🔹🔹بريوش اخف من قطن 🔹🔹 كأس ونصف ماء دافئ 🔸4 م ك سكر عادي 🔸م ك خميره الخبز ممسوحة وفي صيف ديري م ص 🔸م ص قشور الليمون 🔸3 م ك عصير الليمون أو خل عادي وخلطي كل جيدااااااا حتى تتحل خميرة ثم 4 م ك فرينة وخلطي حتى تتحصلي علا خليط أملس ثم خلي خليط يخمار 15 دقيقة ثم زيدي منين ربع ونصف گاس زيت🔸بياض البيض 🔸م ص ملح وخلطي كل ولمي بي فرينة حتى تتحصلي علا عجينة رطبة تتلاصق شوي فيدك وخلي عجينة تخمار حسب الجو لاكن متخليش يخمار بزاف باه متفزدش عجينة 🔹🔹تشكيل بريوش 🔹🔹 كصري الخمور وأقسمي عجينة علا كرية 12 كرية ديري ماهم صغار لا كبار وجيبي كأس صغيرة نتاع كازوز وطبزي في نصف شكل حفرة وأدهني سطح بي صفار البيض مع شوي قهوة وديري في نصف شوي معجون مشمش ورشي بي كوكاو محمص ومرحي خشين وخليهم الفور يطيبو كيما يطيبو نحيهم وزينيهم بي معجون مشمش وعاودي عمري ثقب بي معجون أذا خرج ورشي بي سكر ناعم
مشكووورة 😍 حبيبتي يعطيكم الصحة كل شيء من يدك 🍯 🌹و دعواتكم خياتي لاولادي راهم مرضى بوحمرون لاقريب التهاب الاذن.... ان شاء الله يبراو و يجوزو الاختبارات ونصيحة خياتي تفيدكم في رمضان لكل عشاق الارز ان شاء الله تستفادو انا نشري كيس تع 25كلغ من عند ليقروسيست الحمد لله صرت فنانة فيه انوع فيه في كلللش 😁 و صرت حافظة كيلة الماء و هو لازم يتغسل 3من النشاء و يتشمخ نصف ساعة و كل كيلة ارز لازملها 2كيلات ماء و باش يجي مزربع لازم البصل يتقطع مايترحاش باش ما يطلقش المادة السكرية ديالو و لازم ليدام كي يطيب الارز مع دجاج مشحم او لحم غنمي بنتو و قوامو يكون احسن من كي يطيب مع الاسماك كل حبة تكون مزربعة و شاربة التوابل و قوامها متناسق و البطاطا نقليها في طنجرة بالغطاء ندير 1/3القدرة زيت و 2/3بطاطا معناها البطاطا تكون اكثر من الزيت و نغطيها كي تغلي الزيت رايحة تغطي البطاطا و نطيب كمية كبيرة في وقت قصير و ماتتوسخش الكوزينة و نقتصد في الزيت و البطاطا ماتشربش الزيت ... و مرحبااا بيكم خياتي عندي راني دايرة تحضيرات رمضان ماتراطوش العسل 🍯 القطايف قلب اللوز يهبببل مطلوع ناجح ديول السميد مشتريات بالاسعار...و نصيحة خياتي تحتاجوها في رمضان 🌹 اللي حبت تتحصل على مرقة بنينة يالوكان بكمية قليييلة تع لحم لازم تسبق تقلي اللحم و الدجاج هو الاول للاسف اغلب الاخوات يقلو البصل ثم اللحم و هذا يخلي اللحم يتغلى و ليس يتقلى و يتعسل و بنة المرقة البيضاء لازم تكون عاقدة .و ملعقة سكر تعطي ذوق مميز و اذا حبيتو تثقلو المرقة و ماعندكمش كريمة ذوبو شوية فرماج في مرقة سخونة او شوية فرينة في مرقة باردة .و اعقدوها بحبة بيض و معدنوس و عصرة قارص و ماتنساوش حبة فلفل حار خضرة تعطي بنة هبال .و نصيحة البنات البودرة تع الثوم اخدموها بزهرات الثوم اللي يجو من الفوق في الرزمة و الله خرجتلي كمية روووعة بالرزم تع العام ليفات و البسباس خبو الاصابع ديالو حطوهم في الحساء يطلقو البنة و الشبت ديالو ديروه في الاسماك المعقودة الغراتان المايونيز.....راهو كنز و اخدمو السمن تع الدار بالسفاق تع الخروف او السبك بشحمة الكلوة دوزنوها بالطبع و الشان و خلطو معاها سيقان المعدنوس و الشبت يبنن كااامل المراقي البيضاء....او سيقان القصبر و الثوم للمرقة الحمراء. و نصيحة خياتي بخصوص المطلوع كي تكسرو العجين 3مرات او 4 بدون تعب تعادل عملية الدلك و تتحصلو على خبز كي القطن .من بين محسنات الخبز هي الحليب اللبن الياغورت الجبن...الحليب البودرة.الرايب...كلها عبارة عن مواد دسمة و خماءر طبيعية...مغرف خل او ليمون تخلي الخميرة تتفاعل خير ...الماء الغازي تاني....ماء اللي غلات فيه البطاطا غني بالنشاء يعتبر محسن ....الزيت اللي قلينا فيه البطاطا يكون غني بالنشاء و اللي قلينا فيه المقروط غني بالسمن و اللي قلينا فيه ليبينيي غني بالخميرة...كلهم نقدرو نعجنو بيهم الخبز ...الخميرة البايتة و العجينة المخمرة 12ساعة في الثلاجة تعطيكم نتيجة روووعة ...زيت الزيتون يعطي قرمشة للمخبوزات...الزيتون الاخضر او الاسود اذا محبيتوش تاكلوه ارحوه مع اوراق المعدنوس و الشبت و اعجنو بيه يعوض الزيت....و الخبز الفارغ يحب الفورنو اللي يشعل من الفوق و من تحت في نفس الوقت يعطي نتيجة روووعة...و الزرارع انا ندير السانوج الجلجلان حبة الحلاوة زريعة البسباس زريعة الكتان الزقوقو...بذور دوار الشمس... ماتنساونيش خياتي بالدعاء و مرحبااا بيكم خياتي عندي راني دايرة عدة وصفات موسمية اقتصادية و صحية بزاااف و تحضيرات رمضان روووعة ماتراطوش🌹😘
اللهم صل وسلم وبارك على سيدنا ونبينا وحبيبنا وشفيعنا محمد صلى الله عليه وسلم تسليما كثيرا❤️ أستغفر الله العظيم الذي لاإله إلا هو الحي القيوم وأتوب إليه ❤️لا حول ولاقوة الا بالله العلي العظيم ❤️ربي لا تذرني فردا وأنت خير الوارثين اللهم أرزقني الذرية الصالحة الطيبة آمين يارب العالمين 🙍♂️🙍♀️