حتى أنا أختي نفس وضعيتك وكنت بغيت ندير الطب وعائلتي ماخلاونيش نكمل بحكم المدرسة بعيدة ودوزت كاطريام حرة ونجحت بنقطة زوينة وماغاديش نفقد الأمل حتى نحقق حلمي انشاء الله
سبحان الله انا عندي 19 عام وتانقول ضيعت عامين حيت بغيت ندفع لميدسين حلمي وهدفي من الصغر خديت باك 2019 ع فيزيائية ولاكن ماشي بالنقطة لي تخولني الميدسين ودبا ان شاء الله بغيت ندير باك ليبر بيوف فيزيك وكنتمنى نجيب النقطة لي تخولني ليه ...والله كل ما نشوف شي حاجة متعلقة بالطب كنبكي شي نصائح يادكتور وكذلك ممكن شي فيديو دير لينا فيه نصائح على الكونكور ديال الطب ...وان شاء الله غارجع العام الجاي لهاد الكونط وانكون دخلت لكلية الطب مع العلم اقرب الناس ليا مبغاوش ولاكن مغانستسلمش وشكرا بزااف ليك
الله يوفقك ابنتي ولكن ما يمكنش ليك تدير الباك حر فنفس الشعبة السابقة او فنفس المسلك ،ممكن تديري فقط باك رياضيات او تقني او اقتصاد اما علوم حياة وارض ممنوعة لانها في نفس المسلك ،الله يسر ليك الامور انت ووليداتي ووليدات المسلمين كافة اجمعين.
داز معاك عام زوين استاذ شكرا بزاف لسعة صدرك واخا كنا حنا الادبيين زيرو فالماط بفضل الصبر ديالك معانا قدرنا نجيبو معدل فالماط وان شاء الله ندير تخصص لي بغيت ونتمكن منو ونعطي فيه كتر
السلام عليكم استاذ انا عندي 28 عام بنت 1992 ومشيت دفعت الباك دبا وامنيتي نقرا خرجت من. التاسعة ف 2010 دبا بيت نقرا باك حر علوم انسانية نصحوني باش غنبدا من جهت الانجليزية والرياضيات والفرنسية حيت انا فاش تنقرا تنجيب معدل فالاجتماعيات والعربية والاسلاميات بزاف على مواد اخريين
شكرااا بزاااف، جزاك الله خيراً الاستاذ الهضرة ديالك عطاتني طاقة جديدة، انا كنت توقفت تقريباً 3 سنين كنت في الالى باك علوم تجريبية توقفت بسبب المرض كنت فقدت الامل ، الاهدافي كانو كبارين و مابين ليلة و نهار كلشي تبخار الحمدلله على كل حال و بفضل الله و الاب ديالي لي كان مساندي الله يطول بعمره تشجعت و دفعت باك حر svt و قررت اني نكمل المشوار و دبا الهضرة ديالك زادت عطاتني طاقة إيجابية و امل شكراً لك مرة أخرى و انا متبعة معاك حتى دروس تبارك الله عليك شرح ديالك مبسط و مفهوووم 💚💚💚💚💚💚
@@akiljalila8397 الله يبارك فيك اختي من بعد الباكلوريا درت معهد تكوين الأساتذة " معهد خاص "عمري31 سنة حاليا استاذة بالتعليم الخصوصي المستوى الابتدائي وصاحبة مشروع خااص " روض" وان شاء الله وبإذن الله غادي نكمل الدراسات الجامعية والله يوفقك اختي ويوفق الجميع
@@akiljalila8397 حيدي الخوف وتوكلي على الله قرايتك تدير ليك قيمة والله العظيم وسؤال ديما كنت تنطرحو اشنو دوري انا وسط المجتمع؟؟؟ رسمي هدف قدامك وكوني على يقين واحد غاادي توصلي ليه وغادي يولي عندك طموح أخر عن تجرية والدراسات الجامعية ان شاء الله وبإذن الله هدفي نوصل للقضاء على سبيل المثال "من جد وجد ومن زرع حصد" موفقة اختي
لي بغا يدوز الباك أول حاجة شوفو امتحانات الثلات سنوات الماضية راه تيتحط الامتحان بحالهم و خاص ما تخليوش حتى درس من الدروس فيمكن يتحط قاعدة واحدة من هاد الدرس لهذا شويا الدرس شويا تمارين شويا امتحانات و بقاو ديما تعاودو الامتحانات باش تبا الذاكرة مزيانة فيما يخص القواعد من الأحسن تعرفو البرهان ديالهم باش متحفظوهمش حيت القواعد كثيرة تاني حاجة حاولو تطالعو على الإطار المرجعي لكل مادة عند الوزارة حاجة أخرى حافظو على العامل النفسي بعض المرات تيجي اليأس و الملل هنا لابد من الإرادة القوية و تجديد الخطة و الحفاظ على التركيز و النفس
شحال خاصني نجيب ف باك حر باش نتقبل فالطب البيطري 🙏🏼🙏🏼🙏🏼 وليت تنسمع الهدرة من العائلة و كيطيحو من قيمتي حيت مادرتش الطب ولا الهندسة فحال ولاد عمامي و هدشي تيحطمني😖😖 و حتا باك حر كعما معتارفين بيه و ماعندي تا حد لي يشجعني شكرا بزااف و الله💞
@Sandra Arther khty mrhba ana ba9a madrtu ms andiru daba hit 3la maytjm3u chi 2 wla 3 whdakhrin wnkhdmu wila matjm3uch nkhdmu ana wyak safe💪 mhm chufy siftili num d wtp dyalk wmshiha mn b3d ghi ndkhlha Bach ntaf9u
اسلام استاذي قدي أنا ٤١ سنة اخدت الباك ١٩٩٥ علوم تجريبية درسة سنة في كلية العلوم ثم دخلت المدرسة الفنون الجميلة ٣سنوات وتخرجت désigner d intérieur سوالي هو هل يمكن لي ان أعيد حياتي أعيد باك وأريد دراسة من جديد ماهي المدارس التي يمكن للجوء اليها في سني ؟ و أين اجد المعلومات لقد تركت المغرب مدة طويلة وعدت الان وأريد اعادة حياتي ولكن لا اعرف كيف المرجو مساعدتي وشكرا
شكرا علی المعلومات يلاه قررت هاد الايام باش ندفع الباك ليبغ ولكن لقيت مشا الحال علی الدفع حتی العام الجاي ولكن فرصة نبدا من دابا المهم هو بغيت ناخدو تحدي باش نحيد من عقلي الافكار السلبية لي كتحبطني و تحسسني بالفشل حيت العقل لي عندي بحالو بحال جميع الناجحين او اكتر ...شكرا
السلام عليكم استاذ ماشاء الله عليك الصراحة كلامك محفز جدا او كلو تفاؤل شكرا بزاف على نصائح اللي عطيتينا انا متزوجة او عندي 2 وليدات انقطعت على الدراسة 10 سنوات كنتمنى ان شاء الله و باذن الله يوفقني ربي ندوز باك ليبر حيت فهاد الوقت الى ما قريتيش ما كتكنش عندك قيمة اسأل الله ان يعينني و يسخر لي و للجميع تحياتي 👍
سلام عليكم ورحمة الله وبركاته انا بغيت ندوز باك ليبر انا في عمري 30 سنة قريت حتى اولى باك وكنت علمية ونسيت على كلشي واصلا معنديش اللغات فرنسي وانجليزي مي عوالة نجيبوا ان شاء لله باش تنصحني نبدا
@@AmineHidane السلام عليكم عفاك فين نلقا دروس المواد العلمية واش ضروري ناخذ المقررات اولا نراجع من اليوتوب وعطيني قنوات للدروس العلمية عفاك انا تنبريباري من دب العام الجاي دب بديت تنتعلم اللغات والمواد الأخرى قلت نبداها ان شاء الله في بداية العام الماجي
فعمري 20 سنة شديت الباك ف 2018 بمقبول و درت كلية العلوم و ضيعت فيها عام و درت كلية الاقتصاد وقعو ليا فيها مشاكل حطو ليا انني غائبة فبعض المواد وخا دوزتهم و فاليديت 6 مواد و هذا العام الثاني عندي فاقتصاد و تعكسات ليا فاش كندخل للسيت ديال لافاك كنلقا راسي ممقيداش قالو ليا خصني ندفع استعطاف و دفعتو و باقي نفس المشكل و الإمتحانات باقي ليهم 6 ايام صراحة حفزتيني ندير باك حر ان شاء الله غنتقاتل و نجيبو و بنقطة مزيانة و تعوض هاذ 3 سنين لي ضاعو و غنرجع نكومونطي نحط النقطة باش نجحت ان شاء الله 😭😭😭
مع الأسف💔كان حلمي انا باكالوريا2020ونجحت ولكن ماقبلونيش فالطب ودرت الجامعة شعبة الرياضيات و المعلوميات ومع ذلك مازال كنفكر فالطب حيت هو الحلم ديالي من الطفولة💔🥺 ولكن ماغانستسلمش و غاندير باك حر وغنخدم مزيان انشاءالله حتا نحقق الحلم ديالي💪❤️(دعواتكم لي🙏) نصيحة : ماتستسلموش وماتديوهاش فالهدرة دالناس و خصكوم تعرفو بلي العمر راه مجرد رقم فقط واخا تكون كبرتي قرا وكافح ودير جهدك كامل ماتفكرش فالسن أبدًا. الناس لمقاطعين الدراسة وعندكم حلم كافحوا باش تحققوه جربو جميع الطرق واخا تكونو كبار فالعمر ديرو باك حر ودفعو بيه لداكشي ليكاتحلمو بيه وكملوا وربي كبير إن شاء الله يوفقنا كاملين ياربي🙏 الله يسهل علينا كاملين و نحققوا الاحلام ديالنا❤️ رسالة من القلب للجميع. فقط لا للاستسلام💪
أستاذ عفاك بغيت نسولك. أنا باغي ندير باك حر علوم رياضية تخصص فرنسية . بغيت نعرف شمن فرق بين .علوم الرياضية تخصص فرنسية /علوم الرياضية عادية، بالنسبة للمواد الأدبية .يعني هل هناك فرق في المواد الأدبية بالنسبة للمسلكين.وكذلك هل علوم رياضية تخصص فرنسية يجتازون في مادة الترجمة.أرجوك أفدنا.
لسس هناك اي فرق الفرق الوحيد هو الرياضيات و الفيزياء و ع.ح.أ باللغة الفرنسية ولكن نفس البرنامج ونفس الامتحان الوطني هير اللغة مختلفة اما المواد الادبية فنفسها بالعربية وليس الفرنسية ونفس الإمتحان الجهوي كذلك بالنسبة لنفس الجهة
تبارك الله عليك ااستاد الشرح ديالك مفهوم وواااضح فاش كنسمعك كدوي مكدجينيش شي واحد غريب عليا بحال ايلا كنعرفك منشحااال هادي او مديش على الفيديو طويل ولا لا راه المعلومات للي كتعطينا كنستافدو منها بزااف... كمل معانا ااستاد الله يجازيك بخير وخا تبريباري معانا غير الامتيحانات ديال الباك حر( طريقة ديال الاجابة والتنظيم بحكم انكم استاذ ماشاء الله او كتعرفو كيفاش تبغيونا نجاوبو حيت تا انا شخصيا بزااف ديال المرات واخا كنكون عارف 90٪ ديال الجواب مكنعرفش منين نبداه. والاسئلة اللي كيتعاودو او خاصنا نركزو عليهم ) راه موجودين ناس اللي غايستافدو من هادشي عام مورا عام و الله يسهل عليك ااستاد وشكرا.
الله ييسر لك هذا العام خديت باك و لكن نقطة ما خلتنيش نحقق حلمي و ندخل مدرسة لي بغيت و لكن الخير في ما اختاره الله و بعدما شفت فيديو ديالك رجع عندي امال . والله شكرا على تحفيز
السلام عليكم ورحمة الله تعالى وبركاته خويا ميمكنش تصور شحال محتاجة لشي جواب كم الحيرة لي راني فيها صعيبة بزاف انا قريت السنة الاولى علوم رياضية والسنة الثانية علوم فيزيائية صراولي مشاكل صحية او جبت الباك 13.82 هاد لمعدل قصاني من المدارس بحال الطب لي كان الحلم ديالي اوensa درت لافاك biologie او هداي 3 mois عاشتها غي اكتئاب كنحاول نوقف على رجلي او نخدم لافاك ولكن اقسم بالله كنرجع لنفس الحالة بدأت نقتنع بفكرة باك ليبر علوم رياضية ولكن خفت اني منجحش او يضيعلي كلشي انا السيزيام ديتوا 15علوم رياضية ولكن عندي بزاف ديال التخوفات واش نقد نخدم بوحدي ولا ندير السوايع كي غنوفق ما بين الجامعة او الباك عافك اخويا محتاجة النصيحة او سمحلي على الاطالة
أستاذ أنا بغيت نسولك ونتمنى تعاوني أنا متزوجة وام شديت باك فيزيك و إجازة فالاقتصاد ودائما بغيت ندير باك حر باش تنصحني اشنو شعبة لي زوينة نجيب فيها نقطة زوينة وندخل بيها ل encg ولا كلية الطب .... ?? الله يجزيك بيخير
ختي عافاك نسولك واش نقدر ندفع لباك حر واخا مدازتش مدة انقطاع على لقراية يعني كان عندي الباك هاد السنة و مدوزتش و بغيت ندفع السنة الجاية لباك حر واش نقدر؟
بارك الله فيك بغيت ندوز باك حر علوم انسانية انا ولدي عندو 17 وعندو تاسعة حرة بغيت ندوز معاه باش نشجعو وخ هو ممسوقش شنو هما القنوات لي امكن تعاوني بها عفاك وشكرا
شكرا بزاف أستاذ أنا هاد العام دفعت باك ليبر وبالفضل ديالك والشرح المبسط قدرت نفهم ونستوعب جميع دروس فأسبوع اومازال تانخدم التمارين والجهويات من دابا حتالمتحان تانشكرك مرة أخرى وتانتمنالك التوفيق فحياتك المهنية والشخصية وفقك الله لكل خير أخي
استاذ رائع جدا....فيديو تحفيزي و شكرا استاذ جزاك عنا كل خير ....لكل النساء الي غيشوفو تعليقي...انا ام لزوج وليدات السن 32 سنة بيني و بين القراية 14 سنة عندي مشاكلي الخاصة وضغوطات و ساكنة فمدينة ماشي مدينتي معنديش الي احن فيا ولا اشد لي وليداتي نمشي غي الحمام...المهم مضيقة ماديا و معنويا و من جميع النواحي الا بديت منساليش و مني كنت تنقرا وقع لي مشكل مع استاذ الله اسمح ليه و مكنتش تندخل عندو بصفة نهائية حتى الادارة تدخلات و بدون جدوى فالاخير كرهت و خرجات لي استدراكية و ممشيتش ...ولكن حلم الباك مفارقنيش حتى اني مني كنت تنتوجع فبنتي الاولى ولا الثانية كان دعائي يا رب نشد الباك ....و شديتو هاد العام الحمد لله طبعا خاصو السهير و الصبر ولكن جبتو و بمعدل 16....البنات تحمسو و قراو و معمرك تخلي الشغال والوليدات اكونو عائق لحلمك....تمنياتي ليكم بالتوفيق ...و دعيو معايا ايسر لي الله ما تبقى من حياتي 😊
سلام عفاك انا خديت الباك هاد العام 2020 باك علوم الحياة والارض وجبتو ب10.15 لاني كنت مريضة بزاف العام كلو بزز باش دوزت الامتحان مادارت لية والو هاد النقطة حلمي من الصغر نكون طبيبة عفاك واش يمكن بباك حر ندفع للتمريض سواء الطب او الفراملية
استاذ الله اجازيك بيخير والله ياريت كل الناس بحالك شجعتينا بزااااف انا انقطعت عن الدراسة 12 سنة دوزت الباك واخرج ليا الاستدراكي مدوزتش حيت تزوجت المهم الحمد لله باقي عاقلة على بعض الدروس لي كنت قريت انذاك السؤال بغيت ندوز باك حر واش غاندوز الوطني فقط ولا ضروري الجهوي حيت مفهمتش وشكرا
استاذ عفاك سؤال جد مهم : خديت باك ليبر و دفعت لواحد المدرسة و لكن معجباتنيش دوزت فيها غا عام واش عندي لحق نعاود ندفع لمدارس خرين زعما السؤال هو واش مدة صلاحية باك ليبر بحال باك عادي (2ans) او هناك اختلاف
والله اخويا ماكذبتي الناس غير كيحبطوك احسن كاع مايعرفوك اشبيدير حتى تسالي انا عندي التاسعة ديال 92 وبغيت دبا نوجد الباك ان شاء الله العام الجاي ومعرفتش منين نبدا واش ندير واش كاين شي برنامج نتبعو فيدني اخويا الله يحفظك والله يرحم والديك وواش فعلا نقدر عفاك جاوبني
انا متزوج ولي طفل حاصل على 6 بكالوريات كلها بميزة حسن وجيد وحاصل على إجازة علوم رياضية بكلية العلوم السملالية بمراكش وحصلت على الرتبة الثانية في سلك الإجازة بالكلية بميزة حسن....الان الان عمري فقط 31 سنة.
انا هاد العام 2019 كنت علوم رياضية أ نجحت ولكن ماشي باش انا بغيت حيث وقعو ليا بزااف د المشاكل كانو عندي اكراهات .... وكنت من شهر 2 دايرا فكرة باك ليبر ف شعبة العلوم الفيزيائية و لكن دابا وليت بحال ايلا خايفة ... تسجلت ف لافاك smi و باغا ندير باك ليبر نجيب نقطة مزيانااااا نحقق الحلم ديالي ماحدي باقا عندي فرصة لي هي باك حر مابغيش نظيعها بالخوف ... باش ماندمش . بغيت ندير باك ليبر ندوز ل Ena نجيبها ولا مانجيبها ماشي مشكل غا نجيبها ههه الاكثرية خايفاا غا من الجهوي 🙁 اش غاندييير😣 انا تسجلت ف لافاك حيث دايرااا امل ف باك ليبر صحابي لي قراو عندي دايرين لافاك و ليسطا غا انا لي باقااا شاداااا ف الامل
amal dima kayn hmad matkhafi men jihawi la walo diri bac libre o glsi lih lard i3ni matfakich m3ah tatjibi fih 16 ola 17 rah sahel ti9i frask chuia ntya ker men hadchi
أستاذ انا خديت الباك العام الفايت pc biof ب 15,50 ولكن هاذ النقطة ما كانتش كافية باش ندير médcine و كنقرا دابا ف المدرسة العليا للأساتذة و بغيت ندير باك حر svt biof هاذ العام و فنفس الوقت نكمل القراية ديالي وا ش ممكن ؟
شكرا بزاف أستاذ نصائح قيمة جزاك الله خيرا، حفزني كلامك وتسجلت فباك ليبر مسلك التدبير المحاسباتي علما انني حاصلة على إجازة فالاقتصاد و التسيير واش ممكن نتوفق و ناخذ الباك بميزة تخول لي ندخل شي مدرسة عليا و أستسمح على الإطالة 😊
عافاكم نصحوني الله يخاليكم دابا انا العام جاي ان شاء الله عاناخد ديبلوم ف شعبة ديال تسيير المقاولات مي أنا كنحماااق على شي حاجا سمتها جيولوجي كتجري ليا ف دم. مي كنقول فاش ناخد ديبلوم ندفع لباك حر مي كنخاف عندك ننسا هادشي لي كنقرا و نتبع غا جيولوجي و كنخاف عندك منوصلش ل نيڨو لي بغيت عافاكم راني حايرة نصحوني الله يعطيكم ما تمنيتو جيم الكومنت باش يشوفو الله يجازيكم بخير 💜💜💜💜💜
من كثر الاحباطات الي كنتلقى يوميا هاد الفيديو الي كنت محتاجة الله يجزيك بخير واخا 32 سنة والوليدات صغار والمسؤولية عليا بوحدي والضغوط كثيرة هادشي ماشي عذر باش متحققش ذاتك وتوصل لي بغيتي فقط رسالة لكل وحدة فنفس ضرورف متستسلميش للمجتمع وللعقلية ديالو قراي طوري من راسك عقليتك حياتك نتمنى توفيق لاي واحد الله المعين
تبارك الله عليك استاذ نتمنى تزيد تعطينا معلومات بالخصوص لناس لي نقاطعو على الدراسة مدة طويلة يعني تقريبا نسينا كلشي شنو هما الدروس لي نركزو عليهم طريقة ديال الخدمة باش ميكونش علينا الضغط واي معلومة وخا تبالك عادية شاركها معانا يقدر تفيدنا حلمي ننجح فالبكلوريا ونجيبها بنقطة مزيانة دعواتكم
لك جزيل الشكر استاذ عندي طموح اني ندوز باك حر كانت عندي هاذ الرغبة لكن زوجي الله يرحمه رفض و الان بغيت نجح في الباك كنت علمية و اقريت جميع المواد بالفرنسية دوزت الباك في 1988 الرياضيات مزال عندي شوية دبا فكرت ندوز الباك حر اداب باش تنصحني استاذ
السلام عليكم أستاذ انا عندي باك علوم رياضية 2017 ولكن ماجبتش فيه مزيان درت لافاك sma ولكن ترخيت ومابقيت كانقرا نظرا للفكرة لكنت دايرها عليها وهاد لعام قررت ندير باك حر علوم فيزيائية ونجيب فيه نقطة لتمكني ندخل لإحدى مدارس المهندسين واش ممكن يعني واش باقي عندي الحق ولا كان ممكن نتواصل معاك احسن وشكراً.
السلام عليكم استاذ اليوم تحطو النتائج ديال باك 2021 كانت عندي نقطة متميزة فالجهوي ولكن الوطني طيحني وبغيت غير ندير استدراكية ولكن المعدل العام طالع بزاف وليت كنفكر فباك حر ولكن باقة اشكالية بسيطة وهي الشعبة، بحيث انني دايرة علوم فيزيائية خيار فرنسي وقالولي بلي خاسني نقلب ع.الحياة والارض و بالعربية واش بصح؟؟