لشكاتلي منها و نقولها ها شاقتلك و حلي مشكلتك معاها بمعنى الصريح نحس روحي راني نزيد في الطين بلى... نصحيني كيفاش ندير باش نتخلص من هذه العادة السيئة مع العلم سيييت نقرا سورة البقرة يوميا باش نتفادى الكلام في الهاتف بصح مقدرتش و فوق كل مشكلتي ايضا مع اهل زوجي يعتبروني نية و بهلولة و مين نصدهم و لا نرد عليهم و نقولهم مدخلوش رواحكم الخ... يقولولي راهم محرشينك (السبب هو يدخلو في حياتي الشخصية مع زوجي يحوسو يعرفو كل صغيرة و كبيرة مع العلم انا ساكنة وحدي مثلا ايلا خرجني يقولولي علاه مخبرناش وين خرجتو و يسقسوني ادق التفاصيل و انا نجاوب بدون وعي نجاوب على كلشي زوجي طبيعته ساكت ميحكيش تفاصيل حياته خصوصا لأهله بصح انا العكس نحكي كلشي ليخصني و لي ميخصنيش ههه منشدش فولة في فمي ) نصحيني رجاءاااا في فيديو راني بديت بأول خطوة من اجل تقوية شخصيتي قررت نعمر وقتي بالكتابات قررت نشري دفتر نكتب فيه كل ما نحس بيه باش منكترش الهدرة مع الناس سواءا اهلي او اقربائي او حتى اهل زوجي صراحة وليت نزعف مين يقولو عليا نية انا بالنسبة ليا نعتبر نيتي هي احد اسباب حب الناس ليا بصح البعض يستغل نيتي باش يتحكم فيا و عندي صفة يمكن مليحة للبعض و يمكن البعض يستغلني فيها و هي اني نتسامح بلخف مع الناس لي يأذوني يعني منشدتش الحقد و مع الاسف البعض يستغل هذه نقطة الضعف لفيا عيييت نقوي شخصيتي مع الناس لي اذوني بصح مقدرتش ننسى بلخف ذاك الاذى و اهل زوجي اقصد النساء بشكل خاص يستغلو هذه نقطة لفيا و يلعبولي على المورال حتى ننسى بلخف و كأنو لم يحدث شي مع العلم قبل زواجي مكنتش هاكا كنت انسانة مرهفة الاحساس مبدعة كنت نعمر وقتي بالخياطة و التزيين بصح حاليا منقدرش لاني راني نربي و في نفس الوقت راه عندي الفيد خصوصا و انا ماكثة في البيت اصبح شغلي شاغل الهدرة في التلفون لانو نظن اني هاك نعمر وقتي بصح الحقيقة راني نجمع في ذنوب الناس على رقبتي متقوليليش خدمي لانو زوجي مانع عليا اي خدمة بأي شكل كان سواء في البيت او خارجه نتمنى تعطيني حل و لا دعاء حابة نولي انسانة مليئة بالطاقة الايجابية و انسانة صافية مع الناس مشي منافقة او مخادعة سمحيلي طولت عليك و ربي يخليك لنا و لعائلتك و مديريش كيفي هههه
حبيبتي حبيت ننصحك حبسي الهدرة في تليفون مزديش تعيطي لحتى واحد ابداي اجبدي روحك على لعباد انتلاي في روحك وراجلك واولادك شغلي روحك بشغل تاع داري كيما أنا راني نخدم في شغلي ونسمع مريومة ولا ابو طلال الحمراني قصصو ثاني هايلين تتعظي منهم هو ومريومة مي هدرة الناس جيب غير لبلا صلي صلاتك ورفدي المصحف وقراي ونتلاي في وليدك بركايك من القيل والقال راكي تندمي في نهايت الامر نصيحة من اخت لاختها أنا راني عايشة غير لوليداتي عندي بنتي مزوجا متهدر مع حتى واحد من غير تعيطلي أنا نهدر معاها وعجوزتها تعيطلها غي تصقصي عليها هي وسلفتتها مزوجين كثرت الجغبيل ديرلك مشاكل كبار ازربي على روحك قبل متتفظحي بلي راكي تدي وجيبي في الهدرة قادرة تلحقي لطلاق ربي يهدينا إن شاء الله نصيحة من اختك انا والله منهدر مع واحد الا لظرورة راني في العام مفلكسيتش معندو مداني لتوجاع راس لتيا بروحي ياسر عليا
نورمالمو كنت شفت تعليقك في قصة سابقة كنتي درتي إنشغالك وا ماجاوبك نشاله تجاوبك مريومة والنصيحة لي مداتهالك الإخت بالنسبة ليا تكفي وتوفي عيشي لروحك ولولادك وفقط أجبدي روحك على الناس كامل باش تتفاداي الأضرار بقات حكاية الهدرة فالتليفون ماتزيديش تفليكسي حتى تولب هدرتك كلمة وقص أنا ماشي من النوع لي يكثر الهدرة خلاص هكاك واحد الوقت لي جا يمسح الموس في رقبتي كيما يقولو وراني نعاني ضلما وجور قلبي تعمر ومكانش مع من نحكي ودوكا وليت بجبد فذكريات الثانوية مع أحلى الصديقات والله غير نسيت كلش أقرب الناس ليا ومانكثرش الهدرة معاهم كلمة وقص تهنيت من تكسار الراس عايشة لروحي وولادي وذكرياتي.
أستغفر الله العظيم الذي لا إله إلا هو الحي القيوم وأتوب إليه أستغفر الله لي ولوالدي والمؤمنين والمؤمنات والمسلمين والمسلمات الاحياء منهم والاموات اللهم صلي وسلم على نبينا محمد وعلى آله وصحبه أجمعين
السلام عليكم حبيبتي مريومة نتمنى تكوني بخير نتي وكامل لبنات انشغال الاول خليه على راحتو متتقلقيش مريومة حبيبتي نحوس على الفوصة تاع البومبليموس لشحم في الكبد جارتي راهي في حالة لي راهو شوفي وشمن فيديو يفكرني ربي يحفظكم
May Allah's blessings and peace be upon our master Muhammad, may God bless him and grant him peace, a lot of peace. May Allah protect Algeria. May Allah keep us away from problems 🇩🇿🇩🇿🇩🇿🇩🇿🇩🇿🇩🇿🤲
😊 القصة الاولى : اسمعي مليح واش حنقولك عن تجربة 😂جاني الضحك من قلبي على هديك الام الصغيرونة😅الي ابنها اربع سنوات بغت ترجعو الفرابي ولا الرازي حبيبتي اربع سنوات كاين الي مازال مايعرفش يهدر النطق مازال ماينطقش الكلمات وبكري في وقت الجدات راه مازال يرضع😂 والله عجوزتي قاتلي بكري كبار يبقاو يرضعو 😂 مخو مازال ماكتملش وحاسة الادراك عندو مازالها صغيرة وما ترفدش المعلومات ابنك الان مازال ايحوس على حضنك وتعناقك وبوسك وحنانك 😂لا تستعجلي عليه اشريلو العاب وعلميه الالوان بيهم الاخضر الاحمر والاشكال دائرة مثلث اشري سبورة وعلقيها فالحيط وكتبيلو فيها راح يولي وحدو ايشخلط ويكتب فيها كانه يلعب علبة الوان ارسميلو في ورقة وهو ايلونها ولصقيها في حيط شمبرة ديالو لما يشوفها يفرح انه رسمها كل هدا الشيء واكثر درته مع ابني عصومي وكانت البيت نتاعو معمرة بهدوك الاوراق المرسومة ايدل ايلصق 😂 والان عندو 8سنوات كبر😂ماشاء الله ولا يضحك على هدوك الروسومات وشخابيط ونحاهم 😂ولا يكتب ادعية او انشودة ويلصقها 😂 وعنده سبورة في بيتو اتظل مكتوبة بلعمليات بتمارين بعد ماكان ايدل ايشخبط فيها وانا نمسح اخر مرة ماحبتش تتمسح له الكتابة جاب هداك المنظف نتاع الزجاج امير كلين ومسحها ولا تشعل ماشاء الله عليه😂 ان شاء الله تعملي بنصيحة وراح تدعيلي 😂
اختي مريم القصة الثالثة بلاك الطفلة تقصد ان اخوتها بلا حياء . اختي مريم شبهو بباهم علاه البنت ميسحروهاش ؟ لكن الاب فسدهم و مترباوش مليح عنبالهم ظلم المراة و لو امه رجلة و الام تسمحلي معندهاش شخصية رباتهم تخاف منهم و مدلتهم الدليل واحد في اوروبا تبعثلو الدراهم .
نفس الخطأ كنت نديرو مع وليدي دوك راه سنة اولى متوسط راني نادمة بزاف على الضرب والعياط كي كنت نقريه دوك رجع ما يحبش القراية الله غالب هذي هي طاقته كي لحق لسنة الثالثة فقت لعمري وسقمت روحي معاه والحمد لله تحسن بزاف الطريقة ديالك هي اللي تخليه يخاف و مايقدرش يقرأ انا نقولك لازم تساعفيه فوق الازم وعادي كي يحفظ حرف في يومين المهم أنه يحفظو وزيد قريه باللعب و على شكل اغاني اطفال وشوفي الفرق وبلاكي تزيدي تضربيه ولا تعيطي عليه
تضربيه 4 سنين علا جال لقراية !!! مسكين ...هاذا مزال مكبرش ... دوركي تتعارفي عليه وتخدمي علا امتيازاتو و تشجعيه بصح نوع تع عبادة كيما نتي اهمهم النظر الخارجي و تتنافسي معاهم ... الصورة و خلاص ... يا حصرا فكرتيني في صغري ... كملي هكا كملي .. والله قلقتيني
سلام مريومة حبيبتي حابتك تنصحيني انا ام ل 3 اطفال 13 و 9 و4 سنوات يامريومة حبيبتي انا ام قاسية نضل نضرب ونهاوش فيهم و كي يرقدوا يغيضوني ولادي يضلوا يضاربو في بعضاهم هذا يضرب في هذا متتصوريش هذاك الجو وقت القهوة وقت رقاد وقت لغدا بلفراشط بلمغارف بلفروطوار صبابط حاشك كان تدخلي داري تسمعي غير ضرب ولبكا ولعياط نحس روحي عندي عشرة ملقيتش واش ندير معاهم هاوشت عيطت ضربت هدرت بلعقل