الشكر والعرفان لمن اخرج لنا هالحلقات القديمه اللي نقلت تجارب وخبرات وروايات كثير من الرجال اللي عاصرو عهد الملك عبدالعزيز وبداية الدوله السعوديه الثالثه وكانو خير من يروي تلك الحقب بما فيها من أحداث ووقائع ومتغيرات حقيقة أثرت كثير من الجوانب الخفيه بتاريخنا. سبحان الله اتذكر مقدمة هالبرنامج ونا صغير كنت ماحبها لاني لا أفهم هالبرنامج واستثقله والان أحن لتلك الفتره. رحمهم الله رحمة واسعة الضيوف والمذيع وموتانا وموتى المسلمين
الأوليين تعبيرهم مميز واسلوبهم جميل في الحديث ودقيقين في الوصف وكأنه تلفزيون تشاهدوه بتفاصيل مشاهدة الله يرحم المسلمين جميعا ويغفر لهم ما قدموا وأخروا اللهم آمين
رحم الله الشيخ علي السكران والمذيع ، قصص جميله وموثقه وتاريخيه ياليت كان المذيع عمل مقابلات معه ومع بقية المعاصرين لتلك الحقبه ، تلفزيون الكويت ابدع في المقابلات مع معاصري الملك عبدالعزيز والشيخ مبارك وجابر الصباح
يالله ياشعور انك تشوف لقاء لاشخاص يضحكون ويسولفون وهم الان تحت التراب . شعور غريب ويمغص البطن ان الدنيا ماتسوى شي وكنها فعلا حلوم ليل . الله يرحمهم ويسكنهم فسيح جناته .. الراويه علي فهد السكران كنت اتمنى ان فيه حلقات كثيره معه او اشرطه تحفظ تاريخه الشفوي العظيم واللي يوثق لمراحل تاسيس وتوحيد المملكه .. هذا التاريخ الشفوي هو اللي حفظ لنا القصيد والامثال والقصص من الالاف السنين الى وقت ظهور التقنيه الحديثه .. تابعت الحلقه اكثر من مره وكل مره اتعلم شيء جديد .. ياحلو لهجته النجديه الجميله والبسيطه والمليانه معاني ومفردات نجديه بحته .. الله يرحمه ويتجاوز عنه .. اللي يحب سواليف الشيبان لازم يشوفها ويسمعها لكبير سن عنده
الله يرحمهم جميع ويغفر لهم ويتجاوز عنهم ، انا اختلف معك في أمر المقدم الذي لم يحسن ادارة الحوار بشكل جيد فكم مره قاطع الضيف ولم يجغله يكمل كلامه وايضا أسالته لم تكن ذات تسلسل تاريخي حتى يعين الضيف على سرد الاحداث كما ينبعي. عفى الله عني وعنهم.
الجالسون على هواتفهم نصف دقيقه فقط🖤 - سبحان الله(٣مرات) -الحمدلله(٣مرات) -لااله الا الله(٣مرات) -الله اكبر(٣مرات) -استغفرالله(٣مرات) -لاحول ولا قوة الا بالله (٣مرات) -استغفر الله العلي العظيم واتوب إليه (٣مرات) سبحان الله وبحمدة❤️ سبحان الله العظيم❤️ -اللهم صلِ وسلم على نبينا محمد (٣مرات
كلام شايب اعجبني جدا جدا وبيض الله وجه من نشر مقطع الشايب يعلمنا تاريخ الملك عبد العزيز وكيف كانت نجد صحيح أني أعدة المقطع كم مره ولَم أمل من سوالف هاذا شايب رحم الله الملك عبد العزيز والجميع
ما شاء الله عليه على هل ذاكره الطيبه ، قص السوالف وعمره اظن فوق ال90 وماعندهم الا الصدق بسوالفهم ، وما يذكرون العرب الا بالطيب هذه اخلاقهم كانت وعند الي يفهمون ، ادب واخلاق ، الله يرحم ويغفر من مات .
الله ما احلى الرجال ... شوف كيف الدين عندهم عندما اكل عند المضياف ابن مشوح وش قال لولا الفذتين اللي في فمي كان ذبحتك بالندق.... شيوخ وكوارث ولكن مخافة الله عندهم عظيمه..
هذولا طيور شلوى الضيف له حق والجار له حق والعاني له حق والوجه له حق تب ابطال وصناديد مافيهم كلام الله يرحمهم جميعا الجزيره العربية فيها رجال اشاوس خصوصا الماضين لانهم في قل وخوف ولكن رجال وفيهم دين وسلوم ومذاهب.
اشكرك يصاحب القناة على اختيارك لكل ماينفع الجميع وكل سعودي يطلع على علوم الاولين وهالقصص العضيمه الله يرحم الملك عبدالعزيز ويرحم كل الجميع عساهم في الجنه الله المستعان راحو جيلا وراجيل ودي اعرف القصه متى صارت المقابله عام متى
الله يرحمه ويرحمنا ويرحم امواتنا و اموات المسلمين… سبق ان جلست "اصب" له القهوة و الشاهي هو و بقية جماعة "الراتب"-الدورية بعد صلاة العشاء. تسرح معه في سرده-كأنك ترى الاحداث- لوقائع تاريخية بصوته الخافت. كان ذلك اول السبعينات الميلادية.
الله يرحمهم ويسكنهم الجنة وموتانا وموتى المسلمين مقابلة شيّقه ومفيده وكم الصدق فيها احسه كبير الا انها تحتاج للمونتاج فهناك مفردات قيلت بحسن نية الا انها لاتليق ولا يصح بعضها
الله يغفر له ويرحمه ووالدينا روايه قدير ومعتدل وصادق وعفوي وملم بكل شي هذى هو الراويه بكل ما تعنيه كلمة راويه رحمك الله ياعلي بن فهد السكران رحمة واسعه فانت تاريخ عظيم وموسوعة تاريخيه متحركه
في نهاية الحديث الذي انتصر ووحد البلد هو قدرة الله سبحانه والملك عبد العزيز الذى كان عندة عزم وطول بال وصدق ورجل دولة ومرحلة وانسان نبيل نعم من هامات العرب الكبرى ربيعة والله يحفظ السعوديه وآل سعود
ههههههههههخ قبل أكثر من اربعين سنة .. وما أعجبوه شباب ذاك الوقت . الله يرحمه ليته يجي ويشوف هالحين😂😂 عالعموم .. مقابلة ممتعة جداً وسوالفه ماتنمل الله يجعله ووالدي بجنات النعيم وجميع اموات المسلمين
رحم اللة هذ الرجل العظيم علي السكران . من خيرت الرجال . يتكلم بكل صدق وحقيقة . رجل التاريخ والقصص عن توحيد المملكة العربية السعودية على المؤسس الملك عبدالعزيز طيب اللة ثراها .
الله يرحمه من الرجال الاولين اهل الدين والمروه والصدق والامانه صريحين مايقولون الا الصحيح حتي لوكانت عليهم وسبحان الله لهجته وهو حضري تختلف عن لهجت الحضر الان كانها لهجت بدوي هاذا دليل علي ان اهل نجد لهجتهم وحده حتي مفرداته وطريقة كلامه مافيه فرق ابد اما الان تغيرت صار فيه فرق
@@user-pd9df8nx6j البدو ما يفهمون ذا الشيء البدوي وان كان يأكل ويشرب معك فهو في كوكب آخر ما يخالط غير عيال عمه .. عندهم الحضر واحد ويظنون انهم هم فقط القبايل.
الرجل هذا رحمه الله مواليد 1318هجري قبل فتح الرياض بعام ويوم وقعه الحسا كان عمره 13عام يعني عاصر كل مارواه ويرري من قلب المعركه مو بعيد عنها القصه تصير في الصبح يسمعها في الليل ويحفظها من الناس الي مشاركين في الوقعه لانهم في محيط قريب من بعض هو مو من الحجاز او اليمن هو من القصيم قلب الأحداث اللتي يرويها واختاروه لانه راوي وذكي واسلوبه في السرد جميل ممكن لو اختارو شخص شارك في المعركه مثل ماعمل تلفزيون الكويت مع بعض الفرسان ما استفدنا شي من سردهم لازم تسأله عن كل شي بالتفصيل ولكن هذا الرجل يسرد القصه كامله مع الحوار الي دار بينهم وهذا لانه يسمع من الكل عكس من يكون في قلب الحدث ينسى بعض الأحداث وياليت عملو معه اكثر من حلقه
قصيدة القهوة للشيخ هايس ابن ثلاب المجلاد الدهمشي العنزي وكانت موجهه لجاره الشاعر ذياب ابن رميزان الشملاني العنزي الله يرحم الجميع ويغفر لهم ويرحم اموات المسلمين
الله يرحمه ويغفر له ونعم بأسرة السكران من الوهبه من بني تميم رجل صدوق جداً سأله المذيع هل غزيت؟ قال بكل صدق مالوحت بالشداد. هذا الأدب وهذا الصدق الله يرحمه لسانه نجدي ولغة نجد الأصيلة تختلف عن بعض القبائل التي سكنت نجد.
أبو حسان العنزي محد يقدر يكذب لانه لو كذب الناس ماتخليه و اي شخص يخطي او عنده امور ماهي طيبة مايرحمونه يتناقلون اخباره و القصيد اللي قيل فيه الى يوم الدين لذلك الناس في السابق حريصة على السمعة
@@imforme1 هذا اخر زمن الطيبيين قبل 45 سنة وليس الان شايب عمره 80 يقول اتذكر سنة الجوع😂 الحين حتى الشيبان ما يذكرون زمن الأولين كلهم ولدو بعد النفط و السيارات
المذيع الدكتور عبدالرحمن الشبيلي عضو مجلس الشوري وكان وكيل وزارة الاعلام ومن مؤسسي التلفزيون السعودي من انبل الناس وهو مثقف معروف توفي في حادث في باريس رحمه الله
الجبيل كان اسمها بو عينين على عشيرة بو عينين الشهيره وهم من من بني حنظلة من تميم والعايلة معروفة في المنطقة الشرقية وفي قطر واقطعهم الامام فيصل بن تركي ال سعود الدمام نظير حروبهم معه ضد خصومة وهم من اول من سكنها واكثر بني تميم اليوم من العوائل المتحظره واهل العلم والتجاره وفيهم من اهل البادية قليل
والله لو ما قريت اسمه الأخير ل اقول انه عتيبي ماشاء الله يذكرني بسوالف جدي وشيباننا بشكل عام واضح انه اكل وشرب مع العتبان لمدة ليست بسيطة الله يرحمه ويغفر له ويسكنه الجنه ❤️
هذي لهجة اهل الوشم بشكل عام يخوي وانا من بني زيد ولهجة شيبان نجد هذي هي لكن من تالي اللهجه البيضا سادت اسهل فهم وواضحه للجميع ولا شيبان الوشم واهل قراها هذي لهجتهم للحين
