مفيش حاجة بعيدة عن ربنا انا خلفت بنوتة بعد ١١سنة و بعد أن أجزم الأطباء بأنه استحالة وبطلنا نروح الدكاترة وكل العلاجات وكل المحاولات لكن زارنى فى الحلم سيدنا محمد صلى الله عليه وسلم ولمستنى عباية الرسول ومن شدة فرحتى وانشراحى دعيت تكون زيارة الرسول بيتى بركة وفاتحة خير وبكيت وبالفعل فى نفس الشهر حملت وربنا كرمنى ببنوتة جميلة ربنا يرزقك الذريه الصالحه وأكثرى من الصلاة على رسولنا الكريم ❤
يا حبيبتي طالما بيحبك و مابيرضاش عليكي كلمة و بيوقف معاكي قصاد أهلو و حضرتك عملتي معاه الجلاشة قبل الجواز و صبر و إتجوزتو و بيحبك حب للدرجة دي حضرتك بني آدم زي دا نصيحة ماتخسرهوش❤و بالنسبة لموضوع الخلفة فدا إبتلاء من عند ربنا كان ممكن لا سمح الله المشكلة تكون عند حضرتك و هنا أضمنلك إن مع تعلقو و حبو ليكي أكيد هيصبر معاكي و الأطفال هدية من عند ربنا سبحانه و تعالي ربنا حطك في إختبار و إبتلاكي إبتلاء لازم تصبري و تحتسبي و تدعي ربنا يرزقكم و مفيش حاجة مستحيلة مع ربنا بعرف ناس كتير جدا خلفت بعد عشر سنين و ممكن حضرتك تجعلي من الإبتلاء دا سبب يقربكو من بعض و تتقربو مع بعض من الله سبحانه و تعالي أكثر و أكيد ربنا هيجبر بخاطرك❤نصيحة من اختك إنسان حبك بالقدر دا إوعي تخسريه❤دي مجرد نصيحة و القرار بيرجعلك و حتي لو إخترتي الإنفصال مفيش حد حيلومك بس إدرسي الموضوع فدماغك جدا من كل جوانبو و إستخيري ربنا و إن شاء الله ربنا حيدلك عالصح ❤ربنا يهدي سركم و يرزقكم الذرية الصالحة ❤
رغم اني مو مصرية بس خليكي معو لان بيحبك وبالنسبة للخلفة الله قادر على كل شيء انا امي قبل ماتجيبني كان عندها تحاليل بتاثبت انو هي مابتجيب ولاد وخالتي نفس الشي بس امي بالنهاية جابت اربع ولاد وخالتي بعد وقت وصبر جابت بنتين متل القمر والله عوضهن على الصبر لا تفقدي الأمل
انتي ممكن تطلبي منه تنفصلوا عن اهلوا لان طول ما انتي في بيت العائلة هم ب افعالهم هياثروا علي قرارك وادعي ربنا كتير وان شاء الله ربنا يرزقك بالذريه الصالحه
أميرة يا حبيبتي اخر حاجة ممكن البنت تخاف منها في الحياة هي العنوسة مكنش أجدادنا قالوا المثل قاعدة الخزانة ولا جوازة الندامة بلاش تنصحي كدة الجواز دا نصيب ولو مكانش حلو يبقى قلته احسن.. بعيدا عن النقطة دي نصيحة عدم الانفصال مش منصفة خالص مهما كان السبب هي ممكن تسمع نصيحتك وتفضل معاه وتكبر وتعجز وتلاقي نفسها لوحدها في الحياة ولا أطفال ولا قرايب وساعتها هتفتكر نصيحتك وتدعي عليكي وعمرها ما هتقول دي كانت بتقول رأيها والقرار كان قراري صحيح الراجل الحلو في معاملته رزق بس هو حواليه ظروف مش حلوة وأولهم اهله وبيت العيلة وهي مش مستحملة كل الظروف دي وفكرة التبني مش اي حد يقدر عليها ومش اي حد بيوافق عليها يعني ممكن هي تعجبها الفكرة وهو يرفض او اهله يرفضوا انا عارفة انها مش فكرتك بس قريتها في تعليق.. وممكن تنفصل وتتجوز واحد تاني احسن في كل حاجة وتبقى سعيدة وتجيب أطفال وتكمل تعليمها ويبقى ليها حياة تانية خالص وممكن برضو تنفصل وتتجوز واحد تاني وتخلف منه بس تبقى تعيسة وارد بس ما هي دلوقتي تعيسة يبقى ايه الفرق انها هتبقى تعيسة ومعاها أطفال تصبرها على الحياة.. الخلاصة هي لو قدرت تنفصل بجوزها في بيت بعيد عن عيلته ومرضه يكون ليه علاج تمام تكمل او هي تصرف نظر عن الأطفال وتتحمل قرارها وتبلغه بيه وتقوله خلاص مش عايزة أطفال وهكمل معاك بشرطين نعيش في بيت بعيد عن اهلك وارجع اكمل تعليمي.. او تنفصل عنه خالص وترجع لأهلها وتكمل تعليمها وأثناء ما بتكمل تقابل عرسان وتشوف نفسها وربنا يرتبلها الخير القرار بتاعها وهي وحدها اللي تتحمل نتيجته لكن مش هتعنس خالص دي صغيرة اكبر منها ومتطلقين كذا مرة والناس هتموت عليهم عادي وخصوصا المتعلمة هي تسلمها لربنا وتحسم أمرها يا كدة يا كدة لكن العيشة بالشكل دا مش منصفة وربنا معاها ويسعدها ❤
و هي بفرض انها دعت عليها معناها ربنا هيستجيب؟ ما تدعي للصبح ما دام ما ظلمتهاش هتخاف ليه؟ نصحتها من وجهة نظرها الخاصة و بعد كمان ما هي اللي طلبت نصيحتها يعني بتثق في رأيها.. أخدت بالنصيحة أو لا ده قرارها الشخصي و ربنا خلق لكل واحد عقل يشغله و يفكر بيه
@@dandoon8088 انا مش بقول ان ربنا يستجيب لدعائها انا قصدي انها هتندم بعد فوات الأوان وهتحمل نتيجة اللي هيحصل لأميرة.. ولا مشكلتها مش بس بيت العيلة ركزي في التفاصيل بتاعة المشكلة قعدها من تعليمها وفرض عليها عدم الخروج من البيت ولا تعليم ولا شغل ولما جات قصة الخلفة بقى عصبي وعلى فكرة مرضه لو ملهوش حل عصبيته هتزيد وهيمرر عيشتها بسبب ومن غير سبب ومش هيفضل حلو زي ما انتي فاهمة وبعدين بتقولك كان حلو في الأول واتغير بسبب مرضه بعيدا عن مرضه كلهم حلوين في الأول وبعدين بيزهقوا دا العادي.. لكن هي لو انفصلت أهلها هيعلموها و هتشتغل وممكن تتجوز وتخلف وحتى لو متجوزتش ومفتكرش ان دا هيحصل لكن برضو مش هتكون خسرانة بدل حبسة البيت لوحدها او وسط عيلة مش حلوة اهي معاها شهادة وبتشتغل معتمدة على نفسها ومش محتاجه قرش من حد أهلها ربنا يخليهم مش هيعيشولها فلازم تغير حياتها دلوقتي وممكن لو فضلت معاه يبهدلها وتكون كبرت وتلاقي نفسها لوحدها من غير ما يكون معاها حد يسندها ويصرف عليها وبرضو لازم تبقى فاهمة ان التغير سهل طول ما انتي صغيرة التعليم ساهل والشغل شروطه اقل لكن لما تكبر مفيش حد هيقبلها في شغل ولا هيتقدملها عريس عدل الفرصة دلوقتي افضل بكتير
انا رأيي انو مجرد تفكيرك انك تتركيه رغم يقينك من حبو ليكي دا نوع من الخيانة العاطفية ليه انك تعيشي معاه وانت مش بتبادليه نفس نسبة المشاعر دا يخليكي تحسيسيه ديما انو في إمكانية للفراق وكدا انت بتظلميه اكثر يعني حياتكو حتكون ديما على شفى حفرة عشان كدا انا رأيي انك محتاجة تعرفي انت عايزة ايه بالضبط حاولي انك تستقلي بسكن وحدك انت وهو عن بيت العيلة ووقتها شوفي ازا انت مرتاحة ومقتنعة بيه بكل عيوبه كملي بس لو الأمور اتعقدت ومافيش حاجة اتغيرت يعني انت عاوزة عيال ملاخر ثبتي روحك برك حبيبتي وربي يجيب الخير
لصاحبة القصة خدي النصيحة من وحدة مجربة أنا قصتي تقريباً مثل قصتك وكل واحد ومقدرته أنا كملت مع زوجي وراح أكمل معاه لغاية مايدفني أو أدفنه والحمدلله بعد ماخرجنا من بيت العيلة إرتحت نفساً وجسدياً وبنفكر لما تتحسن إمكانياتنا المادية نتكفل بنت وولد و حتى لو متكفلناش هو عندي بالدنيا ومافيها 😊وإنت ومقدورك وصلي صلاة الاستخارة 😊
ضلي مع جوزك ما تتركي واطلبي منو يجيب الكم بيت منفصل بعيد عن الناس مشان ما يضلو يجيبو سيرة الخلفه قدامكم وانت وهو تقدروا تغيروا حياتكم وربنا رح يرزقكم الخلفه أن شاء الله بالصلاه والدعاء
*الكتمان مؤذي والكلام مش هيغير حاجه...*❤🩹✨ "اللهم أنَت ربِّي، لا يخفى عليك ما في قلبي، فاللهم طمأنينة منك.. يارب أعوذ بك من ضيقة القلب، وشعور لا يُشكى ولا يفهم .. اللهم أرِح قلبي بما أنت به أعلم، ولا تجعلني أشكي لمن لا يخشى عليّ من حزني .. اللهم إني أُفوض دنياي كلها إليك."❤🩹 اللهم امين يارب العالمين 🤲
بالنسبة لموضوع الخلفة فأنصحك بالاستغفار و مجرب على فكرة ناس كتير جربته و بفضل الله ربنا رزقهم بعد سنوات من الحرمان و طبعا بالاخذ بالاسباب و مفيش دليل اكبر من قول الله سبحانه و تعالى (قلت استغفروا ربكم انه كان غفارا يرسل السماء عليكم مدرارا و يمدككم بأموال و بنين و يجعل لكم جنات و يجعل لكم انهارا)
لو بيحبك مثل الحب الذي قلتي عليه في القصه وتركتيه من دون ماتجيبي له فرصه انه يتعالج اكيد بيجي الوقت الذي تندمي عليه وقت يكون فات انك تقرري صح وبلاول والأخير انتي صاحبة القرار
انتو كلكو ناس طيبه بس انا حبقى صريحه شويه لاني متأكده ان اغلبكم مخلف. نصيحتي إتطلقي, باين من سؤال و المشاكل انك عايزه تسيبه بس مستندله الحركه. حبيبتي هو لو مكانك كان عاجلا او أجلا تجوز عليكي و ربنا حلله .انت ست و الحل انك تطلقي و تتجوزي تاني.باين انك مش مرتاحه في عيشه مع اهلو و هو مش قادر ينفصل عنهم و لا هو قادر يعيشيك في مستوى الي انتي كنتي عايشه عند اهلك. في مقابل لازم تعرفي كل قرار له ثمنه. مهما تكوني صغيره و المستقبل قدامك بس لازم تكوني واعيه انه في عنوسه و غلاء و شباب مش قادر على تكاليف حياه. لازم تشتغلي و توقفي على حيلك لمى تطلقي و لو النصيب جاه خير, ما جاش نملي حياتنا بما يرضي الله و نبعد عن جرجرى وراء الغلط و لو عندنا قدره نكفل يتيم او اكثر من طفل و نربيه لو جوانه طاقه أمومه و عطاء.
انت مش مشكلتك الخلفه انت اخذتي وانت صغيره دلوقتي شايفه انك كنت تستهلي حد افضل بس اهدي وصلي كتير وقوي علاقتك بربك وبلاش تحتقري عيشتك اللي غيرتي فيها طريقة لبسك وحلب ال...... هل انت افضل من بنت النبي وهل لو كنت بتحبيه كنت تتكلمي بنفس اللهجه حاولي تفكري في بطريقه واقعيه وسؤال هتسبيه وبعدين؟ مشاكلك كده اتحلت هو محترم وبيحبك ومش مخليك مع أهله وسايبك مثل كتير من البنات تريثي وفكري في ايجابيات وسلبيات العلاقه وبعدها قرري
الحياه دى بتتعاش مره واحده فا مفيش وقت بقي اعمل جدعه ف حاجه هتفضل مأثره عليكى نفسيا ومش هتقدرى تتكلمى فيها طالما وافقتى تكملى معاه وهو نفسه هيبقي حساس وطريقته هتتغير مع مرور الوقت
انا من رأيي انها تكلم زوجها ده وتقوله انها عايزة تعيش لوحدها مش مع اهله لأنهم مؤذيين جدا ولما يعيشو مع بعض يتقربو من ربنا جدا ويطلبوا منه يرزقهم بالذرية الصالحة وياخذو بالاسباب
اول حاجة تعمليها انك تطلبي منو يخرجك من بيت العيلة و يجيبلك شقة و ياريت تبقى بعيدة شوية عن مكان سكنهم مثلا في محافضة تانية او في نفس المحافضة بس بعيد على قد ما تقدري عشان لو شفتي شقة قريبة مش بعيد كل مرة يجيلك حد و يلقح جدتو عليكي و رجليهم تستسهل المسافة فساعتها مش هايكون فارق كتير عن وجودك في وسطهم. تاني حاجة والاهم و ياريت تبدئي بيها من دلوقتي هي انك تقربي من ربنا كتير و تستخيري و تستغفري اكتر و تتصدقي لان تلصدقة تذهب البلاء وتفتح ابواب الرزق سواء في الخلفة و الا الفلوس ، تالت خاجة يا حببتي الي جانب الدعاء والتقرب الي الله لازم تسعي وتقنعيه يشوف دكتور و يبدأ العلاج و ياريت تشيلي فكرة الطلاق من دماغك خالص ، واذا لا قدر الله جوزك ما اتعافتش و الطب ما جابش نتيجة في حلول تانية انكو تكفلو يتيم او فاقدي السند المؤسسات مليانة بالاطفال الي اهلهم ماتو او سابوهم، وهنا يا حببتي هاتكوني كسبتي اجر كبير انك كفلتي يتيم و كمان تشبعي رغبة الاحساس بالامومة الي ناقصاكي والله المستعان
خليكي معاه مدام بيحبك و موضوع الخلفة دي أدعي ربنا و استغفري دايماً و بعدين قدر الله وماشاء فعل يمكن كنتي تجيبي اطفال و يطلع الطفل معاق و تتعبي اكتر و ممكن يطلع عاق لوالدي و يتعبكم معاه أمر الله كله خير و ارضي بقضاء ربنا و كفاية حبه ليكي
انتي لسه صغيره وشكلك مش بتحبيه لكن العشرة وحبه ليكي اللي مخلياكي مستحملة العيشة معاه ..انتي مقررة اصلا انك تسيبيه بس ارسالك لمشكلتك تحصيل حاصل ...اتطلقي واتجوزي تاني وخلفي لان دي أكبر نعمة ربنا رزقها للنساء ..بس لازم تكوني متأكدة انك عمرك ما هتتجوزي واحد زي جوزك اللي بيحبك اكتر من نفسه حاليا .. شوفي نفسك لان لو كان العيب منك كان هيتجوز عليكي برغم حبه ليكي وعشان مع مرور السنين هتندمي انك ما رزقتيش بطفل ياخد بحسك لما تعجزي
مابعرف وضعك و ظروفك وخياراتك ... لكن انا لو كنت مع شخص بيحبني وبدافع عني ومتفهم كتير .... مستعدة ابقى معه و احاول ان شاء الله ربنا يكرمنا بالخلفة لكن احاول انه ابعد عن بيت العيلة وبنسبة لموضوع دراسة وتعليم بشيله من بالي خالص ..... صدقيني واحد متل هاد مستحيل تلاقي متله علاقل بيحبك وبدللك وبسمعك كلام حلو يحسسك انه انتي انثى ... وهدا نوع نادر جدا ... صدقيني مافي حدا كامل
ممكن يحتضنوا طفل من دار الايتام ،، منها يكسبوا اجر ومنها يعوضوا النقص دا طالما بيحبوا بعض ،، وسبحان الله ناس كتير اول ما تحتضن يتيم ربنا بيكرمهم بالخلفه
ادي لنفسك فرصة و كملي دراستك معاه باستقلالية عن مهام بيت العيلة خصوصا حلب البهايم لو اتضبط الوضع و انتهى أسلوب التطفيش كان بها و لو العكس يبقى استخيري قبل ما تتخذي أي قرار و ربنا يكتب لك الخير و صلاح الحال
انا كنت هقولك كملي معاه بس في نقطه ممكن تبان بسيطه لكنها مش كده اول حاجه انتي بتقولي انو ف الخطوبه قلك انتي بتعتي ومش هسيبك طيب لو مكنش ارتحتي معاه او مكنتيش حبتي كان هيبقى اي الوضع كان ممكن اقول ان دي كلمه عاديه وانو مش قاصدو بيها حب تحكم بس كملو معايه لي مخلكيش تكملي تعليمك معن وضح من كلامك ان درجاتك كانت حلوه وعاليه بدليل انك كنتي هتدخلي كليه قما لي ضيع مجهودك على الاقل 16سنه تعليم البيحب حد بيتمنالو الخير لي هو كان اناني لي مسبكيش تكملي تعليم معن دي حاجه ملوش علاقه بيها وانتي واهلك كان المفرود متسكتوش وتكملي دي اكبر غلطه عملتيها طيب لي كان بيخليكي يوصل بيكي الامر انك تحلبي الجموسه معنو عارف انك مش متعوده على كده وواضح من كلامك انو من الريف وانتي لا يعني اكيد عارف انك ملكيش ف ااحجات دي معنك كان ممكن تعملي تعليم وتشتغلي ويبقى عندك كرير وحياه لكنو عان اناني ودفن كل ده وانا رائي تسبي كفايا عمرك الراح 7سنين وانتي ولا كملتي تعليم ولا ادره تتعيشي مع الوضع وكمان من حقك تبقى ام والاحساس ده احساس جميل حرام تحرمي نفسك منو ومعنك تقدري تخلفي وانا مش شايفه اي سبب مقنع يخليكي تكملي معاه
اما بالنسبه للاخت صاحية المشكله مقدرش اقولها اكتر من الي انتي قولتيه يا ميرو بس ياريت يا حبيبتي عليك بالدعاء اللهم اختر لي ولا تخيرني واللهم ارزقنا من فضلك وأكثري بجد بجد بجد من الاستغفار والله والله مجربه وعن يقين ربك كريم ورزق بنات كتير بالاستغفار بس سبحان الله ربنا قدير يرزقك الذريه الصالحه يارب ❤❤❤
لو قررتي تفضلي معاه ماتخلي ببالك انك ضحيتي وتنتظري رد الجميل لان ممكن يطلع علاج بعد سنوات وتكوني وقفتي انجاب ويتزوج فتزعلي ولو انفصلتي حطي ببالك انه ممكن ماتتزوجي او تتزوجي وماترتاحين مع وجود الأطفال فالأفضل انك تستخيري وتتوكلي على ربنا وتشاوري ناس فاهمه وعاقله من عندك
طالما عايش معاها بالحسنى وبيحبها ليه تبعد مش عارفة حلال ولا حرام أنها تطلق منه صراحة لكن اللي اعرفه حرام تسيب حد كويس وشاريها وحنين عليها كده وتدعي ربنا يرزقهم وتحط نفسها مكانه كانت تتمنى يتعامل ازاي
في ناس نجحت بتقديرات ب قيام الليل وفي ناس إتجوزت بـ قيام الليل وفي ناس خلفت بـ قيام الليل وفي ناس إشتغلت بـ قيام الليل وفي ناس شفيت من أمراض بـ قيام الليل يا جماعة والله دعوات قيام الليل بتصنع المعجزات💛 قومي صلي وادعي واطلبي من ربنا متسكترتش طلبك ربك كريم وخزائنه ملء السماوات والأرض وما بينهما فطلبك عليه هين ولكن ادعو بيقين وحسن ظن بالله يامن لك حاجة وليس لك قدره فإن لك رب له قدره وليس له حاجة 😊
بصي ياحبيبتى كل واحد له رأى مختلف وكل واحد بكلمه بس اهم حاجه انتى عاوزة أى لان اى قرار هتسمعى لأى حد فيه مش هينفعك ممكن تنفصلى وتتجوزى وتجيبي عيال وتبقي سعيدة وممكن متبقيش سعيدة وممكن لما تنفصلى عن بيت العيلة تحسي نفسك مرتاحه وتكملى معاه ومتفكريش فى الانفصال مهما يكون القرار اللى هتاخديه لازم تبقي أده وصلى وقربى من ربنا وادعى وامشو مع كذا دكتور واعملو اللى عليكم وبعدين شوفى هتنفصلى ولا لأ
انا رأي استخيري بالاول ثم خليك معاه مادام هو بحبك واستمروا في المحاولات عند اكثر من طبيب مع الدعاء واذا مافي امل بردو خليك معاه واكفلي يتيم او يتيمه يكونوا بعمر الرضاعه وخلي احد زي اختك مثلا ترضعه فخيكون لك محرم لان حتكوني بمثابة خالة له بكده كسبتي اجر كفالة يتيم وتعوضي امومتك فيه والله يعوضكم العوض الجميل ولاتيأسوا من رحمة الله والله يقدم لك الخير واولا واخرا استخيري بكل قرار قبل ما تتخذيه
الناس اللى بتقول شقه بره ده كلااام مش عن فهم ودرايه...مجتمعنا المصرى مش متفهم ده...امه مش هاتسيبه ابدااا..وهوه مش هايغضبها...وفين الماديات دلوقت اللى هاتسمحله بده...والله لو هايخد شقه بره ويريحها ويسيبها تكمل تعليمها وتشتغل ويقفلوا عيشتهم على بعض هما الاتنين ياااااريت...وساعتها هانصحها تكمل فى حضن راجل حنين عليهااحسن ماتخلف ابن عاااق...لكن على الوضع والصوره دى الانفصال افضل قرار ...العقل زينه
حبيبتي ربنا يرزقك الذريه الصالحه انا رأي قربي من ربنا اكتر وصلي كتير قيام ليل والدعاء ف القيام بيتحقق بالحرف الواحد ادعي بذريه كتير صالحه الاولاد من عند ربنا بس وحده وبيحصل فيها معجزات اما بيت العيله فممكن ياخدلكوشقه لوحدك وده حقك ياقلبي
متلازمه الاستغفار سبب في الذريه حتى لو في عقم ناس كتير عملت كدا وربنا مش بيتجرب الاستغفار بيقين في الله بنيه مغفره الذنوب. سبب في تفريج اى كرب خاصه الخللفه باءذن الله وهاتوا قصص ناس حقيقة عن الاستغفار بس اهم حاجه يبقي بتركيز ويقين في الله أنه قادر علي كل شيء(فقلت استغفروا ربكم انه كان غفارا يرسل السماء عليكم مدرارا ويمددكم بأموال وبنين)
طلما هو بيحبك ومش بيستحمل عليكي اي كلمه اوي تسبيه واتمسكي بيه وبإذن الله هيرزقكم بالزريه الصالحه لان مفيش حد ببحب حد في الزمن ده بالشكل ده اما عن حماتك حولي تطلعي من البيت باي طريقه وباقصي سرعه لانك لو فضلتي مش هترتاحي وممكن حياتك تتدمر وامه مش هتسكت الا لما تتطفشك الان الزن امر بكتير من السحر
بدل بيحبك ومحافظ عليكم صاينك حبي انت كمان وصلي واستغفر ربنا وادعي ربنا ان هو يرزقك بالذريه الصالحه والصلاه والرعايه مع ربنا ورع اما ربنا بتغير كل شيء و ربنا يرزقك بالذريه الصالحه انتي وكل اللي نفسه في الذريه الصالحه يا رب اللهم امين
رأيي انك تفضلي معاه بس تنفصلوا بشقة خاصة بيكم بعيدة عن بيت العيلة .. و بالنسبة للخلفة مفيش حاجه بعيدة عن ربنا .. فيه دكتور شاطر اسمه د. وائل البنا .. كشفه و كل عملياته غالية جدا و لكن بإذن الله هو من اشطر الدكاترة في المجال ده و فيه حالات كتير كان ميئوس منها بس ربنا اراد يرزقهم الشرية الصالحة .. استخيري كتير و ادعي ربنا بالذرية الصالحة❤
سيبك من أهله عشان انا هخليكي تعلمي أي حد الأدب بس خلينا في المهم أولًا كده انا بنت عندي ١٥ سنة و بتعالج و انا رضيعه من مرض مصطعصي في المخ و الحمد لله أتعالجت بالدعاء فأدعي لزوجك كتير أوي و متكونيش نادله و تسبيه عشان حاجه ممكن تيجي مع العلاج و الدعاء زي ما قولت كل الدكاتره قالوا لي عيشي بمرضك و تأقلمي و كلهم متعلمين في دول بره منهم في كندا نرجع تاني للموضوع إزاي بقي تعلميهم الأدب نمره واحد قولي لأهلك أنك عايزة تشتغلي و يصروا علي جوزك كده لما تمسكي قرش في إديكي أتنكي و أتسهوكي زي قالوا نضفي الزريبة قولي مش قدرة تبقي تعمليها مع أختك عشان تسعدك ده الرد اللي يوجع من القلب بس لازم مش قدام جوزك ولا حماتك طب بقي حماتك نعمل فيها ايه أقولك لما اقولك علي حاجة اتحججي عشان شغلك و جوزك و أهلك و قولي طب فين بناتك راحوا فين يعني يلا يفوتكم بعافية
القصة دى وجعتنى جدا😢 انا مش مخلفه ليا ست سنين جواز بسبب مشكله فالانابيب ادت الى استئصالهما وعملت حقن مجهرى ونجح بس اجهاضت انا كنت بحب جوزى جدا جدا جدا بس الموضوع ده اثر عليا وهو سبب لانه معندوش مانع انه يتجوز عادى معا انه عنده نسبه تشوه بس طبعا الرجاله مبتشفش عيبها انا نفسى نفترق انا وجوزى عشان احساس انك منتظره فاى لاحظه يسيبك مؤلم جدا خصوصا فحالتى دى نصيحتى لصاحبه القصه انك متظلميش الانسان ده بوجودك معاه انتى لو كملتى معاه هيلازمك دايما شعور الشفقه والتفضل عليه وده بيوصل للى قدمك من غير متتكلمى سبيه احسن ما تحسسيه انه ناقص او قليل لانه شعور لايفهم الا من مر به بعد الوقت هينساكى وهيتقبل وضعه بس طالما نفسيته اتغيرت يبقى متاثر عليه الوضع ومعا الوقت هيصاب بالشك تجاهك لانه حاسس بالنقص وهتبتداء مشاكل كبيرة ملهاش لازمه واخر كلامى متبقوش فحيات حد وانتم مش مترددين يتكملوا بكامل ارادتكم ياتفرقوا احسن والله يرزق من يشاء بغير حساب عشان متبقوش ذى عشموى فحيات حد مجرد وجودكم حياه وبعدكم موت جاتكم الارف خنقتونى ناس هبله وانا اولكم 😂
الناس اللي كاتبه انها تفضل معاه علشان بيحبها وتتقبل موضوع عدم الخلفه لو كانت هيه سبب عدم الخلفه كنتو حتقولو للزوج اصبر دي بتحبك ...كنتو حتكتبوله اتجوز الشرع حلل لك اربعه وهوه الزوج اساسا لو كانت المشكله من زوجته مكانش عاملها بالحب ده وسكت وصبر بس علشان حاسس انه ناقص بشئ معين مش عارف يوفره ليها بيحاول يسد بامر تاني خليكو عقلانيين بلاش عواطف
السلام عليكم ورحمه الله وبركاته أنت تطلبى شقه بعيد عن اهله والدعاء الكثير طالما أنت بتحبيه لأن صعب تلاقى حد يحبك كده وكملى تعليمك علشان يشغلك عن التفكير فى الخلفه وتحققىذاتك
افضلي معاه بس اطلعي من بيت العيله وعيشي انتي وجوزك في سلام حتى لو ربنا مش رايد الخلفه ليكوا ويمكن لعل وعسى لما تغير البيت يتغير الحال.. تغيير العتب زي مابيقولوا بيغير حاجات كتير وربنا يكرمها بالذريه الصالحه
مش كل اللي خلفوا مرتاحين . هما يعنى اللى خلفوا خدوا إيه دا إللى عنده عيل ف الزمن ده عايز يصربه الرضا بالمقسوم عباده وإنك تلاقى راجل يحبك و يصونك نعمه كبيره وإن علمتم ما فالغيب اخترتم الواقع
صلي وادعى ريي لا تذرني فردا وانت خير الوارثين كملى معاه علشان ممكن تتجوزى حد تانى ومتخلفيش انا اعرف واحد كان متجوظ واحده بيجبها اوى والدكاتره قالوا انه مش بيخلف والبنت اطلقت قالت عاوزة اخلف بنت عمه اتجوزته وقالت له انا بحبك ومش مهم اخلف اتجوزها وسبحان الله خلفوا طفلين