من كلمات و ألحان الأخوين رحباني
أغنية قديمة خالدة للسيدة فيروز
((بتشوف شو دارنا حلوة))
بحْياة عَينك يا ورد نِيسان .. زَهِّر على شبّاكُن العشقانْ
وِانْ كان بدُّن يسألوا عَنّا .. جيران قلُّن بَعِدْنا جيران
بتشوف بُكرا بتشوف .. شو دارنا حلوة
عَ مْطلّ أخضر مكشوف .. والشمس بتضْوِي
فراشات بتْجِينا رفوف .. وطيور تقصدنا ضيوف
وغصون ترقُص وتغَنّي بتشوف بكرا بتشوف
وإنت تطلّ .. ونقلَّك أهلا
وهيك تغلّ .. نسمة على مهلا
وعيونْنا ترفّ وتحكي
وقلوبنا تبوح وتشكي
ومروج بالحب نطُوف
بتشوف بُكرا بتشوف
فوق شو هَمّ .. منعيش بجنِّة
وشوق يلمّ .. نَهْدات ويغَنّي
وعْباب خَضرا محنيِّة
عَ قْباب متل العلّيِّة
وبْوَرد سطحا مَسقوف
بتشوف بُكرا بتشوف
وهاك الدنِي الغَضَّة .. بتضلّ حليانِة
فيها الهَوى بيمضى .. أحلام وغْناني
والحبّ فوق دْواليها
عناقيد حليانِة فيها
ومافيش واحد مقطوف
بتشوف بُكرا بتشوف
الصور من عدسة المبدع @haithamalkhatib2817 هيثم الخطيب
أوقات ممتعمة نتمناها لكم
عبدالله&يارا
#فيروز #فيروزيات #فيروزيات_الصباح #قهوة_الصباح #قهوة_المساء #قهوة #الشام #بيروت #بغداد #بغداد_السعودية_جدة_الرياض_الخبر_الدمام_مكة_تركيا_فلسطين_السودان #الخليج_السعوديه_الكويت_قطر_الامارات_البحرين_عمان #أوروبا #أغاني_الصباح #اغاني_هادئه
#بتشوف_شو_دارنا_حلوة
15 ноя 2023
