برنامج شاي لبن | مع مصطفي النعيم | الحلقة الثالثة | الاء المبارك - مقدمة برامج 

حقيقي الحلقه دي بتخليك تعرف انو الزول بظهر الجانب الدايرو من حياتو انا من الناس الكنتا بعتقد انو الاء دي راسا فاضي ومدلعه لكن كلاما والمفردات المختاره فاللقاء والقوه في انها كانت ما موضحه اي شي من دا وانها زوله ضحوكه والموقف ال مع والدتها الادقت فيهو بوريك قدر شنو هي بسيطه والفي قلبها على لسانا وببتعامل باريحيه وعجبني جداً ايمانك بربنا فوق جمال الخلقه اخلاق انطبقت عليك ربنا يكون معاك ويقويك ويديك الفي مرادك و مصطفى شكراً جداً على الرقي ف انك تدي الضيف مساحتو ع عكس اغلب البرامج السودانيه الما بدي الضيف حقو ف الاسترسال وابداء الرأي والافكار مرتبه ومتسلسله بشكل ممتع وتعقيبك بعد ما الضيف يخلص كلامو بمثابه وضعك لنقاط على الحروف👏🏾.

المذيع متمكن جدا اول مرة اشوفو والله واجهة ممتازة للسودان مفروض يكون عالمي

اعترف إني كنت ظالماك وحكمة عليك من كلام الناس حقيقي طلعتي إنسانه جميلة قلباً وقالباً ربنا يسعدك ويجبر بي خاطرك❤️❤️

سبحان الله طلعت انسانه نظيفه من جواها ملهمه ربنا يجبر بخاطرك.. فعلا اسمع من الزول م تسمع عنو

بعيدا عن الاعلام والفكره الكنا ماخدنها عنك ي الاء صراحه بعد الحلقه لقيتك انسانه فاهمه شديد وطيبه ومثقفه انسانه بمعنى الكلمة كده قدرتي تعكسي صوره عنك م كانت واضحه لي ناس كتيره بنقول ليك ربنا يوفقك ويقويك ويديك ألفي بالك

حرفياً ألاء المبارك بكتني شديد... ربنا يحنن قلب ابوك عليكم... ويرحم ابوي يارب العالمين... وانتي احن مخلوق وكلامك كلو إيجابي جدا ومحفز لحاجات كتيره تخصني.. ربنا يوفقك ومن نجاح لنجاح.. إن شاء الله يارب العالمين اي زول شاغل بالو بيك ربنا يهدي ويشغل نفسو بنفسو... تحياتي ليك يا انسانه بمعنى الكلمه

الاء شخصية تانية جدا تحس جوااها كلام كتير اذا وجدت البيستمع ليها من الحلقة عكست مفاهيم كتيرة عنك #فكوني بخير😍❤

م شايفه زول اتكلم في الحاجه دي لكن مصطفى النعيم مضيف رائع جداً ومقتدر 👌🏽👌🏽

والله من اجمل الحلقات الحصل الانا شفتها والتحيه بجد للبرنامج ولي مقدم البرنامج ولي الضيوووف والتفاصيل بتاعته حقيقه حاجه مشرفه جدا

تجربة الاء مكررة عند كتير من البنات ..حتما" ح تأثر في حياتها المستقبلي.. فقد الأب شي صعب جدا"..ربنا يحنن قلب ابوكم عليكم ..

حب كبير لكل ام بقت سند لأولادها وبقت الام و الأب و الحبيبة القريبة و حب كبييير لأمي👍🏻♥️♥️♥️🙇🏼‍♀️

بكيتني والله ي الاء ربنا يسعدك ويسندك...المذيع رايع وبسمع بكل صدق بالتوفيق 💜

ربنا يجبر بخاطرك يا الاء شايلة في قلبك كتير.. الدنيا دي ما هينة عايزة صبر جد يعني و ماف زول مرتاح 🥺♥️

حقيقي الاء دي جميله والبقول غير كدا مريض❤️❤️❤️❤️❤️

المذيع جميل جدا جدا ودواخله باينه علي تفاصيله وملامحه وعيونه بالجد مذيع يلامس مشاعر الضيف قبل اي شي برافوو عليك مميز جدا والاء زي الورده جميله وتنثر عطرها في كل مكان صعب اوصفها لانها اتعدت مرحله لا وصف في جمال روحها وتفاصيلها ♥️♥️♥️♥️♥️♥️♥️♥️♥️🥺🥺

حلقة حلوة شديد ما عارفة اعبر بس حلقة حقيقية جدا و الاء فعلا حقيقية ربنا يوفقها و يسعدها و يديها ع قدر نيتها

ربنا يجبر بخاطرك ♥️بالججججد انسانه الطف من لطيفه وتستحقي كل حاجه حلوه في الحياه دي♥️ صوتك راحه نفسيه

حرفيا احلي برنامج سوداني يمر علي الهدوء وسياقه الاسئلة وكيفية توصيل الكلام بطريقه لبقه والصوت والصورة ❤️ الإحترام .. الاسئلة البتحسها فعلا اسئلة تتسأل ... عمل جميل جدا وفكرة عظيمة✨✨

بطاقه حب واحترام وتقدير للجميله آلاء المبارك. شكرآ مصطفي النعيم .

البرنامج جميل شديد والضيفه جميله شديد والمذيع اسئلتو حلوه وطبيعيه ومريحه للضيف بتخلي يحكي وهو مرتاح بجد برنامج حلووووو

انشاء الله ابوك يكون سمع الحلقه دي وربنا يجمعكم مع بعض

حقيقة المابعرفك بجهلك انتي مفهومك عالي جداً للحياة رحم الله امرئا عرف قدر نفسه

ياخ حرام عليكم ي عالم ليه الهجوم الزايد عن حده لي البنت دي والله اول مره اسمع منك عنك انتي انسانه طيبانه وقلبك ابيض عكس الهجوم الكاسح تجاهك دا ،ختوك في هموم واستريس إنتي م عندك فيه ذنب، ليه نحنا بقينا كدا ي ناس ليه ي سوشل ميديا عشان ربنا زينها في الدنيا دي ولا شنو ؟🤔 ريحو البنت دي الله يرضى عليكم كفايه والله القبينه والخزلان تحس بيه في عيونها نصيحتي ليك ي الاء ديري بالك ع حالك وربنا يحفظك،🙏

الاء بجد جبر خاطر و الحلقه دي غيرت فيني حاجات كتيره شديد ي الاء😭😭😭

امك ماقصرت فيكم وللان بتديكم ربنا يحفظه ويطول عمرها ويهدي قلبو ليك ولاختك

ياخ والله انته احلى زول ومقدم وربنا يزيدك وبالنسبه لي لوشي ربنا يحفظ ليها امها ويطول عمرها وتكون دائما سند ليها لان وصلته لى مراحل جميله وبعيده ويحفظ جميع الامهات الضحو عشان اولادهم الاب صح سند وكل شخص يحتاج للسند دا♥لاكن ما اي اب يستحق الابوه ربنا يقويك

الله عليك يا مصطفى النعيم مبدع دائما وضيوفك دائما رائعين صراحه

كنت دايم اشوفك قويه من غير ما اعرف عنك شي بس من شخصيتك و اسلوبك وحاليا بع. المقابله عرفت انك فعلا قويه وانك مختلفه ظلموني كثير وقالو عنك كثير بس انتي مالفيتي عليهم ولا رديتي احيكي من كل قلبي الله يوفقك ويسعد قلبك واشوفك دايم مرتاحه يارب ❤️

اداء راااااائع ي مصطفي وبرنامج ظريف جدا اطروحات بكل سلاسه من خلاله يقدر المضيف يعرف نفسه من جديد وطريقة الحوار حاجه ف منتهي الجمال........ آلاء المبارك او كما عرفناك ب لوشي.....!! بدايه ان شاءالله ربنا يجبر بخاطر زي م ساعيه بين الناس جابره للخواطر.... حقيقه من خلال الحوار اتضح لي انو دواخلك جميله شديد وانسانه قلبك ابيض وبكدا انتي ف خط الامان مع الخالق !!! الكهره الحوليك دا لانك انسانه محبوبه وناجحه ف حياتك وم تخليه ابدا يوم يغير من شخصيتك او يحطمها!!! تحياتي لك ول الاعلامي جميل الخُلق مصطفي....!! 💛💛

بجد الزول لو ما عاشرتو م تحكم عليو بعد الحلقه دي كل الاحترام ليك واعفي لينا 💕

بت عسل جدا جدا جدا رغم العوالق الحولها والمؤامرات والاكاذيب لكنك تعبتي وصنعتي نفسك بنفسك ووصلتي للإتمني تصليهو فهنيئاً لك وموفقه وكل الحب ليكي ان شاء الله ❤️ ❤️

لقاء جميل .الاء حسيتك تلقائية لأول مرة .ربنا يقويكم ويخليكم لبعض .كل شي لخير .فعلا" فقد الوالد وهو عايش صعب .

حقيقي انتي عظيمه كل مرة بحضر الحلقه بفخر بيك اكترر ف أنا بحبك شديد ❤❤❤

بكتني معها والله ربنا يجبر خاطرك ي رب 🥺😭😭😭

انسانه متواضعه . ومحرومه من حنان الأب ربنا يعوضك !!!!!!!!!!!!!!!!!!!!!!!!!!!!!!!!!!!!!!!!!!!!!!!؟؟؟؟؟؟؟؟؟؟؟؟؟؟؟

ياسلام ياخ الحلقة دى برغم الحزن والشجن الماليها الا انها عرفتنى على حقيقة هذه الانسة بالجد انسانة نظيفة ومثقفة وطيوبة شديد ربنا يسعدك يا الاء المبارك

اول مره احضر البرنامج و اعرفو برنامج ناجح جميل مكان التصوير جميل شديد و طريقه القعده حلوة شديد بالتوفيق ♥️♥️♥️

اول لقاء تتكلمي تمام وبثقه والحلو اكتر كل ماليك بتتعلمي مزيد من التقدم والنجاح

الأ الجوهر .... كونتو شخصية بي مظهرا وانصدمتو بي جوهرا ونقاهاااا... احترمك جدا يا الا ...شكرا ليك ...وانتي سودانية

رهيبه جداً ❤

يا الله من المتعه وانا بحضر الحلقه والبرنامج نفسو جميل واللي جذبني شاي لبن والله العظيم كنت بشرب فيهو بالصدفه وحضرت البرنامج لاول مره... ياسلام سمحه الصدف فعلاااا لكي كل الاحترام والتقدير والحووب الاء ولك كل الشكر والاحترام والتقدير والحووب اخ مصطفي النعيم

الاء انتي قوية خليك زي ما انتي ربنا يسعدك امانتا بالمثل البقول كلنا نملك نفس العيون ولكن لا نملك نفس النظرة بتمني تلقي الشريك اليعوضك عن كل وجع ضقتيهو وتكملي معاهو باقي حياتك ما تهتمي بالردم ربنا يوفقك

جميلة وراقية ودبلوماسية

ي الله ع جماااااااال المذيع وتمكنه من الحوار 💙💙💙💙💙💙💙💙💙

لقاء جميل وشيق الضيف والمضيف رائعين 👌

انا حبيبتك جداََ بعد الحلقة دي يا الاء ❤️❤️❤️❤️❤️ حسيت نفسي فيك وحسيت كانو انا البتكلم حسيت انو الالمنا واحدة ❤️❤️❤️ وبتمني في يوم انتو نتخطا النقطة النحن عايشين فيها دي ❤️❤️❤️❤️❤️

يا سلام ياخ حلقة جميلة شديد يا استاذ مصطفي والإعلامية الرائعة الاء المبارك بصراحة ناس كتير حتغير وجه نظرها فيك بعد الحلقة دي ربنا يقويك

بحبك يا ابنتي الله يحفظكم جميعا أبنائي وبناتي بكل بيت سوداني اصيل

انسانه بسيطه طيبة قلبها ابيض

بسم الله مشاء الله . ولد لاكن اول مرة احس انوو بنت تكون قدوة لي شكراً تيم شاي لبن

والله المشاكل الاسرية جزء من الحياة وشى مؤلم في نفوس الاطفال. وتصير جرح وألم عندما نكبر، بس يا حبذا لو البرامج دي تنأي عن الاسئلة التي تمس التفاصيل الدقيقة في امور الأُسَر لكي لا تثير احزان عميقة عند المستضاف. ربنا يعينك يا بنتي علي كل الألم الحاملاهو في صدرك. ، ربنا يوفقك

انا بحضر ف الحلقه وبقول يا الله ماتخلص سريع الحلقه ممتعه وغيرت افكار كثيره عن الاء زوله حلوه من بره وجوه والمذيع كمان رايق واسئله سلسله

الاء المبارك انسانه بسيطه جدا وفعلا بتحب الناس انا عرفتها من خلال معاملتها للماس حولها في الشغل مع والدتها وبساطتها وهدوئها قبل حتى ما تشتهر زوله جميله قلبا وقالبا ربنا يحفظها ويكفيها شر خلقه

عجبتني الحلقه شديد المقدم راقي ومثقف وواضح والاء بالجد اتاثرت ليك شديد البت دي فاهمه شديد♥️ لك الحب♥️❤️

ربنا يشفيكي ياختي ويجبر بخاطرك زي ما جبرتي بخاطرنا حقيقي حبيت البرنامج 🥰 من اكتر البرامج البكتني في يوتيوب 😔 برنامج شاي لبن التحية لمصطفى النعيم بالصدفة لقيت انو موجود في قائمة الاصدقاء عندي دون سابق معرفة ❤

كل الجمال❤️❤️ برنامج ف قمة الروعة شكراً مصطفى النعيم والاء ربنا يسعدك ان شاء الله ويبعد عنك المؤذيين

الاء شخصيتك 90 نفس شخصيتي♥️بس انا زوله عاطله وما مشهوره 😂😂😂😂 بس عمري ما اتنمرت عليك ولا على اي زول مشهور الحمد لله ❤️❤️❤️

ربنا يجبر بخاطرك

حلقه حلوه زي حلاوة ابتسامتك الوراها كلام كتييير دي الله يسعدك ويوفقك ونشوفك دايماً زي ما انتي قويه وناجحه وحلوه ومميزه ويبعد عن طريقك اي اذي ومكروه ؛قلوب كتييييره ليك💕

من بعد الحلقه دي حبيتها خلاص😭

المذيع راقي جدا واعطى الضيفه مساحه الحديث و الراحه في الاسترسال ❤

ربنا يجبر بخاطرك ويجمع بينكم ويهدي النفوس وموفقه في حياتك

ياااخ لوشي طلعت انسانه عظيمه جداً والله وناضجه وشخصيتها عظيمه وعفويه وعايشه في تفاصيل صعبه شديد ورغم دا متماسكه وقويه وايجابيه والحلقه دي بينت لينا إنه م نحكم ع زول من الشكل الظاهر لانه نفس الشخص دا بكون عايش في ضغوطات وحياه معقده وصعبه وكلها استفهامات ومن هنا بعتذر لي لوشي ع اي كلمه قلتها فيها و اي اعتقاد خاطئ في حقها و التحيه ليك ي مصطفى يااخ ع البرنامج العظيم دا وموفق دائماً إن شاء الله ❤️ حب وسلام وتحيه واحترام ❤️

قلبتى على المواجع ياخ بجد الحاجه دي م ح يحس بيها الا العايشها و انا كمان ابوى فات من بدرى و خلانا و نحن صغار ربنا يدي امي العافيه ربت و كبرت و علمت و اندرشت انا بجد شايفاها محاربة حاربت من غير شهادات ولا عندها زول سندها اشتغلت فى السوق اكل و مطعم و بنصحى من الأذان الأول دي بجد محاربة و قويه جدا و انا ممتنه و مقدرة ده جدا و الحمد لله اشتغلت و ربنا يقدرني اعوضها و لو القليل لكن بجد ما قادره ارتبط و اتزوج خايفه جدا بخلق حجج و كل م يقرب موضوع زواج بخاف و بفتش حجج و اعزار الاء لمن بتتكلم حسيتها بتحكي عنى في موضوع فراق الأب ده

حلقة ممتعة جدا ومزيع راقي جدا في طرح الأسئلة والاء زولة راقية جدا وكانت بسيطة وربنا يجبر خاطرك

حبيت آلاء جدا بعد الحلقة دي حكت ونبهت على حاجات كتير ممكن الناس ما ينتبهو ليها وهم بيحكمو ع العالم اللي قدامها، all thanks ♥️♥️..

برنامج جميل وخفيف الفكره حلوه بالتوفيق .. الناس العفوين دائما بتأذوا كتير فى حياتهم شخصيه واعيه ومتواضعه يا الاء ربنا يجبر بخاطرك 🌹

الاء انت انسانة جميلة واحلي حاجة فيك انك متصالحة مع نفسك ربنا يوفقك

انتو عارفين نحنا مشكلتنا في السودان شنو ناس انطباعيين جدا وبنشيل الكلام من أفواه الاخرين ياخ اسمعو سيد الوجعه زاتو ليه تسمعو من الغير ليه تفطعو وتنمو في الزول وتقولو ماقالو عنو كدا ممكن الزول يكون هدا قدام عينك كعب بس لو قعدت معاهو تلقاهو احسن زول والعكس صحيح يعني مثلا انا زوله انطوائيه جدا بحب الوحده وبحب اقعد براي برغم انو لو الزول عرفني اجتماعيه جدا وبحب الناس وفي نفس الوقت مختصره نفسي من وانا بت لحدي ما اتزوجت وبقيت نيو مام ياما قالو مفتريه ومحرجه برغم انو ماف زول قدر سمع صوتي ده زاتو عامل كيف الله يسلمك يالوشي من كل شر

الاء ربنا يجبر بخاطرك. ياااااارب مصطفي. ربنا يوفقك. ان شاءالله برنامج جميل جدااا♥♥♥♥

يا سلام يا الاء كده انت بصفاءك ده صححتي كتير ولأول مره في حياتي أتابعك

حلقة حلوة شديد والمزيع زول راقي جدا

حببييبت الحلقه شديد وربنا يجبر بخاطرها زي م هي بتجبر خاطر النااس😍😍😍وفستانك حلوو جدااااا❤

برنامج جميل وطريقه حوارك راقيه جداي مصطفى ..شكرا ي الاء انك وريتينى الجانب دا من حياتك ..جانب قوي واجه الكتير من المشاكل والمتاعب في حياته بس قدر يتخطاها..بتمناليك التوفيق والنجاح

ربنا يجبرك خاطرك😭😭😭

حرفيياا بكيتيني معاك الله يجبر بخاطرك ي رب

انا بجد بحترمك برغم أخطاءك وكنت شايفك انسانه غير مسؤوله ولكن مع مرور الزمن اصبحتي انسانه ناضجه جدا والله انتي بت شجاعه بكل تفاصيل حياتك الصعبه ربنا يصلح حالك وانشاء الله ربنا يهديكي واتمني من كل قلبي انك ترتدي الحجاب وتبعدي من عالم الاعلام لانو فيهو ضرائب صعبه ربنا يعينك ونسمع عنك كل خير ويصلح حالك

ياخ واصلة درجة وعيي م طبيعية زاتو♥️♥️♥️♥️🥀

الاء انتي بالجد زوله حنينه وراقيه شديد وانا واحده من الناس الاتعاملت معاك كذا مره ولقيتك انتي شخصيه مختلفه وقوووييه شديييد كوني بخيير يا جابره الخواطر😊

برنامج حلوه شديد الاء زوله طيب وأنا بتمنى ليكون التوفيق

ياخ كل يوم بشوف الحلقة انتو الاتنين حلوين💗💗💗💗💗💗💗💗

بكيت كتير شديد💔، أنا بحبك يا آلاء من زمان وهسي حبيتك زيادة وربي يسعدك ويجبرك ويوفقك دائماًوأبداً♥️،حلقة لذيذة ومقدم ممتاز كل الحب🔥

ربنا يوفقك يا آلا انتي رايعة وكونو تعطي من غير مقابل اكيد ربنا بعوضك بالأفضل واحسن واتمنى ليك سعادة وراحة بال في كل تفاصيلك القادمة

ربنا يجبر بخاطرك و يسعدك🌷

حلقه ممتعه جدا والاء رايقه ومثقفه شدديد ظلموها وربي يحنن قلب ابوك ويهديه

حلقه جميله جدا اتمني ليك الاء كل السعاده في الدنيا والآخرة وكمان للمزيع المتمكن

والله احلى برنامج ممكن الزول يحضرو بنفس💛💛🍃

سبحان الله كل الحب الاء بالجد انتي انسانة

ياحليلا ياخ والله بكتني وطلعت مسكينه وفاهمه ماشاء الله عليها ❤️😍

ربنا يسعدك الاء

المذيع اسلوبو رايق وطريقتو جميله ماشاءالله اولا تاني حرفيا شخصيتك عكس التوقعات والاحكام الحايمه حولها، ابسط من كل التعقيد اللي اي زول متوقعو ❤❤ماشاالله

الاء ربنا يجبر بخاطرك ياااااااارب العالمين 💙💙💙💙💙💙وحب كبييير لييك 💙

آلاء المبارك شخصية لم التقيها قط في حياتي ولكن تابعتها من خلال السوشال ميديا منذ زمن والإعلام التقليدي حاليا ، هي شخصية عفوية جدا ، مثقفة ، نقية و نظيفة لأبعد حد ، مشكلتها الوحيدة انها تعيش في مجتمع تقليدي و متخلف ، ومتخلف مش كلمة وحشة ، متخلف انك غير قادر على التطور ، والتطور شيء طبيعي طالما في ، اليوم و بكره وبعد بكره ، واكتشفت أيضا انو آلاء مثالية ، سودانية مثقفة عاطفية للحد البعيد ، قوية ، صامده في وجه التنمر الغير مبرر ، هذا بلإضافة الي انها حلوة ولذيذة ومثيرة ربنا يديها الصحة والعافية وود الحلال الي يسعدها ،. Much love to you lousy

حلقاء جميله والاء إنسانه طيبه شديد والله. ومقدم البرنامج اجمل وأطيب

ربنا يجبر بخاطرك يا انتي غيرتي مفاهيم كتير من الناس والله

الاء ربنا يجبر بخاطرك ويحنن قلب ابوكي عليك ❤️

يا الله ❤❤❤❤ حبيبتي ربنا يسعدك و يجبر خاطرك و يحفظك و يحميك يااااا رب بكيتيني والله دائما رددي اللهم اني استودعك نفسي و كل من أحب.. ربنا ح يحفظك من كل شر بحوله و قوته حبيبتي ❤❤❤

اول مره استمتع بي برنامج والله وبخلي الضيف مرتاح في الكلام واقول الجواهو بكل اريحيه شكرا ليك ي غالي

فعلا ياألاء إنتي انسانه قلبك ابيض وحياه من غير سند متعبة شديد بس بتمر بس كمان ربنا دائما بعوضنا بحاجات جميله تنسينا قسوة الدنيا انتي ربنا عوضك بمحبت الناس ليك ودي نعمه كبيرة طبعا موفقه يارب ومصطفي نعيم البرنامج جميل شديده وبظهر الشخصيات من غير فلاتر بشخصياتهم الحقيقه يارب النجاح ليك أكتر وأكتر

الاء المبارك ،، انتى جميله برا وجوه،، علمتك الحياه حتى اصبحتى انتى من تتكأ الحياه عليه وليس العكس ،، الحاسدون والناقدون والحاقدون منحوك شهادة النجاح سلفا وهذا باعتراف سلوكك السلبي تجاهك. كل الاحترام. المدعي ممتاز ويمنح الضيف مساحه واسعه للرد ،، الديكور جميل ومميز واسم البرنامج متفرد ،، النقد الوحيد هو الميكرفون يغطى جزء كبير من وجه الضيف مما يفقدنا التواصل وخصوصا منطقة التواصل الاساسيه( الشفاه) .