هذا عيب إنه يتصنف كنقاش أو حتى كحوار متجرد من جميع أسس النقاشات اللي المفروض أي نقاش طبيعي يشتمل عليها وغير كذا انتم هدفكم مو إنكم تفهمون وجهة نظرها أو تقنعونها بوجهة نظركم الهدف من هالحوار الأقل مايقال عنه " ضعيف " من قبلكم مو من قبل البنت ، كله عبارة عن شحنة غضب تبغون تفرغونها على اللي أصغر منكم واللي تنظرون لها بنظرة دونية ، وشلون ٣ رجال كاملين عقل ودين تنظرون على بنت أصغر منكم !! وين التكافئ في الحوار ؟ اللي يفترض يكون شخص مقابل شخص مو ٣ على وحدة !! لا وبعد يشوفون نفسهم كاملين يعني البنت قدرت تواجهكم انتم الثلاثة وزيادة على كذا كانت تقرأ التعليقات !! يعني كمية الشجاعة والقوة النفسية اللي عند هذي البنت عظيمة صراحة ، إذا إنت تشوف إن الأنثى أضعف من الرجل وحظ الرجل بالميراث مثل حظ الأنثيين وشهادة الرجل تعادل شهادة امرأتين كان المفروض بناء قواعد الإسلام هذي تكون قاعد تتحاور مع بنتين صح ولا لا ؟ ولا مبادئك تجزئها حسب مصلحتك ياكامل العقل والدين
بداية كلامك جيدة لكن اتجهتين لمنعطف خاطئ ، البنت كلامها كان متناقض والكلام الي توجهه لهم غير منطقي صحيح انه الولدين كان ينقصهم ادب الحوار لكن كلامهم منطقي .. اما بالنسبة "للذكر مثل حظ الانثيين" ف هذي رمية غير موفقة لانها لا تمس البث ولا المتناقشين بصّلة ، الاية كان الميراث مو عن بثوث تيك توك.
التعليقات مافي أحد عزز لها لأن البث ممكن يكون على حساب واحد منكم وبالغالب متابعينكم يحملون نفس توجهكم فهم من أول ضدها قبل لا حتى تبدأ تتكلم هذا تصنفه كتعزيز لك ؟
مافي رجل يبتعد عن اهله الا اذا كان ملتزم بدوام او دراسه ماشفنا رجل رايح سكن لحاله ومبتعد عن اهله بدون سبب بس للاسف انتوا ناسخين اطباع الغرب وبتلصقونها عندنا
على أساس إن الرجال بعد الاستقلال مايحتاج أبدًا فلوس من أبوه ؟ مايروح له يطلب منه حق قطة الاستراحة ولا حق تسديد مخالفات ساهر ولا يطلب منه يساعده بالمهر إن ماكان المهر بكبره كله على ظهر أبوه ؟!
أقسم بالله العلي العظيم إن خوفكم كله من استقلال الأنثى المادي متمركز حول فكرة " إن الأنثى تصير ماعاد تحتاجكم " هذا يفسر كل الأمور الملتوية اللي تتكلمون فيها
شوفوا من يقول دبري عمرك اللي أبوه يراكض في مجالس الرجال يلقط سلفة من هنا وهناك عشان يسدد مخالفاته حقت ساهر ولا يجمع له مهره ولا يعطيه قطة الاستراحة يجي هنا يقول دبري عمرك لبنت
يا بني آدم افهم تقول لك أبوها راضي بس الضغوطات النفسية مو شرط سببها الأب !!! افهم تقول لك ممكن أحد ثاني من أفراد عائلتها هذا أحد الأسباب اللي يخليها ابغى تستقل ! مجتمع ذكوري فعلًا لأن أصلًا مايحتاج البنت يكون عندها سبب عشان تستقل بالسكن هي حرة وهذا حقها ! مو شرط يكون فيه أسباب من الأساس ، الولد مو مضطر يبرر ليه هو بيطلع بشقة لحاله برا بيت أهله وتلومون اللي يقولون مجتمع ذكوري !!
أجل تقول إنها لما تسوي زي كذا يعني انحشرت ؟ قصدك يوم ضحكت وتسأل وش دخل الصين ، مين اللي قبل شوي بغى ينقلب على ورى من كثر الضحك ؟ هذا يعني إنك انت نفس الشيء ؟
كان عندك حجج قوية ومنطقية ناقش وحدة كبرك أو أكبر منك، مو تروح " تستقوي " على بنات أصغر منك ماعندهم خلفية كاملة عن موضوع النسوية والحقوق والمساواة وتبين إنك قدرت " تحشرهم " على قولتكم لا وزيادة على كذا معاك عيال يساعدونك ومع هذا كله ! قدرت البنت إنها ترد عليك ياكامل العقل والدين
أنت ومالك لأبيك هذا حديث ضعيف بس لو افترضنا بصحته بالمفهوم الطبيعي إن الدين يقصد إن لو أبوك احتاج شي ماتبخل عليه ولا تقصر معاه بس على حسب المفهوم اللي تكلمت فيه انت مع البنت أجل عط فلوسك لأبوك ليه عندك فلوس تصرف بها على نفسك ؟ وإذا ناوي تجمع مهر لا ماينفع انت ومالك لأبيك المهر اللي تبغى تجمعه عطه أبوك ولا الحديث مايمشي عليك ؟؟
انت عندك مشكلة في الفهم ؟ تقول أبوها راضي مع إنه أصلًا ما يؤخذ برضاه هذا قرار صدر من الحكومة ، وتقول لك ممكن أفراد آخرين بالعائلة يكونون مسببين لها ضغط نفسي
أبوها المسكين اللي يبغى يشوفها ؟ لا والله ؟ بنصدق إن هذا السبب طيب عادي يقدر يزورها في بيتها أو شقتها إذا يبغى يشوفها أسلوبكم هذا قديم ترى حنا عارفين إن السبب الرئيسي لخوف الأب من استقلال بنته سمعته بين اخوياه بالاستراحة وجيرانه وزملاءه بالعمل لو كان لسه مو متقاعد مو السبب التافه اللي تستعطفون فيه البنات " أبوك مسكين يبغى يشوفك " !! طوروا نفاقكم على الأقل
تسحب على أهلها أجل ؟ انتم قاعدين تطبقون gaslighting خطير على البنت هذي ، يعني الرجال اللي بعد مايتخرج من الجامعة يستقل بسكن بدون زواج سحب على أهله ؟ ويسمون نفسهم كاملين عقل
