انا اتابعه من فتره طويله / ثواب السبيعي والنعم مليون طبعاً هو يحضر الدكتوراه حسب ما فهمت لكن ما عمره هايط ونظر علينا عنده كم لغه غير الانجليزيه الي يتقنها بطلاقه ومع ذلك يتحدث لنا بلغة الأم وبلهجته البدويه الجميله ( اللهم زده علما نافع وأنفع به واجعله من عبادك الصالحين المصلحين وشباب المسلمين )
مسفر القحطاني حرام عليك ليس كل مشهور حثالة .. صراحة فيه مشاهير يفرضوون احترامهم عليك .. مثل ثنيان خالد / فيصل السيف / ثواب السبيعي / احمد الشقيري / وفيه وفيه وفيه .. بس م تحضرني الاسماء حالياً .. صحيح النسبة الاكبر مشاهير الفلس م عندهم شي يقدمونه ولكن فيه ناس فيها خير وبركة
اخ طارق لابد تبحث وتدرس عن ضيفك قبل ماتستضيفه.... مثل هذا اللقاء لابد ان تعلم ان الرجل الذي امامك رجل مثقف و رزين ولديه محتوى جميل ومشرف لكل عربي ومسلم في كل الدول اللي يزورها يعني بعض التعليقات والمزح اللي مو محله يحرجه ويجعل موقفك كمقدم غير جيد. تحياتي
سائح تيوب شخص راقي جدا طارق الحربي مايخلي حركاته. يوم قال تروح ل اماكن فيها صخب اليل عيب عليك تقول لشخص مثل سائح تيوب هالكلام. ارتق بكلامك. اصلن ما اتابع برنامجك. بس شفتك مستضيف الجميل دخلت وشفت الحلقه ♥️
بعيدا عن العنصرية انا رجل بدوي من الشمال مبسوط في هذا الرجل محافظ على لهجتة الاصلية اغلب بدونا الله يصلحهم اذا اشتهر يقلب لهجته قلب عكس اخوانا الحضر القصيمي يتكلم بلهجتة الحجازي كذلك وبالاخير اي شخص سعودي محتواه جيد ومحافظ يمثلنا جميعا بدو وحضر ❤🇸🇦❤
ليت تعرف شي بسيط اخوي الشمالي ترا الرجال ذا ثواب السبيعي حجازي من محافظة الخرمه التابعه لمنطقة مكه المكرمة وانا حجازي من محافظة مهد الذهب التابعه لمنطقه المدينه المنورة ولكن اعيش بجدة منذ ولادتي فيها ، الي ابيك تعرفه الحجاز كله قبائل والمجنسون والوافدون للحجاز هذي هي لهجتهم هم التي اتو بها اجدادهم من انحاء بلاد العالم ولا تمت للحجاز ب أي صلة فنحن اهل الحجاز لهجتنا ولغتنا عربيه ومخارج حروفنا صحيحه ويكفي أن القران نزل عربي في مكة المكرمة ملخص كلامي أن الحجاز قبائل عربيه وليس كما تتصورون او كما يصور لكم الاعلام الكاذب .
كل الشكر لطارق على استضافة سائح تيوب الي يمثل السعودية والعرب والاسلام خير تمثيل ، غير ذلك الرجل هذا من الناس الي لها مبادئ وقيم وممتع في كل فيديوهات ، يعجبني في اختياراته لدول ولتوجهه الفكري ، الله ينفع بك ياثواب واستمر يابطل 👋🏻.
جاب سيرت بابلو والمافيا ومريكا يتمشابها اي توجهه فكري تسولف عنه خذا سمعته من بابلو مخدرات يزميل فقط شفلك نتفيلكس و خلصنا مافي محتوى غني الصراحه و الله يوفقه مستقبلاً
انا اول ما اشوف هذا الرجل اشغل الفيديو تلقائياً من كثر احترامي وتقدير له لانه وبكل صراحة إنسان محترم ويقدم محتوى مررررررة جميل ومافيه اي مزايدة او مبالغة كل شيء ينقلة كما هو شكراً لك ثواب على هذه الصفات والأخلاق الحميدة #سائح_تيوب
من افضل الناس الي اتابعهم باليوتيوب والسناب استاذ ثواب السبيعي رجل محترم وخلوق وثقافته عاليه بالمختصر محتواه فلم وثائقي يجمعلك جميع تفاصيل المكان الي رايح له❤️👍🏻.
المشهور الوحيد الي تابعته ووجدت عنده محتوى حقيقي إذا قلت محتوى وسناباته ممتعه وغير كذا ماقعد يتميلح ويجيب لك جمل ماتنفهم بالعكس على فطرته ولهجته وعنده كمية علم ماتجدها عند أحد ويتعب عشان متابعينه ويسافر مع ذلك محد من مشاهيرنا دعمه لو انه من طقة أولاو كان ماقعد أحد مادعمه الله يوفقك ياسايح م شاءلله عليه مبدع مبدع مبدع
كان ممكن تطلعون منه بمحتوى افضل من اللي جبتوه لكن الوقت ماحالفكم واختيار الاسئله بسيط الرجل هذا كنز معلومات في التاريخ والسياسه وثقافات الشعوب وكل شي تقريباً لكن تعوضونا بحلقة كامله مع ابو وتين
والله رجل محترم جدًا وخلوق وخجول ومثقف وراقي ومحتواه مثير وممتاز ماشاء الله عليه وهو اللي يستاهل الدعم الكبير والله العظيم مو السخافات والتافهين اللي نشوفهم استمر يابطل👍🏻.
طريق خريص الخجل ماهو عيب والحياء شعبة من الايمان وماهو شي يعيب الرجل اذا كان خجول ويرفع نفسه عن الزلات والكلام اللي ماله داعي وماهو المقصد بكلمة خجول نقص بالرجال لا بالعكس لكن الخجل بحدود معينه يعني يكون رجل يتكلم ياخذ ويعطي وخشن ولكن مثل ماقلت لك يحشم نفسه عن الامور اللي تعيبه وتقلل من قدره بين الناس ارجوا اكون وضحت لك وش اقصد👍🏻
@@طريقخريص فعلا الرجال خجول والبزر طارق مسوي ينكت يوم يقول ما ضيع المبتعثين الا كنكون لاحظ ثواب كيف سلك له ودخل بموضوع ثاني يعني لا تعيد النكته البايخه الي تطلع شبابنا بصوره شينه وهو قبلها يقول مافيه احد بالمكسيك واقليه ومدري ايش وخجل ثواب من قوت وجه طارق يوم يقول النكته المخيسه
ثواب السبيعي شخص يرفع له القبعه شخص محترم ورزين وعنده فكر ومحتوى ،، اشوف" ثواب "يستحق يطلع في قنوات لها صيتها ومقامها اما طارق حابه اقولك خلك مع مشاهير السناب واللحوج الي مامنهم فايده 👌🏽..
للمعلوميه ترى قابل اخو بابلو اسكوبار ولا قعد يتمدح في اللقاء بعض المشاهير يتصور مع فنانه ولا فنان اجنبي يجي يزعجك فيها سنه وش عاد موضوع مثل سفرته لكولومبيا ومقابله بابلو اسكوبار
السلام عليكم هذا السبيعي راقي ومحترم جداً انا اتابعة فلوقاته ممتعة مستحيل تمل منها . وفي الواقع وبكل صراحة مثال مشرف لكل سعودي ومشرف لقبيلتة ونقل صورة جميلة للمسلم وكرم الرجل العربي بختصار يعجز اللسان عن وصفة وتحية اجلال وتقدير من زهراني لكل سبيعي 👍
والله هذا الشخص الي يستحق الشهره من أسلوبه وكلامه المرتب والاحترام الي يناله من الجميع بسبب ثقافته وأسلوبه الراقي .، ياليت شلة جستر ودايلر الي يشوهون سمعة البلد يتعلمون من هذا الشخص الراقي
رجل طيب وهذا خير من يمثل المواطن السعودي الله يوفقك ياثواب وعقبال اكثر. انا من اشد المتابعين لطارق لكن ثواب فرض احترامه غصب عن طارق وقيده بذكاء منه فابداً ماقدر يذب عليه بالتوفيق للجميع
ماشاء الله يا ثواب...عز الله انك خير سفير للسعودية في أمريكا الجنوبية وكل مكان تروح له هذا النموذج المشرف لابن القبيلة السعودي العربي كلام موزون واخلاق عالية واحترام للنفس خلا المذيع يحترمه فعلاً اللي يحترم نفسه يفرض على الناس احترامه...تحية احترام وتقدير لك
سبحان الله دخلت ابغا أشوف أي تعليق سلبي لهذا الرجل العظيم فلم أجد...! سبحان من غرس في قلوب الناس محبتك يا أخ ثواب والله إنك من أفضل المشاهير خلقاً أدباً ثقافةً علماً رجولةً بساطةً تواضعاً أنت باختصار عملة نادرة
احسن ضيف مر علي ولافيكم قصور بالضيوف الي قبل سائح يتوب عيني عليك بارده انسان طيب الله يوفقه يارب و يوفق الجميع المسلمين كل يوم تبهرنا يا ابو عبدالله مشكور علي برنامج حلوو اخوكم : حسن البيشي من الشرقية من محبين طارق شو ⚘
اقسم بالله أفضل شخص جاء البرنامج ولابيجي مثله ونعم الرجل شخصية وكاريزما وثقافة والحوار اللي طرحه المذيع ضعيف جدا وليس لديه إمكانية أو قدرة في طرح أسئلة للوصول لحوار قوي متعود المذيع على جو الطقطقة وهذا خطه يصلح لناس غير سائح تيوب بدون زعل ومجرد رأي غلطة أن ثواب أتى البرنامج لكن نستبيحه عذراً أنه يريد ظهور إعلامي أكثر
والله حسافة ان اللقاء يديره هذا الشخص الفاقد لفن الحوار وادارته وكان بالامكان ان يكون الحوار واللقاء هادف ومفيد جدا مع الجميل ثواب السبيعي ، كل ما حاول ان يعطي معلومه تدخل باسلوبه ( السامج )
من خلال متابعني له لأاكثر من سنتين . الرجل اسهم بالكثير في خدمة الاسلام والجاليات المسلمه ف كل الدول اللي زارها . والله يجعلها ف ميزان حسناته .... وعنده محتوى اثرائي رائع وفكاهي ايضاً . إلى الامام ياثواب الله يوفقك .
الله يكثر من أمثالك يا ثواب و يجزاك خير على كل اللي تقدمه لأنك رجل محتواه نظيف جداً و محترم و رزين و قليل في هذا الزمن من أمثالك في مواقع التواصل الإجتماعي.
بصراحه من أفضل مشاهير الوطن العربي أنسان خلوق متمسك في دينه وعاداته الطيبه.. نقل لنا ثقافات عجز الأعلام المحلي الهابط مع الأسف والأعلام العالمي عن نقلها لشعوبها الأخ ثواب أنسان راقي يقدم ماده هادفه أتمنى له التوفيق في حياته وأتمنى نشوف مشاهير سعوديين في المستقبل مثله
هذا الضيف اللي يرفع الراس هذا اللي يحتاج الدعم والشهره شخصيه مثقفه واخلاق عاليه ومحترم كل ما يقدمه رائع ومفيد ارفع لك القبعه واتمنى لك التوفيق والنجاح في اعمالك 👍🏻🇸🇦
