إشترك وفعل التنبيهات في قناة المصمم زياد العتيبي الرسمية للحصول على الجديد
بدر بنيدر | كلمات محمد غازي التوم - لو تنشد عتيبة ومطير (حصرياً) | 2024
حفل زواج : وليد شاهر الفضيلي الشمري
كلمات : محمد غازي التوم
اداء : بدر بنيدر
تصميم : زياد العتيبي
لمتابعة المصمم زياد العتيبي عبر التواصل الإجتماعي:)
bio.site/Ziyad...
الكلمات :
يامطفف الكيل قدامك عذاب و سعير
حقوق خلق الله الله وحده اولابها
الرجل يتعب لجل سمعة و صيتٍ شهير
حتى لو إن الظروف تحدد انيابها
والشاعر اللي غني عن الكلام الكثير
وجزال الابيات متعلي بمرقابها
ماهو بساعي ورى شهره و مالٍ وفير
يسعى ورى ونعم لين يكحل اهدابها
من يحسب التوم مرتاح و ماعنده ضمير
التوم من عزوةٍ ماتجحد القابها
اسوقها سوق ماعندي صغير و كبير
يوم الرياجيل لا اسمي تحسب حسابها
اكافح الوقت من يومني عمري صغير
واقول الايام حلوه يوم نشقابها
واغض طرفي عن اللي طرفها مستثير
لو كنت شاعر كبير و خاطف إعجابها
ابعدت يوم الهوى والعشق واقع مرير
أثر الهوى الناس تبلابه و يبلابها
و الشعر خلد ابو الطيب و خلد جرير
و الحبك و السبك وهبه نعرف اصحابها
و الشاعر الفذ لا من صار شاعر قدير
بيوت الامداح لازم يعرف ذيابها
مايمدح الا كفو لا جاء المقام الكبير
يطمع بفزعة يمينه و يتهقوابها
يا عيال شاهر شهر طاريكم من الاخير
بالسيرة اللي دفعتوا قيمة أتعابها
قدمكم الفعل بين الناس و الفعل غير
دايم دواوينكم مفتوحه ابوابها
لو تنشد عتيبه الهيلا و تنشد مطير
معامق الطيب ماحدٍ يجحد انسابها
من عادة البشت يزهى فوق متن الامير
ووليد امير المواقف و اطيب اربابها
في محلفه كل طيب راس حث المسير
ترثة هل الطيب ماينمل ترحابها
مجملين الطنايا كان صاح النذير
وشمر قبيلة كرم و المدح يزهابها
شمر فخر للخوي شمر ملاذ الكسير
قبيلةٍ فالمفاخر تفتل اشنابها
امجادهم مالها فوق الثريا نظير
بالحال يتعب معددها و كتابها
ماعندهم غير لا يابعد حيي يصير
وقت اللزز يرخصون الروح لأحبابها
7 сен 2024