البل كلها مبروكه وزينه سواء عادية ولا مزاين لان ماكل من يربي البل لازم ابله تكون مزاين والبدو من اول كانت عندهم مواصفات ومتطلبات مختلفة بعضها عن متطلبات اهل البل الآن كانوا يحبون الجليلة والسنام ذاك الوقت ماكانوا يفضلون المنفهق ورا لانهم يركبون على البل ولايفضلون اللي طايحات سباله يبون اللي راسه مثل راس الظبي واللي جسمها ضخم ورقبته جليله واللي يبي يرد ع كلامي يروح ينشد الشيبان البدو ويشوف الصور القديمة لابل اهل الجزيرة العربية ماكانت المواصفات هذي اقصد مواصفات المزاين التالية موجودة واول من اهتم فيها الملك خالد رحمه الله ومن فحول ابله انتشرت السلالات اللي تحمل المواصفات الجديدة واغلبها تهجين مع ابل من سلالات دخيلة
الباكستانيه راسها ماهو راكب على الرقبه العربية (البدوية) منبت الراس مع الرقبة الملاحظه هذي هو المحك الحقيقي وقليل من يعرف الفرق . الباكستانيه دمها بارد وممشاها ثقيل والبدويه تفز لصوت راعيها وممشاها عجل وهميم