بروتوكولات الشحن السريع 2 

هو الجزئية دي مش هنكون مهتمين بيها في الكورس لان مش الهدف اني اتكلم في مرحلة الشحن ما بعد الشاحن، انا الهدف اني استخدم في الكورس الشاحن او الباور بانك في الاختبارات اللي هعملها واوري للمتابع ازاي يستفاد من الجهود المقدمة ويحوله لباور سبلاي دي سي، بالاضافة لاستعراض الأدوات اللي هستخدمها في الشرح والاختبار. مرحلة ما بعد الشاحن اللي هيا الموبايل فهديك نبذه سريعة عن اللي بيحصل، مبدأيا جهد شحن البطارية بيكون 4.2 ل 4.35 فولت علي حسب البطارية دي نوعها Li-ion Li-Polymer البطاريات الليثيوم أيون في العموم تقبل شحنها عند 1C أما بطاريات الليثيوم بوليمر فتقبل تيارات شحن تتخطي 2C وما فوق علي حسب قدرة التصنيع. وبالتالي انت في بطاريات الليثيوم بوليمر بتحشن بتيارات تفوق 6 أمبير علي حسب قدرة البطارية بالاضافة انها بطاريات بتتميز بخفة وزنها وكمان Discharging Rate بتاعها بيكون عالي كمان Charging Rate زي ما وضحتلكـ يبقي لما أقول ان عندي مثلا بطارية ليثيوم بوليمر في الفون سعتها 3Ah وقدرة شحنها وتفريغها 2C أي 2X Number of Ah يبقي البطارية دي ينفع تتشحن عند تيار 6A وبالتالي هتاخد تقريبا نصف زمن الشحن لو اتشحنت عند 1C. مابالك في بطاريات قدرتها أعلي من 2C فدي الفكرة بشكل عام. نيجي لجزئية هو الموبايل بيعمل ايه في الجهد العالي اللي بيجيله ده اللي هو في الشحن السريع 9 أو 12 أو 15 أو 20 أو اكتر. الموبايل اللي بيدعم الشحن السريع مثلا لو بروتوكول PD بيكون فيه USB PD Controller PD Controller MCU Switching Charger Controller بالنسبة للـ Switching Charger Controller فده بيكون معتمد علي CV, CC في عملية الشحن علي حسب البطارية في انهي مرحلة من المراحل اللي شرحتها في الفيديو الأول. بالنسبة للـ USB PD Controller فأحد الأمثلة شريحة RT7206 Controller ده أول حاجه بنعدي عليها لما بندخل لشحن الموبايل بعد كده فيه حاجه اسمها Sync Rectifier Controller وبعدها Flyback Controller وخلي بالك الموضوع طويل لان حتي الشحن فيه منه انواع Direct Charge Control PPS والموضوع يطول شرحة باختصار في النهاية دايرة شحن البطارية الموجوده في الموبايل بتخرج جهد شحن لشحن البطارية بجهد شحنها الطبيعي والتيار هو اللي بيكون عالي علي حسب Charging Rate وبيعمل CV & CC علي حسب احنا في انهي مرحلة ابحث عن المصطلحات دي لو محتاج تفاصيل أكتر انا ممكن اشرح الكلام ده بالتفصيل الممل بس انت عارف كويس ان المهتمين قلة دايما بمثل هذه التفاصيل ومثل هذه التفاصيل هتاخد ساعات من الشرح وانا بصراحة مش مستعد اني اعمل حاجه مش كتير يكونوا مهتمين بيها، اديك شايف اصلا كل لما ندخل في حاجه متخصصة تلاقي المهتمين قليلين، خير باذن الله ممكن تدور ولو وقف معاك حاجه اسالني وانا ابعتلك مصادر لو محتاج تفاصيل اكتر من كده.

أنا ثبت التعليق لانه فعلا سؤال يستحق الاهتمام باجابته ويتثبت بحيث لو حد حابب يعرف اجابة السؤال

بخصوص الكفاءة فبتتغير علي حسب عوامل كتير لكن في الغالب كفاءة الشحن بتكون من 89% وبتوصل ل 91% علي حسب عوامل بتؤثر علي الموضوع لكن متتوقعش ان هيكون فيه كفاءة أكبر من كده لان علشان ارفع الكفاءة انا هزود من تعقيد دايرة الشحن جدا وبالتالي هستهلك مساحة أكبر وتكلفة تصنيع أعلي وخلي بالك مهما حصل ففيه Power Loss في ال 3 جوانب أولا من جانب الشاحن ثانيا من جانب الكابل لان اي كابل مهما كان فليه مقاومة حتي لو صغيرة جدا بالمللي اوم لكن ليه مقاومة فبالتالي فقد برضه برضه دايرة الشحن فيها باور لوس ناتج عن عملية التقطيع

@@arafamicrosystems جزاك الله خيرا يا بشمهندس اجابه اكثر من شافيه وانا ان شاء الله هبحث في المصادر اللي حضرتك كاتبها وانا مقدر مجهود كتابتك للتعليق الطويل ده لانه موضوع مرهق اصعب من الكلام المباشر وانا معاك في جزئية ان المحتوي متابعينه قله بعكس المحتوي الاجنبي مع ان شرح حضرتك اسهل يكفي ان حضرتك مثل شرحت ال advanced arduino programing مش موجوده في اي محتوي تاني وحلقات كان متعوب عليها وحضرتك كنت سبب انك وضحت جوانب الواحد مكانش يعرفها زي التايمرات المختلفه والfuse bytes وغيرها الكثير لان قبلها الواحد مثلا كان بيكتب مثلا delay 150 وهو فاكر ان هي بتتم وخلاص الواحد بصراحه فهم وانا فوجئت ان الحاجات دي فادتني في تعلم برمجة الكمبيوتر لاني برضو تفاجأت ان الكمبيوتر ما هو الا ميكروكنترولر بامكانيات اعلي وده برضو جرأني اقرا الكتاب اللي كنت عامله عن ال stm ممكن تكون فيه حاجات كتير مش فاهمها بس مع التراكم بتلاقي نفسك فاهم مقدرين مجهودك يا بشمهندس والناس برضو محتاجه وعي في اوطاننا العربيه لان معندهمش اي معلومات عن embedded systems ولا ال electro mechanics ولا الالكترونيات وغير مهتمين للاسف مع انها مواضيع حتي ولو هتاخدها كتسليه فهي مسليه وبتساعدك تحل مشاكل حتي لو تخصصك مختلف شكرا مره تانيه لحضرتك

الموضوع مثير فعلا ​@@arafamicrosystems حضرتك تقصد عمل flyback converter انه هيخفض الجهد العالى اللى جاى من الشاحن لجهد شحن البطاريه + النزله دى فيها زيادة التيار وده الغرض اصلا من وجود ال flyback converter. وهتلاقيه برضه فى smps واللى بيختلف جذريا عن linear ps فى النقطه دي.. ف بتلاقي الباور و وزن الشاحن smps افضل بكتير جدا من linear

مش مهتم بأكونت لينكدان، لو فيه حاجه حضرتك تقدر تتواصل علي arafa.microsys@gmail.com

@@arafamicrosystems كنت عايز اسألك انا لو في هندسة انتاج هل تعلمي للامبيديد سيستم هيفدني وهل المصانع بتستخدمه ولا لا ولو لا هو مهندس انتاج ممكن يشتغل في automotive embedded system لو مستواه عالي في المجال لاني بذكره من سنتين ولا لا ؟ زي شركة فاليو؟ هو المشكلة المجموع مجبش ميكاترنكس

طيب بخصوص انك مهندس انتاج هل تعلم الامبيديد هيفيدك او لا، ففي نطاق المصانع اغلب التعامل في الكنترول هيكون كلاسيك كنترول و PLC ايضا VFD و controllers من نوع PID وغيره، الامبيديد هيفيدك في مجال الصناعة لو عايز تعمل حاجه بره الصندوق بمعني عايز تصمم PLC ودي حاجه مش هينه وهيقف قودامك عقبات كتير فيها لكن مع الصبر والاجتهاد ان شاء الله ربنا يوفقك، هيفيدك لو فيه ماكينة عندك في خط انتاج الكنترول بتاعها PLC وبيؤدي وظيفة بسيطة وحصل فيه مشكلة وعندك مساحة انك تعمل Design لوحدة كنترول باستخدام مايكروكنترولر مناسب للتطبيق وتعمل كنترولر يؤدي وظيفته، لكن كل ده بيتوقف علي مسئولياتك في الوظيفة بتاعتك علي حسب الشركة معيناك علشان تعمل ايه بالتحديد. بخصوص تتعلم امبيديد علشان تشتغل في مجال AUTOMOTIVE INDUSTRY بشكل عام طبعا هيفيدك لو بتتقنه وبتتعامل مع Protocols المناسبة في المجال زي CAN وغيرها من البروتوكولات بخصوص هل شركة زي Valeo ممكن تشتغل فيها لو بتتقن الامبيديد فاسال حد شغال فيها وتابع اعلانات التوظيف بتاعتهم الحالية والسابقة وشوف في Requirements بيكونوا طالبين خريجين اقسام معينة شوف قسمك منهم ولا لأ وممكن برضه تشوف شركة Leoni ده اللي اقدر افيدك بيه، اي اسئلة اخري ممكن تشوف حد شغال في الشركات دي او تنزل Internship فيها وتسال حد هناك